نوارة العميد سلطان

لحلقة 34

لحلقة 34

نوارة العميد سلطان
نوار بقاو يحكيو و انا نسمع فيهم حسيتو قعد على الحافة تاع السريرو قال لماما حبييبة روحي انا نهتم بيها خط يدو على خدي و يمسح عليه بصبعو قالي بالشوية نوار حبيبتي نوضي اشربي دواك فتحت عينيا بسيف جات عيني في عينو دورت وجهي و قالي نوضي اشربي الدواء عدلي المخاد الي مورا ضهري و حكمني من خصري و قعدني فتح البواطة تاع الدواء عطاني حبة وكاس ماء شربت و انا نرعش وبعدة عينيا عليه محاباش نشوف معاه قالي نوار شوفي معايا علابالي بيك مقلقة مني و خايفة و عندك الحق بس انا و الله ماقصدي نوجع و لا نضرك ولا نخوفك دورل وجي بيديه و قالي اسمعيني الله سبحانه و تعالي يقول بسم الله الرحمن الرحيم ((ومن اياته ان خلق لكم من انفسكم ازواجا و جعل بينكم مودة و رحمة )) و يقصد بالاية الكريمة هو الزواج مايتمش لا بالطريقة هده و المودة و الرحمة تقوي من العلاقة بين الراجل ومرتو و قالي الله تعالى ((هن لباس لكم و انتم لباس لهن )) وحتى الاية هده فيها بزاف معاني ويقصد بكلمة اللباس معناها حاجة ملموسة و مادية ومنها معنوية و هي العلاقة الحميمة الي بين الرجل و المراة و هده العلاقة راح تحافظ على المراة و على الراجل من الانحراف في طريق الحرام وعلابيها الله حلل الزواج و حرم الزنا و الفاحشة و انا كي نقرب ليك راح انت تحميني من الوقوع في الحرام و انا تاني نحميك من الوقوع فيه و حرام عليك تعارضي الامر هدا وتمنعيني عليك بصح راني عادرك خاطر انت صغيرة و متعرفيش واش معنى واجب و انا راح نصبر عليك و نعلمك و نوجهك احسبيني اب قبل مانكون زوج هبطت انا عينيا جبدني ليه و حطن راسي على صدرو و قالي متكرهينيش و متتقلقيش مني و الله لوكان جات بيدي مناذيكشوولا يمسحلي على راس و يبوس في شعري و راسي غمضت عينيا رغم انني مقلقة منو و خايفة بصح حضنو حسسني بالامان شوية و قالي هيا نديك للسبيطار ولا للطبيب يديرولك ابرة ترتاحي بالخف هزيت راسي و قلتلو لالا نخاف من البرا ضحك و قالي تخافي منها قلتلو ايه محاباش نروح قالي خلاص منديكش بصح لاوم نشربي الدواء و تاكلي مليح راني خارج لازم كي نجي نلقاك ارتاحيتي و لا راح نديه للطبيب هههههههههه حطلي راسي على المخدة و باس راسي وخرج شوية جات ماما حبيبة عملتلي كمادات وجابتلي ماكلة قالتلي حبيبتي كولي باه ميضركش الدواء في كرشك قلتلها و الله مانقدر قالتلي حتمي و الله بلا ماكلة راح تزيد حالتك بسيف وكلتني و شربتلي الدواء وحد النص ساعة لقيت روحي مليحة وحبستلي السخانة و الرجفة هديك لبست حوايجي و هبت للتحت لقيت سناء قاعدة حدا الحاجة ام سلطان عيطتلي الحاجة قالتلي ارواحي يابنتي واش بيك يا نوار تبسمت معاها كلتها لاغريب بصح درك راني مليحة قالتلي سناء واش بيك مزال متعرفيش تلوحي السلام قلتلها ماعلى المريض من حرج مشفتكش مزالني دايخة لقيت ماما حبيبة جايبتلي كاس جي و قالتلي اشربي عصرتهولك جديد الفيتامين سي يقويك و ينشطك
احنا هكا قاعدين و ماما تنشع في سناء كل ماتهدر تسكتها حتى لقينا مهند دخل و معاه ولد خالتهم علي لا حو علينا السلام و رجعناهلهم قالي مهند واش احوالك يا ام الخلاابيط وجهك صفر قلتلو مريضة شوية قالي ربي يشفيك قلتلو يسلمك يا بو شعيط هههههههههههه ناض علي يضحك قالنا و اش الاسماء هدو جات حنين جابت لاتاي شفت مع مهمند بقا يتخنزر معاها وعملها براسو تاع روحي من هنا دورت وجها عليه و راحت و رجع هو يضحك و يحكي معانا وصل وقت المغرب راحت الحاجة تصلي و سناء قالت لمهند يوصلها و ماما حبيبة راحت للكوزينة تطيب العشاء مع حنين بقيت غير انا و علي في الصالون تاع الدخلة بقيت هازة تليفوني و نخربط فيه و هو تاني بح هو يتفرج في فيديوهات و يضحكنطق ماعايا و قالي نوار شوفي شوفي و قرب لعندي و قعد على الحافة تاع الفوتاي وبدا يوريلي في الفيديوهات تاع الحيوانت تاع اضحك قلتلو ابعتهملي في تليفوني قالي اعطيني الرقم تاعك نبعتهملك في الواتس اب عطيتو الرقم و بدا يبعتلي ولا يوريلي و انا وليت غير نضحك قعدنا قريب نص ساعة و احنا هكا حتى لقيت سلطان دخل هو شافني قاعدة معاه و الجنون ضربوه جاني كي الاعصار و مزير على شواربو و بسيف يخرج في الكلمات من لينار الي حاكمو يجري قالي واش راكي تديري هنا قالو علي كانت تتفرج معايا في فيديوهات تاع الضحك انا من الخوف منو مقدرتش حتى نرد عليه عمل روحو مسمعش هدرة علي و قالي نوضي ماشي راكي مريضة اطلعي الفوق ترتاحي نضت جيت رايحة قالو علي خليها تقعد راهي تقلق وحدها الفوق دورت شفت مع سلطان حسيتو قريب يتلاح لعلي يقتلو قالي واش راكي تستناي امشيي اطلعي الفوق بالصوت هربت نجري من الخوف محسيتش بالمرض لقيت ماما حبيبة جاية تجري من الكوزينة قالتلو واش كاين ياسلطان قرب ليها و حكمها من زندها و قالها كيفاش تخليها وحدها قاعدة مع هداك الحيوان واش وصيتك ياحبيبة قالتلو كانت مع مهند و سناء و الحاجة خليتهم ورحت للكوزينة قالها و هو ضاغط على سنين بسيف يخرج الكلمة قالها ماشي عدر وين تروحي اديها معاك مدام راهو هنا منحتاجوش يشوف خيالها سمعتي دار ليا و قالي وانت واش فهمتك و علاشس تكسري كلامي يانوار قلتلك متهبطيش اقعدي الفوق حتى يروح المصيبة هدا متخلينيش نتعامل معاك بطريقة اخرى متعجبكش دزني من طريقو وطلع لفوق قتالتلي ماما حبيبة متزعفيش يا نوار والله هو وصاني عليك و على حنين متقابلوش علي و انا تلهيت عليك قلتلها و انا خايفة قلتلها و الله مادرت والو والطفل كان مؤدب معايا و قالي والو كنا قاعدين نتفرجو في فيديوهات و نضحكو قالتلي معليش حبيبتي انت مازلتي صغيرة و متعرفيش و سلكان يحبك و يغير عليك منو علابالو بيك بوبنات و نسوانجي درك اطلعي عندو و اطلبي السماح من راجلك قلتلها ايه طلعت لقيتو في بيت تاع ماما حبيبة يبدل في قشو جيت وقفت عند الباب و هبطت راسي لانه كان مني التريكو ولابس شورط جبدني لعندو و غلق الباب حصرني في الحيط و طلعلي وجهي بيدو و بقا يشوف معا عينيا قالي نوار ردي بالك نزيد نلقاك قاعدة معاه وحدك او قدامهم منحبش يوف خيالك سمعتي قلتلو ايه اسمحلي و الله ماقصدي بصح هو مقالي والو غيرورالي الفيديوهات تاع الضحك هز يدو و مسح وجهو و قال اللهم اعطيني الصبر ياعمري انا نعرفو اكثر منك عينيه يلعبو بزاف و خفيف قلتلو خلاص كيما تقول انا نفذ قالي ودرك واش احوالك ارتاحيتي شوية قلتلو الحمد الله خير من الصباح قالي قادرة تخرجي معايا نتعشاو برا حشمت نقولو ايه خاطر قلقت و حابة نبدل الجو قلتلو كيما تحب انت قالي ها روحي بدلي قشك ندوش و نروحو جيت رايحة جبدني قالي و متعطيني والو قلتلو واش نعطيك حط يدو على شواربي و قالي بوسة هبطت راسي ووليت نعصر في صباعي من الخوف دزنبي مع الحيط و قرب ليا حصرني و انا قريب نبكي قالي متخافيش و الله بوسة برك قلبي محروق عليك يا نوار واش درتي في ويمسلي في خدي يبدو قالي شوفي معايا شفت معاها لقيتو مركز مع شواربي و انا لااراديا غضيت شاربي التحتاني قاي بالشوية العفسة هده الي تخليني نهبل و بدا يبوس فيا حبيت نجبد راسي لاح يدو ورا رقبتي و يبوس فيا بقوة كي شافني داق فيا النفس بعد و وقالي وعلاش خايفة
قلتلو ربي يعيشك بعد عليا غمض عينيه وفوت يدو على شعرو و قالي روحي بدلي و ربي يعطيني الصبر راكي شعللتي قلبي يانوار بسيف حاكم روحي عليك امشي من قدامي قبل مانعمل حاجة اخرى رحت نجري قريب نسيت الطريق لبيتي
رحت لبست بزربة و درت مكياج كي خرجت عندو لقيتو يحكي في التليفون متولهش مع وجهي كوبا التليفو ن شاف معايا قالي واش راكي دايرة في وجهك روحي امسيحيه رحت نجري لبيت وقغدت على الحافة تاع السرير حتى لقيتو ولا يعيط عليا خرجت ليه قالي ماشي قلتلك اغسل وجهك وعلاش مغسلتيش و بقيتي في البيت داني للدوش وقف على راسي قالي خفي امسحي الخالوطة فالي في وجهك غسلت و انا منارفية منو مسحت وجهي قالي هيا مشا هو قدامي و انا وراه قلت في قلبي واش بيه هدا على شوية مكياج قريب كلاني رحنا للروسطورون قعدنا بقيت ندور في عينيا و نشوف مع البنات و النساء الي تم طالقين شعورهم و مكياج و الحطة الله الله و يضحكو و يتمسخرو و انا تقول عليا هربت للغسال قالي واش بيك وعلاش مراكيش تاكلي قلتلو مقادراش قالي وعلاش حتى مقادراش واش بيك يا نوار قلتلو والو حابة ترجعني للدار قالي استغفر الله والله مراني قادر للتفاهات تاع الاولاد الصغار ولا ياكل و محبتش يشوف معايا كمل الماكلة تاعو و تاعي حطهال اومبورتي و انا غير حاطة يدي على خدي و نشوف مع البنات الي تم حسيتهم ملاح و هما محطحطين حيت بروحي قدامهم باشعة حتى لقيتو قالي هيا امشي قدامي هو يمشي و انا نتبع فيه ركبنا في السيارة قلتلو هده اخر مرة نخرج قاالي وعلاش غير الخير قلتلو مشفتيش وجهي كيفاش داير تقول رايحة نعزي في جنازة و االبنات كامل شوفهم دايرين مكياح و داربين الحطة كامل يظهرو يهبلو غير انا الباشعة في نصهم ولا يضحك و قالي رايحة لجنازة ههههههههههههه قالي و الله انت تهبل بلا والو ربي عطاك زين الطبيعي و علاش حتى تحطي المكياج قلتلو لالا انا نحب نحط المكياج قالي مقلتلكش متحطش المكياج حطي على روحك بصح حطي في البيت تاعك قلتلو وليمن انا نحط المكياج في بيتي للحيوط قالي و هو يتبسم و الله غير راكي تديري كي الاولاد الصغار حبيبتي كي تديري المكياج ديريلي ليا انا راجلك انا الوحيد الي عندي الحق نشوفك زينك انت ديجا مهبلتني بلا مكياج و الله ماخليتي فيا عقل ياريت تشوفي روحك بعينيا و لكان حابة تحطي مكياج و تخرجي و يولي يشوفك الي يسوا ومايسوى وانا نتبع فيك وندير قرون و منين نفوت يقولو هاهو الطحان هاهو الرخيس الي مخرج مرتو بالشكل هدا دورت وجي للتاقة ومشينا للدار طلعت مباشرة للبيت تاعي و غلقت اباب حبيت نهدر مع رشا لقيتهاا اوكيبي عيطت لنوال هزت عليا قالتلي واش بيك من صوتك مقلقة حكيتلها ولات تضحك عليا قالتلي راكي هبلتي اراجال و شلتي نار الغيرة في قلبو يا بنتيالغيرة راهي علامة من علامات الحب ياريت خطيبي يغير عليا كيما هكا بصحتك يانوار مكانش راجل مليح كيما الراجل الغيور راح تخسريه بسبه المكياج يتحرق المكياج و سيرت المكياج المهم هو يشوفك مليحة و اباقي تفاهات قلتلها بصح انا نحب ندير و نخرج و نظهر مليحة كيما البنات الي برا قالتلي انت محاباش تفهمي واقيلا خلي غدوة نجيك و نفهمك و متديريش المشاكل لروحك كوبيت التليفون حسيتها مفهمتنيش انا حابة نعيش ونعوض كل لحضة تحرمت فيه كرهت من الحرمان عيطت لوسن صاحبتي تاع الفايس بوك بلاك هي تفهمني و بالفعل قالتلي متخليهش يفرض رايو عليك لكن هو شايب انت مازلتي صغيرة البسي و اتمتعي و حطي مكياج متخليهش يدفنك بالحياة هو عاش حياتو و انت مزال معشتي والو ولات تقولي واش ندير وبيت عليها و انا مقتنعة بهدرتها لبست سروال مزير و معاه ليكات قصيرة مواصلاش لفخدي و درت مكياج و طلقت شعري و جيت هابط للتحت صح حشمت بصح قلت لازم نفرض روحي و منخليهش يتحكم فيا ....................................... يتبع
متنساوش جام للحلقة و خلولي توقعاتكم في التعليقات