نوارة العميد سلطان

حلقة 64

حلقة 64

نوارة العميد سلطان 

نوار حسيت روحي مهمة و انا معاهم صح الشعور تاع الناس الي من دمك و لحمك واقفين معاك يعطيك طاقة ايجابية تعشينا وسهرنا مبعد كل واحد راح لبيتو وانا و بنتيي فرشتلنا مرت عمي في بيت تاع الضياف مع حمت بلاصتي عيطت لما حبيبة و حكيتلها قالتلي احسن و الله كنت مقلقة عليك و خاصة الليلة الاولى قلتلي بصح متنسايش روحك مع الضحك و ومتعليش صوتك مزالك في العدة حبيبتي قلتلها علابالي يا ماما تاني نهار فطرت معاهم و قلتلهم وصلوني قالي فاروق انا نوصلك خاطر خالك راح يخدم هزيت قشي و قش بنتي و بقيتهم على خير قالتلي مرت خالي و مرت فهد رانا نفوتو عليك ساعة ساعة وكاشما تحتاجي عيطيلنا و انت تاني متنسايناش هزيتلهم راسي بمعنةى ايه و ركبت مع فاروق و هو طريق كاملة وهو يهدر و يقولي اسن حاجة تطلقتي كملي قرايتك و كبري بنتك و شوفي حياتك معلابالوش بلي كي طلقك راهو خدمك خدمة كبيرة على الاقل تلقاي واحد يحبك و تتزوجي ة تعاودي حياتك قلتلو مرانيش نخمم في الزواج قالي معليش المهم تحررتي وصلنا جيت نضرب عيني قدام باب الدار لقيت سيارة حابسة عرفتها سيارة سلطان وليت نرعش خايفة منو و خاصة كون يشوفني مع فاروق هبطت ورحت راح نفتح الباب وفاروق راح يقاري السيارة و يجيبلي قشي حتى لقيت سلطان وقف ورايا ولابس نوادرو و القارو في فمو نحا نواظرو وولا يتخنزر معايا ضربت عيني لقيت فاروق جاي وليت فتحت الباب و دخلت نجري دخل ورايا خفت نتفضح في الطريق قدام الناس حكمني من زندي ودورني ليه شفت مع وجهو ميبشرش بالخير ولا ضاغط على سنانو و يهدر قالي وينننننن كنتيييييي قلتلو و انت واش دخلك فيا ونحي يدك مني انت طلقتيني وراك حارم عليا معندكش الحق تمسني ولا تحاسبني ولا تدخل داري حاولت نحي يدي منو و هو ضاغط عليها في اللحضة هديك دخل فاروق يجري و شافو حاكمني دز سلطان بقوة سلطان تجاهل فاروق وقالي كلبة قح......... حيوانة راح يخلالك الجو درك و تلعبي براحتك قالو فاروق احترم نفسك نوار اشرف ومن امثالك يا رخيس هز حاجبو سلطان و قرب لفاروق وقالو قلتيلي انا رخيس اااااااااااااا حكمو بدون مقدمات و لزو للحيط وحط يدو على رقبتو و طفالو القالرو الي في يدو في جبهتو ودزو في الارض عيط فاروق من الحرق و ناض مرة و تهجم على سلطان وولاو بيتضاربو فاروق ماشي قد سلطان لا في الطول لافي الصحة بصح حسيتو شجاع و هو يدافع عليا صح سلطان قاعد يضرب اكثر بصح الاخر مستسلمك و انا نعيط و نبكي وليت دخلت للدار حطيت بنتي و خرج نجري ليهم لقيتهم يتعايطو و يسبو في بعضاهم و متحاكمين رحت لفاروق و انا نبكي قلتلو ربي يعيشك روح و الله تفضحت ربي يعيشك على وجهي شاف معايا وراح و هو ماشي و يسب في سلطان دورت للسلطان و قلتلو خير وا جابك ليا قالي شوووووووفي يا تقعدي في الدار و تهنييييييييي روحك ومكان لادخلة لاخرجة ولا و الله تذبحك انت و بنتك و ندفنكم هنا و ضرب الارض برجلو وراني حاط العسة عليك والله اي حركة تعتبر تشويش وعلابالك كي نهدر ننفد رديت عليه و انا نعيط عليه قلتلو واش تحتاج مني درك اخرج من حياتي يخي طلقتيني عيش حياتك و خليني نعيش حياتي انا و بنتي وروح لسناء تاعك و فكني منك و........... مخلانيش نكمل هدرتي حتى لقيت الكف في وجهي وقالي كيما نحب انا ماشي كيما تحبي انت انا حاب ندفنك بالحياة ومتحطيش في راسك بلي تهنيتي مني فاااااااهمة و لالا لالا و امر موتك و حياتك في يدي انا ودرزي طحت على الارض و خرج وليت طلقت رجليا و نبكي بالصوت ياربي واش ندير درك انا هدا مناويش يقيلني و يخليني نعيش نضت عيطت لماما حبيبة هدرتلها واش صار قالتلي هدو عمايل سناء مبردش قبلها الحقيرة الكلبة مكفاهاش الي دارتو قلتلها يا ماما واش الحل و الله خايفة يعاود يرجع ليا و يقتلني انا ورقية ولا يفضحني قدام الناس وانا وحدي قالتلي شوفي اغلقي بابا مليح و متفتحيها لحتى واحد وانا كي نولي جاية عندك راني نعيطلك واي خرجة ولا دخلة انا نجي نخرجك و نديك و نجيبك المهم كيما وصيتك الباب وانا ممبعد كي نكمل الخدمة راح نجيك ومتطيبي لاغدا لاوالو كي نجي انا نجيب معايا ونتغداو مع بعضانا قلتلها ان شاء الله ياماماو كوبيت التليفون بقيت قاعدة مع بنتي وو شلعت لاتلي و اقاعدة نتفرجلحتي لقيت تليفوني يصوني قالتلي ماما راني قريب نوصل تلاقايني فتحتها الباب و لقيتها هازة السيشيات حكمتهم علليها و زادت جابت من الطاكسي الي يستنى فيها ساشيات اخري و دخلنا مع بعضانا لقيتها يبة قضيان اخر و كلشي بالدوبل و كساتني و كسات رقية و جاتلها شكارة العاب قعدنا مع بعضانا بدلتلي نفسيتي و صبرتني والله احلا انسانة شفتها في حياتي معندهاش حدود في الرقة و الحنان ووصاتي مليح على روحي و بنتب وكي ولات خارجة تحضن و تبوس في بنتي و توكل في ربي على الي كان السبب في فرقنا قالتلي الدار بلا بيك ووبنتك ظلمة و تخوف باستني انا تاني و عطاتني دراهم وراحت مرت الايام وجات ايام وبين نهار و ثاني نشوف سلطان وخاصة في الليل يقاري السيارة تاعو عند الباب بالسعاة و زوج ويقابل الدار و يقعد بصح مايدير والو و دار خالي مخلاونيش وحدي خلاص كل مرة يفوتو عليا خالي وفاروق و فهد يقضيولي و ممخليين عليا والو ويخليولي دراهم ف يد رقية باه منرجعهمش في وجوهم وحتى مىت خالي و كنتها يجوني و يتونسو معايا و ماما حبيبة مخلاتنيش خلاص وحدي حتى لوحد النهار جاتني ماما حبيبة و هي مقهورة قالتلي سناء ولدت وجابت طفل انا حسيت قلبي تعصر و تلمو دموعي في عينيا كي قالتلي سلطان وقف معاها لحضة بلحضة ممبعد قالتلي ماما حبيبة بلي ليكولت مبقاش بزاف و يرجعو الاولاد يقراو تروحي للميتم و ترجعي لقرايتك في وقت لقراية نهار كامل نحكملك بنتك المهم تكملي تعليمك فرحت بززااف وخاصة كي بنتي راح تبقى مع ماما حبيبة ممبعد هزت بنتي و تبوس فيها و تشم فيها تقولي الكيكة هده تقعد معايا باه ناكلها ماكلة ولات بنتي تحاول تبوس ماما زادت هبلتلها و هي تاكل فيها و تبوس فيها وهي تقولي شفتي كيفاش باستني شفتي زادت هبالي عليها بسيف راحت ماما متعلقة بزاف برقية هي راحت و انا حكمتني غصة في قلبي كي تفكرت بلي سناء ولدت ممبعد خرجت الافكار الي توجع في القلب من راسي ونضت توضيت و صليت و دعيت ربي يفرج عليا زادو فاتو الايام و في الفترة هده ماما راحت شراتلي كللشي للدخول المدرسي خملت قشي و قش بنتي باه نرجع نقرا في الميتم زادت سمانة و رجعت تم معاها و تلاقيت البنات ومعاهم رشا الي فات اكثر من عام مشفتهاش شبعنا بكا ووليت حكيتها واش صرالي كامل وتم البنات كامل ولاو يحبو بنتي و مدللينها وماما حبيبة بدون تعليق ولات ساعات تقعد معانا تبات في نهار من نهار كان نهار لخميس قالتلي ماما حبية وواش رايك نروحو نزورو العلوية المباركة ومن تم نروحو لكربلاء و نرجعو للدار السبت في الليل قلتلها ياريت نبدلو جو و رحنا هي كانت طالبة الاذن من سلطان و رحنا زرنا و انا نحب نزور اهل البيت رحنا زرنا و احنا تم لقينا مراة من العلويين ( العلويين هوما ناس من سلالة النبي محمد صل الله عليه و سلم وشايعة عليهم في العراق يديهم فيها بركة و شفاء ) مشينا فتناها بشوية حتى لقيتها عيطتلي قالتلي ارواحي رحت و قالتلي اقعدي بابنتي قعدنا معاها انا وماما حبيبة قالت اش بيكم انت قالتلها ماما حبيبة واش قصدكجبدت القران من جيبيها صغير و قالتلي واش اسمك و اسم امك قلتلها نوار بنت عصون و سقسات متما حبيبة نفس السؤال قالتلها ماما اسمي حبيبة بنت نهاد قتحت القران و بدات تقرا وقالتلنا واش بيه هكا زهركم معوج و بدات تهدرلنا على حياتنا و انها عايشة معانا حتى على العقم تاعها هدرتلها و حتى على سحر لطان هدرتلنا وفالت السحر الي بيه معمي قلبو و عقلو وغير ربي سبحانو الي يقدر يحل السحر هدا وميتحلش بالساهل قالتلها ماما حبيبة الي نسمعو بيهنروحولو ولاواحد قدر يحل السحر هدا قالت نبعتكم لواحد في البصرة عن تجربة هو الي عالج بنتي سحرولها في كرش قطة صغيرة و دافنينو في ساس تاع قبر و جبدو الراجل وداواها و راهي لاباس عليها تزوجت و بالاولاد قالتها ماما حبيبة تكسبي فينا معروف و تفرحي اليتيمة هده و بنتها قالتلها هاهي الاسم و اللقب تاع الشيخ و عنوانة و يسكن في البصرة طاتها ماما الدراهم ورحنا عيطت ماما لمهند و خبرتو قالها راهم كامل كدابين ودجالين قالتلو واش خاسرين نجربو ممكن يكون شفاء سلطان على يدو قالها خلاص امري لله روحو للنجف و استناوني تم في الاوتال .............. نجيكم رحنا للنجف بنتا الليلة هديك تاني نهار الصبا جانا مهند و من تم رحنا للبصرةكي سقسينا مول الطاكسي قالنا نعرفو مليح و مكنش الي راح ليه و مرتاحش وصلنا مسكين للباب الدر خلناه وراح طبطبنا خرجلنا راجل يجي من قد سلطان في العمر حكا معاه مهند دخلنا و قعدنا قالنا كيفاش نعاونكم حكالو منهد عى حالة سلطان السيد ولا يقرا في الاقران و قال الراجل هدا مسحور و العياذ بالله بسحر قاوي بزاف و السحر هدا يتخدم بالنجاسة ومتكفلين بيه كبار الجن و المردة لبيها صعيب قالو منهند و الحال قالو لازم تجيبو المريض حتى لهنا قالو مهند راهو كي الغول واش يجيبو هنا قالنا و لازم يكون حاضر هو خاطر السحر هدا قوي بصح مكانش حاجة اقوى من ربي سبحانو وكتاب الله اعظم وصفة وشفاء لكل داء ........................ يتبع