نوارة العميد سلطان

لحلقة 17

لحلقة 17

نوارة العميد سلطان
طلعت راسي شفتو كامن متبسم بصح هو شافني بلي كنت نبكطي و ههو عقد حواجبو قالي وعلاش تبكي قلتلو مابيا والو وحاولت نتبسم قرب ليا و وحكملي وجهي و طلعو و قالي اهدري قلك كاش واحد اهدري ولا حاجة توجع فيك حسيت روحي ولات توجع كي مسني ولاو شواربي يرعشو بسيف خرجت كلمة قلتلو لالا مابيا والو بصح توحشت صاحبتي رشا قالي خلاص غدوة نقول لحبيبة يا تديك معاها يا تجيبها ليك هنا تبسمت و قلتلو صح قالي نوضي اغسلي وجهك و ارواحي للسرير باه تحكيلي على الخرجة ادا عجبتك ولا لالا رحت غسلت و لبست بيجامة و رجغت لقيتو متكسل على السرير قالي ارواحي احكيلي رحت تمددت حداه و بقيت نحكيلو و هو يسقسي ممبعد مولاش يسقسي وليت نحكي و نضحك و هو تاني يضحك معايا ممبعد قالي خلاص دوختني هههههههه و يضحك عليا جبدني من خشمي قالي ارقدي ارتاحي قلتلو تصبح بخير دار للجيهة الاخرى و رقد بقيت نشوف مع ظهرو وانا نخمم في كلامو مع محمد حتى غلبني الرقاد و رقدت نضت الصباح لقيتو مكانش شفت الساعة لقيتها التسعة نضت غسلت و لبست قشي عدلت فراشي وبقيت ندور في البيت جعت و حشمت نهبط لتحت حتى جات ماما حبيبة قالتلي صباح الخير وعلاش مهبطتيش تفطري قلتلها هدا وين نضت قالتلي نكمل و نهبطو نديرلك فطور قلتلها لالا بصح شكون الي راهم التحت قالتلي كامل راحو بقات غير حنين اختيب و ملاك و ام سلطان قلتلها املا نهبط عيت للختها قالتلي اعملي الفطور للنوار هزت حاجبها و قالتها ان شاء الله قالتلي ماما حبيبة نوار حبيبتي متزعفيش من حنين راهي ناس ملاح بصح هي دايرة في بالها بلي اننت سرقتيلي راجلي و راح تديلي بلاصتي مزال برك متعرفكش نهار تعرفك كيما انا راح تولي تحبك و توليو كي الخواتات قلتلها ان شاء الله و انا منتقلقش منها ممبعد هبطت راسي و تفكرت هدرة سلطان و محمد قلتلها ماما حبيبة بصح سلطان ميحبنيش تبسمت معايا قلتلها و انا حشمانة منها قلتلها ماشي قصدي بلاك راح تفهنيني غالط قالتلي حبيبتي نوار متبرريش موقفك سلطان راجلك ومدابيك يولي يحبك و يهتم بيك وامالا وعلاش تزوجتي وليت نبكي قلتلها و الله ماقصدي هو راجلك انت و ميهمنيش يحبني ولا لالا قالتلي موار قلتلك متبريش موقفك يا عيني انا فاهمة واعية وعلابالي كي زوجتكم بلي راح يجي النهار الي راح تحبيه و هو يحبك متحشميش و تخبي حبو في قلبك خاطر خايفة على مشاعري انا انا دايرة حساب هدا الشي ومتاكدة راح يجي نهار الي توليو تعشقو في بعضاكم متديريش حسابات بزاف في راسك هبطت راسي و انا حشمانة و مقهورة هزتلي راسي و قالتلي علابالك وعلاش لحد الان مقربلكش سلطان شفت معاها و مفهمتش قصدها بكلمة متقربلك و حشمت نسقسيها لانها هي مرتو خايفة نسقسيها وتتجرح املا بقيت ساكتة قالتلي خاطر هو يحس روحو كبير عليك وحاسبك كيما بنتو او بالاصح هو مزال مجربش الحب بعد الي صارمن 21 سنة هزيت عينيا ليها باستغراب هي جات راح تحكي حتى لقينا حنين تعيط قالت هيا تفطر راني جهزلت تفطري قالتالها ماما حبيبة طلعيه قعدتني على السرير و قالتلي ارواحي نحكيلك
حبيبة قعدتها و حبيت نحكيلها حكايتنا باه تفهم سلطان و تعرف واش الي خلاه يتزوج بيا جابت حنين الفطور لنوار كي جات خارجة قفلتلها اغلقي الباب وراك قلتلها كولي و اسمعي انا يا نوار كنت يتيمة كيما انت كانت عندي عايلة اب و ام و اخ ومرتو وولادو في نهار خرجت انا و حنين جينا لدار جيرانا الي هوما دار سلطان كنت نجي نقرا مع البنات و نجيب حنين معايا طولنا النهار هداك حتى سمعنا انفجار تهزت الارض تحتنا وسمعنا الناس تجري و العياط دارنا الي صار فيها الانفجار بسبب الغاز ماتت ماما و بابا و خويا و مرتو وولادو كامل من نهارنا انا وحنين ولينا وحدنا عندنل غير ربي سبحانو الوقت هداك كان عندي 17 سنة و حنين عندها عام في عمرها تحرق قلبي على الي ماتو حسيت دنيا معندها حتى معنى وقفو معايا ام سلطان و باباه ربي يرحمو و دارو جنازة للاهلي و جاو خوالي و عمومي فاتت الجنازة و كي جاو رايحين عمومي قالو البنات بدوهم خوالهم و خوالنا يقولو يدوهم عمومهم ممبعد راحو و كل مرة يقولو درك نجو ندوهم درك نجو و بقات غير هدرة ولا واحد فيهم جاء لينا وبقيت هنا في دار سلطان بعد عام و هوما يعاملو فيا كيما بناتهم و يمكن اعز ولا مرة حسسوني باني يتيمة و ماليا تخلاو عليا يمات و مرض باباه تاع سلطان و مات بعد ماماتو ماليا بعام و اربعة اشهر حسيت بابا عاود مات كان اب ثاني ليا و لحنين ممبعد تحمل مسووليتنا سلطان الي كان هو صغير بصح كان شهم و صاحب غيرة عليا و على خواتاتو كان في عمرو هو عشرين سنة كان يحب وحدة بنت الجيران و هي تحبو عندهم عامين مع بعض و هي كانت تغير مني على سلطان نهار طول و هي تدابز معاه بسبتي خاطر كان متكفل بيا و بختي من باب الانسانية مكان عندي لامشاعر ليه ولا هو عندو مشاعر ليا مقدرتش تتفهم الوضع تاعنا حتى لوحد النهار دخل علينا و باين كان مقهور و عينيه حمورة تاع كان يبكي قعد ثلاث ايام و هو في بيتو منعزل علينا ممبعد عرفننا بلي الي يحبها قبلت تتزوج بواحد اخرى و كملت علاقتها مع سلطان قلتلو انت تحب حبيبة خير مني املا خلي حبيبة تنفعك قالتلي نوار هده صح ماتحشمش و نذلة حقيرة قلتلها ايه كون حبتو صح متفرطش فيه ولازم تكون عندها ثقة فيه و تحارب على جالو لاخر لحضة المهم كي تخطبت هو تدمر و تجرح بزاف منها خاطر كان يحبها حب هبال حاول معاها بكل الطرق باه ترجعلو وهي محبتش و هو عرف بلي هي عمرؤها وولا حبتو هو فقد الثقة في حاجة اسمها حب مولاش يستعرف بيه ممبعد سمعنا عرسها بعد شهرين هو راح لامو و قالها حاب نتزوج قالتلو امو مستحيل نخليك تتزوج و باباك معندوش عام ملي مات قالها مراح نعمل لاعرس لاحفلةممبعد قبلت قالتلو نخطبلك سناء بنت خالتك كان عمرها 15 سنة بصح هو قالها حاب نتزوج حبيبة امو قالتلو خلاص كيما تحب و هدرتلي امو و انا قلبت مقدرتش نرفض هوما خيرهم سابق وعلابالي هو مخطبنيش حبا فيا خطبني باه يكسر خشم هديك الي كان يحبهاو حققلها شكوكها ايامات و تزوجنا قبل ماتتزوج هي شحال من مرة بعتتلو قالتلو كون تطلق حبيبة نرجع ليك محبش اصلا يرد عليها خلاها هكاك معرغفتش الصح خلاص بعد زواجنا لاحبني ولا حبيتو انا كنت نرقد مع حنين و هو يرقد مع امو من الوقت هداك حقدو عليا اختو منى و منار و سناء بنت خالتو و عمكلولي مشاكل لاتعد ولا تحصى لدرجة انتهم دورو عليا ام سلطان وولات تشوفني عدوة لقيتو غير هو الي وقف في وجوهم و يدافع عليا ماشي حبا فيا لكن هو ميقبلش الظلم بعد عشرين يوم من زواجنا ولا يرقد معايا في البيت بصح انا في السرير وهو مفرش في الارض فات شهر و نص اخر بدات انا تتبدل نظرتي ليه وليت نشوفو هو الملاك الحارس الي يحميني وهو محبش يتقرب ليا باه مكونش ظالمني حس روحو تزوجني غير انتقام من حبيبتو الخاينة ممبعد بدا يتقرب مني بالشوية حتى وليت مرتو قلبا و قالبا ووليت نعشقو و نحتارمو بصح هو محبنبش عشقا هو حبني خاطر انا مرتو و حاط بلي كلشي يعملو معايا مجرد واجب و محترمني و مدللني بصح قلبو ميت من نحيتي هو جامي قالي نحبك يا حبيبة ولوكان بالغلط هو مايحب الي يكدب ولا هو يكدب هو يعتبرني زوجة و صديقو و رفيقة العمر برك ووالف بيا و عشنا بالطريقة هده ................................ يتبع