نوارة العميد سلطان

الحلقة 30

الحلقة 30

نوارة العميد سلطان
نوار خرجت من اللبيت و بدلت ملاحي و جيت هابط في الدروج رحت للبيت تاعهم و عيطت اسمعي يا رخيسة درك تطلعي للعند سلطان و تعترفي ولا اليوم موتك على يدي دزيت الباب بقوة و دخلت و هي كانت قاعدة على الحافة تاع السرير بديت نكسر في حوايجا الي كانو عند راسها و قشها و نفقولها يال سراقة هدو كامل شريتهملك و شراهملك سلطان وممبعد تروحي تسرقينا و تحصليها فيا اليوم نوريلك كون متعترلرفيش و لله ندبحك دمك حلال يا بنت رحمة حتى لقيتها طارت ليا و حكمتني من الشعر و تعيط امشي ماشي جية تحصلي فيا البلاوي تاعك يا سراقة تكشفتي اليوم عرفوك على حقيقتك لحت يدي باه نحيلها يدها من شعري الي حسيتها نحاتو في يدها شفت في الارض طايح بروش تاعها دايما تحطو في خمارها طحت بالوزن تاعي في الارض حداه و هي تجبد فيا حكمتو في يدي و زيرت عليه ووليت نحاول نتفك منها و هي تجبد فيا حتى ولات تسحل فيا في الارض ضربت عيني للباب لقيت حنين واقفة و تضحك عليا و محبتش تفرق بينانا حتى شفت رجلين سلطان جاي يجري ووموراه ماما حبيبة تلاح سلطان عصرلها يدها الي معمرة بشعري و بعدها عليا من قوة الدزة حتى طاحت في الارض وانا جبدني ليه و حضني باسنيب من راسي وقالي بالشوية عند ودني لقيتي واش قلتلك حطيت يدي في يدو و عطيتو البروش حكمو قالي متطلعيش ورانا وولا بعدني عليه و يعيط و يتوعد و يقول و الله كون تتعاود العفايس هدو في داري يديكم نكسرهم يا قلال التربية و يعيط و يعاير جبدتني ماما حبيبة و تحضن فيا وتحاول تكلميني و انا نرعش و ليت نبكي و هي تمسحي على شعري الي رجع كي القفة فوق راسي جيت نشوف مع سلطان لقيتو يتخنزر في حنين الي كانت واقفة ومحبتش تفرقنا قالها و انت وعلاش غير واقفة ومفرقتيهمش بقيتي غير تتفرجي فيهم هدا فيلم الله لاتبرحك انت تاني معاهم و يعيط درت لاية و قلتلها ان شاء الله ربي يكشفك و نرجعك للشارع منين جيتي جينا خارجين من البيت تاعها حتى سمعتها قالت بالصوت معلاباليش واش من سحور درتيه للراجل حتى ولا يحضن فيك قدامنها و يبوس في راسك دورت ليها قلتلها راجلي و هو حر فيا يحضني و لا يبوسني هو حر وانت واش حارقلك دمك خرجنا كامل من عندها سلطان طلع يجري في الدروج و انا رحت للكوزبنة مع ماما حبيبة نشرب الماء حتى سمعنا سلطان عيط انا تبسمت تلقائيا ودعيت ربي تتكشف الحقيقة طلعنا كامل انا و ماما حبيبة و حنين و اية دخلنا لعندو كان قاعد على الحافة تاع السرير وقف و قالي تاع من البروش هدا تاعك قلتلو لالا قالي خاطر مشفتوش عندك من قبل و حوايجك كامل شريتهملك انا و استغربت كي شفتو هنا في الارض طايح نطقت اية و قالت هدا تاعي دار ليها سلطان و قالها ااااا تاعك و من وقتاش هدا طاحلك من الخمار و انت ممعلابالكش قالتلو معلاباليش بلاك غير درك و لا كي ككنت نحوس على البرتموني تاعك قبل مانلقاوه قلها مستحيل يكون هدا وين طاح خاطر لقيتو كي طلعت انا قالتلو باين داتو نوار كي تدابزنا و حطتو هنا قالها نوار مطلعتش كي دابزتو خلاص قالتلو املا باين طاحلي كي كنت نحوس على البورتموني قالتلها ماما حبيبة بصح انت مطلعتيش خلاص كي بدينا نحوسو بقيتي تدوري غير التحت انا كنت واقفة تم الي حوسو الفوق هوما نوار و حنيبن قالت حنين صح نوار فتشت بيتها و انا فتشت بيت حبيبة هنا ولت هي توترت ولا تعصر في صباعاها و تتعلثم في الهدرة قالتلو معلابالليش قالها سلطان معناها انت طلعتي بلا واحد ماشافك قالتلو و هي تبكي لالا و الله ماطلعت هز راسو قالنا اخرجو كامل غير اية تقعد هنا خرجنا كامل و ماما حبيبة تضحك معايا و حكمتلي يدي من الفرحة وقفنا عند الباب و سلطان ورانا غلق الباب و اية مزالت الدخل
بقينا عند الباب وليت حطيت ودني حابة نتصنت جبدتني ماما حبيبة و قالتلي بالشوية عيب يا ماما تتصنتي عند البيبان قلتلها بالشوية لازم نعرف واش راح تقولو حتى لقيت ماما حبيبة هي تاني قربت و حطت ودنها عند الباب قالتبلها حنين واش التمسخير هدا نورمالمون تقوليلها متتصنتيش وليتي كيفها حتى لقيناها هي تاني حطت ودناها معانا و تتصنت سمعناها يقولها شوفي يا اية انا من الاول علابالي بلي نوار خاطي هي الي سرقت البورتموني و قادر نثبث الشي هدا عادي و بسهولة و علابالي انت الي ديتيها من الاول قالتلةو و هي تبكي و اللله و الله ماشي انا قالها سلطان اااااااااااااششششششششششششت متحلفيش بالكدب انت واش من معدن انت صح ظهرتيعرق دساس انتي كيما امك ميقرش فيكم الخير ولكان راح تبقاي تكدبي راح نجبد الفيديوهات من الكاميرات الي برا و تشوفي روحك و انت تحطي في السيارة البورتفاي و نشوفو تاني نوار و هي تهزها من وراك ولات تقولو بصوت متقطع كاميرااااااااا و سكتت ولات تشهق شفت مع ماما حبيبة و حركتلها شواربي كاميرااا بنفس الحركة تاعي قالتلي لالا مكانش كاميرا عرفتها بلي كدب عليها برك باه يخليها تعترف تبسمت و رجعنا نسمعو قالها انا في واش قصرت معاك و مع اختك من نهار جيتيو و انا نعاملكم كيما بناتي كل يوم نسقسي نوار و نقولها يحاسبك ربي كون يحتاجو حاجة ولا يسخفو على حاجة و متخبرينيش حتى المصروف الي نعطيه للنوار و حنين نعطيك انت و اختك نفس المبلغ و علاش حت ى تمدي يدك و تسرقي ولا متعرفيش الحرام ايه متعرفيش الحرام كون جات امك تعرف الحرام راهي علمتك هي يتيمة زعطتها للطريق و نفس اليتيمة دخلتك دارها و انت طعنتيها في ظهرها و قريب لصقتي التهمة فيها غير ربي ستر و تكشفتي حفرتي حفرة للنوار طحتي فيها صح الي قال ذيل الكلب عمرو و لا يتعدل و خيرا تعمل شرا تلقا و انا ميشرفنيش نخلي في داري نمادج كيما انت خاطر اليوم تسرقت و مرة اخرى واش راح تعملي املا امشي قدامي اول حاجة تطلبي السماح من نوار قدام العايلة كامل و تعترف قدامهم و تحكي كيفاش سرقتي و كيفاش عملتي وحصلتي فيها وممعبد كي الشاطرة تهزي قشك و ديراكت للميتم وتم حاولي تكبري راسك و متديري والو ولا راح يكون الشارع هو بلاصتك و الله مراني مامن بلي انتي اخت نوار انت حتى عينيك بنقطو بالسم كتابك باين من عنوانو و انا من نهار الي دخلتي للدار عرفتك حية و اشكالك فاتو عليا منهم بالالاف نوار تربات لا اب لام وراهي مربية وخلاقها عاليا اخرجي عليا احنا سمعناه قال اخرجي عليا هربنا من عند الباب فتح الباب و هي جاتني تبكي و تحاول تبوس راسي وتقولي سامحيني ياختي و الله ساعة شيطان و خفت من الفضيحة انا غاضتني وليت حضنتهتها سمعت سلطان قالنا كامل اهبطو لمنا كامل ووقفها قدامنا و قالها احكي و بدات تحكي و انا غير نشوف فيهم حالين فامهم فيها كملت و هي تبكي قالها سلطان درك لمي قشك نديك للميتم انا و حبيبة ............................ يتبع