نوارة العميد سلطان

الحلقة 54

لحلقة 55

نوارة العميد سلطا ن 

ننوار خرجت من الدوش لقيتو لبس قشو ومتكي على السرير و التليفون في يدو رقد حداه على طرف السرير وهو لاهي باتلتليفون زدت قلقت كي معنديش تليفون وليت نبكي حسيت روحي وحدانية حتى لقيتو حضني من ظهري و قالي واش بيك ياعمري قلتلو قلقت رجعني جبتيني هنا بسيف عليا وانت لاهي بالتليفون تنهد و قال اللهم طولك ياروح انا جبتك هنا باه تنحي على بالك و تبدلي جو ومن الي جينا و انا نحلل فيك وشرحلك واش صار وعلابالك الخطة الي دارتها اختك مجرمين محترفين و ميعرفوش يعملو كيفها وانا غلطت فيك و ظربتك وكون تكسرو يديا و لا ضربتك ولا مسيتك وانا و الله يدي موالفة على الضرب وكي نزعف يتغمضو عينيا ومنفيقش مع روحي و خاصة كي تولي الحكاية فيها انت حبي ليك زاد عماني ناض و نوضني معاه مشاني للفوتاي قعد و قعدني على رجليه ولا مد يدو للخصلة من شعري وولا يشم فيها ومغمض عينا ممبعد شاف معايا و قالي علابالك ريحتك احسن ريحة شميتها في حياتي سكتت مالقيت مانهدر قالي اهدري وحكملي وجهي بيديه وقالي سامحيني علبالي صعيبة بصح حاولي معايا متخلينيش هكا و الله ليلي مانرقدو و من تانيب الضمير حبك عدبني و انا مرونجيين و انا زعفانين من بعض والله مابقا فيا صبر عليك متوحشك قد رحمة ربي متعدبينيش اهدري متسكتيش ولا راح نهدرلك بسيف و بطريقتي و عض على شاربو شفت معاه و بلعت ريقي و قلتلو واش نهدر قالي قولي اي حاجة مثلا قوليلي نحبك و نشق فيك و مسامحتك و متوحشتك قد ما انت متوحشني يهدر و بالشوية و صونو مبحاح تبسمت و هبطت راسي قالي يهون عمري وعشر اعمار اخرين للضحكة تاعك وليت نضحك بالصوت قالي الضحكة هده يروحلها ميات واحد كيما سلطان و ومخساراش تبسمت قالي خلاص و الله منقدر نصبر ولا قرب راسي ليه ول يبوس فيا تاع واحد متوحش وحدة و يحبها بجنون ولا يبوس في رقبتي و يقولي و الله غير نعشق فيك وكل خلية في جسمي رايداتك و متمنيتك قبلي و عقلي يهاتيو غير بيك ولا هزني حكمت في رقبتو و قلتلو خايف نطيح قالي مستحيل نخليك تطيح و كيفاش تطيحي و انا ساكنة من قلبي من داخل قلتلو متنساش راني بالحمل قالي وهو يضحك وعلاش انا واش خلاها عليا غير الحمل هدا الي فسد عليا حطني فوق السرير ولا يبوس فيا من كل بلاصة وبلا مانحس لقيتو نحالي قشي و يشوف معايا و كانه يستى من عندي في الاذن وليت حضنتو ولحت يديا مورا ظهرو و حضنتو زاد هبل ولا ماشي في وعي حتى صار الي صار ................... ولا رقد حدايا وقالي حاب نقولك حجة غمضت عينيا و انا نغطي في روحي قلتلو اهدر قالي و الله مانحبك شهوة ولا رغبة في العلاقة الحميمة انا نحب قلبك و روحكوالي صار مجرد تكملة للمشاعري وراحة للقلبي من الوحش تاعك تبمت قلتلو سلطان قالي عينين سلطان حطيت يدي على قلبو و قلتلو نحبك قالي و انا اكثر وحق ربي غير انت اول و اخر حب في حياتي ولا هزني و انا مغطية بالدرا قالي هيا نتدوشو و نخرجك تحوس غير ادا انت محاباش تخرجي و حابتنا نجيبوها عطلة كاملة و احنا في شومبرا و انا و الله منايا خبيت راسي في صدرو قلتلو لالا حابة نخرج و تنهد و قالي ياريت مقبلتيش تخرجي ولا يضحك دخلني للدوش قلتلو حابة نتدوش وحدي قالي مستحيل قلتلو دور وجهك ولا غمض عينيك و الله نحشم قالي لالا حابتني نضيع اجمل منظر ولا حطني قدام المرش ووقف معايا و فتحو وودوشنا وانا الي وليت مغمضة عينيا و هو يضحك عليا خرجنا لبسنا حوايجنا و انا من حشمة مقدرتش نشوف معاه قالي راني التحت كي تكملي تلبسي اهبطي تلقايني في الاستقبال تاع الاوتال قلتلو ايههبطت ورحنا للوحد السوق اسمو سوق المباركية قريب من الاوتال وبقينا حوسو سمانة كاملة فاتت و لا في الاحلام نسيت فيها الي صار كامل عشت معاها اجمل ايام عمري نسيت روحي معاه و في اخر نهار داني لمدينة الالعاب حوسنا و خلانيش نلعب قالي ممنوع انت بالحمل ركبني غير وحد بابور صغير يمشي في الماء هايل بقينا نحوسو و ندورو حتى شفت عينيه يخزرو مع مراة فايتة علينا حسيت رقبتو تعوجت وهو يتبع فيها بعينيه دورتلو وجهو بيدي و قلتلو واش بيك سلطان قالي مابيا والو و رجع يشوف معاها وكانني مرانيش معاه قلتلو عينيك راهم خرجو و انت تشوف مع المخلوقة هديك قالي واش بيك قلتلو انت الي واش بيك شوف مع روحك كيفاش فاتح عينيك وعلاواش ناض من بلاصتو و قالي هيا نروحو ........................... يتبع