نوارة العميد سلطان

لحلقة 21

لحلقة 21

نوارة العميد سلطان
نوار هو خرج حتى سمعت سناء قالت وين راح سلتاااااااان شافت معاها ماما حبيبة و هزت حاجبها بتشناف قالتلها معروض ناضت تضحك سناء قالتلها معروض ولا هارب قاالتلها حبيبة وعلاش حتى يهرب قالتلها سناء معلاباليش بصح من وجهو باين خرج زعفان قالتلها ماما حبيبة ههههههههههوكانها راح تتمسخر معاها واقيلا خاف خاطر انت هنا ههه احنا موالف معانا كل يوم و جامي يخرج كي شافك انت خرج هههههههههههههه زواقيلا راكي تخوفي هههههه وليت انا نضحك بالشوية الله عليك يا ماما حبيبة عطاتها قصف حتى سمعت سناء تعيط عليا و تقولي صح ماشي مربية علا واش تضحكي واش الي يضحك في الحكاية حبيبة مرت ولد خالتي و عشرة عمر و تضحك معايا و انت وعلاش تدخلي في روحك و تضحكي و تنوض ليها ماما حبيبة قالتلها واش وشسناء وعلاش تعيطي عليها ومن وقتاش انا و انت عشرة عمر طول عمرك و انت مكشخة فيا و انا تاني منحملكش وزيد حتى ولوكان ضحكت انت واش دخلك فيها تضحك تبكي راهي في دارها قالتلها سناء و انت واش وجعك عليها و علاش تدخلي في روحك سكتتهم ام سلطان و قالتلهم احشمو خلونا نتعشاو كي العباد كل مرة كيما هكا مشكل ماما حبيبة وكانو مصايروالو دارت ليا و تضحك و قالتلي علابالك يا نوار سلطان واش قالي قلتلها واش قالك قالتلي قال اجمل حاجة في نوار ضحكتها كي تضحك و تفرح نحس قلبي يضحك معاها تبسمت معاها وعرفتها حبت تستفز سناء قلتلها ه ايه قالي وكل يوم يقولهالي ههههههههه شفت مع سناء بطرف عين لقيتها وجها صفر ولامة شواربها تاع كون تحكمني و تحكم ماما حبيبة تقتلنمنا نورمال هي اصلا جاية ضخمة و مكياجها دايما اوفر و حواجبها تاتو يضهر من الصين عاقدتهم و تتخنزر فيهم نضت نهز انا و حنين في ماعن العشاء ومعانا ماما حبيبة تعاونا وحدة تغسل ووحدة تشلل وانا نخبي فيهم في بلايصهم كملنا جيت راح نطلع عيطتلي ماما حبية قالتلي حبيبتي متخلي حتى واحد يتعدى عليك و مترجعيش حقك من عندو خاصة هده سناء كون تشوفك ضعيفة تاكلك و تحقرك بصح رجعي حقك بطريقة لطيفة و لبقة باه ميقلبوش عليك الهدرة و يجعوك انت الظالمة و ممربياش كيما مثلا سناء اقتليها بالبارد قلتلها خلاص ماما عليا قالتلي درك اطلعي اتدوشي ولات ريحتك غير بصل و خيار و طماطم و استنايني في بيتك درك شوية نطلع عندي خدمة معاك حشمت منها وهي تتبسملي بخبث لطيف ههههههههه خليتها وة طلعت نجري تدوش و دخلت لبيتي لبست قشي شفت ماما حبيبة طولت جيت راح نهبط لقيتها طالعة اشرتلي تاع ارجعي ارجعي عاودت طلعت وة دخلت للبيت و هي دخلت ورايا قالتلي اااف بنات اخر زمن مبردتش حتى قالتلها خالتها اقعدي تباتي لصقة جامي شفت وحدة معندهاش كرامة قدها وليت نضحك على حركات و هدرة ماما حبيبة
نوار وقفت ماما حبيبة قدام خزانتي فتحت الباب تاعها حتى لقيتها جبدتلي غوب قصيرة فو ق الركبة حرير حمراء بلون الورد الجوري و ضيقة و مكشوفة على الصدر قالتلي هاكي البسيها فتحت عينيا على وسعهم و حليت فمو على الطول قلتلها اااااااااااااااااااااو الله نحشم مستحيل نلبسها قالتلي لالا مراحش تلبسيها قدامي راح تلبسيها لسلطان قلتلها ماما قدامك و نحشم نلبسها تحوسني نلبسها قدام سلطان قالتلي حبسي من العقلية هده انا تمشيت ورا الحشمة فسدت حياتي و حرمت راجلي من حوايج بزاف ولات هي تحلف و تقولي و الله غير تلسبها وانا نتمنع حتى في الاخير لبستهالي بطلوع الروح و قالتلي مراحش تبقاي بيها و حدها راح تلبسي الروب هدا فوقها و اغلقيه بالحزام و كي تجي راح تحكمي بلاصتك نحيه فهمتي ساع اقتنعت شوي صح كي لبست الروب هداك اسود دونتال قلتلها يا ماما هدا رجعها مكشوفة اكثر ضحكت و قالتلي هدا هو المطلوب ههههههههههههههههههههههههههههههههههههه وليت نشوف مع روحي في المرايا و الله من روحي و حشمت نشوف قعدت في السرير و قالتلي ارواحي هنا نهدر معاك رحت قعدت و انا راح نموت بالحشمة منها و نتخيل معاها هكا حشمت كيفاش مع سلطان و اللله نموت قالتلي متخافيش يا بنتي خدمي عقلك شوية معايا انا حابة سلطان يشوفك مراة ماشي طفلة صغيرة املا نوضي خليني نكملك قعدتني في لاكوافاز جبدتلي شعري و عاودتهولي بليبلاك كان طوييل يغطيلي ظهري و دارتلي مكياح روعة وراحت للبيت تاعها جابتلي ريحة باينة غاليا و حطتلي وقلتلي الريحة هده خليها عندك سلطان يحبها و تعجبو هدرتها وانا شفت معاها لقيت دمعة في طرف عينها انا متحملتش دمعتها وليت انا نبكي و هي تسكت فيا هدا هو الي كان مخوفني من الزواج هدا اني نكسرر قلب ماما حبيبة قالتلي حبيبتي وعلاش تبكي هاكي فسدتي مكياجك ولعبتها زعفت وولات تضحك معايا عاودت عدلتلي المكياج و قالتلي اقعدي نهدر معاك شوفي يا نوار بنتي انت يتيمة و اكيد واحد معلمك ولا ورالك و فهمك في الزواجح فياريت تعتبريني امك الحقيقية كيما انا حاطتك بنتي الحقيقية قلتلها انت اكثر من امي الي ولدتني نحبك يا ماما و الله قالتلي علباباي امالا اسمعي سنة الحياة و كل زوج يتزوجو راح يصير بيناتهم علاقة ....................................و بقات تهدر و تفهم فيا و هدرتلي حوايج مكنتش متصورتهم انو الزواج فيه الحوايج هدو كنت متصورة غير الرمنسية و البوس و تحضان و الكلام المليح كنت علابالي كاينة حوايج اخرين بصح ولا مرة تصورت يكونو بالشكل هدا وانا مكان عندي حتى اختلاط بالعالم الخارجي البنات الي معانا صغار قدي و الاغلبية اصغر مني قالتلي حبيبتي واش بيك خفتي قلتلها ايه قالتلي ماتخافي لاوالو شوفيني راني هنا قدامكو كل مراة متزوجة امك مرت باباك مرت خالك خواتات سلطان امو وكمل الي تزوجو عاشو الشي الي هدرتهولك كاملو اسمو العلاقة الزوجية الي بين الراجل و المراة ومنها راح تجيبو الاولاد و تديرو اسرة حبيتك تحطي في بالك الي راح يصير بيناتكم حلال و ماشي عيب ولا حرام مفيه لاحشمة لاخوف وبقات غير تهدر و تعاود و تنصحني حتى وصلت 12 تاع اليل سمعنا صوت سلطان يعيط على ماما حبيبة جات رايحة ليه فتح الباب و دخل بقا يشوف معايا من فوق لتحت و انا من الخزرات تاعو ولاو رجليا يرعشو مقدرتش حتى نوقف قد قد شفت معاه ليقتو هاز حاجبو و عينيه منحاهمش مني قالتلو حبيبة اهدر واش تحتاج قالها اااانسيت ارواحي نحتاجك شافت معايا و ضحكت و قالتلو ايه عندك الحق تنسى ربي يكون في العون شافت معاه و قالتلو هبط شوية حاجبك راهو وصلل لشعرك بالشوية على روحك يا سلطان خرج و هي خرجت ولراه قبل ماتخرج قالتلي كيما وصيتك و غمزتلي وخرجت و غلقت الباب ....................... يتبع