نوارة العميد سلطان

الحلقة 6

لحلقة 6
نوارة العميد سلطان
نوار مع سمعتها قالت راجلي سلطان من الخلعة نضت من بلاصتي حتى طاح الكرسي من ورايا تصدمت و مقدرتش نستوعب هدرتها تاع راح تزوجني راجلها وهي من الصباح تقولي حنين و ناس ملاح ولاو الكلمات تاعها كي الاعصار يدورو في راسي اول مرة عيطت على ماما حبيبة قلتلها بعصبية مافهمتش قصدك ماما حبيبة واش معنى هدرتك تاع حابة تزوجيني لراجلك ناضت من بلاصتها عدلتلي الكرسي و قالتلي اقعدي نوار قعدت عاودت حكمتني من بيدي و تنهدت قالتلي اقعدي نفهمك قعدت و انا النفس راح من صدري و خليتها تكمل هدرتها الي مقدرتش نستوعبها
حبيبة شوفي حبيبتي كيما حكيتلك من قبل انا متزوجة من عشرين سنة و انا منجيبش الدراري علابيها فتحت دار الايتام وكنت نشوفكم كامل بناتي و نشبع عينيا بيكم وخاصة انت يا نوار شعوري تجاهك انت مختلف على كل البنات الي تم تعلقت بيك بزاف من نهار الي جيتي فيه للميتم خاصة من كنتي كل يوم تبكي وليت كون نصيب منروحش لداري نحب نقعد معاك و نحسك قريبة لقلبي حتى اغلب الاوقات يجي سلطان يديني من تم بسيف عليا وانا كل يوم نشوفك تكبري قدامي شبعتي عنندي الاحساس تاع الامومة انت الي عيشتيهولي ببرائتك بصح سلطان مزاتل معرفش الاحساس هدا انا انا عشتو معاك وصبر معايا عشرين سنة بصح الراجل بلا دراري صعيبة بزاف عليه اكثر منا احنا النساء علابيها قررت نزوجو وانا كون نحوس الدنيا كاملة منختار حتى وحددة من غيرك لسلطان
نوار جيت نهدر مخلاتنيش
حبيبة علابالي يا بنتي راح تقوليلي هو كبير و انا قد بنتو انا مراحش نسيف عليك انت عندك الاختيار باه تقبلي ولا ترفضي بصح الي متاكدة منو سلطان راح يعوضك عن كل الشي الي متمتعتيش بيه في حياتك قادر تختاري شاب من عمرك بصح مراحش يكون ليك كيما راح يكون سلطانخاطر سلطان فاهم وواعي و عقلو كبير و تصرفاتو موزونة ولا عمرو كان ظالم انت راح تكوني مرتو و بنتو وصاحبتو و حتى حبيبتو و اله زواج هدا راح يكون في مصلحتك اكثر انا مراحش نكدب عليك و نقولك بلي شفت مصلاحتك برك حتى سلطان عندو مصلحة في الزواج وراح تخليه يولي اب و تكوني معاه العايلة الي طول عمرك تحلمي بيها و انت خممي مليح قبل ماترديلي خبر
نوار هي تهدر و انا نبكي قلتلها بصح هدا راجلك يا ماما كيفاش نكون انانية معاك و ندي راجل المراة الوحيدة الي حسستني بالحنان تاع الام المراة الوحيدة الي عيشتني في امان منقدرش يا ماما نحس روحي خاينة
حبيبة ماشي انت الي ديتلي راجلي انا الي جاية نخطبك ليه ومكانش حاجة راح تفرحني اكثر من قبولك وحتى ولوكان ترفضي صح نتقلق و نتقهر بصح هدا راح يكون خيارك و انا راح نحتارمو خمي مليح حبيبتي
عيطت لسلطان قلتلو ارواح ادينا نروحو واحنا ساكتين طول الطرريق و انا غايسة وهوما يحكيو عادي محبيتش نرد عليها و انا تحاول تلطف الجو و انا عقلي يخمم غير في هدرتها تاع نزوجلك راجلي لدرجة انني ملي ركبت معاهم و انا نهرب في عينيا محبيتش نشوف معاه خلاص وصلنا للميتم هبطت رحت ديراكت للبلاصتي و نخمم جاتني رشا قالتلي واش بيك يا نوار اااف نهدت و خبرتها بلي صار من الاول للاخر ولات تضحك و فرحانة و قالتلي مازلتي تخمم اقبل يا بهلولة هده فرصة متتعوضش وخاصة براجل كيما راجل ماما حبيبة ااااه شحال شباب زين ولاطاي و الدراهم عندهم و قصر و زيدي معاه ماما حبيبة راح تولي عندك اب و ام راح تعيشي معاهم طول عمرك وراح تعيشي في دار حقيقية مع عايلة حقيقية و تخرجي من الميتم و ترتاحي في حياتك قلتلها رشاااااااااااا ااااااااااااااااه نفسيتي متتقبلش اولا هو راجل ماما حبيبة و كبير عليا و متزوج و كاين بزاف فروقات
رشا وينو الكبير هدا معندوش حتى ربعين سنةو الي يشوفو يقول عندو ثلاثين و نزيدك قادر يعيشك ملكة ومستحيل تلقاي فرصة كيما هده يانوار احنا محكوم علينا مسبقا بالضياع كي نخرجو من الميتم اغلب البنات راح يعيشو حياة الدل و راح نكونو كامل عرضة للاغتصاب و القتل و التعديب من المجتمع تاعنا الي ميرحمش اسيدي تخيلي تحبي واحد من جيلك و يحبك هل يا ترى مليه راح يوافقو عليك واول ما تتزوجي بيه يبدا يعاير فيك يقولك ماليك طيشوك ولا راح يحقرك ويعيشك ذليلة لان معندكش سند
نوار بقات رشا تحكي نهار كامل و ليل كامل فاتو ثلاث ايام وانا عقلي غير يخمم في الامر هدا حتى قرايتي اهملتها واخيرا اتخدت قرار رحت لماما حبيبة باه نقولها بلي مستحيل نقبل طبطبت عليها قالتلي ادخل دخلت ليها شفتها حاطة يديها على راسها و مهبطتهم على البيرو و تخمم و مهمومة قلتلها واش بيك يا ماما هزت راسها و تنهدت وقالي خممتي يانوار قلتلها ايه قالتلي واش قلتي قلتلها اسمحيلي ماما حبيبة بصح مقدرتش نتقبل الموضوع شافت معايا و تنهدت تنهيدة طويلة و سكتت شوية وممبعد قالتلي كنت نتمنى توافقي يا نوار بصح انا راح نحترم قرارك بصح قبل ماتروحي خليني نقولك واش بيا مع دخلتي سقسيتيني وانا راح نقولك واش بيا
حبيبة علابالك رفضك زاد همي يا نوار
نوار واعلاش يا ماما و الدموع بداو يهبطو انا واش درتلك و الله ماهي بيدي منقدرش نتزوج براجلك
حبيبة يا نوار يا بنتي عمتي ام راجلي كي عرفت بلي حابة نزوج سلطان ولات نهار كامل و هي توسوسلو باه تزوجلو بنت اختها المسمومة سناء الي حياتها كامل و هي تحبو حتى قبل مانتزوج بيه كانت طامعة يتزوج بيها وخلاها و تزوج بيا ومن تم و هي حاقدة عليا و حياتي كامل و هي تحاول تعملي مشاكل و في كل مرة يوقف معايا سلطان و كي هدرتلو امو قالها حبيبة شافتلي مرة كون متوافقش الي شافتهالي حبيبة نتزوج سناء علابالك يا نوار كون يتزوج هديك راح تخرجني من الدار و تجعلي حياتي جحيم و حتى اختي الصغيرة الي عايشة معانا راح يطيشونا في الطريق انت متعرفيش سناء هده شحال واعرة و مسمومة
نوار بقيت نسمع فيها و عينيها معمرين بالقهر وانا نبكي و خممت قلت انا صح مراحش نسرقلها راجلها هي الي بغاتني ليه ححتى سمعتها قالتلي حبيبتي روحي درك ارتاحي باه ممبعد تدخلي للقسم تاك جيت خارجة و انا رجل لوراء و رجل للقدام حتى لقيت روححي دورت ليها و قلتلها بلا مانخمم قلتلها ماما راني قابلة ........................................ يتبع