نوارة العميد سلطان

لحلقة 33

لحلقة 33

نواة العميد سلطان
نوار سكت سكت و قالي احكيلي درك كيفاش فوتيها عجبك الحال و لا لالا تبسمت قلتله ايه وحكيتلو كلشي بالتفصيل شاف معايا و قالي اااا درتي تغييرات نتمنى متكونيش فسدتي وجهك و شعرك و حواجبك قالي هزي راسك نشوفك الظلمة مشفتش مليح قلتلو لالا جيت هايلة و شعري روعة حتى ماما حبيبة قالتلي جيتي تهبل قالي ااااااا وعلاش انت ناقصك زين انت مليحة من عند ربي هبطت راسي حشمت منو قالي والي زاد هبلني الحشمة تاعك تزيد فيك النص اااه ياقلي حسيتو طاح في الارض هدا واش ناوي يقتلني بازمة قلبية وليت هزيت يديا نمس بيهم في خدودي شاف معايا وولا يضحك بطول صوتو وصلنا هبط هو دخل طول وانا موراه طلع في الدروج و انا رحت للكوزينة نشرب الماء حتى شفت واحد دخل عليا تم و ليت نعيط و نقول سررررااق سلطان اجري ليا قفز ليا و سدلي فمي بيدو و قالي اسكتي انا ماشي سراق و الله ماشي سراق بصح انت شكون قلتلو و انا نلهث انا نوار نواررررررررر انت الي شكون قالي ااااااااا انت مرت سلطان الثانية متخافيش انا ماشي سراق بصح صراحة متصورتكش هكا صغيرة و مليحة و كلشي فيك مليح و يشوف معايا من فوق للتحت حتى لقيت سلطان دخل وهو يهدر وباين خاف عليا قالي واش بيك هو شافو و هو عقد حواجبو و شاف مع الطفل و قالو واش راك تدير هنا ياعلي قالو علي مكان والو غير هي كي شافتني تخلعت حسبتني سراق دخل للدار هدرها و هو يضحك بصح سلطان مضحك لاوالو باين قلق منو و عيط عليا قالي هيا امشي قدامي ازربي قالو انت لعلي متسهرش بزاف روح ترقد ومشا وخلاه وانا طلعت نجري في الدروج دورت لقيت سلطان طالع ورايا انا دخلت للبيت و هو دخل ورايا و غلق الباب و حكمني من ذراعي حسيت صباعو تغرسو في لحمي قالي و هو ضاغط على سنانو و حال عينيه على طولهم قالي اهدري واش دارلك حتى وليتي تعيطي ممسكتش يخي مدارلك والو اهدري وليت خابيفة منو ووجعني في يدي نحاول نتملص منو قلتلو و الله مدارلي والو و الله انا ككنت راح نشرب و هو دخل انا خفت و عيطت حسبتو سراق هو سدلي فمي بيديه و قالي مرانيش سراق قالي انت شكون قلتلو مرت سلطان الثانية قالي مظنيتكش هكا مليحة و صغيرة قلتلو شكرا وخلاص والله و الله حكمني من زنودي في زوج حسيتو راح يطيرهم و هو يدي فيا و يجيب و يهدر بعصبية قالي شوفي رد بالك و حلي عينك تخرجي من بيتك و تهبطي التحت و هو هنا ومكان لاه نلقاك لابسة ليغوب الي مشبوحين الي على لاطاي ولا نلقاك خاجة من اليت و شعرك عريان لازم خمار فوق راسك و لوكان رايحة غير للدوش و الهبطة في اليل للكوزينة انسايها تحتاجي حاجة انا نجيبهالك وديجا غدوة نعملك الفريجيدا الصغير الي هنا باه متخرجي لاتهبطس
خلي حتى يروح فهمتي انا سكتت قالي فهمتي هزيتلو راسي بمعنى ايه و الدموع تلمو في عينيا مت بالخوف منو قلتلو وهو وقتاش يروح قالي سمانةو لا عشرة ايام طلقني و راح قعد على الحافة تاع السرير و جبد البواط تاعو تاع الدخان حط القارو في فمو و شعلو ولا يهدر وحدو قال الرخيس قالها مليحة و صغيرة و ياكل في القارو هداك ماكلة هدا كامل الحاجة الي لصقتو فيا تلصاق و يخبط في يو على الطابلة الي قدامو نطقت انا قلتلو وعلاش متحبوش واش عملك عيط عليا قالي عينيه يلعبو بزاف و بو نساوين ورخيس سكتت انا خفت نهدر حاجة اخرى ينوض ياكلني مشيت للخزانة جبت غوب تاع الرقاد وحبيت نخرج نروح نبدل في الدوش و نغسل عيط عليا قالي وين رايحة قلتلو للدوش نغسل و نبدل قالي روحي بصح ردي بالك تهبط من الدوش ارجعي هنا مباشرة قلتلو ايه و خرجت نجري رحت غسلت و بدلت و رجعت و هو لقيتو مزال كيما راه و يخربط في تليفونو و باين مزال زعفان رحت وقفت منين الخزانة وانا خايفة منو معرفت لا نقعد لا نرقد لا والو حايرة وواقفة قالي واش بيك واقفة قلتلو مابيا والو تبسمت معاه تاع الخوف حط تليفونو و قالي ارواحي رحت ليه جبدني من يدي وقعدني على رجليه في حجرو و قالي خفتي مني قلتلو بالشوية ايه وانا مهبطة راسي هزلي يدي وباسها من كفي و هز عينيه يشوف معايا دورت راسي محاباش نشوف مع عينيه خوفني قالي محايبش نخوفك و منحبش نظرات الخوف في عينيك قالي هزي راسك شوفي معايا هزيت راسي فيكسا عينيه في عينيا و قالي واش الزين هدا انت مليحة و زدتي جمال على جمال وين راح نخبيك من عينين الناس خايف كاش واحد يشوفك و تغريه بزينك قلت في قلبي يعني هدا هو كلام الغزل جمعت شوية شجاعة و قلتلو قلتلو يعني معجبكش شكلي قالي صراحة معجبنيش حليت عينيا وكمل هو يهدر قالي
بصراحة معجبنيش هبلتيني مخليتيش فيا عقل جيتي تهبل و هو يشوف معايا من فوق للتحت وحط يدو على خدي و يحرك في السبابة تاعو على خدي و قالي ولا شكلك جريئ تبدلتي خلاص هبطت راسي ووليت نبلع في الريق عاود طلعلي راسي وحسيتو قرب وجهي ليا اكثر و قالي قريب لوذني خممتي بموضوع الاولاد و لا لالا قالي بصح اذا مراكيش مستعدة مراحش نسيف عليك لحتى تكوني مستعدة قلتلو نتحشم منك قالي يعني تحشمي برك مني معندكش مشكلة اخرى هزيتلو راسي بايه قالي خايف تندمي على القرار تاعك قلتلو لالا منندمش قالي ساهلة لكان على الحشمة راح تروح مع الوقت وتوالفي بيا بصح المرة هده متهربيش مني و لا تقوليلي حبس كيما المرة الي فاتت وليت نرعش من ساسي لراسي قالي و الله ماقدرت نصبر و انا نشوف في الزين هدا كامل حلالي وانا غير نتفرج فيه صرالي كيما الي يخدم في العسل و ممنوع عليه يدوق قلتلو مفهمتش قالي ولا راح تفهمي هز يدي حطها على شواربو و باسها قالي مزال مقلتيليش مراحش تمنعيني كيما هديك المرة سكتت هزلي وجهي و قالي اهدري قلتلو ايه مراحش ..........حتى لقيتو نوضني من فوق رجليه و قعدني على السرير و بدا يبوس فيا من كل بلاصة و انا مغمضة عينيا من الحشمة قالي انساي الحشمة و ركزي معايا انا راجلك خلاص ملازمش تحشمي مني لهد الدرجة حاولت نبادلو القبلات كيما قالتلي نوال و فهمتني حالي لغوب في لمح البصر و انا منسجمة معاه حتى حسيتو تجرا اكثر حاولت ندزو بصح ميتحركش خلاص هو بدا ي........... و انا بديت نعيط حط فمو على فمي و يقولي اطلقي روحك باه منوجعكش هيا عمري حاب نملكك حابك تكوني تاعي انا نقولو حبس علاهههههههه حسيتو ولا كي الوحش خفت من عينيه و من افعالو بيا كمل و قالي اااه واش درتي فيا يانوار و انا وليت نبكي و نقولو بعد عليا كرهتك موليتش نحبك كرهتكم كامل كدبتيو عليا كلكم كدابين قالي حبسي العياط سمعتيهم علينا قلتلو بعد عليا حتى ماما حبيبة موليتش نحبها كدبت عليا ووليت نبكي بالصوت من الوجع الي فيا و حرقة قلبي حتى سمعنا الباب يطبطب قال سلطان شكون قالتلو انا حبيبة واش بيها نوار تعيط قالها مابيها والو وناض لبس سروالو و قالها ادخلي حبية شوفيها وقف معاها عند الباب يحكيو بالشوية هو خرج و هي دخلت كي شفتها دخلت جبدت الغطا عليا سترت روحي و حالتي حالة ودموعي عشرة على عشرة جات ليا باستني و قالتلي بالبراكة عليك حبيبتي و تبسمت معايا و الدموع في عينيها قلتلها بعدي عليا انت كدبتي عليا و كامل كدبو عليا ولات تضحك بالصوت قالتلسي واش الي كدبنا عليك الي صار كامل اليوم معاك انا حكيتهولك من قبل بالحرف قلتلها و انا نبكي لالا مقلتيليش هكا راح يصير فيا خلاص منحبش نزيد نشوفو كرهتو قولو يطلقني معجبنيش الزواج ماشي مليح و الله زادت في الضحكة تاعها و حضنتني وحطت راسي على صدرها و قالتلي واش الهدرة هده يا نوار الله لايجيب الطلاق بيناتكم و الي صار بينك و بين سلطان شي طبيعي و كامل فاتت علينا
حبيبة و الله علابالي فيك موجوعة و الوجع هو الي خلاك هكا حبيبتي و الله تفوت دايما المرة الاولى تكون هكا وممبعد تولي عادي و توالفي و هده هي سنة الحياة ودرك كوني شطورة و جيبلنا نوار صغيرة تنور حياتنا ولا حابة سلطان صغير قالتلي لالا محاباش وخاصة بعد الي صار محابتوش يتعاود وحاباش سلطان يعاود يجي عندي ربي يعيشك يا ماما و الله وليت نخاف منو خوفني و يقولي نحبك الي يحب ميعملش هكا في الي يحبو وليت نضحك عليها قلتلها خلاص منخليهش يجي عندك درك بصح حبيبتي متقدريش تمنعيه عليك هو راهو درك راجلك وانت حلالو وحرام عليك تتمنعي عليك ارتاحي ايام وراح تنساي درك نوضي دوشي و كيما علمتك ووريتلك قالتلي ايه بستها من راسها و خرجت
نوار خرجت ماما حبيبة وانا قاعدة ربع ساعة في بلاصتي ونبكي بسيف نضت نمشي حسيت رجليا وجسمي كامل مدقدق جبدت قش نضيف من الخزانة وخرجت رايحة للدوش لقيت سلطان في وجهي مع شفتو رجعت للبيت و غلقت الباب شوية وجات ماما حبيبة قالتلي ارواحي حبيبتي قلتلها لالا سلطان راهو عند الباب قالتلي لالا راهو دخل للبيت خرجت راسي من البيت شفت من ومن ملقيتوش بسيف وصلت للدوش و ماما حبيبة حاكمتني من ذراعي تمشي فيا دخلتني وغلقت الباب قالتلي ادوشي في عقلك كملت تدوشت ورجع للبيت لقيت ماما حبيبة بدلت الفراش و عدلتلي السرير رقدتني فيه و غطاتني و قالتلي ارتاحي رقدت جابتني الفنة لقيتها 12 تاع الليل هزيت التليفون بقيت نخربط فيه رحت نجبد الماء من الفريجيدار الصغير الي في البيت تاعي لقيتو معمر قاطو و جي و ماء فرماج ياوورت كليت قاطو و شربت جي و رجعت لبلاصتي لعبت بالتليفون حتى غلبني الرقاد وليت نحلم ووتعاود عليا الشي الي صار بيني و بين سلطان وندمت على الزواج بيه نت تاني نهار خرجت من البيت جعت حبيت نروح نتغدا انا هابة لقيتهم سلطامن وماما حبيبة طالعين وليت راح نعاود نطلع حكمتني من يدي ماما حبيبة و قالتلي حبيبتي عيب الي تديري فيه انا البارح فهمتك و قلتلك الي صار راهي شريعة و سنة الحياة و سلطان راجلك و من حقو عليك الشي الي صار و انا قلت بنتي عقلها كبير هكا راح تخليهم يقولو هده ذراري و حبيبة معرفتش تربيها و انا طول عمري نفتخر بيك و بعقلك وهو يشوف معايا وساكت تى سمعتو قالها خليها يا حبيبة براحتها متظغطيش عليها طلعت للبيتو غلقت على روحي الباب وحد الساعةلقيت ماما حبيبة جابتلي سنيوة فيها الغدا و قالتلي هيا تتغداي معايا قعدتني وولات توكل فيا بسيف و انا تسدت نفسي قلتلها ماما حابة نتطلق و نرجع للميتم قالتلي ولينا للهدرة هده يابنتي و الله عيب انا نفهم فيك و انت تعاندي فيا ونزيد نقولك بعد اي صار بيناتكم مستحيل سلطان يفرط فيك قلتلها المهم لابغا نقعد هنا منحتاجوش يجي عندي محاباتوش يعاود يمسني و لا يعملي الي عملو معايا البارح ربي يعيشك يا ماما و اله المرة هده نموت قالتلي قلتلك كامل صراتلنا و نسينها و رجعت ذكرى انت تانير راح تنسايها و العلاقة هده هي الي تقوي العلاقة الزوجية بين الراجل و مراة ة تزيد المحبة بيناتهم بقيت غير ساكتو و هي تهدر كملنا الغدا دات السنيوة و خرجت و انا عاودت حكمت بلاصتي حسيت روحي فشلانة حتى للعصر جاتني ماما حبية قالتلي نوضي حبيبتي متبقايش حابسة روحك في البيت راح تمرضي قلتلها مقدراش جات تمس جبيني لقات عندي السخانة قالتلي راكي في حالة جابتلي طاس تاع ماء و وفوطة غسلتنلي وجهي و جابتلي حبة دواء تاع السخانة و قالتلي ارتاحي درك نقول لسلطان يجيبلك الدواء عيطتلو قالتلي جيب الدواء لنوار راهي في حالة بالحمة وحد العشر دقايق انا مغمضة عينيا بصح مراقداش سمعتو جاء لبيت عملت روحي راقدة قالها واش بيها قالتلو حكمتها السخانة وقالت جسمي كامل يوجع قرب ليا و حط يدو على جبهتي قالها لازم ندوها للطبيب ولا السبيطار قالتلو لالا نشربوها الدواء كون مترتاحش عليه ندوها اهم حاجة يا سلطان اهتم بيها راهي خايفة منك موت حاول تنسيها في الي صار بحبك و اهتمامك بيها قالها ربي يقدرني ان شاء اللله و الله تكسر خاطري عليها و انا الي ندمت كي مسيتها مكانتش علابالها بلي العلاقة اول مرة توجع للدرجة هده حسيت روحي اجرمت في حقها قالتلو لالا بنتي ماهيش صغيرة وهي خافت و الخوف في الحالة هده طبيعي متلومش روحك يا سلططان هي عقلها كبيروراح تتفهم ................................ يتبع