الحلقة 50
نوارة العميد سلطان
نوار يا ماما ربي يعيشك قوليلو يطلقني محاباش نقعد معاه كرهتو عذبني ونهدر و نبكي وراسي يوجع فيا من الظرب و البكاء قالتلي يا بنتي كون يطلقك الي في كرشك شكون بيه قلتلها هو اصلا زعطني من الدار و الي في كرشي ادا عاش ومماتش الي في كرشي عندو ربي سبحانو الي خلق عمرو لا يضيع راح نروح لدار بابا و نكري الحانوت تاعو و نعيش انا وولدي بدراهم الكرا حتى نهار يفرج ربي بصح محاباش نقعد هنا قالتلي يابنتي انا مراحش نقولك انت غالطة بصح سلطان معدور بعد الي شافو و الفيديوهات و الصور الي لقاهم مبعوتين من تليفونك للراجل غريب يشوفهم و معلابالناش شكون تاني شافهم وحتى لاقي ليميساج من الواتساب تاعك لهداك الرخيس شكون الي يقعد فيه عقل الراجال ميتحملوش كيما احنا واش حابتو يدير وهو علابالو بلي تليفونك واحد مايمسو غيرك وجامي خرجتي ولا رحتي ضيفة حتى جامي تودرلك ولا واحد داه و استعملو من غيرك وياريت حكيتيلي من الاول كون هدا الشي كامل مصارش ولا كنتي راح تكوني بهدا الحال وليت نبكي بالصوت و نقولها مقدرتش نحكي قلتلك كنت خايفة خفت و خوفي كان في محلو شوفي واش دار فيا يا ماما هدا ماشي انسان هدا حيوان وحش قلتلي اصبري نجيبلك تاكلي حاجة و لوكان ماشي على خاطرك على خاطر المليكة الي في كرشك جابتلي ماكلة وحاولت توكلني مقدرتش حتى نبلع لقمة وحدة و هي تسيف عليا حتى تقلبت كرشي والي كليتو تقييتو والوجع مخلانيش حتت نوقف وليت ماما قعدتني وعيطت لحنين تعاونو فيا و داوني للبيت جابت ماما زيت زيتون دفاتو وولات تمسد فيا و تقرا في القران سبحان الله الانسان مع يسمع صوت القران يحبس كل الوجع خاصة وجع الروح حتى رقدت شوية و سمعتو دخل يعيط عليها غمضت عينيا من الخوف منو خفت حتى نتنفس و هو تم قالها اهبطي جاونا الضياف عمومي و خوالي طيبيلهم العشاء وحظريلي كفن نبدل قشي ونهبط للضياف كان هو لابس اللبسة تاعو تاع الخدمة
قالتلو ماما حبيبة بعيد الشر عليك قالها ياريت مت و ارتاحيت منكم قربت ليا ماما حبيبة و مسحت على شعري و قربت ليا بالشوية قالتلي حبيبتي نهبط و نعاود نجيك هكا عمري هزيتلها براسي بالشوية خفت يشوفني خرج هو راح للدوش و هي جبدتلو قشو داتهولو للدوش و هبطت هوما راحو وانا زاد عليا الحال بالبكاء ووليت نرجع في الذكريات تاع حياتي حاولت نعرف شحال عشت فيهامن لحضات سعيدة لقيتهم يتحسبو على اصابع اليد الوحدة ام كمية الوجع و البكاء و الضرب بلا حساب وليت نقولو ياربي اذا خلقتني باه نتعدب متخلينيش حية انت احن واحد عليا هزني بالموت ولا بالحياة يا تديني عندك يا تجيبلي سبب يخرجني من الوضع الي راني فيه ووليت نخمم ونحاول نعرف شكون الي عمل فيا العمايل هدو يعني ممكن تكون سناء ولا وحدة من بنات منى و مها بصح هوما واش عرفهم بمرتضي
فاتت وحدة الساعة ونص حتى لقيتو يعيط و دخل عليا وهو يعيط و يقول الله ياخدك ونرتاح منك الله يلعن النهار الي عرفتك بيه و تزوجت بيك هدا كامل بسبت حبيبة وجوه الفقر انت وهي وجرا ليا جبدني من الشعر ويجر فيا و يخبط فيا بالكفوف ويقولي خليتيني مهبط راسي قدام عمومي وخوالي كي لقح........ومنقدرش حتى نهدر خليتي راسي في الطين يا فرخة تجي انت اخر عمري و تكسري ظهري و توسخي سمعتي واسمي بين الرجال انا سلكان الي طول عمري الناس تحلف بسمي و يظربو بيا المثل في رزانة و الشرف اليوم سودتيلي وجهي و يضرب فيا انا مقدرتش اصلا نقاوم و هو يهز فيا و يخبط وكمل يهدر يقولي ولاو الرجال يعايروني بيك ومدي طفلة قد ولادك وانت لراجل قد الجبل ومرتك تلعب على حل شعرها و تقابل صحابها وانا راقد على وذنيا بصح الوم ماشي عليك اللوم عليا انا الي امنتك و انت قد يدي وحسبتك مراة ليا انا الي راسي شاب حبيبت وحدة متسواش بنت الكلب قح........ وانا كي الميتة بين يديه هزني من رقبة لاغوب ولاحني كي الشليقة في الارض حتى دخلت علينا ماما حبيبة وولات تدز فيه ومهند معاها يجبد فيه بالقوة مقدرولوش وجهو احمر و الدم من خشمو يسيل ولاو حوايجو كامل دم ولا مهند دفعو بكل قوتو وهو يقولو امشي حايب تقتلها ديجا ادا مامماتش في اللحضة هده تمنيت نموت ووليت نتحسر على الايام تاع الميتم صح مكانش عندي اهل ومحرومة من الحنان و الحب بصح الحرمان هداك ولا جحيم تاعو والمشاكل الي يطيحو عليا من حيت لا اعلم خرجو منهند جات حنين داتني للبيت تاعي بقيت للصباح وانا نتوجع مقدرتش نرقد من الوجع و الخوف خايفة في اي لحضة يعاود يجيني عاودت جاتني حنين و شربتلي الدواء تاع السطر وبقيت النهار هداك كامل و انا هكاك مارقدت ولا شفت الرقاد وهوما رايحين جايين عليا يطمنو عليا قالتلي ماما حبيبة ارواحي نديك للطبيب نطمن عليك كاشما عندك كسور و نشوفو البيبي كشما صرالو محبيتش نروح فتو ثلاث ايام و انا عايشة في كئابة و غير نيكي حتى الماكلة الي ناكلها نتقايها نشرب غير الماء ومنخرج لاوالو من بيتي وجهي زرق و عينيا وارمين من الضرب و البكاء
ومحبيتش نسقسيهم لا على مرتضى لا على الصور ولا على اي حاجة اصلا موليتش نهدر تبكمت خلاص حتى زاد فاتت سمانة تحسنت حالتي سقسيت ماما حبيبة و حكاتلي واش صار كي عيط سلطان لهداك الراجل و قالو جيبلي معلومات على مول الرقم هدا وهداك الراجل جبد كلشي على مرتضي الي اسمو مكانش اصلا مرتضي كان اسمو سمير جابو العنوان تاعو و عنوان وين يخدم لقاوه هارب باين حس بلي تكشف رحو لدار باباه قالولهم عندو اكثر من سمانة هرب في وحد الليلة بلا مقال والو ولا خبر واحد وين رايح ولا وقتاش يرج حتى في خدمتو مزادش رجع كان هارب وخلا كلشي وراه سلطان عاود جبد لابيس تاعك و لقا الصور تاعك و تاع البنات مرسولين من عندك علابيها رجع هكا و ضربك و سلطان مزال يحوس عليه حتى على اهلو ضغط عليه و ظهرو معلابالهمش صح وينو اما اهل سلطان و نسابو و خوالو عمومو سمعو بلي انك تحبي واحد و تضلي مرندفة معاه وانت في رقبة سلطان وولاو يعايرو فيه و قالولو لازم تطلقها و ثقلو عليه بالهدرة و ولا يستفزو فيه و هو ملقاش واش يهدر في الجماعة وقالهم نستنى فيها تولد و نطلقها بعد مانعمل تحليل للبيبي ونشوفو ادا تاعي ولا جابتو مع واحد اخر وادا لقا البيبي تاعو راح يطلقك و ينحيهولك لانه ميشرفوش وحدة ساقطة و بنت شوارع تربي ولدو ماما قالتلي يا بنتي اصبري و اله تضهر الحقيقة متخافيش وة انا علابالي فيك بلي طاهرة و شريفة و لا ماتضهر الحقيقة قلتلها بعد واش تظهر الحقيقة حتى تعدبت و تهنت و تطعنت في شرفي بصح يا ماما نهار تظهر الحقيقة مستحيل نبقا هنا لازم توقفي معايا و تخليه يطلقني يا ماما مستحيل نعيش معاه زاد فاتت سمانة اخرى حسيتها عام ماشي سمانة وسلطان ماشفتو لا شافني في المدة هده قررت نهبط لتحت ونوجه انا مدرت والو باه يطعنو في شرفي بدلت و هبطت لقيت خواتات سلطان كامل تم و معاهم سناء هوما شافوني وبدا ويهدرو ويقولو وجها صحيح ومزالت تقابيا بنت الحرام ام الرجاجيل الخامجة بنت الحرام قربت ليهم قلتلهم انا اشرف منكمقربت ليا منى و قالتلي مزال تخهري على الشرف وجات راح تضربني دزيتها و قلتلها ردي بالك تهزي يدك عليا حتى لقيتهم هجمو عليا وولا يضربو فيا سناء و منى ومها طحت في الارض و نعيط بطول صوتي ونحاول غير نخبي كرشي سناء ولا تحاول تظربني برجليها للكرشي حتى جات حنين تجري و الحاجة ام سلطان حنين تدز فيهم و تقولهم كون تصرا للفي كرشها حاجة و الله سلطان يحرق الدار بيكم قالتلها سناء وين علابالنا ادا ولد سلطان ولا ولد صاحبها ويت وقفت وراح نهجم عليها معلاباليش منين جاتني القوة ولات حنين حاكمتني و تقولي خليك منهم اطلعي لبيتك و ام سلطان تندب في وجها و تقولهم راح تقنتتلو حفيدي في كرش امو و الله يجي سلطان نهدرلو وولات تقولي وعلاش هابطة كون قعدتي في بيتك قلتلها وعلاش نتخبا و انا مدرت والو ووليت نوكل في ربي عليهم و نبكي بالصوت حتى لقيتو دخل و قالي ياحيوانة مزال تهدري و تعلي في صوتك علي الحاجة حتى لقيتو تلاح لشعري و يجر فيا وراها وانا وليت نوكل في ربي عليهم و ندعي فيهم ونقولهم و الله مانسامحكم كيفاش تقابلو ربي و انتم تعدبو فيا هكا حسبي الله و نعمة الوكيل فيكم ................... يتبع
أنت تقرأ
نوارة العميد سلطان
Roman d'amourفتاة يتيم يتم رميها في الميتم من طرف ابيها بعد سنوات تفتح لها باب الحب من شخص يكبرها عشرين سنة فكيفة تكون النهاية
