نوارة العميد سلطان

الحلقة 11

لحلقة 11
نوارة العميد سلطان
سلطان طلعت للبيت و انا راسي بسيف نحرك فيه من الزعاف و القلق و الضغوط جيت نبدل قشي تاع حتى لقيت حبيبة دخلت لعندي و غلقت الباب و من عينيها مقلقة قالتلي سلطان واش بيك خليتي حتى نهار العرس و حايب تفشلني و تفشل الطفلة و تكسر فرحتها قلتلها لالا مصاير والو بصح بالزواج هدا الي حصلتيني فيه كيفاش خممتي فيه منين جاتك الفكرة انا معروف برزانت عقلي و هيبتي بين الناس حتى في خدمتي رجال يا رجال يتحيولي و يهبطو روسهم كي يشوفوني ولليت علكة في فم الي يسوا و ميسواش يقولو عليا و ليت مراهق نحوس نتزوج بوحدة صغيرة و تحطيت ستغليتها خاطر يتيمة هدا الموقف كامل تحطيه فيه بسبتك يا حبيبة قالتلي سلطان احنا حكينا في الموضوع هدا بزاف و انت بفمك قبلتي درك على واش تعاود في نفس الهدرة و ملقيتيش وقتاش تهدرها غير اليوم نهار العرس قالي موافقتش غير من كثرت الزن تاعك على ودني اتزوج اتزوج اتزوج حتى كرهت الدار من الهدرة هده باه نسكتك قبلت و خطوة حطوة حتى لقيت روحي غارق و حاصل قالتلي سلطان انت باين كاش واحد مسمعك هدرة تقلق وانا نعرفك موزون و عاقل علابالك القرار الي اتخدناه انا و انت هو الصح ومتخليش هدرة الناس تاثر عليك و تفسد فرحتنا و فرحت اليتيمة هديك قلتلها ماشي هدرة الناس انا قلبي ماشي مقتنع بيها وخلاص كوبي عليا الهدرة هده و ابعتي مهند يجيها و خليني نرتاح حتى نص ساعة
حبيبة محبيتش ناقشو بزافف هبطت لمهند هدرتلو راح مهند وعيطت للنوار قلتلها حبيبتي راهو جاي مهند يديكم قالتلي وعلاش مهند ماشي لازم يجي سلطان
نوار هي قالتلي يجي منهد و انا حسيت هده اول خيبة امل في الزواج هدا الي كنت فرحانة بيه و بدا الخوف يزيد في قلبي وليت ندعي في ربي ونقول ياربي متخيبش فرحتي وتحطمش احلامي و امنياتي حسيت روحي كذبت على روحي و قنعتها بلي سلطان مهتم بيا مشيت بخيبة امل بهديك لاغوب كنت فرحانة بيها لفلفوني في برنوس و خرجوني هزيت راسي شفت الانسان الي استبعدت نشوفو اليوم لقيت خالي برا يستنى فيا باسني من راسي وو قالي الف مبروك يا زينة حبيت نهدلو هدرة تبكيه بصح حكمت في روحي و خليتو يكمل يهدر قالي اسمحيلي يا حبيبة خالها و الله راني ندمان على الي صار كامل و الي درناه فيك زمان غير قوليلي واش نعمل باه نكفر على الغلطات الي درناهم في حقك و الله موليش نقدر نرقد ظميري يانب فيا وانا مقدرتش نامنو وكان كاينة حاجة في هدرتو تاع واحد ماشي ندمان و كانه يمهد باه يهدرلي كاش حاجة قاطعتو قلتلو خالي في جنازة بابا ربي يرحمو قلتلك سامحتكم دنيا واخرة و ادا عندك حاجة اخرى اهدرها خليني نروح الناس يستناو فينا قالي حبيبتي مكان والو بصح نتمنى متردينيش يا بنتي ولدي فاروق ندمان على عملتو معاك و من نهار شافك في الجنازة تاع المرحوم هبل عليك و قال كون متزوجش نوار عمري و لا نتزوج بغيرها وزاد هبل كي سمع بالخطبة تاعك ولا راح يقتل روحو و كان جاي ليك للميتم قال نجيبها بسيف عليها ولوكان متتزوجش بيا المهم تعيش هنا قدام عيني كذبنا عليه و قلنالو بلي انت بطلتي الخطبة تاعك وهو رجع عندو امل ولا يخدم ليلة و نهار ويلم في الدراهم و حبس الجياحة تاعو ورجع من خدمة للدار و الدار للخدمة حتى الصلاة واضب عليها بصح البارح سمع بلي كذبنا عله ولا في حالة يا بنتي و قال درك نروح للدار راجلها و نجيبها مستحيل نخليها لغيري و لوكان نقتلها و منخيهاش لهداك الشايب بسيف قنعتو بلي نجي و نهدر معاك و نقنعك باه ترجعي معايا و لا راح يجي هو و خايف يصرا مشكل بينو و بين سلطان تبسمت معاه باستهزاء و خيبة امل قلتلو و المطلوب مني واش درك نخلي عرسي و نخلي الناس الي فتحولي دارهم و قللوبهم و نجي معاك على الزوج كلمات الي هدرتيهم حسبتيني نتاثر بهدرتك واش حاسبني طفلة بهلولة واش كنتي تستنى كي تقولي هكا نتلاح نحضنك و نقولك هيا اجري اديني للفاروق الي حب يغتصبني و انا صغيرة و كامل طعنتيو فيا بصح ربي عوضني بسلطان و ماما حبيبة الي منسمحش فيهم للمامات خليتو واقف و ركبت مع مهند و روحنا للدار لقيت الدار معمرة غاشي و شطيح و رديه و الزغاريت داوية في الدار قعدوني في الصالون الي عاملين فيها ديكور روعة تاع عريس و عروسة لقيت ابنات تاع الميتم مساكن فرحانين عكس العايلة تاع سلطان الي اغلبيهعم مكشخين جات رشا مخلطة بكية مع ضحكة و تباركلي و تبوس و تعاود و تقولي و الله منتخيل حياتي بلا بيك شوية و جات ملاك اخت سلطان و ماما حبيبة و هوما يدعيو في ربي يبعد عليا العين وانا عيني غير مع ماما حبيبة محاباش نشوفها مكسورة وقفة صح تضحك و تحكي و تزوغرت بصح كاينة دمعة محجرة في عينها ولا واحد شاف معاها ولا واحد قدر يحي بيها جات ليا تحضن و تبوس و تبارك و تعدلي في لاعوب و ليفوال قربت ليا قلتلها ماما حبيبة انا بنتك ماشي ضرتك متبكيش يا ماما ربي يعيشك راني مقهورة عليك شافت معايا و هبطت دمعتها قالتلي ولا نهار راح نشوفك ضرة يا نوار انت راح تكوني بنتي برك بقات قاعدة حدايا و حاكمتلي يدي شوية و جاء سلطان ولات الزغاريت و يطيشو عليه في الحلوة وانا عيني غير مع ماما والي زاد قهرني غير نظرت سلطان ليا الي مفيها حتى اهتمام و لا اعجاب حتى كلمة تمنيت نسمع منو كلمة جيتي تهبل جيتي روعة خرجت عليك لاغوب بصح هو قاعد حدايا كي الصنم ................................ يتبع