نوارة العميد سلطان

الحلقة 8

نوارة كملت الحفلة روحو كامل الغاشي قلتلي ماما حبيبة روحي مع سلطان اعملو جلسة التصويرقلتلها هيا تروحي معايا قالتلي لالا راني عيانة ولازم نلمو الدار من الهوسة الي صرات محابيش نروح معاه وحدي شكلو يخوفني رحت نركب من الوراء قالي لالا اركبي معايا من قدام وليت نرعش رحنا ولا واحد فينا نطق كلمة كملنا التصوير و جينا مروحين في الطريق بقيت ساكتة حتى التنفس تاعي نحسو صعيب وانا معاه وحدي حتى لقيتو حبس في الطريقسلطان مقدرتش نتحمل وانا قاعد معاها و حاس بالذنب حبست السيارة و دورت ليها قريب قلتلها بنتي نوارة قلتلها نوارة نسقسيك و جاوبيني بصراحة قالتلي سقسي و هي مهبطة راسها قلتلها انت مقتنعة و متاكدة من زواجك بيا و انا كبير عليك باكثر من عشرين سنة يعني انت بعمر بنتينوارة وانا مهبطة راسي قلتلو لالا واحد ماسيف عليا انا قبلت وحديسلطان كي ردت عليا كنت نتنمنى تقولي سيفت عليا حبيبة ولا تقولي حابة نتراجع وليت تنهدت نوضت السيارة و سكتت ورجعتها للدار عند حبيبة ستقبلنا حبيبة و هي تزغرت وتحضن و تبوس و تبارك اااه يا حبيبة خايف تكوني مكسورة من الداخل و تمثلي عليا باه ترضيني تغميت دخلتها قعدتها مع خواتاتي و يما و انا طلعت لبيتي محبيتش نشوفها باه م انبنيش ضميري لحقتني حبيبة قالتلي حبيبي واش بيك مراكش فرحان درت ليها و انا نبلع في المر قلتلها منين تجيني الفرحة و انا حاس الطفلة مقابلة و انا ماني قابل انا قبلت على وجهك و هي تاني قالتلي راح تتقبل الامر بعد الزواج بركة ماتفسد عليا فرحتي ممبعد قالتلي الطفلة لازم تبدل باه نحكموها تتعشا معانا و معندهاش واش تلبس قلتلها واش نديرلها قالتليروح لمول الحانوت تاع القش يبعتلها غوب تلبسها قلتلها خلاص درك نقول لمهند خويا يجيبلها حاجة واخرجي عليا مقدرتش نهدر خلي النهار يكمل على خير خرجت وانا عيطت لمهند وصيتو قالي راني جاي نص ساعة و نكون تمحبيبة جابلها مهند غوب حمراء قلتلها هيا تبدلي حبيبتي ديتها للبيت تاعنا لقيت سلطان يبدل في قشو قلتلو اخرج خليها تبدل حسيت دمو راح يخرج على خشمو قالي راني خارج قلتلها البسي بصح متنحيش المكياج و لاكوافير باه كي تروحي للميتم يعاودو يشوفوك البنات ويفرحو معاك خرجت وخليتهانوارة جابولي غوب الرقبة تاعها v و محصورة شوية من الصدر و الخصر و من تحت عريضة و طويلة لبستها و عدلت روحي و هبطت عندهم لقيتهم كامل ملمومين قعد معاهم وممبعد حشمت قلتلهم ويني ماما حبيبة قالتلي اختو مهى الكبيرة ههه تقولي لضرتك ماما تبسمت معاها و قلتلها ايه عاودت ولات تضحك بالصوت و قالتلي هي ماما و سلطان بابا و تكمل الحكاية تحرجت حتى لقيت ماما حبيبة قالتلي ارواحي راني هنا في الكوزينة رحت عاونتها و بدينا نجهزو في المايدة وانا وهي نضحكو و نتشايخو عاودت قالتلي اختو ه جامي شفنا ضراير هكا هزيت عيني لقيت سلطان يشوف معايا هربت للكوزينة من نضراتو حتى العشاء قلت لماما منقدرش ناكل و هوما يشوفو معايا قالتلي اعملي روحك تاكلي و ممبعد نحطلك ادي معاك ليك و للبنات و اتعشاي براحتك كملنا العشاء الي مقدرتش نهز راسي فيه كي كملنا قالت ماما حبيبة لسلطان ادي وصلها حيسيتو يتهرب باه ميوصلني ممبعد قنعتو يوصلني وصلني ومهدرش معايا بصح كي هبطت عند الباب تاع الميتم هبط معايا ودخلني وهدر مع العساس وممبعد راح فاتو الايام و قرب العرس و انا كل مايفوت نهار نخاف اكثر الي مفرحني ماما حبيبة و فرحتها كل يوم تخرجني باه تشريلي الجهاز وكل مرة تجيبلي كادو تقولي بعتهولك سلطان مرة ساعة مرة ريحة مرة غوب و مرة تليفون وهو فات عشرة ايام من نهار الخطبة ماشفتو ولا شافني هنا حكمتني الحيرة وعلاش ميوصلهمليش هو حتى يبعتهم مع ماما حبيبة ديجا انا سامعة بلي المخطوبين يخرجو و يتعرفو على بعظاهم في فترة الخطوبة حتى وجهو نسيتو تالمون مشفتوش بزاف وليت كي نحط راسي على المخدة نحاول نتفكر وجهو نتخيل ريحتو وقفتو و هيبتو الي تخليني نرعش و حتى صوتو يرن في وذني كي حكيت لرشا قالتلي هه باينة بديتي تحبيه حتى وليت من الهدرة عليه بزاف نتخيلو هو فارس احلامي وحتى فارق السن تجاهلتو حتى لوحد اليلة عيطلي رقم غريب اصلا واحد مايعيط في تليفوني غير ماما حبيبة و رشا تيبيلي باه نسمع الاغنية تاع لاصونري خفت نهز حتى لقيت ميساج وصلني قالي هزي عليا انا سلطان من الفشلة التليفون طاحلي من يدي هزيتو و و ريبونديت عليه قالي الو صوتو حسيتو هزني وولا قلبي يخبط وانا نسيت حتى كلمة الو قلتلو الو قالي راكي راقدة قلتلو لالا راني نراجع في القراية تاعي قلتلو وعلاش عيطتيلي محتاج حاجة سكت وممبعد قالي واش رايك غدوة نخرجو نتعشاو برا مت بالفرحة قلتلو ايه وكانني كنت نستى نشوفو وكانني توحشتو جيت نقولو وقتاش تجيني حتى لقيتو كوبا عليا و انا مكملتش هدرتي اااف وعلاش يحسسني بلي راح يتزوج بيا و مسيفين عليه حيرتيني يا سلطان حطيت راسي على المخدة و غمضت عينيا و نحاول نتفكر في صوتو الي سكن قلبي ونستنا غير وقتاش يجي و يخرجنيسلطان كنت قاعد في رحمت ربي حتى لقيت حبيبة جابتلي تاي و قعدت حدايا و بدات تشكرلي في نوارة و تقولي كون تشوفها شحال مسرارة و نزل عليها السر تاع العرايس وانا علابالي فيها حابة تشكرها باه تخليني نخمم فيها ممبعد قالتلي سلطان وعلاش متعيطلها قلتلها وعلاش عندها تليفون قالتلي ايه انا شريتهولها و قلتلها انت الي بعتيهولها قلتلها ااف من يا حبيبة وعلاش هكا تزيدي علا بابيا و الله الذنب قاتلني قالتلي خلاص راهي مرتك و لازم توالفها و تخليها تحبك و توالف بيك المراة مهما كان عمرها راح تكسبها بالمعاملة المليحة و الكلمة الحلوة قلتلها راح ندمرولها حياتها يا حبية مقادرش نشوفها غير طفلة صغيرة محتاجة رعاية و اب و حنان وهي تاني نحسها تخاف مني قالتلي ههههه انا ومزال نخاف منك وانت قلتي الطفلة مكسورة الخاطر اجبر بخاطرها يا سلطان تهدر و تداري فيا قلتلها وكيلك ربي ياحبيبة هزت تليفوني و تضحك و قالتلي عيطلها و فرحها عيكطتلها المشكلة ملقيتش واش نقولها قلتلها نتعشاو برا حسيتها فرحت مقدرتش نتخيلها انها تتعلق بيا و انا معندي ليها حتى مشاعر كوبيت مقدرتش نسمع صوتها اكثر الي يشبه لتاعهع طفلة عندها عشر سنيننوارة فات النهار روتين و انا بالي غير وقتاش يجيني حتى لمورا المغرب وليت نحوس على لبسة مليحة نلباسها و رشا تخير معايا درت كحل في عيني اصلا معندي مكياج و مانعرف ندير مكياج لبست غوب بيضاء على لاطاي فيها نقاط صغار كحولة و جاية نص ساق و بدرعين طوال و درت شعري كوتشوفال عالياا و هو طويل و ملس وحطيت ريحة هو بعتهالي كادو حتى لقيت تليفوني يصوني قالي عشر دقايق مكون قدام الميم جهزي روحها و انا وليت كي المهبولة ندور في الشومبرا و رشا تقولي حبسي دوختيني عاود عيطلي قالي اخرجي خرجت لقيتو يستنا فياركبت معاه من قدام و لحت السلام وهو شاف معايا ورد السلام وديمارينا قالي واش احوالك نوار قلتلو لاباس و انا فرحانة هو يسوق و انا نشوف معاه و هو لاعلاقة مدارش جيهتي خلاص قلي وين تحبي تروحي قلتلو معلابلاليش انا مموالفاش نخرج خلاص قالي واش رايك نديك لمدينةالالعاب قلتلو ايه و نضحك فرحانة شفتو شاف معايا و بقا يضحك اااه ياريتوو مضحكش اول مرتة شفت الضحكة تاعو وصلننا للمدينة تاع الالعاب و انا عينيا ولاو يشعلو من الفرحةسلطان كي قلتلها وين حابة تروحي قالتلي جامي خرجت لبلاصة ملي كان عندي سبع سنين تقهرت واش المصيبة هده الطفلة حتى الدنيا متعرفهاش كيفاش جاية خايف تخرج وحدها تتودر قلتلها نديك لمدينة الالعاب طارت بالفرحة فرحتها تاع وحدة بريئة ضحكت عليها و عينيها يبرقو ههههههههه وصلنا قلتلها وين حابة تلعبي و تركبي قالتلي كيما تحب انت قلتلها لالا انت اليوم تختاري وين تلعبي قاتلي فيالقطار الدوار بصح نخاف لام تروح معايا قلتلها هههههههههههههه خلاص نركب معاك ركبنا و هو بدا يجري بينا و السرعة تاعو تزيد و هي بدات تعيط و حكمت في يدي ولااراديا حطيت دراعي عليها و حصرتها لصدري حسيتها كي الحمامة بين يديا وهي ترعش فقت مع روحي حبيت نجبد روحي لقيتها حامتني من القمجة و راسها في كتفي ومغمضة عينيها ولات هي خايفة من اللعبة و انا خايف عليها من روحي ......................... يتبع