"أثر الهناء حلم يا حمد"

البارت الرابع والستين

طلع أبو فلاح برا البيت وهو غااااااااااااضب ، تاركٍ وراه المشب وهو محتاس وكلٍ كبده تطبخ في صدره من اللي فهموه وسمعوه
دلال همست لأمها:الله يهديك يمه ما كان له داعي تطقينه قدام عيالنا فايز كبر
الجده منيره:فايز ما بيعقل مع المسلمين
ابو متعب كان مركز نظراته على متعب ومتعب بدأ يخاف ويتوتر من عصبية أبوه بس مع ذلك كان مجهز أجوبته وتبريره
أما فارس وعمر ومشعل وسعود وركان كانو يناظرون فلاح وهزاع وعيونهم تتكلم بس مايقدرون ينطقون بشيء بوجود ابو متعب
حصه قامت من بينهم ودخلت الصاله وشافت البنات واقفات عند الباب ويسمعون وناظرت عذبه بنظرات ندم
عذبه بضيق:وش تنفعتس به نظراتس ذذي هالحين يمه!
هيا:الله يسامحكم على هالفعل يمه الله يسامحكم ورا محد كلمني محد علمني لو ما شكيت ووصلت اختي كان تركتوها للموت! الذنب اللي مسويته عذبه وشنهو؟
حصه ناظرت عذبه:علمي اختس وش سويتي قبل الزواج
عذبه ناظرت أمها بيأس:للحين يمه ما صدقتيني!
مر طارق من بينهم وناظر خواته بنظره سريعه غاضبه وطلع ورا ابوه
هيا:تشوفين! قليل الخاتمه ما سلّم علي حتى ولا بارك لأخته ولاتطمن !!!
حصه انسحبت من بين بناتها ودخلت داخل الصاله وشافت زينه واقفه وعليها جلالها ناويه تدخل المشب
حصه مسكتها: وين وين؟-على رغم اللي صار ألا أنها تحترم ام متعب-
زينه التفتت للصاله وراها:تذكرين هالزاويه ياحصه؟ هالزوايه ذي جبتي عذبه فيها .. وهنا كان حمد يناظر التلفزيون ويتباشر بجيتها ، بهالبيت ولدو وبهالبيت اجتمعو وكبرو وبهالبيت احتفلنا بخطوبتهم ماتذكرين قبل شهر؟ كنا نرقص بخطبتها من حمد بهالمكان ذا وبهالبيت هذا ، وش مسوي حمد يوم استكثرتو عليه فرحته وسلبتو حبه منه؟ ضناي ماهجرني إلا عشان خاطر ضناتس ، حمد ما توجه للعسكرية إلا عشان يملك عذبه ويعيشها العيشه اللي تمناها وراكم استغفلتوه
حصه بعبره:اعذريني مير ولدتس مبلي يازينه مهب اللي تخبرين
زينه بحدّه وزعل:الله يبلى من تبلاّه ! -بعدتها بيدها وكملت طريقها-
-طلعت زينه متجهه للمشب بس فاجئها ابو متعب وهو طالع منه ورايح لغرفته ولحقته تفهم التفاصيل منه والجده منيره دخلت غرفتها ودلال معها تهديها وتبرر لفايز من باب البر ولا حتى هي مستغربة سواته وحصه طلعت لبيتها و البنات اجتمعو في الصاله والعيال باقي في المشب-
ساره كانت تناظر عذبه بنظرات غير مفهومه
الهنوف:وش هالليلة القشرا !!! الهدوء اللي بالبيت مب مطمني وقلبي مب مرتاح ابد فيني راعه !
رغد ناظرت عذبه:عذوبه طلعي وياي بكلمج
عذبه ناظرت رغد:مابيني وبينتس كلام وقولي لرجلتس نفس الهرج
ساره:اذكري الله ياعذبه! وانتي تفائلي خير! مب وقتس (تكلم الهنوف)
قامت رغد من جلستهم بعد كلام عذبه وراحت لبيتهم وجلست بغرفتها تنتظر فلاح وهي ندمانه على اللي سوته وتفكر بطريقة تراضي فيها عذبه
الجازي: يا ليتنا ما رجعنا الشرقيه ياليتني انام واقوم والقاه كابوس
مزون بكُره: يا ليت طارق مو موجود كان مو هذا حال خوالي واحد برا وواحد بغرفته معصب
-عند العيال-
فارس بهدوء في جوفه غضب: وش موقف حمد اذا رجع ودرا؟ ما سألتو أنفسكم قبل تسوون اللي سويتوه يا فلاح ؟ الرجال خطبها خطبببببها كلنا شهود عيان
فلاح ناظر متعب: الله العالم أن محد فينا راضي
سعود بحقد على طارق: لاتعمم حلفك! اشوف طارق شاق الضحكة ويبلغنا بقلب بارد!
طارق رجع بعد ما تنفس برا شوي وهو مجبور يرجع لأن الديرة هادية والكل ببيته وسمع كلام سعود وهو في الحوش ودخل عليهم "وهو على تواصل مع رايد وبلغه أن حمد انمسك بقضية تعاطي"
طارق:اقول فارس! بتعطي مزون لمكّال الحرام والحبوب ولا الصاحي حتى لو هو ولد عمك؟
فز سعود من مكانه وطاح ضرب في طارق وقامو العيال يفكونهم من جنب ويبردون قلوبهم فيه من جنب ثاني وكبرت الهوشه إلين حسو بعضو جديد يفرع معهم
عمر التفت بنرفزه من اللي يسحبه من وراه ويرفعهم من طارق وشهق
والتفت متعب وجمد مكانه وركان وطارق وقف
هزاع بصوت متردد: حمد !
حمد ابتسم رغم ملامحه المختلفه والتعبانه: أيه حمد ولا نسيتوني! وش متهاوشين عليه؟علامكم بتذبحونه؟
سكتو العيال وطارق من ضمنهم  محد كان متوقع جيته بهالليل وهالتوقيت بالذات ! هذي صدفه ماهي في صالحه ، محد قادر يرحب ولا يجامل حتى من الصدمة وأكثر ما أدهشهم هو ملامح حمد المتغيره وجهه مسود ماهو اللي يخبرونه لكن أخوانه حاولو يقومون بالواجب ويتسترون على الموضوع قدر الإمكان
متعب بعد الترحيب والتمثيل قدام العيال: تعال تعال سلم على اهلي
طلع حمد وهو يضحك
بدور دخلت عليهم بهدوء مرعب : بنات!
عذبه التفتت وخافت يوم شافت ملامح بدور: وشو ؟ هيا لاتخليييييني
هيا مسكت يدين عذبه والهنوف قربت منها:بسم الله عليتس!
بدور: عذبه حمد برا
ساره وقفت وشهقت بخوف: لللللاااااا !
عذبه مسكت بطنها: حمد!
الهنوف بخوف:والله اننني قلته انا قلبي ما يرتاععع من دون شيء ادررري ادررري ، وش نقووول وش نسسوي يا ساااره !
ساره كانت كاتمه عبرتها طول الوقت وهي مو مصدقه اللي فهمته واللي سمعته واستوعبته مو مصدقه ان عذبه تصير سلفتها ! مو مصدقه ان صقر يدري ومو معلمها! مو مصدقه أن شريفه تستغفلها وساكته عنها ! كانت كاتمه لوعة الشعور عشان ماتكبر السالفة لكن السالفة أنفجرت بجية حمد اللي محد توقعها
متعب بصدمه واضحه في صوته: مو بكره !
حمد ناظرهم: لا اليوم خلصت جزاي! انتو علامكم؟ ابوي وين؟من اللي مات!!
ركان ركض لحمد وحضنه وشد على ظهره وهو ساكت وبدو العيال يبتسمون على واحد واحد وهم لا زالو تحت تأثير الصدمة والهدوء
-في بيت شريفه-
وصل شايع ودخل المجلس وبعد السلام والسؤال عن الحال فاتحهم بالموضوع اللي على أساسه تمحورت لنا هذي الأحداث كلها .. موضوع زواجه من شريفه
صقر جمد من الطلب: انت تدري وش تقول؟
رايد فز بغيره وغضب:مععععصصصصيييي!!!!! هذا كبرك وتخطب امي!!!! من انت يوم تناسبنا!!! لاتنسى عمرك اقووول
شايع تراجع على ورا:امكم راضيه ومالكم كلمة عليها انا جاي اعطيكم خبر فقط رضيتو زين على زين ما رضيتو...
رايد:محنا راضييين ولا مستقبلينك حتى قم اذلففففف
صقر وقف:البيت يتعذرك يابو تركي
شايع وقف وهو مبتسم:ثنين مالها ثالث ، يا دخلتو السجن وماتت امكم من الضيق وراكم وافعالكم كلها عندي خطوه بخطوه  يا رضيتو بهالزواج ومشيتوه زي اللوز ... سلام عليكم
رايد جن جنونه من التهديد الصريح اللي سمعه ودخل على امه: ييمممممممااااااااااههههههه
صقر:وططط صوووتتكك وانت تنااادي امي!!!!
شريفه كانت بغرفتها وتسمعهم بس ماطلعت عليهم ودخلو الأثنين عليها
رايد:يييمممممااااه ابن الكلب ذا وش يقووولللل!!!!! شلون ياخخذتتتس وهذا كبرتس!!!!! وش يبي فيتس؟؟؟؟ وش مدريه عنتس!!!! قولييييي
صقر:وللدددددد! ثمن هرجك لا اصفقك على اذنك الحين !! ، يمه جاوبينا تكفين يقول انتس راضيه فيه
شريفه: هقوتك تقول اني ارضى بغير ضاري رحمة الله عليه؟ انا مابي اخسركم
رايد مسك جواله: انا اعلمه التهدددييد صححح
شريفه سحبت الجوال:شايع معلمني بكل اللي سويته يا رايد ، ما قلت لك يا صقر جنب عنه ولاتخاويه !!! ماقلت لك ابعد ! ارضو ولاتدخلون السجن وتشوهون سمعة ابوكم وتربيتي بعد هالعمر كله
طلع رايد من البيت وهو بينفجر من القهر والغيره على أمه واتجه لبيته وصقر طلع وراه يمسكه قبل يتهورويطيح بمصيبه بس شافه سالكٍ طريق ثاني وتطمن انه مو متجه لبيت ابو تركي وراح صقر لبيت ابو متعب ياخذ ساره تهدي اعصابه وتعطيه حل