"أثر الهناء حلم يا حمد"

البارت الرابع والثلاثين

بدأت حالة الاستنفار ومراكض التجهيزات عند البنات للبيت والأستعداد وكأنهم شاهدين ليلة أرتباط قيس وليلى / عنتره وعبله، كان حدث تاريخي ومو مستحيل بعيونهم ولكن كان شبه بعيد بعين حمد وعذبه فالفرحة في قلوبهم كانت عميقه ما توصفها الحروف الأبجدية بأسرها ! ليلة تفوق ليلة العيد بأُنسها وفرحتها واستعدادها وحماسها كأنها ليلة ممطرة من عقب جفاف سنين طويله ، الكل كان يتسابق وهو يشتغل من يجهز اكثر؟ من يسعد حمد وعذبه أكثر؟ والأغاني تتداول بينهم هذا يبدأ بالأغنية الفلانية وهذا يكملها وذاك يختمها ومتعب جايب خروف في الحوش ويذبحه بمساعدة فارس وركان كان يشلوط الراس بالزاوية وهو يناظر فرحة أهله بحب وابو متعب واقف فوق هزاع ومشعل وهم يفرشون الزل بالحوش استعدادًا للأجواء العائلية للخطبة ثم رقو للسطح ومعهم العقود وصارو يثبتونها فوق ثم نزلو يثبتونها على جدار البيت وفوق الزل بالضبط والجدة منيرة كانت جالسه على كرسي داخل الببيت وقبال باب الحوش وعلى اكتافها شال عريض من البرد وتناظر احفادها و ولدها سيف وهو يشرف ويصارخ عليهم يزينون كل شيء اما سعود وعمر فكانو يشتغلون وهم يغنون بطرب ويرصون البيالات بالطوفريه في المشب ويطلعونها للحوش على الزل ويطلعون المراكي .. وحمد! حمد كان من فرحته يحس أنه يطير فوق الأرض والناس والهموم والدنيا بكبرها تحته ، كان يتخير في ثيابه اللي ما تختلف عن بعضها محتار أيّ ثوب بيعجب عذبه! أي ثوب بيجمله قدامها ويرزه ويبرز زينه وحبه! ثم التفت على الغُتر وده يطل بطلة عريس ما يبيها خطبة عائلية محفوفه والسلام ، ما يبي أطرف عمامه على راسه وينتهي موضوع الكشخة والأستعداد هنا! ما يبي شماغ ولا حَمَار أبد ، الدم اللي يضخه قلبه بالثانيه الوحده من الفرحة والظاهر على ملامحه المبتهجه والسمَار المخلوط بحمَار يكفيه وزود ، بالليون بالذات ما يليق بعذبته إلا البياض والصفاء فقط .. ما يبيها ليلة عادية وكلام رجال ثم كلٍ يرتمي في فراشه ينام! الليلة اللي لطالما فكّر فيها وهو طفل ثم مراهق ثم وصل لسن الشباب والسعي للوظفيه والزواج صارت حقيقة! شلون يخليها باهته وعاديه وبدون تفاصيل وبدون اهتمام؟ قضى عليه النهار وهو يسارع الوقت ويسابقه من المغسله يحلق دقنه ويصفى وجهه مع راسه الخالي من الشعر ويبقّي الشنب مرتكز بنص وجهه ويزيده جمال للدولاب يطلع ثوبه وغترته ويكويها بنفسه! للحمام يتروش، للمطبخ يشب لنفسه الفحم ويطيب روحه كانو البنات كل شوي منحاشين عنه بزاويه والشراشف ماتنزل من عليهم ابد كان حمد يعيش حالة استنفار في البيت ويشطف ذا ويتجاوز ذا وهو مبتسم ورايق يحس أنه يحلم!
الجده منيره: بس يا حميد دوختني معك طالع داخل علامك يابوي تقل اول واحد يعرس بالدنيا يا حييل الله
متعب وهو يمسح جبهته بذراعه وبيده السكين:خليه يا جده يستانس تراه عريس الليله خليييييه
-ضحك حمد لجدته وطلع السطح يعدل نسفة غترته قدام مرايته المتواضعه هناك ووقف بعدها يناظر السطح ومنظر الحوش من فوق والعقود اللي تزين بيتهم وابتسم بفرحة ووناااااااااسه عظيمه-
عمر نزل الطوفريه وقال: من قدهم عيال خالي سيف! اهبببب كل يومين معرّس له واحد
سعود: ومن شر حاسد اذا حسد! ماتعرف تذكر الله انت؟ لسانك يلتوي عند ذكر الله
ركان:يعني فوق اني الاخير تبي تحسدنا وابطي زود! يارجال اذكر الله خل حظي يقوم مع اخواني
ابو متعب: اخلص انت وياااه غابت الشمس وهروجكم ماخلصت
مشعل تربع ورفع عيونه لخاله سيف: خالي تكفى وش يعجبك؟ هذا حن فرشنا وجهزنا وش نسوي اكثر؟ كل ماقعدنا نتقهوى قلت قومو اشتغلو
ابو متعب صد للجهة الثانيه: شلوه عني ازين له
فارس ضحك:هههههههههههههههههههههههه ابونا عبدالرحمن وامنا دلال وش تبينا نطلع يا خالي؟ .. طريق يا ولد (راح ينزل اللحم في المطبخ)
ابو متعب ابتسم لكلام فارس المنطقي وفعلاً امهم وابوهم باردين
-في غرفة حصه وفايز ببيتهم-
حصه وهي مقهوره: تبي الشيخ يجي!!!!! هذا شلون تزوجه؟؟؟
فايز وهو يجاري حصه وله نيته اصلاً:شبلاتس يا حرمه!! حمد علامه يومنتس ماتبينه؟
حصه سكتت ثواني ثم قالت: الولد مبلي وانا منيب مورطةٍ بنتي معه (يعني عنده بلاوي)
فايز طارت عيونه بصدمه:شتقولين انتي!!!!!! اقصري حستس بس!
حصه:وهذا الصدق ! اسمع يا فايز! بنتي مانيب مزوجتها هالحمد تبي تطيعني طعني ماتبي هذاني قلت لك ! زواجه مافييييه
فايز سكت شوي وكان يشاور روحه في نيته اللي نواها وتمم عليها وطلع من عند حصه وتركها بقهرها ورفضها لهالعرس أو الخطبة بس ماجلست ساكته
حصه:الووو!
طارق وهو توه راجع من الشركة:سمي يمه؟
حصه:طوويرق! وين اللي تقول عنه هرج ؟ عمك يبي يجيب الشيخ ويملكهم
طارق وقف:وشهههو! لا والله معصي ما ياخذها
حصه:وانت فالح بمعصي ومعصي! وينك فيه ماتشوف وتحضر وتردع ذا وتوقف مع ذا!!! وينك؟
طارق:يمه والله ما تحل لحمد وراسي حي والله مايدخل على عذبه انتي ارتاحي بس ومشي هالليله انا عندي خطة معليتس يابنت الحلال
حصه:اي خلني اشوف سنعك لا شفنا بطنها شكبره قدامها (قفلت وهي معصبه جزئيًا من حمد وتصرفه الأول بس مرتاحه من الجزء الثاني لأنه صحح غلطه وتزوج عذبه ماتركها تتورط وهذا كله بمفهومها وحدها)
هيا دخلت على امها: يمه! مابعد جهزتي؟
حصه:وخري عني انتي الثانيه
هيا جلست بضيق:يمه علامتس؟وش صاير بغيابي منتي امي اللي اعرفها ! منتي امي اللي ودعتني وانا عروس!
حصه ناظرت هيا بضعف وبكت: وش اقول؟ وين نروح من الله على هالحاصل يا هيا!
هيا بخوف: يمه وش صاير؟؟؟
حصه: .......
ساره دخلت بتوتر:قطعت عليكم؟معليش عمتي بس جده تبيتس مشغلين لها شوط خااااص لازم تحضرينه يلا ولازم تجين معي عاد شسوي
هيا وهي تجامل ساره:انا بجي مع امي ياسوير
ساره:امرعسكري يا هيا! مقدررر
هيا:ههههههههههههههههههههههههههههههههه صار يأمر من الحين؟
ساره كانت تضحك لهيا وتناظرعمتها اللي عجزت تفهم نظراتها وكانت حصه مابين فرحه وخذلان وضيق وصدمه ماتدري وش الصح الحين وهذي أول مره تتوه فيها
هيا التفت على امها واخذتها واخذت برقع امها وطلعو للحوش وشافو الجده منيره ترقص فوق الزل الأحمر ورافعه عصاتها وكأنها ترفع راية السلام والانتصار لحب حمد وعذبه ... البنات من داخل البيت يعززون لجدتهم والعيال حوالينها في الحوش والوقت كان العصر
متعب:المقلقل جهههز يا اهل الردح تعاللوووو نقنقو عليه
ابو متعب:وش بقيت للعشاء اجل يوم سويت مقلقل!!!
متعب:الخير واجد يبه اللحم كله شاله فارس للعشاء وبقيت ذا ننقنق عليه الين يستوي العشاء
ابو متعب:ازهمو المعرس ياكل وراه غاط ما يبينا نشوفه الا مع عذبه مره وحده؟
العيال:ههههههههههههههههههههههههههههههههههههههههههههههههههههههههههه
هزاع: عمي مايرحم
فلاح:خله يا عمي خلو حمد لحد يقول له شيء تراه بدنيا مهب دنيانا
ابو متعب ناظر فلاح:جايزةٍ لك الشرقيه واهلها انت اشوفك غاط مع حمد ماشفناك غير الحين
متعب:انا بقوم احضر قبل يحول علي ههههههههههههههههههههههههههههههههههههه
عمر كان يرقص مع جدته وهو منطرب وسحب سعود وهزاع معه وعرضو قدامها وهي تلاعبهم بعصاتها وانضمو لهم مشعل وركان ومتعب يغرف المقلقل اللي مزينه وقربت منه هيا تعاونه و كان مكانهم بزاوية الحوش وما بين جهة المطبخ وجهة الحوش الامامي ، قربت وهي تبتسم له ويسولفون بينهم ويضحكون
الهنوف جاتهم وعليها جلالها : هاه هذاني جايه اعاونكم ها اسكتو ولاتقولون لي شيء هالمره تراكم بالحوش عاد !
متعب:ههههههههههههههههههههههههههههههههه تعالي تعالي محدٍ قايل لتس شيء وانتي في ذرى اخوانتس وابوتس
الهنوف: ياجعل الارض ما تخلى منك يا متعب بسسسس
متعب ضحك: امين مير قولي يا ابو سيف
الهنوف ابتسمت: يا ابو سيـ ... هاااااهههه؟؟؟؟؟؟-ناظرت هيا ومتعب بفرحة-
هيا ضحكت: يلعب عليتسسسس يا المطفوقه معليتس منه قصري صوتس بس
الهنوف بققت عيونها بهيا ومتعب: حلفتتتتكم ربي تقولون الصدق بصير عمه ولالا؟؟؟
متعب: لا والله اضحك عليتس لكن الله يكتب الخير
الهنوف: توك معرس البارحه (يعني من فتره قصيره) اصلاً بس شسوي شفقانه على الضنا وحس الصغار بالبيت
متعب ناظر هيا وضحك: بس؟ اجل ان شاء الله ماطلبتي شيء
هيا شالت الصحون اللي غرفت فيها المقلقل للحريم : اسكتو بسسس وعن السوالف الماصخه! وانت اسكت!
متعب بابتسامة خبث وهو يذكر هيا باللي بينهم: هذاني ساكت طيب
الهنوف:هالحين انا جدار؟ وراكم ما تستحون مني وانا اموت منكم؟ وجعااااه صدقققققق !
- اخذت الصحون الباقيه وقامت مع هيا وحضرو الرجال سفرتهم فوق الزل ووزعو الصحون وسعود كان يزين الشاهي في المشب وابو متعب قاعد واول مره تبان رصة اسنانه من فرحته العظيمه بهاليوم اللي لطالما حلمت فيه العايله كلها -