نوارة العميد سلطان

لحلقة 14

لحلقة 14

نوارة العميد سلطان
نوار فتحتلي الباب و دخلتني لقيتها روعة شومبرا كبييرة والمابل تاعها روعة ستيل تركي حسيت روحي اميرة و خدمولي جنة تاعي صغيرة ولات عندي بلاصة تاعي وحدي و خاصة بيا وليت نتبسم وحدي نساتني في الي صارلي من البارح لليوم بقيت ندور فيها قالتلي ماما حبيبة عجبتك قلتلها و انا فرحانة تهبل تهبل يا ماما تبسمت معايا كي شافت فرحتي جات اخت سلطان ملك قالتلنا وينو سلطان قالتاها ماما راهو يبدل في قشو قلتلها قالي عندي خدمة قالتلي ماما ارتاحي حبيبتي درك واحنا مزالنا التحت وقت ماتحسي روحك ارتاحيتي اهبط عندنا وحكمتلي يدي و قالتلي هده دارك تصرفي فيها براحتك هزيتلها راسي هوما خرجو و غلقو الباب و انا جريت للخزانة تاعي فتحتها نشوف في قشي و الحوايج و الروايح طليت على الدوش واسع وفيه المستحضرات تاعي كامل لقيت كلشي مفروز عرفتها ماما حبيبة
حبيبة قالتلي ملاك كنت خايفة من سلطان ميتفهمهاش يا حبيبة و يعاملها كزوجة من اول نهار و هي شفتيها ابسط الاشاء تفرحها و على والو تزعف مزالت متعرفش الدنيا يا حبيبة قلتلها انا خايفة يبقى يعاملها كي بنتو و ميمسها لاوالو ولا يطلقها و يرجعها للميتم و الله خايفة من ردت فعلو يا ملاك قالتلي شوفي اهدري معاه و قوليلو لازم على الاقل يرقد معاها سمانة كاملة هده تاع العرس بلاك تتبدل النظرة تاعو ليها هي ماهيش ناقصة زين صح تظهر صغيرة بصح كاملة الانوثة تجيب التايه وهو راهو راجل كيما كامل الرجال ومتنسايش قول الله تعالى بسم الله الرحمن الرحيم و جعلنا بينهم مودة و رحمة صدق الله العظيم واكيد راح تغريه ببرائتها ويوالف عليها قلتلها و اله صح ممبعد نحاول مععاه و الله متصورت يصير الشيء هدا قلت درك يتقبلها بصح هو مخشن راسو
حبيبة احنا قاعدين حتى لقيناه هابط و هو لابس للبسة تاع الخدمة قلتلها سلطان وين رايح قالي بنبرة تاع واحد سيريو رايح نخدم قلتلو ماشي ديتي عطلة ايامات يا عريس تبسم معايا و قالي انا عندي عشرين سنة و انا عريس هههههه قلتلو وانا نضحك معاه عادي في الاعادة افادة وقفت و قربت ليه قلتلو سلطان محتاجتك في هدرة قالي اصبري كي نجي نحكيو قلتلو ربي يعينك رح وخلانا
نوار كنت في بيتي نخمم واش نلبس لقيت غوب طويلة و جاية غوز و صديها دونتال اسود و الظهر تاعا في على الحواشي تاعو كرستالات لبستها و كحلت عينيا هداك واش نعرف نعمل جيت راح نفتح الباب لقيتو تحل وحدو ودخلو عندي زوج بنات من قدي تبسمت معاهم وحدة منهم قالتلي اكيد متعرفيناش انا سمية بنت منى سلطان يكون خالي و هده بنت خالتي ابرارقتلها مرحبا بيكون قالولي هابطة قلتلهم ايه قالتلي سمية هيا املا نهبطو كامل مع بعض لقيت خواتات سلطان كامل مع بناتهم و الحاجة ام سلطان تبسمت معايا و قالتلي ارواحي حبيبتي اقعدي معانا قعدت حدا الحاجة نطقت منى (مسمومة وجها تقول قتاتلة الارواح )قالت واخيرا جاتنا كنة جديدة للدار وراح تعمر الدار اولاد وتهدر بالصوت عرفتها حابة تسمع ماما حبيبة قالتلي اختتو الاخرى الي اسمها منار ربي يكملك حبيبتي و يجعلها ربي زواجت الدهر كامل قالو امين بقاو يحكيو و انا مهبطة راسي قلت للحاجة بالشوية وينها ماما حبيبة ضحكت و قالتلي مزال تقوليلها ماما قلتلها وراح تبقى طول عمري ماما قلتلي روحي ليها راهي في الكوزينة هي و حنين رحت ليهم لقيت ماما تطيب و اختها تدير في السلاطة قلتلي حبيبتي جعتي ارواحي نديرلك حاجة تاكليها قلتلها لالا ماجعتش جيت برك نقعد معاك لقيت اختها معوجة فمها و تعكي عليا قلتل لماما نعاونكم قالتلي لالا انت عرووسة و الشغل مراحش يهرب ارتاحي قلتلها ماما انا منحبش نقعد هكا برك حابة نعاونك قالتلي هاكي طابلية وارواحي اغسلي الماعن و نحكيو بقينا نضحكو ونحكيو و اختها كل مرة تحب تعكسني وماما حبيبة ترد عيها و تدافع عليا ضدد اختها حتى لقينا مهند دخل علينا قلنا سلام ردينا السلام قالنا جعت كاش مطاب قالتلو ماما حبية اصبر قريب نتغداو هز تفاحة قال نصبر بيها روحي بقاو يحكيو معاه و انا حشمت منو قالي بالبراكة عليك اختى نوار قلتلو الله يبارك فيك بسيف خرجتها من فمي حتى سمعنا السيارة تاع سلطان قالتلي ماما راهو جاء سلطان انا وليت حشامة اكثر قالتلي ماما واش بيك كي سمعتي بيه جاء خفتي كاش مدارلك و خفتي منو احكيلي حبيبتي قلتلها لالا و الله مدارلي والو قالتلي املا واش صار بيناتكم البارح حتى وليت بالشكل هدا كي سمعتي بيه جاء اهدرلي متحشميش مسك و رقد معاك احكيلي واش صار قلتلها و الله مصار والو يا ماما تعشينا و حبينا نرقدو وحكيلتلها واش صار كامل قالتلي يعني مصار والو بيناتكم قبل مانرد سمعناه يعيط عليها قالتلي اقعدي هنا درك شوية نجي صدرو المايدة
نوار ماما خرت حتى لقيت حنين اختها قربت ليا و قالتلي بالشوية حبيبة قادرة تمثلي و تتمسكني و تعلبيها عاقلة ولاعبتها بلي تحبيها بصح انا مستحيل تلعبيها عليا و لا راح نسمحلك تكسر قلب اختي و لا نخليك تخليلها دار و تطيشيها في الشارع درت ليها قلتلها انا و الله.................. مخلاتنيش نهدر و قالتلي مكان لاه تمسكن قدامي هيا خفي حطي معايا الطابلة هزيتلها راسي كرهتها حنين هده العكس تاع ماما حبيبة بدينا نجهزو شوية وجات ماما حبيبة ومعاها خواتات سلطان كانو مطيبين حوت مشوي و سلايط و روز و قناوية بصوص حمراء و تلمينا كامل على الماكلة بداو ياكلوو مالت عليا ماما و قالتلي وعلاش متاكليش تبسمت معاها و قلتلها بالشوية راني ناكل بالشوية ممبعد شفت مع سلطان و غست فيه و هو ياكل وينقي في الحوت و يحط قدامو الشوك منظم و الباقي ياكلو يطيشو وين جات جات قالتلي ماما حبيبة حبيبتي مزال مشفتي والو سلطان يموت على التنظيم في كلش حتى في الماكلة تبسمت و هبطت عينيا
حتى لقينا منى اختو قالتلو ههه سلطان مرتك الجديدة تقول لضرتها ماما ههههههههههه قلتلها كملي قولي لسلطان بابا و تكمل الحكاية ههههههههههههه
حبيبة شاف معايا سلطان و كشخ وليت قلت لاختو وينو المشكل حبيبتي احيانا الزوج ميكونش غير زوج قادر يكون هو الاب و الاخ و الزوج و السند و كلشي في حياة المراة و سلطان هكا راح يكون لنوار كيما كان ليا انا قبل منها ................................. يتبع