نوارة العميد سلطان

الحلقة 40

الحلقة 40

نوارة العميد سلطان
نوار قال نوار انت الوحيدة الي كي نشوفك نتحكم في اعصابي وانت مزالك صغيرة نهار تكبري تفهمي بزاف امور تم تعرفي درجة حبي ليك قلتلو بصح تحب ماما حبيبة وضربتيها قالي شوفي مهما وصفتلك درجة حبي و احترامي لحبيبة منوصلش للنص الحب الي في قلبي ليها بصح عدم احترامها ليا قدام خواتاتي الي انا بالنسبة ليهم كيما باباهم طيحت من قيمتي و قيمتها انا منحب حتى واحد يهدر من ورايا وموراها و يقولو سلطان مرتو تعيط عليه و تتحكم فيه و مرتو ماشي مربية و زعطت خوتات راجلها الي يجوهم غيرمرة في الشهر و ادا حاسبة الضرب الي ديه انت و هي ضرب انا بالنسبة ليا نش الذبان كون تشوفيني في تحقيق مع كاش مجرم خايف تهربي من الدار و تتخباي في ابعد كهف تلقايه قلتلو سلطان ربي يعيشك متخوفنيش منك و الله نخاف قالي نورمالمون كامل يخافو مني غير انت راكي وليتي انت النبض تاعي انت نور عينيا وقفت ليه و حطيتلو يديهاعلى كرشي وقلتلو انت وهدا هوما نور عينيا يا سلطان قالي واش راكي تديري ديجا انا بسيف حام روحي عليك و الله قربك ليا يخليني منتحكمش في روحي بعدت عليه و قلتلو حبس الطبيبة متحبش قالي ااااااااااااا يا طبيبة هده كرهتها قلتلو اصلا خلاص راني بالحمل متزيدش تتقرب ليا قالي هههههههههههههههه هده البداية ومزال مزال هههههههههههههههههههه و يضح قالي خافي مولاك و احكمي بلاصتك خليني نهبط السنيوة هبطها و رجع حضني و رقد نضت الصباح ملقيتوش رحت غسلت وجهي و وبدلت قشي و جيت هابطة نسمع في العياط و تاع ماما حبيبة و البكاء بالصوت هبطت نجري لقيتماما حبيبة قاعدة في الارض و حنين محظنتها و هوما يبكيو
وليت نبكي بلا ماعلابالي وعلاش يبكيو وليت رحت ليها نجري قلتلها ماما واش بيك و علاش تبكي قاللي وهي تبكي بالصوت راح سندي و سندك في الدنيا باينتي قلتلو شكون مفهمتش وليت نسقسي في حنين واش بيها ماما يا حنين اهدري قلبي راح يحبس حنين و هي تبكي سلطان لقاوه في سيارتو وراميين عليه بالرصاص وقالونا راهو مات و انا وليت نندب و نضرب في وجهي و نقولها يا ماما متقوليليش مات لا ممستحيل يموت و يخليني اهدري يا ماما ربي يعيشك اهدرولي وينو لازم نشوفو وهي تبكي ماما و تقطع في شعرها وتقولي مخلاونيش نخرج معلاباليش وينو ووووووووووووووووليت خرجت نجري للشارع حفيانة و راسي عريان نجري كي المهبولة لقيت الدنيا مقلوبة في الرومبوان رحت نجري بلا وعي لقيت الغاشي ملموم تم وليت ندز فيه كي المهبولة شفت السيارة تاعو وبابها مفتوح و الكرسي تاعو معمر دم و الزجاج تاعها كامل مكسر جتى الباب تاعها مخربة بالرصاص تلاحيت على الكرسي هداك و انا نبكي و نعيط بطول صوتي و الناس تجبد فيا وانا نقول وعلاش رحتي و خليتيني ووحدة المراة قالتلي شكون انت واش يكونلك الراجل هدا طحت في الارض و نبكي نقولهم هدا بابا و هو خويا وراجلي وحبيبي وكل اهلي محاباش نفقدو انا صغيرة بزاف باه يروح و يخليني مشبعتش منو مزال محتاجة حنانتو و حمايتو ليا لمن خليتيني علاه ياربي خليتيني في صغري وحدانية و زدتي ديتي سلطان شكون بقالي انا لمن نعيش ادي روحي متحتاجش نعيش بعد سلطان ولاو الناس يقولو مسكينة مرتو الجديدة هده مسكينة صغيرة لا حول ولا قوة الا بالله جيبولها عباية استروها حتى حسيت واحد غطاني بعباية و ليت نعيط و نقولهم وينو سلطان متقولوليش مات ربي يعيشكم و يعيشلكم كل عزيز على قلوبكم طمنوني على حبيب قلبي وليت حاكمة في رجلين وحد المراة و نقولها قوليلهم يهدرولي تحرق قلبي ولاو زوج نساء بسيف وقفوني و يسحلو فيا و انا نتعافر معاهم نقولهم خلوني نروح نحوس عليه علابالي راهو غير انا مستحيل يخليني و يخلي ولدو من وراه انا محتاجتو جيبوه ولا ادوني ليه قالي وح الشايب يا بنتي وعلاش تبكي كيما هكا مراهوش ميت صح مجروح بصح مزال حي متفاوليش عليه ادعيلو بالشفاء راهم داوه للسبيطار قلتلو عمو ربي يعيشك اديني ليه للسبيطار ربي يعيشلك ولادك قالهم ادوها للدار عيب تبقا هنا و الرجاجيل هنا ولاو يسحلو فيا سحل للدار تلاقتني ماما حبيبة و هي تبكي ولات تقولي لقيتيه ولا لالا قوليلي شفتيه حي ولا ميت مقدرتش نرد عليها جريت حضنتها و هي تاني حضنتني ووطحنا في الارض و نبكيو على ركايبنا مكنش ربع ساعة حتى لقينا الدار تعمرت نساوين لافامي تاعهم جيرانهم خواتاتو وكامل يبكيو و يعيطو و يندبو حتى لقيت سناء جات مقطع روحها و شعرها في السماء و تعيط جيبوه حاباتو جيبولي حبيبي سلطان قتلتو المنحوسة المسمومة وجه الفقر كيما ماتو امها و باباها وكلتلهم روسهم كملتها بحبيبي سلطان وتنوض ليها ماما حبيبة هزت كف و تعطيها دورتلها وجها وقالتلها براا اخرجي عليا منحتاجكش هنا امشييييييييي وولاتت عركة كبيرة بسيف حكمو عليها ماما حبيبة و سكتوها الي ولات في حالة هستيريا تعيط و تبكي و انا وليت غير قاعدة في الارض حاكمة كرشي و نبكي تفكرت كيفاش كان البارح معايا و هدرتو و وصفو لحبو ليا هزيت الصوت و قلتلهم جيبوووه جيبولي سلطاني ايامي معاه محسوبة مزال مشبعتش منو و اله ماترويت من حبو و حنانو و عطفو هو قلبي و بابا و خويا و راجلي هو اهلي محاباش نزيد نتيتم مرة ثانية و الله اليتم صعيييب جات ليا نوال و ماما حبيبة يسكتو فيا بقينا هكاك ربع سوايع موصلنا عليه حتى خبر و رجال خواتاتو مخلاو حتى وحدة فينا تخرج و تروح للسبيطار تسقسي وحد النص ساعة حتى لقينا راجل اختو ملاك جاء جرات ليه ماما حبيبة و ملاك ووليت انا وقفت روحي بالسيف ورحت معاهم قالنا ضربوه بثلاث رصاصات في ذرعين وزوج في كرشو و دارولو عمليات نحاولو الرصاصات و درك راهو احسن ولات ماما حبيبة تقولو احلف بلي راهو عايش قالها و الله عايش قالها لابصح حالتو ماشي مليحة خلاص قالنا الطبيب كي تفوت الاربعة و عشرين ساعة هدو وميمتوش معاناها راهو تخطى مرحلة الخطر بصح درك تحضرو لاي حاجة قادر يموت في اي لحضة راهو في الكومة ادعيولو بالشفاء خرج و خلانا خاطر هو بدات بكا انا ولات تتعاود في عقلي غير كلمة تحضرو للكلش قادر يموت في اي لحضة وليت نجري طلعت للبيت وهزيت حوايجو الي نحاهم هزيتهم نشم فيهم و نبكي وندعيلو بالشفاء ووليت نقول ياربي ادي روح الي في كرشي المهم ترجعلي سلطان عييت بل بيه منقدرش نعيش حطيت راسي على مخدتو و نشم فيها بقيت في الحالة هده حتى لليل و ماما حبيبة من السجادة تاع الصلاة مناضتش و هي تدعي و الدار فوضى بالحس و الغاشي حتى عود جانا راجل مهى وعاه مهند ولا مهند يقوللنا اسكتو الراجل راهو لاباس وعلاش تفولو عليه حررام عليكم ............................. يتبع