نوارة العميد سلطان

الحلقة 10

الحلقة 10
نوارة العميد سلطان
نوار انا شفتها هكاك و انا هبلت منها و هي تقولو 12 تاع اليل يرقدد العساس و نخرجلك قلتلها وين رايحة يا رشا دارت ليا تخلعت قالتلي ااااااااااسكتي يسمعوك راني خارجة مع مرتضي نحوس و نتعشى و يرجعني قلتلها وانا راح نهبل من سذاجتها واش بيك هبلتي واش يضمنلك بلي راهو صح حايبك و رايدك و دايرة فيه ثقة للدرجة هده تخرجي معاه في اليل وو نزيدك كون جاء يحبك صح ميطلبش منك الخرجة في الليل ولا راهو جاء هدر مع ماما حبيبة عليك وانت علابالك احنا يتامى حتى ولوكان تصرالك حاجة مكانش الي راح يدافع عليك و يجيبلك حقك وهو راح يقولهم هي جات برجليها قالتلي مرتضي ماشي كيما الشباب تاع درك نعرفو مليح قلتلها و انا دمي فاير واش درك لكان هدرهالك بفمو او باين حوحو يشكر روحو راح ترخسي روحك وتخرجيلو في اليل حتى ولوكان يحبك راح تطيحي من عينو املا ياعمري قوليلو بطلت منخرجش وادا عينك فيا ارواح اخطبني من عند ماما حبيبة اذا يحبك راح يتمسك بيك و ادا مناويش الخير راح يبعد عليك و يزعف و يبدا يتسبب و انت حرة حتى لقينا تليفونها يصوني قالها وينك اخرجي راني برا خرجتلها عينيا و زيرت على ذراعها قالتلو منقدرش نخرج وادا عينك فيا اهدر مع ماما حبيبة نحيتلها التليفون و قلتلو انت حاسب معندناش الي يوريلنا ادا صح تحبها ارواح اخطبها ولا شايفها يتيمة حبيتي تستغلها ورشا متخرجش انسى الفكرة قالي باينة انت ام لسان نوار شوفي يا نوار و الله و الله تسلكيها غاليا و كوبا عليا ولات هي ترعش قالتلي درك يزعف و يطيشني قلتلها وعلاش انت زبالة باه يطيشك انت راكي هنا في الحفظ و الصون و مزالك في بر الامان املا خليه يعرف قيمتك
نوار من الليلة هديك ورشا نقصت الهدرة معاه و فاتو الايام و وصلنا لنهاية السنة الدراسية و قالتلي ماما حبيبة خلاصو الاختبارات عرسك رانا جهزنالو كلشي بعد ثلاث ايام العرس كنت بين فرحانة و خايفة انا صح راح نولي في دار ومستورة و معايا احن انسانة شافتها عيني و راجل ولا اروع كيما سلطان بصح معلاباليش وعلاش كامني وحد الخوف في قلبي وفاتو الثلا ايام هدوك بين التحضير و جري تاع لاغوب و تاع لاكوافاز بصح غير انا و ماما حبيبة وكان يدينا و يجيبنا مهند خوه تاع سلطان الصغير لان سلطان من ليلة العشا هديك مزدتش شفتو بصح الحزن الي في عينين ماما حبيبة الي مخبيتو وراء ضحكتها باين عليها رغم هي الي حبت و تمنات الزاج هدا بصح قلب الانثى و غيرة الانثى على راجلها في اللحضة هده تمنيت نتراجع بصح فات وقت التراجع وصلل النهار المنتظر الي نورمالمون يكون نهار فرحتي و بهجتي انا اليوم راح تولي عندي عايلة العايلة الي تحرمت منها طول عمري حتى انو العايلة هده يحبوني اكثر من الي كنت معاهم حتى الامان الي نحسو مع سلطان وحبيبة محسيتوش مع بابا في دارنا ولا مع خالي رحت معاهم للصالون تاع الحفافة لقيت بنت عمتو تاع سلطان طفلة باينة حبابة و ناس ملاح و كانت تم حنين اخت ماما حبيبة الي باينة تكرهني قبل ماتشوفني تقول هي ضرتي ماشي ماما حبيبة بدات تحط و تعاود لاكوافاز و مخلاونيش نشوف في المرايا حتى كملت قالتلي ارواحي درك تشوفي كيفاش جيتي وقفت قدامي حنين اخت حبيبة و قالتلي وعلاش تشوفي مكان لاه هيا راح الحال علينا وديجا واش تشوف تشوف وهي رايحة عروسة باه تخرب دار اختي انا سمعتها هدرت هكا وانا حسيت الدنيا دارت بيا حبيت نرد عليها حتى لقيت الطفلة هديك نوال ناضت فيها بوجه كحل و قالتلها و علاش جايبتها مورا الطفلة عروسة تقلقي فيها وهي واشس دخلها يخي عمتي حبيبة الي جابتها و هي الي خيرتها و خطبتها لدرجة انها هي الي جهزتها و جابتهالو و قالتلي نوضي حبيبتي نوار شوفي روحك جيتي كي الملاك الابيض وقفت قدام المرايا خليت عينيا على طولهم وانا نشوف مع روحي الي حسيتها ماشي روحي هههههههههههههه واو وكانني ماشي انا الي قدام المرايا
حبيبة انا كنت لاهية مع الخدمة و دوران تاع العرس وانا حابة كلشي يكون كيما تتمناه نوار ومحبيت حتى حاجة تنقص حتى لقيت ملاك اخت سلطان الصغير ة قالتلي حبيبة عيطي لسلطان البنات كملو عندهم نص ساعة و سلطان طول مجاهمش قلتلها درك نعيطلو طلعت لبيتي و بديت نعيطلو يصوني يصوني و ميهزش عليا بقيت غير نعيط و هو ميهزش عليا اااه ياربي وينو واش كاين ياربي و ميكونش الي في بالي فاتت نص ساعة و انا فشلت قلت بان حايب يدير حجة باه ميجيش و ميحضرش العرس حتى سمعت السيارة تاعو حبست في القرات التحت هبطت نجري ليه قلتلو سلطان وينك طولتي الطفلة ساعة و هي تستنى عند الحفافة قالي وهو باين مقلق و حالتلو حالة قولي لمهند يجيبهم انا مقادرش وووجعني راسي نحط راسي شوية قلتلو سلطان العروسة عروستك انت ماشي راح يتزوج بيها مهند انت الي لازم تجيبها دار ليا بوجه كحل و قالي انت الي جبتيها دبري راسك انا راح نشرب دواء نرتاح شوية ابعتيلي كاس اتاي بلاك يكاميني شوية ............................. يتبع