نوارة العميد سلطان

الحلقة 58

حلقة 58

نوارة العميد سلطان نوار وليت غير نسمع على الباب قالهم واش كاين قالتلو منار شفتي نساوينك لقيتهم يفتشولن في الساكات تاعنا و حوايجنا قالتلها ماما حبيبة لالافهمتي الموضوع غالط نوار كانت تفرز في البيت و انا جبتلها الغدا و وكي دخلتي فهمتيها غالط قالتلها منار انا شفت نوار بعيني تفتش و ادا راني نكدب نجيبلك القران احلفي عليه جاتتهدر ماما حبيبة قاطعتها سناء قالتلها باينة كانت تفتش في ساكي واش حاسبتني سراقة و هي الصباح دارتلنا حرب و قالتلها يا سحارين وناضو كامل فم فم لماما حبيبة حتى سمعت سلطان يعيط عليها و خلاهم خلاص كرهت من مشاكلكم الي محبوش يخلاصو الله ياخدكم و نرتاح منكم قالها هيا اطلعي ورايا و عيطي للحيوانة الاخرى معاك طلعت هي الاولى و انا لحقتهم لقيت خواتاتو و سناء يضحكو علينا تاع يستشفاو فيا سمعتو يبهدل في ماما حبيبة انا طبطبت و دخلت قالها اخرجي و ليت نرعش قلت اليوم يقتلني قالي واش كنتي تديري في الساكات تاعهم قلتلو كنت نفتش فيهم قالي و انت واش دخلك فيهم واش مخبيين مكرهتيش من المشاكل والله كرهت و مليت قلتلو الصباح سمعتهم يحكيو و خايفين و من هدرتهم عرفتهم داو حاجة باه يسحرولنا قالي يا نوار يا حبيبتي ممكن مسمعتيهمش مليح و بلاك يحكو على حاجة تخصهمو حتى ولوكان يحكيو علينا معندكش دليل كيفاش تفتشي حوايجهم و تحطي حبيبة في موقف بايخ و هي تدافع عليك و الله تعبتيها معاك هي متكدبش و على جالك و لا تكدب وانا وليت نعيط عليها قدامهم هبطت راسي و قلتلو اسمحلي و الله هدرتهم خوفتني قالي اذكري ربي هو الستار و هو الي يحمي وهو اكبر من اي سحر وصح خواتاتي لساناتهم طوال بصح ماشي تاع سحور وحتى ولوكان كانو تاع سحور عمرهم ولا راح يظروني انا و حتى انت راكي بالحمل مستحيل يمسوك يخافو على الي في كرشك لانه من دمهم و لحمهم املا ربي يعيشك خلينا من المواضيع و التفاهات هدو و حتى ولوكان يسحرو مستحيل نتاثر بيه و انا مصلي و نخاف ربي وهو الستار ارواحي وفتحلي يديه قربت عندو هو قاعد على الحافة تاع السرير و انا واقفة حضني من ظهري و لا يبوس في كرشي و قعدني على حجرو ولا شم في شعري قالي نحبك ربي يعيشك متفسديش حياتنا انا مصدقت عشنا مرتاحين الشهور الي فاتو حسيتهم حلم ومحايبوش يخلاص انت هي جنتي في الدنيا وولا يبوس فيا قلتلو سلطان حبيبي سامحني و الله انا خايفة منهم نحبك و منحبش حاجة تفرقني عليك وحطيت يدي ورا رقبتو و قربت راسو لفمي ووليت انا نبوس فيه ونقولو نحبك نعشق فيك يا سلطاني قالي علابالك من وراء عمايلك متغديتش تبسمت وقلتلو انا تاني قالي روحي جيبيلنا نتغداو هنا مع بعض هزيتلو راسي و انا نتبسم قلتلو ايه هبطت لقيت ماما حبيبة متقلقة و خايفة يكون دارلي كاش حاجة حكمتلي وجهي بيديها و قالتلي مدارلك والو تبسمت قلتلها والو غير وصاني وخلاص قالتلي واقيلا العشق عمالو عيينيه وولات تضحك و انا نتبسم معاها و حشمت قالتلي علاه هبطتي قلتلها راح نجيب للغدا ليا و ليه نتغداو الفوق قالتلي خلي نروح نجيلك الغدا ليك و ليه قلتلبها لالا يا ماما انا نسخن و نحط من الصباح وانت تتعب و تجري انا ندبر راسي قالتلي معليش انت بالحمل و صبحتي واقفة و زاد المشكل هداك رحت معاها للكوزينة ولات تسخنلي في الغدا ليا و سلطان قلتلها ماما انت احلا وارق واروع ام احنا هكا حتى لقينا سناء جات تضحك و هازة في يديها فناجل لاتاي فارغين قالت ان شاء الله فاتت سلامات عليك من غير ضرب و سبان ضحكت وليت فمي من الطرف للطرف قلتلها لالا عمري الخطط تاعكم مفادتش قالتلي ايه باين راهو مزعطك من الشومبرا وجاية تتغداي هنا وحدك ضحكت ماما حبيبة و قالتلها لالا عمري راكي غالطة ماتزعطت لاوالو راهي هبطت جابت للغدا ليها و لسلطان حبو يتغداو وحدهم كي طيور الحب خافو يتغداو هنا ويحسدوهم الحساد قالتلها سناء هههههه معليش خليهم يتونسو مع بعض الايامات هدو لان دوام الحال من المحال قلتت لماما حطت الكيسان الفارغين و عمرت كاس اتاي وراحت قلت لماما شفتي كيفاش تهدر و الله راني خايفة قالتلي متخافيش ربي يستر كملت ماما حبيبة وعصرت شوية جي جديد و حطتلي كلشي في السنيوة و جيت طالعة فتحت الباب لقيت سناء تم و قاعدة عند رجلين سلطان و هو على الحافة قاعد كيما خليتو فتحت عينيا على وسعهمقلتلها واش راكي تديري هنا قلتلي واش راح ندير غير راني نحكي مع ولد خالتيوجبتلو كاس اتاي وثاني شيء جيت نقولو اديني نروح لدارنا خاطر ماما مرضت قلتلها وعلاش غالقة الباب عليكم انت بنت خالتو ماشي مرتو حتى تدخلي عليه للشومبرتووتغلقي البابعيب الخدمة ههقالي هو خلاص نوار واش بيك قالتلي هي فهمتي الموضوع غالط افهمي وممبعد اهدري قلتلها واش نفهم راجل في بيتو و انت زادمة عله و كنتي معانا التحت كون قلتيلي انا نهدرلو وتانيا راهو عيان ومزال متغداش يعني ميشربش لاتي درك وامك راهي لاباس عليها قاعدة التحت مع خواتاتهاو حاجة اخرى عيطي لخوتك يدوكم مشي سلطان خلاتلي خلاص خلاص كليتيني بقشوري قلها سلطان روحي ياسناء اهبطي نرقد شوية وساعتين و نديكم تروحو رني عيان درك قالتلو وهي ترقق في صوتها و تتمايع خلاص عيني سعتين و نجي نوضك تدينا قلتلها لالا ياعيني تعبي روحك وتطلعي في الدروج بزاف عليين عليك و تعبي يدك المليحة وتطبطبي علينا و تعبي صوتك الناعم و تعيطي سلتان سلتان نوض انا نوضو خاطر انا تاني خارجة معاه و نوصلوكم معانا قالتلي وهي راح تطرطق وعلاش تعكي عليا متحشميش سلطان ولا يضحك بالصوت و قالي اسكتو واش بيكم حايب ناكل و نرقد قالتلو بصحتك سلتان بالعافية ان شاء الله قلتلها معليش حبيبتي بصحتنا في زوج و انت واش دخلك بيناتنا ولا هو يضحك اقوى من الاول و قالنا خلاص قلتلي رم الله والدين معندي مانقول قلتلها والديا ووالديك روحي درك الماكلة بردت و انت مزالك هنا قبل ماتخرج قلتلو سلتاني هيا ناكلو ههههههههههه خرجت و ردخت الباب وراها قالتي خلاص هبلتيها و يضحك قالي متخليهاش تحقد عليك اكثر يا نوار واش بيك هي ديجا حاقدة و تزيد و الله ماحيبها تعمل حاجة قلتلو هي اصلا حاقدة عليا بلا اي حاجة خاطر هي تحبك و رايدتك ومدام انا مرتك مستحيل يبرد قلبها عليا هبط ياكل و قال استغفر الله حتى لقيتو بدا يضحك وانا حداه قالي ربي يعيشك عاوديها كيفاش تعيطلي سلطان هههههههههههههههه ضحكت و قلتلو قصدك سلتاااان سلتان زاد في الضحكة حتى قريب غص في الماكلة عطيتو كاس ماء قلتلو وحياتك ياعمري غير صوتها يهز الجبال و معاك تتمايع و ترققو و تكسل الحروف و تعملك في اغراءات ومزال حاسبة روحها من جنس النساء و هي شلاغمها يتبرمو و الله درعيها تالمون كبار و غلاض ولاو عندها عضلات اااف متخلينيش نهدر يا سلطان قالي واش خليتي هههههههههههههههههه قلتلو ماهدرت والو غير الحقيقة سكتت شوية وقلتلو مفهمتش واش عاجبها فيك انت وليتي شايب وكثر خير الصبغة الي تغطي بيها في شيباتك وفوق هدا كامل عندك لاطونسيون و عيش غير بالدواء و الفيتاميناتو السيروم باه تقدر توقف على رجليك حط الماكلة من يدو ورجع يضحك بالصوت وجهو ولا حمر ههههههههههه ضرست العقل ضهرت ههههههههههههه ظربني بالشوية برجلو قالي واش اللسان الي عندك وين شفتيني صابغ شعري ولا عايش بالسيروم اسكتي ووين شفتيني شايب هههههههههههه قلتلو و الله ماقصدي عليك بصح وترتني سناء وخلاتني منعرفش نهدر هبط راسو و كمل ياكل و كل دقيقة يحرك راسو و يضحك وحدو كملنا ناض غسل يديه و انا هبطت للكوزينة وهبطت معايا الماعين غسلتهم و رحت قعدت معاهم حدا الحاجة قلتلها راني تعبانة سندتني على رجليها و لات تمسح على شعري و تقرالي في القران و تقولي ربي يحميك ووليت نحكي انا وملاك على الولادة خاطر هي دخلت شهرها وقريب تولد فاتو ساعتين ناضت سناء عيطت عليها قلتلها وين رايحة قالتلي رايحة لهداك واش اسمو قلتلها واش هداك الي معرفتيش اسمو قالتلي نوض سلطان قلتلها اقعدي وريحي روحك نوضو انا اصلا كنت طالعة هزت راسها و عوجت فمها و قعدت طلعت لقيت البيت مظلمة و باردة رحت حشرت روحي معاه في الفراش و تغطيت و حطيت راسي على صدرو هز يدو حضني و رقدنا حتى سمعنا الباب تطبطب وسنء تقولو نوض راهو قريب المغرب قالها راني نايض البسو درك نهبط دار ليا و حكملي خشمي قالي ولاش منوظتينيش قلتلو شفتك عيان وراقد وعلاش نوضك و هي واش وراها وراها الوزارة هههههههههههقلتلو نروح معاكم منخليكش معاها وحدك قالي لال انت جهزيلي افاليزة تاعي عندي خدمة ثلاث ايام و حبيبة هي الي رايحة معايا من تم نطلو على جها تاع سناء لراهو مريض قولي لحبيبة تلبس قلتلو ادا معاكم ماما حبيبة معليش ناض توضا و صلا و انا هدرت لماما حبيبة وراحو تاني نهار راح سلطان بارمانوس ثلاث ايام نهار الرابع دخل علينا لقانا نتغداو وجهو مبدل حتى السلام مسلمش علينا حتى امو الي مالف يسلم على راسها مشافش اصلا معاها قالتلو امو واش بيك ولدي راك مريض قالها لالا مابيا والو بتشناف قالتلو ماما حبيبة روح اغسل و ارواح تتغدا مرد عليها لاوالو وطلع قالت ماما واش بيه الراجل وجهو مقلوب نضت انا و طلعت موراها لقيتو في بيت ماما حبيبة سمعتو يهدر ويضحك في التليفون فتحت الباب و دخلت شاف معايا بخزرة تخوف حسيت دمي نشف من الخوف رغم اني مدرت والو قالي في التليفون درك شوية نكون عندكم و كوبا التليفون وصلت عندو و قلتلو واش بيك حبيبي وجيت نحضنو من الوراء حتى حسيتو دار ليا و حكمني من شعري وولا يجر فيا هز كف و عطاني ودزني جيت في الار قاعدة قالي متزيديش تمسيني فهمي ولا تدخلي عليا بلا ماتطبطبي امشي من هنا حيوانة هده ................................ يتبع  تتفاعلو نزيد نكتب حلقة اخرى بل تفاعل منكتبش ههههههههههههههههههههههه