نوارة العميد سلطان

الحلقة 26

لحلقة 26
نوارة العميد سلطان
نوار هز راسو شاف معايا و عض على شاربو وناض عليا حسيت وجهو تقلب و تقلق و انا قلبي راح يحبس من الفشلة و الحشمة ياربي كيفاش حتى درت هكا وخليتو يوصل للدرجة هده معايا وليت جبت الغطا غطيت روحي كنت عريانة خلاص اصلا مفقتش وقتاش نحالي حوايجي و هو محشم لا والو كي عراني كيفاش نزيد نحط عيني في عينو بعد ماشافني كيما خلقني ربي هزيت راسي شفت معاه لقيتو واقف وعاطيني بظهرو و حاط يديه فوق راسيو عاود جاء ليا هز الغطا و ورقد في بلاصتو و جبدني لصدرو و هو بللا تريكو حسيت جسمو سخون ولصقني فيه وباس راسي و قالي واش بيك ترعشي مكان والو متخافيش قلتلك انا مستحيل نفرض حاجة عليك و براحتك حتى نهار ترضاي و تكوني مقتنعة قالي ارقدي ارتاحي و حط يدو على ظهري غمضت عينيا باه منشوفش فيه حى لقيت روحي رقدت كي نضت لقيتو مكانش طليت تحت لغطاء شفت روحي عريانة تفكرت الي صار نضت لبست و انا الفشلة فيا فاتو ايام و و انا منحبش نقابلو و نتهرب منو من الحشمة بصح هو تبدل معايا ولا في كل فرصة يسقسي عليا امو و ماما حبيبة و حتى حنين كي يشوفني في بلاصة يجي يقابلني و يقعد يحاول يهدر معايا و انا نردلو غير بايه و لا لالا كي يشوفني واقفة في الكوزينة يحب يقرب ليا يقولي جيت نشرب وكل مرة يمسني و كانه عادي بصح علابالي يتقصد و يضحك و يشغل معايا و كانه مصار والو نظراتو ولا تاكلني ماكلة كل ماندور نلقاه يشوف معايا و انا نرتبك ونولي منعرف لا نخدم حاجة و لا نركز في خدمة نخدم فيها ووليت كل مانلبس حاجة ضيقة شوية يقرب ليا في اول فرصة و يقولي بدليها مجاتكش مليحة حتى في الليل كي يجي رقد حدايا وليت نلبس بيجامات تاع سروال ومنتعراش في الليل وكي نفطن الصباح يا نلققاه محضني ولا نلقاه حال عينيه و يشوف معايا لحد النهار الي عرفتو انو ماما حبيبة راح تروح للعمرة على اساس كانت رايحة هي و سلطان و هو معطاولوش عطلة في الخدمة املا قررت تروح مع صحاباتها انا علاقتي بيها قوية بزاف و لليت متعلقة بيها اكثر صح كنا في الميتم قراب بصح كي عشت معاها زدت في حبي ليها و هي تاني قالتلي واش تحتاجي نجيبلك و انا منحشمش منها عمرتلها لاليست و هي تضحك تقولي هدا مكان زيدي خممي هههههههههه و تاني نهار سافرت و خلات عليا الدار فارغة كمل النهار هداك غير حزن و بكا عليها منقدرش نتحمل الدار هنا بلا بيها تاني نهار لقيت الباب يطبطب فتحتو لقيت انا شفت شكون و انا تصدمت خواتاتي من بابا ايه و ايمان قلتلهم واش بيكم كانت حالتهم حالة و يبكيو قالتلي ايه نوار معندناش وين نروحو ماما تزوجت و راجلها مقبلش نعيشو معاها زعطتنا و خوالنا ماقبلونا و بقيتي غير انت الي عندنا في الدنيا قلتلهم ادخلو ادخلو دخلتهم جبتلهم الماء شربو و بداو يحكيولي قالولي راجلها كان قابل بينا و نهار تزوجت دار في كلامو خاطر متفاهمناش مع بناتو قالها بناتي في دار باباهم ومراحش نزعطهم على جال بناتك شوفيلهم حل هي سكتت و محبتش تخسر راجلها على جالنا قلتلهم اقعدو حطيتلهم تغداو وانا بقيت نستنى في سلطان يجي جات حنين لقاتهم سلكمت عليهم وعجوتي قالتلي شكون بقيت نحكيلها قالتلي اي مساكن كيفاش خلاتهم امهم علاجال راجلها بنات و صغار طيشتهم في الشارع
حتى سمعت السيارة تاعو عرفتو جاء تلاقيتو للباب ضرب عينو الداخل قالي بالشوية شكون البنات هدو هبطت راسي و قلتلو هدو خواتاتي الي هزي راسك اهلا بيهم ممبعد هدر بصوت عالي قالهم مرحبا بيكم نورتونا قالتلو اية شكرا عمو حطيتلو تغدا هو و منهد وانا مع الحاجة و حنين وخواتاتي كانو تغداو قبلكملنا الغدا هزينا الماعن ورحت لخوتاني قلتلهم اقعد في بيت الحاجة نطلع نهدر مع سلطان طلع هو قبلي وانا طالعة و حشملنةو حايرة كيفاش نجبدلو على الموضوع وصلت للبيت فتحت الباب ملقيتوش دخلت لقيتو داخل ورايا كان في الدوش يتدوش جاء ورايا وقالي بالشوية كنتي تحوسي عليا درت شفت معاه قلتلو ايه تبسم و قالي راني هنا شدنبي من يدي وو قعدني على الحافة تاع السرير و قالي هيا ترقدي نحسك عيانة قلتلو لالا حابة نهدر معاك و انا مهبطةة راسي هزلي راسي و قالي اهدري قلتلو معلاباليش كيفاش راح نهدرلك بصح خواتاتي معندهمش وين يروحو قالي و امهم وين راهي قلتلو تزوجت و طيشتهم راجلها مقلبش بيهم قالي لاحول ولا قوة الا بالله خليهم يقعدو هنا مساكن مزالو صغار استغفر الله الناس حياتهم كامل و هوما تمنيين طفل واحد و هوما ولادهم يطيشو فيهم في الطريق و زيد زوج بنات كون جاو ذكورة نورمال قلتلو و الله لاشماتة بصح كي دارتلي ودارلي بابا تعاودت في بناتهم الدنيا صح دوارة شاف معايا و تبسم قالي محسبتكش شريرة و هزلي حاجبو ضحكت معاه و قلتلو و الله مراني شريرة بصح تعجبت كيفاش الدنيا تدور على الانسان قالي خلاص خليهم هنا و كاش مايحتاجو وليلي و متحشميش مني هكا قالي راح نرقد شوية شربت الدواء و راسي محبش يحبس قلتلو دقيقة نجيبلك الفيك الحار من عند الحاجة و نحطلك في راسك قالي ايه ياريت هبطت نجري جبتهولو لقيتو طفا الضو وخلا غير الضو تاع الفايوزة قعدت و هو هز راسو حطو في حجري وليت نبلع في الريق قالي هيا واش تستناي عضيت على شاربي التحتاني من الحشمة خاطر باقي غير يشوف معايا وليت حطيتلو الفيك في جبهتو و وونمسد فيه عجبني الملمس الدهني غمض عينيه وانا غست فيه ونسيت روحي وجهو كامل خربتهولو بالدهان هداك فتح عينيه و تبسم قالي خص غير تحطيهولي في فمي عاودت عضيت شاربي و نشوف معاه و نرمش في عينيا قالي ربي يعيشك متعظيش شواربك قدامي ولا مراحش نكون مسوول على واش راح يصرالك قلتلو ايه خلاص عاود غمض عينيه و انا تولهت لشعرو حبطت راسي شميتو نطق بلا مايحل عينيه و قالي عجبك شعري ولا ريحتو مت بالحشمة قلتلو في زوج قالي مليح واش يعجبك فيا تاني تبكمت قلتلو بالشوية فيك كلشي مليح قالي مثلا واش قلتلو طولك وجهك شعرك ريحتكو ريحة شعرك صوتك قالي انا تاني يعجبني كلشي فيك غير طولك مكانش اصلا طول برطمت قالي خلاص راح تقلبيها مناحة تقعد و دار ليا قالي اغسللي يديك و ارواحي ترقدي كون تكمل هكا راح تندمي نضت نجري غسلت يديا ليقيتو داير لجيهتي و فتح الغطا و قالي ارواحي ارقدي انا جيت نحط راسي لقيتو مد دراعو حطيت راسي عليه جبدني ليه و قالي هكا باه نضمن منتضربش و انا راقد تبسمت و رقدت بين يديه و هو مزيرني ليه ....................................... يتبع