نوارة العميد سلطان

الحلقة 35

الحلقة 35

نوارة العميد سلطان
نوار نزلت و انا خايفة و رجل للوراء و رجل للقدام خاطر جامي لبست كيما هكا طليت بالشويةة شفتهم قاعدين التح رحت من الباب الزاوج الي يخرج برا و دخلت منو للكوزينة لقيت حنين واقفة دارت شافتني قالتلي واش راكي دايرة في وجهك و علاش معرية روحك روحي استري روحك خاطر مهند و علي راهم هنا قلتلها انت واش دخلك اتلهاي في روحك حتى سمعت واحد يصفر عليا من ورايا دورت لقيتو مهند قالي واش اللبسة هده يا نوار حشمت وهبطت راسي جات وراها ماما حبيبة شافتني تخلعت فيا قالتلي وعلاش يابنتي لابسة هكا روحي خفي بدلي و الله كون يجي سلطان و يلقاك هنا وانت هكا و علبي راهم يدور هنا يابنتي متديريش مشكل لروحك جاء علي قال لمهند وعلاش طولتي وينك هو شافتني بقا يشوف معايا من فوق للتحت و حل فمو كي شفتو تخطف لوني و ماما حبيبة تحركلي في راسها تاع روحي من هنا روحي جيت هاربة نورمالمون نرجع من الطريق الي جيت منها من الخلعة رجعت من الباب الي تدي للصالون وين كانو قاعدين انا راح نحط رجلي في الدرجة الاولى حتى سمعت صوتو يرعد من ورايا قالي حبسي كيما راك وين كنت و انت لابسة هكا حتى شفت مهند و علي جايبين الطباسة و جايين من الكوزينة انا شفتو عرف بلي كان علي في الكوزينة و شافني بالشكل هدا من الخوف طلعت نجري في الدروج دخلت لبيتي و انا نرعش مت بالخوف جيت نغلق الباب لقيتو حكمها بيدو و دز الباب و ردخها من وراه وليت نمشي للوراء و نقولو و الله ماكنت علابالي بلي علي في الكوزينة و اللهقالي معلابالللكش ااااااااااااااا يانوار واش قلتلك انا وحكمني من ذراعي حت عينيه شاعلين نار من العصاب الي حكموه العروق تاع رقبتو و راسو تحسهم راح يطرطقو و بقا يقولي واش اللبسة هده تاع بنات الشوارع وعلاش متاخديش الراي راح ترخسيني على اخر عمري وحدة قد يدي ياحيوانة حتى وعلي مكانش تهبطي هكا قدام خويا عازب راح تهبليني جمعت الشجاعة اي عندي و قلت لازم نواجهو قلتلو بصح انا من حقب نعيش كيما البنات الي قدي حابة نلبس و ندير مكياج و ندير الحوايج الي نحب نعملهم نهدر و نعيط جبدي ليه و حكملي وجهي بيدو حسيتو راح يكسرلي فمي قالي وعلاش انا قلتلك متديرش من واش حرمتك بصح ديريهم في بيتك ماشي قدام امة لا الله الا الله حتى و لوكان نخليك نورمالمون انت متديريهمش خاطر حرام يا سيدي انا و مخفتيش مني متخافيش من الي خالقك اهدري متبقايش ساكتة هدا وين كان صوتك يلعلع بصح او ل مرة واخر مرة ودزني مع الحيط حتى حسيت راسي تكسر حكمت راسي و قعدت و تكمشت في الحيط و نبكي بالصوت حكمني من ذراعي ووقفني قالي دموعك متشفعلكش عندي خار حدرتك و حدرتك و حدرتك و علابالك الي درتيع غالط و درتيه و كسرتي كلمي كون جاء واحد اخر راهو شعل فيك النار ولا حطلك في راسك رصاصة قلتلو اقتلني و ريحني ولا طلقني منحبكش كرهتك حتى لقيتو هز يدو وعطاني كف طيحني في لارض خبط الباب و خرج وليت نبكي بالصوت انا هكاك حتى لقيت ماما حبيبة دخلت عليا وقفتني و داتني قعدتني في السرير و قالتلي وعبلاش يابتي درتي هكاو كسرتي كلامو و سودتيلو وجهو قدام علي و مهند حدرتك و انت مسمعتيش مني كيفاش نقدر انا نحميك و نوقف معاك وانت الي غالطة احمدي ربي الي مدارلك والو هكا ولا اكثر استغفري مولاك يانوار و حطي عقلك في راسك متعاوديهاش كي شفتك لبستي هكا وواقفة في الكوزينة قلت مستحيل تكوني انت نوار الي ربيتها وعلاش تبدلتي هكا قلتلها انا والله مكان علابالي بلي راهو في الكوزينة وديا انا حابة نلبس و نحط مكياح انا صغيرة و هو كبير راح يدفني بالحياة معاه انا ماشي من حقي نعدل روحي قالتلي شكون الي راهو يقرالك في راسك و يقولك اعملي هكا خاطر انا نعرفك انت ماشي هكا انت تربية يدي ونوار الي تنعرفها متكسرش كلمتي قلتلها اسمحيلي ياماما غلطت بصح هو ضربني و خوفني قالي يابنتي هو يغير عليك افهمني من حبو ليك ميحب حتى واحد يشوفك حتى ولوكان بالخمار ميحبش وين بالشكل هدا
حسيت بيها حضنتنتي و قالتلتي حبيبتي سلطان عصبي و قادر يسامح مرة وزوج و ممكن حتى ثلاثة بصح قادر في اي لحضة يولي وحش واملا متخليشهش يوصل باه يضربك و انا منهدرش على حاجة تاع كف كون يضربك سلطان اعرفي روحك يا تموتي يا تكوني في حالة خطيرة تبعي كلامي والله والله غير هو يحبك و يموت عليك وانا راني نشوف في الشي هدا في عينيه في لهفتو و خوفو عليك علابالك كي يدخل للدار اول حاجة يديرها واش هي يحوس عليك بعينيه ك ميلقاكش يجيني يقولي وينها واش بيها يسقسي حتى على ابسط التفاصيل تاعك حتى كي يولي معايا في بيتي يقولي احكيلي كيفاش كانت نوار عيشة في الميتم راكي سيطرتي على قلبو و تفكيرو اول مرة نشوفو هكا متخسريهش هدا راهو راجل و خوك و باباك و كل اهلك و قريب ادا كتب ربي راح يكون ابو اولادك بستني على راسي و قالتلي ارواحي للصالون الي هنا الفوق درك تجيبلنا حنين العشا نتعاو انا و انت و هي هكا حبيبتي روحي اغسلي و جهك والحقيني هزيتلها راسي بايه تبسمت معايا و راحت وقفت و الدوخة تدي فيا و تجيب المرض و من كثرت البكاء و الخبطة تاع الراس و كملها بكف حسيت خدي مات رحت اول حاجة بدلت الفضيحة الي كنت لابستها و رحت للدوش غسلت وجهي الي ولا خريطة بالوان و رحت لقيتهم هي وحنين في الصالون قعدت معاهم حتى حنين حسيتها مقلقة ومكلاتش بزاف و انا كيفها حتى زعفت منا ماما حبيبة راحت حنين لبيتها و ماما هبطت السنيوة و انا بقيت تم وحدي لميت رجليا لصدري و حطيت راسي عليهم حتى قريب غفيت معلابالش اصلا شحال و انا في الوضعية هديك حسيت واحدة جاء قعد حدايا و قبل مانهز راسي محسيت بروحي غير و هو هازني بين يديه و داني لشومبرتي عرفتو من ريحتو سلطان حطني و غلق الباب قعد على الحافة تاع السرير و قالي ارواحي قربت عندو و انا حشمانة من الي درتو و وخايفة منو خاطر وجهو كان يخوف قعدني كي العادة في حجرو و قالي وعلاش تخليني نعاملك هكا يا نوار ونولي نعيط عليك علابالي بيك صغيرة و ضعيفة و يتيمة و علابالبي بيك غبية و نية علابيها نضل نوريلك و ننصح فيك وشحال هدرت في موضوع المصيبة هدا تاع علي قلتلك متهبطيش للتحت وهو هنا قلتلك خيالك منحبش يشوفو خاطر علابالي بيه حرتايمي و عينيه يلعبو بزاف مقدرت نزعطو و لا لقيتلو ابارتومون الي نعرفهم كامل وصيتهم ومزال ملقاولوش بقيت ساكتة هزلي راسي بيدو و قالي اهدري خررجي واش في قلبك المهم متسكتيش عاودت هبطت عينيا قالي وين توجعك هو قال هكا و انا حسيت فمي تعوج و عينيا تعمرو بالدموع حطيت يدي على خدي و على راسي من الوراء قالي لالا ياربي متبكيش للدرجة هده توجعك هززيتلو راسي بايه قالي اسمحيلي و الله ندمان ان شاء اله تتكسر يدي قبل ماتضرك ااااف امسحي دموعك قلتلو و انا نبكي و بسيف نخرج في الكلمات قلتلو انت موليتيش مليح و وجعتيني بزاف اليوم و قبل يومين وليت منحبكش و نتقلق منك قالي وعلاش ياعمري تتقلقي مني و كرهتيني خاطر انا تقربت منك و قلتلك هديك سنة الحياة و لازم تصير وو هيك هي الطريقة الوحيدة باه يكمل زواجنا و نجيبو ولاد و نربيوهم انا و انت و ادا على المكياج قلتلك ملازم تديريه و تخرجي بيه و اله حتى ربي سبحانو يغضب عليك لانك راح تتزيني ويشوفوك رجال اخرين من غير راجلك بسم الله الرحمن الرحيم (((وقل للمؤمنات يغضضن ابصارهن و يحفضن فروجهن و لا يبدين زينتهن الا ماظهر منها و ليضربن بخمرهن على جيوبهن ))) صدق الله العظيم و انت واش درتي نزلتي بسروال و ليكات لاصقين في لحمك و وراسمين لاطاي تاعك رسم ووجهك معمر مكياج و طالقة شعرك و الله انا و مشفتكش بالشكلل هدا و هابطتلي قدام هداك الرخيس و مهند خويا تم كي شفتك مبقاش في راسي عقل ووصارالي صار و هدو الحوايج كامل درتهم لمصلحتك امالا وعلاش تتقلقي مني انا كل همي نعيشك مليح و ندعي دايما ربي يقدرني باه نعيشك سعيدة حابك تفهمني بلي مندير والو يضرك كبري علقك يا نوار قالي اهدري خلي نتناقشو و تفهميني و نفهمك بسيف خرجت الهدرة من فمي و انا نمسح في دوعي قلتلو انا محابتكش تزيد تتقرب مني منحبش الشي هدا يقلقني و حتى معاملتك مفيهاش عاطفة لانك متحبنيش قالي كيفاش عرفتي بلي اا منحبكش قلتلو ولا مرة قلتيلي بلي تحبني ولا يضحك عليا قالي يامصيبة و الله نعشق فيك عشق معندوش مثيل ماشي برك نحبك انا تعلقت بيك يا عمري انا في عمرلاي هدا اسرتني في حبها طفلة و خلاتني هايم بحبها للحد النخاع وانا منعرفش نهدر و نعبر حابك برك تعرفي بلي الحب ماشي باللسان انا نحبك بهدا و اشر على قلبو و القلب الحب تاعو صادق و انا حبي ليك صادق و من اعماق قلبي راني طايح فيك وواحد ماسما عليا حبيتك الحب هدا كامل غير في شهرين امالا في عام واش راح يصرالي نولي منقدرش نتنفس غير و انت معايا و في حضني تبسمت و قلت في قلبي معاناها يحبني و هدا الي كان يقول فيه هو كلم الغزل ههههههههه
ضحكت و غطيت وجهي بيديا
قالي خلي درك نرجعو للموضوع الاول هداك الموضوع تاع متزيدش تقرب ليا هده الهدرة منحبش نزيد نسمعها من هنا وو حطط صبعو على شواربي و يمسح فيهم قالي انا راجلك و انت حللي متخليش الخوف يتحكم فيك لازم متخافيش مني حابك تكوني شجاعة و تهزلي طفل هنا و حط يدو على كرشي قلتلو بصح انا منحبش تتقربلي نخاف و نحشم هدرت و انا مهبطة راسي و نعصر في صباعي و حاسة قلبي راح يحبس كل مانتفكر الي صار المرة الي فاتت
قالي واش هدرنا على الخوف و الحشمة المرات الاولى تضغطي على روحك وممبعد توالفي بيا و هده هي سنة الحياة ولا احنا انا وو انت و كل العالم كيفاش جينا للدنيا سكت شوية و قالي و الله غير راني نحبك انت هبلتيني وليتي ليا ادمان يهدر و يبوس فيا من وجهي كامل و منرقبتي و يتغزل بيا و انا منذمجة معاه حسيت روحي في عالم اخر وليت مستمتعة و انا بين يديه احساس روعة حتى وصل باه ............. حسيت روحي راح تخرج من الوجع ولا سادلي فمي و نا نعيط و نبكي و هو يقولي اسكتي و الله ماقدرت نتحكم في روحي و مع كمل وليت نبكي و نقولو نكرهك كداب قلتيلي تحبني اخرج علياكون جيتي تحبني متوجعنيش هكا انت استاد في الكدب سدلي فمي بيدو و يضحك عليا قاي اسكتي فضحتينا جبدني لصدرو و قالي اسمحيلي وجعتك بصح و اله كي نولي معاك منتحكمش في روحي وكيما قلتلك ياعمري و الله توالفي بصح متعيطيش راهو سمعك سابع جار و الله عيب ومتنسايش حبيبة تسمعنا يتكسر قلبها و خاطرها سكتت و انا نشهق و نمسح في دموعي و نهدر بالشوية قلتلو كلحتيني منحبكش قالي هو بصح انا نموت عليك قلتلو اخرج قالي راني رايح بصح لازم نعمل حاجة قرب ليا باسني من فمي وراح يخرج جيت نقولو نكرهك قلتلو نحبك دور ليا و قالي علابالي و غمزلي هههههههههههههه خرج و هو يضحك ...................................... يتبع