نوارة العميد سلطان

الحلقة 43

الحلقة 43

نوار قلتلها انت واش راكي تهدري من وقتاش انا هدرتلك الهدرة هده يا بنتي خافي ربي وعلاش تكدبي واش درتلك انا حتى تتهميني و تحطي عليا بلاك انا نهدر معاها و قلبي ولا يخبط يخبط و مصدومة تم تم عينيا غورقو بالدموع و انا نشوف مع مهند الي هز حاجبو و يشوف معايا نظرة تاع استهزاء و احتقار قلت لوسن ادا واحد دازك عليا باه تحطيها في راسي اهدري قالتلي انت راكي هبلتي نسيتي واش كنت تقوليلي يا كدابة و فتانة حبيبتي تفسدي بينو و بين حنين يا غيورة يا حسودة قلتلها يا كدااااابة كوبات عليا شفت مع التليفون ممامناش واش كنت نسمع هزيت عينيا مع مهند قلتلو والله هي الكدابة هده وحدة رخيسة و نذلة و الله انا منخدم الخدايم هدو صدقني نهدر و نبكي شاف معايا و استحقار و قالي ولا مرة تصورت انو الوجه الملائكي هدا ممكن يخدم الخدايم هدو جامي شفت وحدة حقيرة وخبيثة للدرجة تاعك وليت خايف على حبيبة منك و من فعايلك الشيطانية ودار وجهو و هبط تبعتو و عيطت عليه بصح هو محبش يدور و انا وليت نبكي نبكي ونقولو امني يا مهند و الله خاطيني وهي الي تكدب رجعت لبيتي من حرقة قلبي قلبت الدنيا بالبكاء تلمو عليا المصايب من كل جهة و طريق وزادني بعد سلطان عليا وليت فاقدة احساس الامان و هو مكانش معايا بقيت هكاك حتى رقدت لتاني نهار للعصر ماما حبيبة شحال من مرة تحب تفطني محبيتش نوض كنت حاسة روحي مزالني تعبانة لاخر مرة قالتلي نوضي ماشي مليح للبيبي الي في كرشك قلتلها عيانة قالتلي والي يجي و يقولك سلطان راهو هنا في الدار و راقد في بيت امو التحت فتحت عينيا بالزربة وليت نبكي بالصوت ولات حضنتني ماما حبيبة و باستني من راسي وقالتلي واش بيك يا ماما وعلاش تبكي كاينة حاجة مقلقتك اهدريلي حبيت نحكيله واش الي صار بصح تفكرت بلي هوما وصاوني منهرش على علاقتهم هوما ديجا يكرهوني و يزيدو سكتت و هبطت عينيا و غير دموعي الي تنزل في صمت قالتلي ماما حبيبة علابالي واش بيك هدا باين من هرمونات الحمل و انت صغيرة و هدا الشي طبيعي نوضي حبيبتي تدوشي و اعدلي روحك و اهبطي شوفي راجلك علابالي كي تشوفيه و تهدري معاك ترتاح نفسيتك بقيت قاعدة قالتلي نوضي خفي قبل ميبدا يجي الغاشي مدام وحدو اسبقي سناء هههههههههههههههههه نوضتني داتني للدوش قالتلي ادخلي اتدوشي هيا خفي حبيبتي حتى هو ملي جاء و هو يسقسي عليك و كل ماتتفتح الباب يضرب عينو ليا يستنى غير وقتاش تدخلي عليه دخلت تدوشت و رحت للبيت تاعي نشفت شعري و لبست و درت ريحة و كحل في عينيا و خمار على راسيي و هبطت دخلت للبيت تاع الحاجة كانت تصلي في المغرب و سلطان في بلاصتها فوق السرير ومهند قاعد معاه كي شافني خرج قريب يجري هارب مني بصح سلطان شاف معايا و تبسم وانا ممامناش عقلي وانا نشوف معاه بحزن و فرحة بنفس الوقت واخيرا رجعلي سلطاني من فم الموت رجعلي يكمل معايا حياتو رجعتو ضواتلي حياتي و قلبي كي شافني بقيت غير واقفة من بعيد هزلي حاجبو و مدلي يديه تاع قالي ارواحي لعندي جريت ليه و لحت روحي فوقو نسيتو العمليات و الجروح الي فيه حتى تسمعتو قالي ااااااااااااااه حتى شفت الحاجة كي سمعتو و هي تصلي قالت الللللللللللله و اكبر ضحك سلطان وقال مابيا والو همسلي في وذني قالي الحاجة كةن تصرالي حجة راح تفجرك وليت نضحك بالصوت هبط راسو ولا يشم في رقبتي و قالي بالشوية ااااه ريحة الكرز شحال توحشت ريحك غمضت عينيا و بكيت قالي ربي يعيشك متبكيش ولا يمسحلي في دموعي و يقولي ماشي مليح ليك البكاء قلي ودرك اعطيني بوسة قبل ماتكمل الحاجة الصلاة ول راح تحرم عليا وليت نضحك بالصوت و قلتلو دقيقة نحوسلك على وحدة هههههههقالي علاواش تحوسي الاولى الي تلقايها اعطيهالي الحاجة راسي في التشهد وليت قربت ليه بستو بوسة سريعةوجبدت راسي حتي لقيتو حكمني من ورا رقبتي و وولا يبوس فيا وكانه كان عطشان و لقا الماء و انا ندجت معاه من وحشي ليه حتى لقيتو دزني و قالي لقيتيها قلتلو واش قالي الغبارة الي في عيني
حتى سمعت الحاجة تهدر ورايا قالتلي اااوخدي قريب قتلتيه نوضي من فوقو وليت شفت مع روحي لقيت روحي راقدة فوقو و حاطة رجل من ورجل من زربت هبطت ووجهي ولا طماطمة مت بالحشمة ههههههه وبقيت مهبطة راسي و غير نرمش في عينيا وهي تبهدل فيا قالي رمشي رمشي بدوك العينين راجلك راهو داير ثلاث عمليات و انت رحتي تجري ليه كي النعجة المجنونة و طيشي روحك عليه هزيت راسي و قلتلها نعجة مجنونة ااااااااااااااااااا شفت مع سلطان لقيتو ولا حمر طماطمة من الضحك و حاط يديه على عينيه وقالي ايه نعجة اصلا مبقاش للعيد الكبير وراح تدبحك يما ههههههههههههههههههههههه ولات الحاجة تقولو اضحكلها اضحك حتى تفتحلك العمليات تاعك قالها هو يا الحاجة مسكينة صغيرة يعني هده الي قد ذراعي راح تفتحلي العمليات قالتلو ااااااااا و الله ماحطيتك هكا هده هكا جرات ليك املا كون جيتي معاها في البيت و عريان منعرف واش تعمل قالها اصلا راني عريان و الله ولات تضحك عليه و قالتلو لا انت لا مرتك تحشمو انا نروح خير ملقيت واش نهدرلكم وليت نضحك عليهم شفت مع سلطان لقيتو غايس فيا حست الضحة تاعي حتى لقيتو قالي نوار نحبك تيسمت معاها و بعتلو بوسة في الهواء و قلتلو نموت عليك قالي قربي ليا قربت شوية و قالي محتاج حاجة قلتل واش هي قالي بوسة فتحت عينيا وبقيت نشوف معاه قالي هاه بوسة برك واش طلبت انا طلبت المستحيل قلتلو ااابوسة ايه قالي يرحم والديك متقوليليش نحوسلك على وحدة ضحكت قلي متضحكيش بالطريقة هدا لخانة الي فوق شاربك راهي قهرتني قلتلو انت الي ضحكتيني وانت المسوول على واش راح نعمل فيك قالي متخلينيش نتهور و نطلعك الفوق ولوكان نموت في الدروج قلتلو بعيد الشر عليك و ووليت حضنتو بصح المرة هده بالشوية و لليت نبوس فيه و اهو تاني حتى لقينا حنين دخلت علينا وفي يدها سنيوة فيها لاسوب و كاس جي دزني عليه و لا يحم حم وقفت انا بالخف ووليت نعدل في شعري وميتة بالحشمة شفت مع حنين الي نحس عينيها كون جاو سلاح راهي قتلتني
شافت مع سلطان قالتلو اسمحلي بصح جبتلك شوربة طيبتهالك حبيبة قالها حطيها هنا درك ناكلها جيت راح نخرج نهدر مع حنين قالي وين رايحة قلتلو حشمت من حنين ققاي ارواحي وكليني راني جيعان و محروم من البنة راني في شحال ههههههههههه تبسمت معاه و عضيت شاربي قالي ربي يعيشك ارحميني حتى نرتاح على الاقل وليت نضحك بالصوت ووقعدت حداه و بديت نوكل فيه بالشوية قلتلو مت بالحشمة من حنين و من امك قالي ايه و الله بزاف انا خاطيني انا عبد مريض و ضعيف و انت تبليي عليا و حقرتيني قلتلو يا سليطيني انت الي تبليتيني قالي ةواش سليطيني هده الي خرجتيلي بيها واش حاسبتني طفل صغير من جيلك و لا موالفة تلعبي معايا في الطريق قلتلو اسمحلي و الله ماقصدي قلتلي ماشي كبي بستيني البوسة هديك تحسبي راح نرحمك و اله فمك تقطعو بصح بشواربي وولا يضحك عليا و انا مهبطة راسي حسبتو صح زعف مني حتى لقينا الحاجة جات قالتلي مزالك هنا قالها الله غالب زعطتها محبتش تروح راهي لاصقة كي الصقة برطمت شواربي و قلتلو خلاص جات الحاجة هي توكلك ولا يضحك و قالي اللا منحبش نتعب الحاجة هده خدمتك انت وهي تضحك تقولو ايه فاقو ههههههههههههههههههههه كملت نوكل فيه و بدا هو يحكيلنا كيفاش صراك لاكسيدون و الهجوم هداك و على الناس الي شاك فيهم وانا غير نسمع و مندمجة معاه وفاتو الايام ورجع عندي شهر و نص حمل ...................................... يتبع