"أثر الهناء حلم يا حمد"

التعريف بالشخصيات

رواية: أثر الهناء حلم ياحمد

في بيت بعيد عن العاصمة، بيت شعبي بسيط ولكن شرح ويركض فيه الخيل مكون من دورين وسطح والاشجار تضمه من كل الجوانب وفي وسطه نخله اللي انزرعت قبل يبناء البيت وصارت رمز للبيت والجلسة الاساسية تحتها وخلونا نقول(ينلم الشمل تحت هالنخله دايم)، بيت أبطال روايتنا الجديدة يضم ثلاث عوائل (الجدة منيرة وثنين من عيالها وبنتها الوحيدة)

العائلة الأولى "عائلة أبو متعب":
ولكن قبلهم عندنا الجدة اللي عايشه بهالبيت هي وولدها سيف،أسمها منيره وكبيرة بالعمر ولكن صحتها باقي جيده وتعز زينه معزه كبيره هي وعيالها، معروفه بقصايدها وصوتها الحلو ومعروف عنها بعد كل عصر لازم تفتح بيتها لحريم الحاره ويقصدون ويغنون ويسولفون وكانت هالعادة ماتنقطع أبد الا برمضان ويعوضونها بعد التراويح

الأب والولد الكبير للجدة:سيف توفى أبوه ومسك العائله بعده وهو بعمر صغير وتزوج وخلف أربع عيال وبنتين حنون وبمكانة الأب للجميع ولكن بسبب ظروف المعيشه السابقه قرر يجيبون عيال متأخر بعكس أخوه اللي تزوج وأسس نفسه برا وكون أسره كبيره

زوجته:زينه عاشت معهم على الحلوه والمره وطيبه بالحيل لكن لها حدود

متعب:الولد الكبير ويشتغل بحلال أبوه وأغلب ايامه في العزبه،طويل واكتافه عريضه وعارضه وشنبه وشعره كثيف وشديد السواد وماخذ جمال ابوه وشخصيته عمره حالياً ٢٨

حمد:الولد الثاني ويشابه متعب بأكثر الأمور والملامح ولكن حمد قلبه رهيّف مثل أمه وحنون حنون مايرضى الهواء يحرك شعر أخواته واهله وعذبه خاصة وقاعد مع ابوه ويتعلم البناء منه وعمره ٢٥ وعلى قولة ساره (شاعر عذبه)

سعود:الولد الثالث ولابه زود عن اخوانه إلا أنه مرح بزياده وعلى قولهم طعم البيت وكان جميل جمال بدوي ملفت وراعي ديّنه ويوصل بضاعة من ديرته للمدن وعمره ٢٠

ركان:أصغر العيال وخدوم والمكروف في العايله ومايرتاح لين يحارش الكل ويتحلطم لين ينام والجمال في عايلة أبو متعب وراثه فكانو كلهم حلوين وعمر ركان ١٩

أما عن البنات فالله رزق سيف ببنتين وكانو عن عشر رغم حبه للبنات لأن ماعنده إلا أخت وحيده وتمنى يكون عنده بنات لكن ما كتب له ربي إلا بنتين وكانو ساره وهنوف
ساره:ترتيبها في العايله بعد حمد وكانت رفيقته في الليالي السود وونيسة خاطره كأنها أمها طيبه بزيادة وهاديه نوعاً ما وسنعه بالحيل عمرها٢٤

هنوف:أصغر العنقود والملسونة وماخذه حق أمها وأهلها كلهم وتعرف للكل وحبيبة أبوها عمرها ١٧ وبحكم العادات والتقاليد كانت البنت ماتدرس إلا المتوسط وبعدها تتقن أمور البيت لين تتزوج فما كملت هنوف دراستها وكانت في البيت وعرفت للحياة ولدقّات الحريم وما يمر يوم ما تتضارب هي وركان
___________________________
العائلة الثانية"عائلة أبو فلاح"
هذي العائلة عايشين بالمنطقة الشرقيه ويزورون بيت الجده في الإجازات وأيام العطله القصيره بما إن المسافة بينهم قريبه ومكونين من أب وأم وثلاث بنات وثلاث عيال