نوارة العميد سلطان

لحلقة 19

لحلقة 19

نوارة العميد سلطان
نوار تاني نهار جات رشا مع ماما حبيبة كي شفتها طرت بالفرحة قعدت تغدات معانا وحنين زادت كرهتني اكثر كي شافت ماما حبيبة جابتلي صاحبتي مهمنيش فيها جبتها غير حكايات و ضحك مع رشا وزادت فرحتني ماما حبيبة كي قالتلي معليش تبات معاك رشا طلعتها تبات معايا في بيتي هبلت عليها ولا تقفز في السرير حتى البوبيات الي جابهملي سلطان عجبوها ووولينا انا و هي نلعبو بيهم كي الاولاد الصغار دخلت تدوشت و عطيتها تبدل قشها من عندي قالتلي درك احكيلي كيفاش عايشة هنا و كيفاش راجلك يتعامل معاك بديت نحكيلها حكيتلها كلشي من اول نهار حتى للبارح كي راح سلطان قالتلي بصح نورمالمون هدرتي مع ماما حبيبة على الهدرة الي سمعتيه يحكي فيها لصاحبو هي راح تعاونك ومتخليش الحشمة تسيطر عليك و ماتما حبيبة عندها الحق كي قالتلك حبسي الحشمة تاعك هو اصلا راجلك وعلاش تحشمي منو قلتلها منقدرش نحكي لماما حبيبة كيفاش نقولها قولي لراجلك يهتم بيا و يحبني و يعاملني كيما يعاملك و الله صعيبة و علابالي الهدرة هده راح تكسر قلبها حتى ولوكان تعاوني راح تعاوني و هي مقهورة قالتلي بصح انت تاني من حقك تحبي و تتحبي و هي الي زوجتك لراجلها معناها من واجبها تعاونك انت متزوجتيش بيه باه يكون كي باباك قلتلها ان شاء الله كي نلقا الفرصة نهدر مع ماما حبيبة بصح و الله ثقيل الموضوع على قلبي ولا نقولك مانهدر لا والو نخليها للوقت و على ربي هو الي يحلها و الله خلينا من موضوعي انت واش احوالك مع مرتضي مناويش يتقدملك قالتلي اااف يا مرتضي قالي اصبري نكمل العام هدا الاخير تاعي تاع الجامعة و العام الجاي نتقدملك ادعيلي يا نوار يجعلو ربي من نصيبي و الله نحبو نموت عليه قلتلها ان شاء الله حبيبتي ربي يجلو من مكتوبك و الي فيه الخير ربي يقدمهولك بقينا الليلة هديك ساهرين و نحكيو حجتى للخمسة تاع الصباح باه رقدنا فات نهار و ليلة روعة منضناش تاني نهار حتى للزوج تاع القايلة ناضت رشا تقولي نوضي نوضي ماما حبيبة باينة راحت تخدم وجات منعرف درك شكون يديني للميتم قلتلها ارقدي اررقدي ممبعد نشوفو حل ضربتني بالمخدة و قالتلي نووووضي نشوفو حاجة ناكلوها متت بالجوع نضنا انا و هي غسلنا لبسنا و هبطنا بالشوية للكوزينة لقيناهم كامل مفقيلين كي العادة كلينا شربنا قهوتنا و خرجنا للحديقة فتحت العين تاع الحديقة و بديت نسقسي في النوار ووليت نطرش في رشا و هي تطرش فيا و لينا حالة بالماء والضحك و المهارشة حتى سمعت صوت سلطان و هو يعيط عليا قالي واش التمسخير هدا واش راكي تديري دورت شفت معاه وحليت فمي جاء لعندي وو انا غير نشوف معاه حابة نعرف ادا زعفان ولا لالا هو بقا يشوف معايا من فوق للتحت و غايس فيا انا نحاول نهدر معاه نقولو ماشي قلتي ثلاث ايام و تجي وهو ميهدرش معايا جيت نتوله مع روحي لقيت روحي كاملة مبلولة و لاغوب الي لابستها كانت خفيفة و لصقت فيا وفصلتني تفصال وولات شفافة على لحمي ممبعد فطن مع روحو و قالي واش خرجك هنا صوتك يتسمع من برا كي يفوتو الناس و يسمعوك واش يقولو علينا وانا وليت نغطي في روحي و نحاول نجبد لاغوب علي صدري باه متبقاش لاصقة فيا قلتلو و صوتي يرعش كنا نسقسيو في النوار انا و رشا و طارشنا بعضانا بالماء قالي ادخلللليييي قدامي للدار بدلي قشك قبل ماتمرضي وممبعد حسابك معايا بقيت واقفة نستنى فيه يدخل محبيتش نمشي قدامو وقفلي في الباب و قالي قلتلك امشي قدامي دخلت نجري وجيت طلعة في الدروج نجري و هو وراليا طالعة جيت ندور لقيتو يشوف معايا و يقولي وعلاش حبستي اطلعي خفي وليت كملت طلعت بصح حبست الجري دخلت للبيت تاعي و غلقت الباب وبقيت حاطة ودني على الباب خفتن يجي مورايا سمعتو كي فتح الباب تاع بيت ماما حبيبة
نوار بدلت قشي و لقيت الباب يطبطب قلت شكون قالتلي رشا انا فتحتلها دخلت تجري قالتلي يا هرابة خليتيني و هربت حتى تخبيت في الحديقة خفت من راجلك يكون زعف و يضربك و يكمل عليا هههههههههه وليت نضحك عليها و هي تاني ولات تضجك بدلت قشها و هبطنا لتحت كلي مصاير والو لقيت سلطان مبدل و هبط قالي حطيلي نتغدا قلتلو ايه قلت للرشا اقعدي هنا حتى نغديه و نجيك جاء ورايا للكوزينة قعد في الكرسي وقابلني وحاكم تليفونو عاودت حكمتي هذيك الرعشة تاع الخوف منو معرفتش حتى نشعل النار باه نسخن الغدا حتى لقيتو و قف ورايا و شعل الكويزينيار بالبريكي تاعو و قالي وعلاش خايفة و ترعش قلتلو خاطر بردان وشعري مزال مبلول قالي خلي نسخن الغدا وروحي نشفي شعرك قلتلو لالا نكمل و نطلع ممبعد بقا ساكت قلتلو قلتلي نقعد ثلاث ايام وعلاش جيتي ضحك و قالي وعلاش محبيتينيش نرجع قالتلو لالا و الله غير سقسيتك برك قالي واحد صاحبي حكم في بلاصتي امللا رجعت ادا محابتنيش نعاود نرجع للخدمة ههههه قلتلو لالا اقعد هنا خير هده دارك ارتاح حطيتلو تغدا وطلعت انا و رشا قالتلي واش قالك قلتلها مقالي والو غير صاحبوةو حكم في بلاصتو و رجع قبل الوقت سكتت رشا و قالي كون نسقسيك تجاوبيني بصراحة قلتاها ايه قالي نوار تحبي سلطان شفت معاها و حليت عينيا ووليت نخم انا بدات في السؤال هل ياترى انا نحب سلطان و انا ولا مرة حبيت معلاباليش ادا هدا هو الحب ولا لالا انا نحب ريحتو نحب وجودو معايا رغم اني نولي نرعش بصح وجودو يطمن نفسي نحب زينو طولو هدرتو صوتو ضحكتو و حتى اعتمامو بيا كابنة و ليس كا زوجة قربو ليا يخلي السخانة تطلعلي و قلبي يولي يخبط قالتلي وين رحتى ساعة وانا نستنى تجاوبيني قلتلها و الله يا رشا معلابالي قالتلي ماتهدر ولا تقولي حاجة انت ماشي برك تحبو انت هيمانة بيه فتي مرحلة الحب بالعقل على روحك بانوار وربي يحنن قلبو عليك و يحس بحبك ليه ويجمعكم ربي في اقرب وقت و يعمرك حجرك بالدرية تبسمت معاها و قلتلها امين خرجت من اليبيت و خليت رشا فيها لقيت سلطان خارج من الدوش و يمسح في شعرو قالي اعمليلي تاي و ردي بالك يكون بارد و تبسم قلتلو شوية ونجيبهولك هبطت لقيت حنين مطيبة لاتاي و عاملة كيك درت سنيوة حطيت فيها طبسي كيك و كاس تاي وطلعت وقفت عند الباب الي مكنتش مغلوقة شفتو واقف و مقدامو ماما حبيبة و محضنها من خصرها و يبوس فيها انا شفت المنظر هدا وانا حسيت قلبي تقبظ والسخانة طلعتلي للراس و غورقو عينيا بالدموع قريب دخت عند الباب وليت بعدت على الباب و وعملت حركة بالكاس في السنيوة باه ينتبهو بلي جيت دخلت لقيت ماما قعدت على طرف السرير و هو مزال واقف ................................................. يتبع