"أثر الهناء حلم يا حمد"

البارت الحادي عشر

متعب: والله ان ماسكتو لاامغط ظهوركم بهالعقال!خلصنا عاد !
حمد: خلاص يا سيف خلاص خلنا نغني ونستانس كملو
ساره:ههههههههههههههههههههههه عقوبة من الله تحمل
الهنوف: والله يا اني مبسوووطه كمل عمر
سعود وعمر مع بعض:
عيني ماملاها الا انت
حبيبي فدوتك عيني
قبل حبك انا ماكنت
ولا اي شيء يعنيني
انا دنياي من دونك
ظلمه و مالها معنى
أبدعي ربي يصونك
وطول العمر يجمعنا
بدور:عسسسسسسسى الله يجمعنا يا هيا صدق
حمد:ههههههههههههههههههههههههههههههه اقول متعب شالاخبار؟-كان حمد متكي بيده على فخذ ركان ويغمز لمتعب-
متعب حط يدينه فوق بعض وتحت صدره ويقلد الحريم:بخير شلونتس انتي يا....؟(رد له الغمزه وفهمها حمد)
حمد وكلهم انفجرو ضحك:ههههههههههههههههههههههههههههههههههههههههههههههههههههههههههههههههههه
هزاع:اقول ياحظ فلاح بس
عذبه:اذكر الله الله يوفقه حبيب اخته
ركان التفت لهزاع بطرف عين: من تهني يا البزر؟انت وهنوف للحين نوديكم الحمام قبل تنومون وتقول حظه؟
سعود:لا انت اللي كبير الحين؟
متعب: ما انشاف انا؟؟؟
ركان: متعب علامك متقمص شخصية ابوي صدق! اهدا خلنا نسمر بس
متعب: اي وانا صادق وش يهنون المعرس وكلهم بزران للحين كل ابوهم بالطاعش وبزراين
ساره:ودي والله تقعد اعمارنا كلنا بالطاعش على قولتك ومانكبر ابد
سعود: من غير شر عاد
هيا:انا كبيره عاد لاتشملوني بالطاعش هذا
مزون ضحكت: وش نفهم يعني؟ ههههههههههههههه
عمر: ياعقوبة هالاثنين اي والله اعتقوهم خلاصصصص
حمد: لا والله يا سوير انا عاد ابي اكبر واتزوج واجيب بنت اسميها شيهانه
-عذبه ابتسمت لأسم بنتهم-
متعب: انا ان اعرست بجيب ولد واسميه سيف يوووههه يا ابوي ليته ياخذ من طيبه حححححييييي -شاش راسه-
سعود: والله ان قام سيف هالحين على صوتك ان يجلدك ويصلبك على الجدار هَذا خل حيييييي و ميييييي اقصر حسك نبي نسمر
الهنوف:اي سمره!!! اقول الجو مابرد؟؟ احس اني بردت
متعب نزل شماغه وفكه كامل وغطى يدين الهنوف فوق جلالها:تدفي ولا انزلي البسي
مزون:الا برد الجو صدق انا بنزل ارقد -نزلت مزون وراحت على طول تدور طرف شماغ طارق وتضمه على صدرها وتتسائل بينها وبين نفسها ليش صد يوم شافها طارق ما ابدأ اي ردة فعل! معقولة مو حلوة؟ او مافيها معاير الجمال اللي يبيها؟ معقولة جمال مزون اللي معروف بين الناس وماخذة زين دلال كامل مكمل ما اعجب طارق الطايل!! وش هالغرور وليش قاعده تحبه اكثر واكثر رغم صدوده وقلة الكلام بينهم! جلست تسأل نفسها هالأسئلة لين غفت ودست طرف شماغه اللي ربط فيه رجلها تحت مخدتها ونامت ..... وعند معاريسنا بالفندق اللي كان خارج الديرة-
فلاح:وش هالسوالف كلها؟شكل بنات عمي جازو لتس بالحيل بعد
رغد:يجننون كأنهم اخواتك كلهم ما حسيتكم عيال عم بعد تخيل!
فلاح وهو يحضن رغد بهدوء من كتفها:واظنتس تبين الليل كله يروح عنهم لين تصيرين مثل اختي علي هاه؟
-رغد اللي انغمست باكتاف فلاح وحاصرها الخجل واستسلمت للأمر ومن بعد هالحضن صارت رغد زوجة لفلاح قول وفعل-
-عند ابطالنا في السطح-
حمد:اوفففف الساعه ١٢ !!! متى ننام ومتى نصحى اكيد بكره ابوي بيذبح لفلاح ويغديه عندنا بعد
متعب:ابوي بيذبح؟الشقى كله علي امشو امشو نرقد
عمر:احنا بننام في السطح الجو يهبل براد خفيف والبنات ينزلون هالحين يلا بدور الحقي مزون
هيا رمت عمر بحبة لوز: يامال الوجع يا البزر متى كبرت انت وصرت تأمر وتنهي؟
متعب:هيا!!!
هيا بطقطقة عشان تنرفز متعب:يمه يمه وين الدرج دلوني لا اطيح مقدر مقدر شلوني اقول فارق انت بعد تراك ما تباعده
حمد:خلاص يمه منيره انزلي انتي الكبيره وانتي العوده مير انزلي ارقدي نبي نرقد احنا
سعود:وحمد صادق ترى لنا عناية قبل النوم نبي نسويها ولنا خصوصية روحو عاد لاتفلونها قلنا ربينا سوا بس مو تقعدون للنوم يلا
ساره:زين انتم اذكرو الله! وراكم تاكلونا بالصوت والهذره
عذبه: خليهم يا ساره امشي امشي يقولون لهم عنايه وافكار قبل النوم وهواجيس
حمد متعمد:انزلي يا ام شيهانه انزلي
عذبه استحت:وجع اقول
متعب قال لهيا بحده عشان تخاف ويكسر طقطقتها: هيا بتنزلين ولا شلون!!!!
هيا خافت وقامت ولا مداها توصل باب السطح الا ومتعب وسعود منهارين ضحك عليها
هزاع:اثاريتس دجاجه يا اخوتس بكره ان اعرس عليتس بيسقط قلبتس منه
هيا:يامال السلال يا متعب هههيييين شفت اللبسه الي جبتها لك؟هذا وجهي ان خذيتها وانت كل تراب ماني معرسه به لو يموت بعد لو يترجاني ما قبلت به
متعب تعمد يذكرها:بكفيتس ان ماوافقتي علي بقول لامي تزوجني من بنات الديرة واروح عليتس..فكري فيها وانتي نازله بس
-هيا عرفت مقصده ونزلت بسرعه من الدرج بدون ماترد ومتعب يضحك ومحد فاهم السالفه غيرهم وساره-
بدور:الحين عندي سؤال
سعود مسك راسه:يوووووهههههه اجل تحرو الفجر ياذن وهي ماقضت
بدور قامت:سععععود!!!!! لاتخليني اعلمهم
سعود التفت وهو كان منسدح:بويش؟؟
بدور:بحبيبتك عذاري
سعود فز:وش وش؟؟؟
حمد:الحين ذي حبيبتي ولا حبيبة سعود ولامتشاركين فيها ولا شالعلم؟
عذبه:خلوه نقاش الليله بينكم امشو-نزلو البنات-
سعود:مهبوله ذي؟عذاري كبر امي منيره وش حبيبته؟ارقدو ارقدو والله ان يمحطكم ابوي بعقاله الصبح ودفو ذاك تراه مب راقد الا ميت من البرد -يقصد مشعل اللي غط بالنوم بنص السوالف-
عمر:والله مافهمت منكم شيء بس برقد
هزاع:وانا اخس منك بس يلا يلا عمي سيف مايرحم ارقدو
- نامو بالسطح مع بعض وبعد الزواج والسوالف وكانت هذي أفضل نومه ناموها العيال، طبعًا كلٍ غَرق بأحلامه وهواجيسه ولكن نامو وهم ممنونين لبنات عمهم على ذا العلاقة اللي مسببة لهم سعادة وأكثر والحال نفسه بغرفة البنات اللي دخلوها وحصلو مزون والجازي نايمات وكل وحدة تفكر باحلامها وكلهم حالهم معروف الا ساره كانت تفكر بوعد تركي اللي ماتدري تعطيه فرصه ولا تكبر على حركات الحب وقررت تنتظره يومين ان ماخطب بتنساه وتركز على اهلها ....
فجر اليوم الثاني وفي الفندق اللي كان مليان حب ورومانسية وتناغم بين رغد وفلاح صحو يصلون الفجر وافطرو-
رغد:فلوحي كل ذي من يدي
فلاح:من عقب امس الود ودي اكلتس كلتس
رغد استحت:بس بس  افطر
فلاح:يوه يا الخجل يارب هيا اختي اذا اعرست تصير زيتس انا اخاف تعرس بمتعب ولد عمي ويبلش بها اظنهم بيتطاقون دايم
رغد:اي اي سولف لي عنهم اكثر
فلاح:انا بفهم شلون عروس ماتبي شهر عسل رايق وصباحية عرسها حب؟تدرين لو اسولف لتس عن اهلي وعلاقتنا بعمي سيف بتموتين ضحك كل حياتنا هبال وشوي جدية ومرجلة اكيييد وانا خير مثال
ابتسمت رغد لفلاح وهي منتبهه ومنجذبه لسوالفه ولاحظها فلاح
فلاح: بس انا ولهان عليتس كم لنا من ملكنا؟ماصدقت على الله تصيرين حلالي
رغد باست خده بنعومه:اللي تبيه يصير بعد چبدي وطوايف ناسي انت
فلاح:ياويلي يناس وحنا نقول تسبدي يووووههه يا رقّها منتس ياحلو هرجتس وبوستس
رغد:بس هاه! تسولف لي عنهم شوي وتبوسني شوي-كان دلعها يأسر قلب فلاح اللي عاش في بيئة جلفه نوعًا ما-
فلاح:عيوني الثنتين لتس بس ترى بنتغدا عند عمي واهلي وعقبها نسافر تولمي
رغد:شلون؟؟؟
فلاح ابتسم:تجهزي يعني
رغد:بنطول زين؟
فلاح:لالا بس نتغدا ونمشي ابمشيتس لباريس-طبعًا غنى فلاح كان من أبوه اللي صار حاليًا صاحب شركة خاصة في الشرقية وله كم عقار بعد والحال كان يفرق شوي عن سيف وعياله ولكن حتى سيف تعدلت اوضاعه وصار متغاني ومعروف بس باقي عايشين على بساطة وبدون تكلف-