نوارة العميد سلطان

الحلقة 27

الحلقة 27

نوارة العميد سلطان
نوار نوضني صوت التليفون فتحت عينيا ملقيتش سلطان رحت للتليفون لقيتها ماما حبيبة تعيط فرحت بزاف كي سمعت صوتها بقات تسقسي فيا على كامل الدار و على احوالي حكيت معاها شوية كوبيت عليها حتى لقيت حنين تعيط عليا قالتلي خفي اهبطي جاونا ضياف ارواحي نطيبو العشاء ولا حاسبتني خدامة عندك قلتلها و علاش تعيطي عليا قوليها ببالشوية و درك شوية نهبط تدوشت و بدلت قشي درت مكياج خفيف من اليوتيوب وجيت هابطة لقيت حنين تاكل في روحها ماكله قالتلي وعلاش طولتي قلتلها في عقلي وعلاش يجرو واريا وليت هدرة من عندي و هدرة من عندها جات دزتني من صدري جابتني في باب الفريجيدار قتلتني ظهري بالوجع قلتلها تمدي يدك عليا تحسبيني ساهلة وليت نعاير و هي تعاير قلتلها انت هنا خدمة و تطيبي كيما موالف وبسيف عليك قالتلي املا هاهو وجهي لكان زدت حطيت حاجة في يدي و طيبي وحدك للضيافك و كي يجي سلطان نهدرلو عليك يا كلبة الشوارع ونقولو ضيافنا راحو بلا عشا خليتها تهدر و طلعت لبيتي نتعلم في المكياج من اليوتيوب وحد الساعة و نص سمعت سلطان يعييط علياا نواااااااااااااااااار وينك اليوم موتك على يدي كان في يدي الكحل من الخلعة مشيتو في عيني من فوق للتحت عاموديا هبطت نجري لقيتو واقف التحت ومعاه حنين وهي تبكي و الحاجة ام سلطان و مهند تم شافني مهند ضربها بضحكة شاف معاه سلطان سكت باينة عمرتو عليا قالي سلطان و من وجهو باين زعفان قالي وينو العشاء يا مدام متحشميش خليتي الضياف خرجو من دارك بلا عشاء قلتلو حنين الي موالفة تطيب قالتلو ماشي مسووليتي انا ماشي مولات الدار دار ليها قالها ااا ولات ماشي مسووليتك ماشي انت الي تحبي تطيبي حتى حبيبة متخليهاش تطيب قالتلو هي استفزتني قالها سلطان اسكتي كلمة مانزيد نسمعها ودار قلتلو والله مكنت هابطة نعاونها هي بهدلتني ودزتني على الفريسجيدار و قالتلي انت بلا تربية خاطر تربيتي في الشارع
قاطعني و قالي على التفاهات هده مهبطتيش تدير العشا الله يسود وجوهكم بهدلتو بينا راحت حبيبة الدار خلات و جلات قال لحنين من اليوم انا نبراك من المسوولية رد بالك نزيد نلقاك دخلتي للكوزينة و لا خدمتي حاجة في الدار و دار ليا قالي انت زعمة مرتي و مولات الدار معناها الضياف كانو عندك في دارك و راحو بلا عشاء ولا يبهدل فيا و حنين تشوف معايا و تتبسم و تستشفى فيا و انا غير نبكي و مهبطة راسي جاء طالع ومخلينا مهند قالننا خلاص ارتاحو درك نروح نجيب العشاء ممن برا قالو سلطان من فوق حبس مكانش حاجة اسمها العشاء من برا قالو نوار الي تطيب العشاء هزيتلو راسي ورجت نجري للكوزينة و انا نخمم واش راح نطيبلهم اصلا راح الحال فاتت التسعة و نص تاع االيل جات مورايا الحاجة ولات تقولي اجبدي كبة من الكونجيلاطور و اقليلهم بطاطا و دجاج و السلاطة راهي مغسولة في الفريجيدار غير قطعيها وليت انا نجري من ومن ودموعي ويدان و هي توريلي و تقولي حبيبتي سلطان او يهدر برك و قلبو حنين و انتم في زوج غالطين اسكتي برك و الله قطعتلي قلبي دمعت اليتيم واعرة يا بنتي متكحليش قلبك عليه هي تهدر و انا غير نبكي مجيت نكمل وصلت حداش و نص تاع الليل حطيتلو الماكلة في السنيوة و طلعتهالو دخلت لقيتو قاعد في الارض و مسند ظهرو على السرير قلتلو هكا تعشا قالي شبعان ممتعشيش انا سمعتو قال هكا و انا وليت كي المهبولة قلتلو املا وعلاش درتي هداك البقار الي يسمعك تقول ثلاث ايام مكليتيشهز عينيه شاف معايا بوحد لغزرة تخوف
.......................... يتبع