نوارة العميد سلطان

الحلقة 29

الحلقة 29
نوارة العميد سلطان
نوار بقا كامل يشوفو معايا وليت بيناتهم كي الجسد الي بلا روح نضت من بلاصتي هزيت يدي وةو نعطي لاية كف والدموع في عينيا ويدان قلتلها انت صح نكارة خير و رخيسة كيفاش حتى امنت فيكانت صح بنت رحمة يعني غطيت عليك باه منبهدلش بيك حصلتيها فيا يا سراقة ياكلبة وطحت نضرب فيها جرات ليا ماما حبيبة حكمتني و بعدتني عليها ولا تهدرو تعيط بوجه صحيح الله لاتربحك وصلت بيك تتهمني وانا جبدت البورتفاي من صدرك قدامهم وكامل شافوك و درك تضربيني كي مالقيتي كيفاش تعملي و تغطي على اليرقة تاعك و تبكي تحسبها مضلومة قلتلها يا كلبة انا خبيتها في صدري باه نحميك و متتكشفيش قالتلي متلوحيش بلاك عليا سمعتي انا اختك و يتيمة خافي ربي لكان محابتناش نقعدو في دارك قوليلهالي عادي بصح ماشي تسرقينا و تخرجينا قدامهم غالطين قلتلها و انا دموعي وزيدان ربي وكيلك و تضهر الحقيقة و حسبي الله و نعمة الوكيل فيك قال سلطان بالصوت ااااسكتووووووووووووو قالنا انا و ماما حبيبة اطلعو قدامي لليبيت حكمتني ماما حبيبة وانا تاني حضنتها ووليت نبكي قالتلي و الله علابالي خاطيك انا نعرف تربيتي مليح اسكتي درك تبان الحقيقة حبيبتي متكسريش قلبي عليك درك كي نطلعو احكي كلشي للسلطان وهو راح يوقف معاك لان سلطان طول عمرو حقاني اسكتي و هيا نطلعو دخلنا للبيت لقيناه قاعد على حافت السرير و ياكل في الدخان ماكلة هدرليب بزربة و يهز في يدو و يرعش فيها و قالي درك قوليلي واش جاب البورتفاي لصدرك وليت راح نهدر و نبكي قلتلو و ا لل ه عيط عليا و قالي بلا بكا ارواحي قربي لعندي قالي و كي تحكي شوفي مع عينيا متهبطيش راسك وليت حكيتلو و انا غير نبكي من الي شفتها من التاقة حتى جبدت البورتفاي من صدري قدامهم ووليت قلتلو سلطان صدقني و الله مراني نكذب عليك و الله انا مستحيل نعمل حاجة كيما هكا تنهد و فالي شوف انا ماشي غبي وراح نعرف الي عملها و ادا كانت اية ولا غيرها و درك نوضي من وجهي خرجت و خليتو في البيت حتى ماما حبيبة خرجت معايا قعدنا في الصالون الي في الايطاج الفوقاني لقيتها هبطنو وجابتلي شوية كيك و عصير قالتلي كوليهم حبيبتي متغديتيش قلتلها و الله مراني قادرة يا ماما وكلتني يبالسيف و حطت راسي على حجرها و تمسدلي في شعري حتى غفيت من البكا بزاف حتى نضت و انا نسمع في سلطان يعيط تخلعت قلتلها اليوم يقتلني و الله مدرت والو و هي محضنتني و قالتلي اسكتي مستحيلل سلطان يعملك حاجة هو اصلا علابالو بلي خاطيك حت ليه وحدي قالي ادخلي و اغلقي الباب غلقت الباب و انا مهبط راسي نشوف غير في الدموع و عو يطيحو في الارض عينيا قريب يعوارو من البكا قرب ليا وهزلي راسي بصباعو قالي بالشوية متبكي انا ماشي على جال الدراهم درت العيطة هده انا منقبلش تصير حاجة هكا في داري وين قاعدين احنا في حبس مع المجرمين قلتلو و انا فمي تعوج تالومن غايضتني روحي و الله خاطيني ليديتهم و الله مامسيتهم ومكذبت عليك بحرف و ربي الي شاهد قالي والله مامنك واش حاسبتني منعرفش انا محقق ونحقق مع مجرمين كبار و نطقهم كي البلبل ومتتصوريش وحدة زعطوطة تفوتها عليا و انا راح نخليها تقولي وحدها و تعترف بلي هي الي سرقت البورتفاي بصح لازم تحبسي البكا و الله من البكا بزاف فسدتي عينيك الملاح تبسمت على هدرتو وهزيت يدي باه نمسح دموعي لقيتو سبقنو وولا حكملي وجهي بيديه في زوج و يمسحلي في دموعي و قربن راسي و باسني من جبيني قالي درك نحتاجك تروحي تجيبيلي حاجة تستعملهااياة خاتم و لا منقوش مساك تاع شعر اي حاجة تاعها قلتلو وعلاش قالي هده خدمتي روحي جيبي ولا متقدريش قلتلو لالا نقدر درك نجيبلك تبسمت و جيت رايحة جبدني من يدي و قالي علابالي فيه بهلولة و تروحي تجيبي الحاجة هده قدام عينيها قلتلو ايه صح خايف تشوفني ضحك و قالي مكنت علابالي بهلولة و نية طينة هههههههههههه قلتلو هههههه ماشي لهديك الدرجة
قلتلو لقيتها نروح نستفزها و ندخل معاها في عركة ونهز حاجة من حويجها بلا ماتفيق قالي و اناا الي نقول عليك بهلولة هو ضهرتي شريرة و ضحك معايا تمسمت و قلتلو مزال مشفتي والو كون راك مخدمني معاك راح تستفاد بزاف قالي ايه نستفاد و الله مرات نقعد ثلاث ايام و انا مقهور وبردان قلتلو واش تقصد قالي روحي روحي متقدريش تفهمي واش معناه حتى تكبري قتلو خلاص بصح راح تبقى في بالي حتى نعرف واش معاناها قالي كي يولي الوقت مناسب نقولهالك ودرك روحي ديري واش قلتلك و هو يضحك ............................. يتبع