نوارة العميد سلطان

الحلقة 31

الحلقة 31

نوارة العميد سلطان
نوار هي راحت تلم شها و الباب طبطب راحت حنين فتحت الباب لقينا صحابات ماما حبيبة جاو يباركولها بالعمرة قرب ليا سلطان و قالي راني طالع الحقيني طلع و انا طلعت موراه دخل للبيتي وانا لحقتو قالي نوار علابالي واش راح تقولي بصح اسمحيلي نوار منقدرش نخليها تقعد في داري الطفلة هده واعرة و قادر تعمل كلشي هبطت راسي و ونعصر في صباعي قالي اهدري واش حابة تقوولي قلتلو معلابليش كيفاش نبداهالك بصح و الله كسرت قلبي و غاضتني و دموع اليتيم علابلك فيهم وهي مزالت صغيرة و امها طيشتها في الطريق مربتهاش مليح ومكان عندها حتى واحد يوريلها و يعرفها في الحلال و الحرام قالي هدرتك كاملة صح بصح هه حية ثقي في كلامي انا نعرف معندن الانسان من نظرة وحدة و اختك هده ماشي من النوع الي يتعض و لا يدي دروس من اخطاؤ و انا نعرف الدنيا خير منك وهي متستحقش منك و لا منا فرصة ثانية علابالك علاه قلتلو وعلاش قالي خاطر معندهاش خوف من ربي سبحانو خليك منها مبعد نبعتها للميتم مع حبيبة و مهند خاطر انا راسي واجعني و حاب نرتاح شوية راسي راح يطرطق من الصباح و انا نعيط و نخمم في حل للمشكل وزيد متغديتش قلتلو نجيبلك تتغدا قالي لالا غير طفي الضو حاب نرقد شوية طفيت الضو وجيت راح نخرج قالي وين رايحة قلتلو نخليك ترقد قالي لالا ارواحي كان قاعد على الحافة تاع السرير وقف و قالي واش وصيتك المرة الي فاتت قلتلو واش قالي يخي قلتلك متزيدي تخبي والو هنا و هبط عينيه لصدري حشمت هبط راسي و قلتلو وين راح نخبي خفت تتكشف و الاخير هي الي كشفتني و حصلتني غير ربي ستر و كشفتيها قالي المرة هده سماحات بصح متعاوديها و الا راح يكون عقابك عسير و تبسم و قالي شفتي شعرك كيفاش ولا وحط يدو على راسي هو حط يدو و انا قلتلو ايييي اح قالي واش بيك قلتلو يوجعني راسي و الله مرمدتني قالي تتكسر اليد الي تتمد عليك تنهدت و هبطت راس قعد على الحافة تاع السرير و جبدني للحجرو و حط يدو على خصري و قالي نسقسيك قلتلو سقسي و انا مهبطة راسي قاي شحال و احنا متزوجين قلتلو شهرين قالي ااام مليح ووقتاش ناوية انا وانت نخدمو صغير ولا زوج اااا هو هدر هكا و انا حسيت وجهي راح يطرطق من السخانة طلعتلي رراس و قلبي نحسو رجع طبول صوتو يتسمع من الصين سكت انا ملقيت واش نهدر قالي باين مخممتيش في الموضوه مليح بما انك حشمتي خليني نزيد عليك و نسقسيك السؤال الي محيرني تحبيني يا نوار تبسكمت و انا نعصر في صباعي الي قريب نكسرهم من الضغط و هزيتلو براسي معناها ايه و بقيت مهبطة راسي قالي شوفي معايا وطلعلي راسي بيدو شفت عينيه مدبالين و بسيف يفتح فيهم و يشوف مع عينيا و كانوه حايب نعرف واش نخمم جبطت عينيا لا اراديا لشواربو لقيتو بلهم و حط يدو ورا رقبتي و قربني ليه و باسني بوسة سلبت روحي و قلبي و كياني كامل حتى حسيت راسي ذاخ لدرجة انني مقدرتش نفتح عينيا و ممبعد جبد روحو علي و قالي نوضي كي تولي خارجة اغلقي الباب و خمم مليح في موضوع الاولاد و غمزلي و تبسم
نضت بسيف نجر في رجليا و وخرجت و نا حاطة صباعو على شواربي و قلبي شوية و يحبس شعور لايوصف جسمي كامل يرعش مقدرتش نسيطر عليه رحت للصالون الي تم في الايطاج و تمددت فوق الفوتاي وولليت غايسة و انا نتخيل في نظراتو ليا و عينيه كيفاش مدبالين و بوستو و مغمضة عينيا غرقت في عالم الاحلام
نوار فاو عشرة ايام ملي راحت اية و معاها ايمان للميتم لان ايمان مقبلتش تقعد معانا و راحت مع اختها كنت كل يوم نسقسي ماما حبيبة عليهم و مرات نبعتلهم الدراهم الي نلمهم من المصروف اليوومي الي يمدهولي سلطان وسناء السامطة ولات كل يوم تقريبا هنا كانت مسافرة مع دارهم و ملي رجعت كل يوم طب هنا من الصباح حتى يطيح اليل و الحجة الي دايرتهالنا نحب خالتي و نتوحشها نحب نجي نشوفها بورتون ملي تجي ماتقعد مع خالتها لاوالو و انا كنت فرحانة بالفيبوك الي فتحهولي سلط وعلمني كيفاش نستعملو وهو دايرلي اسم راجل فيه وبعد فترة عرفت طفلة اسمها وسن هايلة وولينا انا و هي صديقات في العشرة ايام هدو تورلي و تنصحني و قالتلي هي كبيرة عليا بخمس سنين وماشي متزوجة و تضل هي تاني تحكيلي على ولد خالها الي تحبو تموت عليه و هو متزوج
اما سلطان ولا اكثر جراةمعايا حيروني نظراتو ليا ملي يقعد و هو يتبع بنظراتو فيا في مشيتي في ماكلتي قررت نعيط لنوال بنت عمو و نحكيلها و انا ترايي علياهي الوحيدة الي تفهمني و تعرف مشاعري تجاهو قلتلها اروواحي عندنا و الله توحشتك و محتاجة نحكي معاك راني في حيرة قالتليب الله لايحيرك اعة و نكون عندك بقيت نستنى فيها حتى لقيتها جات قعدنا شوية التحت و طلعتها للبيتي و بديت نحكيلها على الهدرة تاعو و علاى نظراتو و لمساتوقالتلي هههههههههه وعلاش تسقسي فيا راهو باين طايح فيك وواحد ماسمى عليه قلتلها لالا راكي غالطة مقالي والو لانحبك و لا يتغزل بيا قالتلي يا بهلولة سلان ماشي صغير راهو كبير و يحس بلي الغزل و الكلام هدا تاع مراهقين و يكتفي بحبو في قلبو و اهتمامو بيك اكبر دليل وبلاك يتبدل كي يوليو عندكم اولاد و تقوى العلاقة تاعكم و يتكسرو كل الحواجز بصح انا انا متاكد منو درك يا نوار انو قلب سلطان راهو بين يديك صدقيني
قلتلها خايفة نامن و نكون غالطة قالتلي و الله كون مجيتش متاكدة منقولك حتى لقينا راجلها عيطلها قالها راني برا هاي نوصلك بقاتي على خيرو راحت هبط انا للكوزينة لقيت سناء واقفة و حنين تطيب في لا حنين تحبها وو لا انا نحبها و علابالها ومزالت واقفة حتى سمعنا الكلاكسون تاع سيارة سلطان جيت نتوله معاها لقيتها تقرص في خدودها و تعدل في صدرها في لاغوب تاعها حطتها في السليب و وقفت في البوطاجي مع حنين و تقولها خلي نعاونك و انا غير حالةة فمي فيها صح صح متحشمش قالتلها حنين لالا كثر خيرك كملنا كلشي هدا وين ظهرتلك تعاونينا ولا كي شفتي سلطن جا حابة تبيني روحك قالتلها سناء واش الهدرة هده وانا كون عيني في سلطان من غدوة نديه وهيا خفو حطو الغدا قالتها حنين لالا انت قلتي كيفاش نعاونكم انا راح نقعدو و انت حضري المايدة شافت معايا سناء و قالتلي انت حضري المايدة قلتلها منقدرش يا سناء عيانة بزاف بلاك راني بالحمل منغلمرش بولدي نخاف عليه نضت تضحك و قالتلي واش النكتة هده يا نوار انت اصلا سلطان مزال مقرب منك مامسك قلتها و انا نتبسم شكون قالك ياعمري الهدرة هده حتى لقيت حنين نطقت خفت تفشلني قالتلي لالا حبيبت دخل عليها من زمان بصح محبوش يهدرو خافو من عين الحسود خاطر العين عليهم عشرة على عشرة و هزت يديها و كنها تعملها خمسة في عينيك ااااااف كي سمعت هدرتها تنفست و اخيرا وقفت معايا ضدد سناء ............................... يتبع