نوارة العميد سلطان

الحلقة 41

الحلقة 41

نوارة العميد سلطان
نوار دخل مهند و هو ربي الي عالم بيه ولينا تلمينا عليه نسقسيو فيه كيفاش صراتلو و شكون وواش قالو الاطباء كل واحد يسقسي قال اسكتو مقادرش نهدر و هيا يا نوار و حنين طيبة لاتاي و وعمرو قرع تاع ماء الرجال راهم برا عيب من الصباح و هوما يجرو معانا نضت انا و حنين بسيف ندزو في رواحنا عدا هدا النهار بسيف كنت حاستو كابوس ومتمنيا غير وقتاش نفطن منو لا رقدنا ل والو حتى ولات جاتني ماما حبيبة طلعتني بالسيف لبيتي و قالتلي ماشي مليح ليك ووللحمل و متنسايش الي في كرشك امانة سلطان عندك لازم تحافظي عليها رقدت و فاتو ثلاث ايام و هو في الكوما حتى للنهار الثالث دخل علينا مهند ووجهو اصفر وعينيه وارمين من البكا وقف قدام ماما حبيبة وهدر معاها بالشوية حتى شفتها طاحت على ركايبها و تبكي و تندب في وجها وو هو حاول يسيطر عليها و يبكي معاها و يقولها اسكتي ممبعد طلعت لبيتها لحقتها نجري قلتلها واش بيك لقيتها تحوس على العبايةة تاعها تجري من ومن تحوس عليها قلتلها وين رايحة قالتلي رايحة للسبيطار قلتلها يا ماما خليني نروح معاك ووليت نبكي ربي يعيشك ياماما قالتلي لالا اقعدي هنا قلتلها و حياة سلطان غير تديني معاك غمضت عينيها و قالتلي هيا خفي البسي جريت لبست و هبطت لقيتها التحت تستنى فيا ركبنا مع مهمند و هو يقولها قالنا الطبيب حدو للعصر مستحيل يعيش عيطت و قلتلو لالالا متقولش هكا يا مهند الدكتور ماشي رب العالمين حتى يعرف وقتاش يكوتو و يحدد ساعتهم الاعمار بيد الله وحدو وصلنا للسبيطار لقينا الغاشي تاعهم كامل تم حتى محمد صاحبو و مرتو و سناء و خوتاتو كلمل تم حتى صحابو ظباطولا مهند يحلل في الكطبيب باه يخليننا ندخلو ليه قالو الطبيب هدو النساء هبلونا باه ندخلوهم ليه و قلنالهم ممنوع قالو هدو الزوج نساء تاعو و الصغيرة حامل على الاقل خلوهم يشوفوه سكت الطبيب و قالو معليش هوما في زوج برك و زوج دقايق قالو بصح اهدر مع هدوك هبلونا عرفتها سناء و مهى و منى دخلنا ليه انا و ماما حبيبة و لهول المنظر الي شفناه صدرو و كرشو و درعيه كامل بالضمادات و خسمو و فمو فيهم تيوار و الخيوط و الالات دايرين بيه منظر صح يخوف والغرفة فيها سكات مخيف نسمعو فيها غير دقات قلبو في الالة جرينا ليه انا و ماما حبيبة حكمتلو يدو و بستو وماما حبيبة تاني تبكي قلتلو نوض ياسلطان متفجعنيش بيك ربي يعيشك متخلينيش اقعد عايش باه تشوف ولدك محابتوش يعيش الي عشتو انا متخليهش يتيم قربت لودنو و قلتلو سلطان محتاجتك متخلينيش مشبعتش منك و من حنانك و من حبك ارجعلي منحبش نشوفك هكا متوحشة قعدتي في حجرك و حكياتك الدافيين و لمساتك كون متوليليش انا نموت من وراك الدنيا متسواش في عيني كي متكونش انت فيها ارجعلي و شوف ولدك و هو يكبر في كرشي وربيه و كشوفو و هو يكبر قدامك حتى لقينا الطبيب دخل و قالنا اخرجو خرجنا و بقينا في السبيطار للعصر انا تم تستناو في خبر موتو مهند راح جابو امو خاف يموت و تقعد في قلبها حسرة تاع مات و مشفتوش جابها هي و حنين ودخلت امو شافتو كي خرجوهلا من عندو طاحت تم طلعتلها لاطونسيون كانت الساعات بسيف تعدي و ياريتها ماتعدي و يجيبولنا خبر موت حبيب قلبي فات العصر ووصل المغرب جانا الطبيب و احنا خايفين من واش راح يقولنا سكتت الحالة وكامن حابين يطمنو عليه قالنا كي فات العصر ومصرالو والو معناها فاتت مرحلة الخطر و سلطان بصحتو وراح يتحسن وحالتو راهي مستقرة الحمد ياربي بالشفاء عليه ولينا احنا تنفسنا الصعداء الي يضحك و الي يبكي و كامل حمدنا ربي و شكرناه على سلامة سلطاني وامو كي سمعت ولا تزغرت في السبيطار كي طمنا عليه رجعنا مهند للدار رجعنا فرحانين ماشي كيما ررحنا الحزن قريب قتلنا و زادو فاتو ثلاث ايام اخرين و جانا مهند بصح المرة هده جابلنا الشارة قال راهم خرجو سلطان من العناية المشددة خاطر رتاهو فطن و فتح عينيه حسيت الدنيا ضوات من اول و جديد و كانني كنت في نفق مظلم و شفت باب الخروج ظاوي ولات ماما حبيبة تزغرت و تفرح عم السعادة و الفرحة هداك النهار في الدار الوجوه كامل تضحك و فرحانة قالنا مهند راح ندي يما تشوفو قلنالو واحننا قالنا درك مستحيل الدنيا مقلوبة بصحابو قالنا مورا العصر نديكم بسيف باه قبلت ماما حبيبة تستنى للعصر راحو حتى للمغرب باه جاو دخل مهند و قفلنا راهو لاباس قالنا نتدوش و نلبس و نديكم قالها حنين حضريلي الدوش ممبعد تفكر روحو قالي ولا مقاعداش حنين صدريهولي انت قلتلو لالا انا مقاعداش لازم نلبس تدبر راسها حنين و غمزلو بعتلي بوسة في الهواء و ضحكت معاه طلعنا انا و ماما حبيبة نبدلو باه نروحو مع مهند لبست و عدلت روحي وحطيت فوندوتان مع حكل علابالي هو ميقبلش بصح حبيتو يشوفني مليحة هبطنا انا و هي للصالون التحت لقينا مهند مكانش قالتلي اطلعي عيطيلو
لقيتو رقد بحوايجو بسيف نوضتو و هو يقولي غير خمس دقايق قلتلو ول ا ثواني ادينا نشوفوه وممبعد ارواح ارقد حتى تشبع بسيف ناض علابالي كان تعبان تاع شحال من يوم و هو يجري بصح الله غالب حابة نشوف سلطان توحشتو هبطت و خليتو زاد شوبية و لقيناه هبط انا من الفرحة لقاوني ديجا راكبة في السيارة و نستي فيهم ولاو يضحكو عليا هو و ماما حبيبة و هي هازة معاها لاسوب طيبتهالو حنين وصلنا للسبيطار دخل منهند قلنا لعندو قالنا ادخلو صحابو راحو راهم هنا غير زوج خلاتي و بنتهم عرفت السنيوة تاع العراس راهي الدخل عندو
دخلنا للبيت الي فيها سلطان و قلنا مع بعضانا انا و ماما حبيبة السلام عليكم دارو لينا ردو السلام شافنا سلطان تبسم مخمعانا رغمو انو باين تعبان خلاص ووجوه صفر كي شفتو تمنيت نطيش روحي على صدرو و نحكيلو واش صار فيا في غيابةو قربت ماما حبيبة باستلو يدو و هي تبكي وقالتلو واش احالك يا ضو عينيا هزلها يدها و حطها على صدرو و قالها وليت لاباس كي شفتكم انا جيت قعدت على حافة سريرو و قلتلو غير بالشوية واش احوالك يا كل احبابي و اهلي و الحمد الله على سلامتكو الله الدنيا بلا بيك ضلمة قالي الله يسلمك يانوارتي شاف مع حنين مدلها يدو قالها ارواحي بنتي قربت ليه باستو من راسو و حمدتلو السلام بقينا معاه و هو حكاكم يد ماما حبيبة الي قاعدة في كرسي مقابلتو و انا على حافة السرير و حنين قعدت عند رجليه وخلاتو و بناتهم نص قاعد في الكراسا ونص واقفين و هو بسيف يهدر معانا باين عيان و موجوع و انا غير نشوف معاه منحيتش عينيا منو حابة نشبع من وجهو حتى وليت ممتحكماش في دموعي غير يهبطو وحدهم تولهت مع سناء تراقب فيا و تعوج في فمها ومعاجبهاش الحال كون جات الموت في يدها راهي حطتهالي ماما حبيبة ولات توكل فيه و هو يقولها بنينة كيفك و هي تضحك و فرحانة زادو شوية وخالتو جاو رايجين قاللهم سناء نقعد حتى ولات امها تجبد فيها بسيف وهي تبكي تقولهم لالا مزال مشبعتش منو و امها تقولها اسكتي فضحتينا بسيف جروها وراهم هوما خرجو و سلطان قال ووواو شحال تحبني سناء و ضحك ماما حبيبة ولات تتخنزر فيه و انا هزيتلو حاجبي قالتلو ماما حبيبة وعلاش حتى تقول هكا قالها مشفتيهاش مسكينة كيفاش ودها مخبش و عينيها وارمين وخدوها ولاو زرق من النداب عليا هههههههه قالتلو كون نوريلك شعري الي كملتو و انا نقطع فيه عليك و من نهار دخلتي للسبيطار و انا راسي مهزيتوش كم السجادة تاع الصلاة و انا ندعيلك و مشفتيش نوار ملي دخلتي للسبيطار و هي الماكلة لا تاكل لاتشرب خص غير الموت الي ماماتش عليكلا و انت شفتي غير سناء وحب سناء الاسطوري ليك احنا حبنا مشفتيهش قالها ههه بالشوية عليا راح تاكليني و الله نتمسخر معاكم وعلابالي تحبوني قد مانحبكم انت صديقة عمري و هي مرتي و بنتي وام ولادي و بقينا نحكيو معاه و هو بسيف يهدر ممبعد قالتلو ماما حبيبة احنا لازم نروحو نخليوك ترتاح و راح الحال ارتاح و غدوة نرجعولك وقفنا كامل جينا رايحين قالتلي اما حبيبة انت اقعدي معاه شوية و غمزتلي و كانها حست بيا بلي حابة نحكي معاه وحدنا
كامل خرجو وخلاني معاه بقيت واقفة نشوف معاه اشرلي بيديه تاع ارواحي عندي رحت قعدت في البلاصة الي كنت فيها هزيت راسي ليه شفت عينيه يلمعو و كانه راح يبكي وليت انا الي نبكي وهو ولا يمسحلي في دموعي و قالي وعلاش تفسدي في عينيك الملاح يانوارتي اسكتي خلاص فاتت و راني قدامك قلتلو و الله ماهي بيدي توحشتك و خفت عليك بزاف خفت نفقد الحنان و الامان خفت تيتمني مرة اخرى خفت منعاودش نسمع صوتك و لا نشوف طولك الي نتضلل تحتو خفت ريحتك تولي مجرد قرعة محطوطة قدامي حتى كلمة حيوانة و توحشتها من عندك هههههههههه ولا يضحك قالي راني عشت و رجعتلكم من الم................... حطيت يدي على فمو و قلتلو متجبدش الكلمة هده بين شواربك ربي يعيشك باسلي يدي الي حطيتها على فمو و قالي قربي ليا قربت ليه قالي ماشي حاطة في عينيك الحكل هههههههه قلتلو والله حطيت غير كحل و فوندوتان نخبي بيه ليطراس تاع التربيش في وجهي ميظهرش قالي وانا كيفاش شفتو مدام ميظهرش قلتلو خاطر كنت نبكي و ساحلي قالي ااااف مزال تكسري في كلامي راح تجلطيني قلتلو وال مانزيد نحط متتقلقش مني انا اصلا حطيتو باه تشوفني مليحة قالي ياريت تفهمي بلي انا نشوفك اجمل مراة بلا ماتحطي والو انا متغرينيش المظاهر الي يغريني صح هو نقاء الروح ودرك نوضي امسحيه وروحي للدار واتهلا في روحك و في صحتك وعلى ولدي الي في كرشك وكولي مليح وتجوش كل يوم السبيطار معمر بوليسية و ضباط صحابي منحبش يشوفوكم و كاين فيهم الي يخزرو بزاف و انا ايامات و نخرج قلتلو كيما تحب حبيبي هدرتهالو بدلال قالي قالي متهدريش بالطريقة هده قلبي و الله مايتحمل دلالك خليني نحرق و نوريلك ان الله حق ضحكت معاه و وتلاحت بستو و خرجت و خليتو يضحك عليا رجعنا لدار لقينا سسناء في الدار قالتلها ماما حبيبة واش جابك هدا وين كنتي في السبيطار قالتلها جيت مسكينة خالتي قعدت وحدها في الدار خليتوها وحدها وبلا عشا متخافوش ربي قالتلها ماما حبيبة وعلاش بلا عشاء اصلا راهي 8 مزال الحال على العشاء قالتها و هي تعوج في فمها راني راح نديرلها العشاء و تنطق ليها حنين قالتلها كثر خيرك انا الي راح ندير لعشا ويرحم والديك من زار و خفف قالتلها سناء ها حنين تزعطي فيا وحتى الدار ماشي دارك كون املا جات دارك واش تديري قالتلها ماما حبيبة اششششششش هده دار اختها معناها دارها وهي حرة تدير واش تحب و ادا تعاودت الحكاية هده راح نزعطك تاع الصح وبدون رجعة حتى سمعنا ام سلطان تقولنا واش كاين واش العياط هدا وعلاش كليتيو سناء مسكينة جات توانسني قالتاها ماما حبيبة مسمعتيهاش واش تهدر نرفزتني و كيما يقول المثل ياغريب خليك اديب و سناء مهمهاش حاسبة الدار دارها و احنا خدام عندها قلتلها ماما حبيبتي خليك منها متعبيش روحك و هده الي متسواش حتى تقلقي روحك بسبتها و انت عيانة حتى لقيت سناء قالتلي لله الله يا نوار رجعتيني منسواش و الله انت وحدة ماشي مربية و بنت شوارع كيفاش تهدري معايا هكا وولات تعيط عليا و تهين فيا محبيتش نعاندها خلاص قتلتها بالبارد رحت للكوزينة جبت ماء بارد للماما حبيبة وقلتلها ماما علاواش سخفتي نطيبلك قالتلي لالا حبيبتي ومتعبيش روحك انت بالحمل ماشي مليح ليك التعب خلي حنين تدير العشاء وقوليلها تديرلنا حاجة خفية مع فراميج وخلاص قلتلها معليش نطبع نبدل قشي و نجي نعاونها طلعت بدلت قشي و هبطت عاونت حنين وجاء مهند مسكين بسيف يفتح في عينيه من التعب قالتلو سناء كي تتعشا رجعني لدارنا قالتلها حنين مراكيش تشوفي فيه كيفاش بسيف يفتح في عينيه قالتللها انت و اش دخلك ولد خالتي قالها اسمحيلي سناء عيان رايح نرقد عيطي للخوتك يوصلوك و راح يرقد و خلاها وليت نشوف معاها و نضحك شافت معايا بحقد و قالت ماعليش نضنا لمينا الماعين غسلماهم وكل واحد راح لبيتو و خليناها وحدها كي الشيطانة......................................... يتبع