"أثر الهناء حلم يا حمد"

البارت الثالث عشر

-بالفندق وعند عريسنا فلاح-
فلاح باس شعر رغد ومسك اكتافها: جهزتي؟
رغد التفتت عليه:ايه،شلون شكلي
فلاح:غطيتي على المزايين كل ابوهم
رغد ضحكت :تصدق اني ولهت على البنات؟
فلاح وهو يعدل شماغه قدام المرايه:عاد تدرين؟ تو سمعت ان هيا ومتعب بيعرسون عقب اسبوع لاتنسين تباركين لهم
رغد  بدهشه:شلون بهالسرعه؟ ما قالت لي هيا شيء من كنا بالشرقية ... اهي موافقه؟
فلاح:اي شدعووووه انتي تدرين ان هيا ومتعب عايشين بقلب واحد؟ يحب ما حبت وتكره مايكره صدقيني مبسوطين ببعضهم أكثر من...
رغد:اششش ما اتوقع فيه احد مبسوط بزواجه كثري مبسوطه انك زوجي وحلالي وإن شاء الله ابو عيالي مبسوطه فيك يا فلاح وااااجد او واايد مدري وش اقول؟اختار لهجتك ولا لهجتي؟
فلاح: انا ان ابطيت معتس ابختار شيء ثاني
رغد:ههههههههههههههههههههه يلا يلا نروح ونلحق على هيا بعطيها نصايح عن الزواج من البدو -انحاشت عنه-
فلاح وهو يلملم اغراضه وبيطلع وراها:صدق انتس مفهيه! مو هيا بكبرها بدويه وبتاخذ ولد عمها هههههههههههههههههههههههههه
-بالبيت كان عمر يسقي الزرع بأمر من جدته والعيال كلهم طلعو يخلصون امورهم خصوصًا متعب اللي بدأ يجهز له غرفة له ولهيا بداوية الحوش وناوي ويأثثها اثاث سنع كان عمر ماسك ليّ (خرطوم المويه)ويرش الزرع بملل ودخلت عذاري وهي تشوف اجواء عزيمة الظهر والحوش والاستعداد وما انتبهت لوجود عمر اللي بين الزرع-
عذاري: يا لبيييهههه من زمان عن هالاجواء!!-نزلت طرحتها وفكت شعرها ودخلت البيت عشان تعطيهم صواني الحلا لعزيمتهم ولخطبة تركي بالعصر اللي محد كان يدري بها غيرها هي وفوز-
عمر وهو مبقق عيونه: ابك ذي منهي؟ علامها ما شافتني!! -ركض لسعود يعلمه وينشده عنها وهو بالمحل-

-وعند سيف اللي كان في اعلى قمة ضلع بسيط وبعيد من الديرة شوي كان يتأمل الديرة والناس اللي يبيع واللي يضحك واللي مسرح والصغار يتراكضون في الديرة وكلٍ بهمه ومشغول بيومه، رفع نظره للسماء وشاف سواد الغيوم واجتماعها وعرف انها بتمطر وقال-
سيف:مهب انتي لحالتس يا الغيوم بتبتسين حتى عيوني قامت تهل عبايرها ايييييييييه والله مدري هي عقوبة من الله على السواة ذيك؟ ولا هذا ذنب اجهله؟ يارب انا راضي بحكمك كله مير قلب سوير لا يضام يارب ماتبتسي ولاتزعل على ردتي للرجال الكفو يارب دلني ولاتضلني يااااارب  ماعدت ادري وش الصواب ووش الخطأ -نفض ثوبه ومسح وجهه بطرف شماغه ورجع للديرة يستقبل فلاح والغداء-
زينه:ياهنووووف
هنوف: لبيه يمه؟؟
زينه:افتحي الباب اكيد هذا فلاح ومرته يلا ...عذبه
عذبه ركضت:سمي خالتي؟
زينه: عذبه وانا امتس صوتي من عند الباب لحمد ولا ارسلي اي بزر عليهم خليهم يجون يستقبلون فلاح يلا
عذبه:ابشري هالحين
دخلت ساره:هاتي يمه بحضر الغداء
زينه:هاتس انا بروح اشوف وين ابوتس اللي عازمٍ غداء ومختفي من الصبح ومخليني وانا ما كأني موجوده ولا كأني حيه حتى في خطبة بنتي محدٍ تلقاني وسمعني -راحت وجلست ساره تفكر بكلام أمها-
ساره:اهههه يارب انت تعرف وش في قلبي ياااااارب -بدأت تحضر السفره والغداء-
بدور:ساره وش اعاونتس فيه؟
ساره:عطيني السلطه بحضرها من يمي -قامت بدور تجيبها وتعاونو وحضرو سفره تفتح النفس والقهوه والشاهي والبيت وكل شيء كان جاهز لجية فلاح ورغد-
-عذبه وهي عند الباب كانت لابسه شرشف جدتها الأحمر ومغطيه نص وجهها تبي تلمح اي بزر او حمد بكبره او اي احد من عيال عمها يجون يستقبلون فلاح ويتغدون-
رايد كان طالع من البيت المهجور ومر من بين بيت ابو متعب وتركي وناظرعذبه وهي تتلفت وتقريبًا نص وجهها طالع:تغطي يابنت
عذبه تراجعت وشهقت:بسم الله انت من؟؟
رايد:شلون انت من؟؟؟تغطي وبس
عذبه بطيب نيه وهي ماصدقت تحصل احد:زين اخوي لاهنت يصير تنادي عيال عمي سيف يجون البيت بسرعه
رايد ابتسم بخبث:زين زين بس ادخلي..وغطي شعرتس
عذبه تحسست شعرها بيدها بخوف كبير ودخلت بسرعه وسكرت باب البيت:يمه من ذا!!!
عذاري وهي طالعه صادفت عذبه:اقول عذبه تراي معاونتكم بصواني حلا حطيتهم بالثلاجة لاتنسونها زين! خاصه للعرسان
عذبه:امم زين زين
عذاري:ماعلموتس اهلتس السنع انتي؟وش هالرد؟
هنوف جت قبل تقب بينهم:بنات الطايل يربون ويعلمّون على السنع مايتعلمون مير الله يغنيتس ياعذاري ويكثر خيرتس ورا ماتتغدين معنا؟ بس احنا وفلاح ورغد
عذاري:لالا خلو غداكم على سنعكم فوز عندنا الغداء اصلاً نبي نتغدا ونجيكم سوا العصر يلا انا استرخص-طلعت وهي مقهورررورره من عذبه وجمالها وردها طلعت وهي تهوجس وصادفت عمر وسعود جايين-
عمر بهمس:عانها ههههذذي هي اللي اهرجك عنها
سعود:وعععووووهههه ، انت ميد ذي!!! عذاري؟
عذاري سمعت اسمها والتفتت وهي زعلانه اصلاً :وجع يا مال الوجع شتبي؟
سعود :اكلي تبن و روحي بيتكم يابنت ! قلة ادب صدق!! وين منصور عنتس يربيتس
-عمر كان في صدمه ومو مستوعب اللي يشوفه وعذاري  راحت لفوز -
جاهم هزاع:سعود!!!
عمر:اسكت اسكت انا ابي استوعب شصار
سعود:ههههههههههههههههههههههه علامكم! تراها السلقه عذاري هذي ماتخلي بيت ماتدخله وتاخذ علومه وتحب تشارك بكل المناسبات من بدري هاه شوفة عينكم نقول غداء لفلاح ومرته وجاتنا !!
عمر: طيب ومشاعري؟تو اقولك انها عجبتني شلون تهزأها قدامي؟
سعود:شكلك تبي تبن ثاني انت بعد
هزاع:كان عندي تعليق بس دامك توزع تبن ابسكت
سعود:ههههههههههههههههههههههههههههههه
مشعل:وش تضحكون عليه؟
عمر: ما انصحك تعرف سعود كريم اليوم بس كرم مثل وجهه
سعود:ههههههههههههههههههههههههههههههههههههههه ياشين عيال المدن حساسين هالحين بتصيحون عشاني قلت تبن؟ليتني والله احش البرسيم في خشمك انت وياه اه يا الهنوف محد مثلتس لو قايل لها تاكل تبن كان تلقوني مرقّد الحين بالعنايه -سوالفهم هذي كانت في الحاره وهم متجهين للبيت وضحكهم كان واصل لأخر الديرة أما حمد كان راجع للبيت بعد ما ساعد متعب باللي يقدر عليه من اغراض البناء للعمال للمخطط وفارس وطارق كانو طالعين من قهوه العم سعد بما ان ماعندهم اشغال في الديرة وطارق بعد ما وصل البنات طلع يتقهوى مع فارس-
رايد لمح  حمد وهو مقبل عليه وجاه باتجاه معاكس له وهو يهمس له:عذبه مرسلتني عليك وتقول...تصدق نسيت شقالت؟ما اخبر الا صوتها يتردد باذني وشعرها الناعم للحين قدام عيوني لكن ارسلتنـ.....
-حمد التفت لرايد وفار دمه كله ولا عاد شاف اي شيء غير وجه رايد اللي قرر يفرشه بالأرض ويطرحه وعلى صوت التفرقه وفزعة العيال التفت لهم ركان وهو جاي من بعيد وسعود وعيال عمه اللي قربو يوصلون للبيت  وشافو حمد بالهوشه ولا ماشافوه غاصو بالهوشه قبل يفهمون السبب وطارق وفارس انطلقو اول ما سمعو الصوت يفرقون بكل قوتهم بس حمد نزل ضرب برايد لين شوهه واخذ علبة عصير قزاز كانت مكسوره من النص وطعن بها رايد في بطنه ونزف رايد وتناثر دمه بثوب حمد وهنا الكل خاف من منظر الدم وعصب طارق وارتفع ضغطه وشال حمد بالقوه ويعصبيه ووداه البيت والخبر وصل متعب وهو يدور خشب كويس لغرفته قبل تقفل الاسواق بالظهر واول ما سمع بالخبر اخذ معه خشبه وركض لهم قالو انه بالبيت-
طارق رماه بالحوش:ادخخخخلللل انا اقول!!!!!!!!
ساره ركضت:يمه حمممد!! طارق شسويت؟؟؟
الجده منيره طلعت يوم سمعت صراخ ساره اللي ماعمر صوتها ارتفع:علامكممم!!! حميد!!!
زينه سمعت اسم حمد وهي تركض والكل طلع بعدها:حمد شفيكك!!!بسم الله عليك يمه حمد!!
-حمد اللي كانت نظراته بالارض وللحين يتنفس بقوه وبسرعه ويحاول يمسك اعصابه قبل مايشوه عذبه مع رايد
دخل متعب وبيده الخشبه واول ما شاف ثوب حمد رماها وهو يمسك حمد من رقبته وينفضه-
متعب:حممممد طالعني ارفع عيونك و طالعني!!!
حمد ناظره وعيونه حمراء من الغيره بس كان ساكت
متعب:من اللي طرح الثاني؟؟؟اهرججج والله ان اطلع بالسلاح والله!!! افصححححح
طارق صاح فيه بلحظة غضب: انت مهبول!!! وش سلاحه!! بالعنه انت والكل بعد اذذا ماهمتك روحك اختي تهمني!! عرسك بعد اسبوع وتبي تورط عمرك!!! تعقّل انت وياه والموضوع بسيط كلٍ اخذ حقه من الثاني وانتهى
طلع فلاح اللي تمنى ان هالموقف مايصير قدام رغد خاصه:تعوذو من ابليسسس والعنو الشيطان!! حمد فهمنا الموضوع!!
زينه:وجعل يدينه الكسر جعله ما يتهنى حياته من مسوي فيك كذا يمه؟؟
فارس:واحد يقال له رايد
الجده منيره بهدوء: ابن من؟
فارس بعصبيه:سمعتهم يقولون رايد بن ضاري
سعود:انا ما قلت لكم من الاول خلونا نسفهه!! اهخخ ليته طاح بيدي الكلببب مابردت حرتي للحين
دخل ابو متعب بهيبته وحزنه الواضح في عينه والهدوء عم المكان بسرعه:شصاير؟وش اللي اسمعه وانا جاي؟
متعب:يبه حمد
ابو متعب:ركان رح ناد عمك فايز الغداء... ارحب يا فلاح ،الغداء جاهز يا بنات؟
ساره وهي للحين خايفه:جاهز يبه
ابو متعب:ادخلي اجل وحضريه وش تسوين هنا !!
فلاح والكل استغربو هدوء ابو متعب بس قررو يماشونه ودخلو البيت كلهم والوضع متوتر
ابو متعب: قم ياحمد معي المقلط قممم
-قام حمد ومر من جنب عذبه بقوه وهو صاد وعذبه صقعت بزاوية الباب ولحقتهم زينه-
ابو متعب:شصار؟
زينه:حمد يمه شفيك ساكت؟؟؟ الولد فيه شيء؟حي؟؟ وش مسوي لك هو اصلاً!!!!
حمد ويدينه ترجف للحين من العصبيه:ينزف
ابو متعب:وانت متهاوش مع من؟منهو اللي ينزف!!!
حمد:رايد بن ضاري
ابو متعب فز بغضب:وشهههووو؟؟؟؟؟؟تقول ينزف؟؟؟؟
حمد بحده:اي يبه لايكون بتسعفه!! انت تدري وش سوا؟؟ يبه انجز موضوعه وفكنا منه!!! لمتى يبي يناشبنا !! حنا وش مسوييين بفهم؟؟؟؟
ابو متعب صفق حمد كف:انت كيف تقودك نفسك للقتل!! ناوي تتركه لين يموت؟؟؟؟ وش اللي قاعد اسمعه انا؟؟؟؟؟؟
زينه وقفت بينه وبين حمد:بس يا سيف ماهو اسلوبك ولاطبعك علامك!!! لاتعاقبه بسوايا غيره!!
ابو متعب:هااالحين تبدل ثيابك وتغسل وجهك وتذلف تصب لولد عمك وتستقبله وتتوادع منه ولا كأن شيء صار والعزيمة تتم على اكمل وجه! سمعتني ولالا!!!!! والموضوع يندفن بالمقلط ذا واخر مره تواجهه لاتطيح عينك بعينه لا بحياتي ولا بمماتي! سمعت الكلام؟؟؟ والله لاتطيح عينك بعينه ان اذبحك انا انت توحي كلامي؟؟؟
حمد بقهر واضح بصوته: سم
-طلع ابو متعب وهو متجه لرايد-
متعب:يبه خلني احل الموضوع
ابو متعب ناظر متعب بحده: ارجع لفلاح واحسن استقباله اتركني اكمل شغلي انا اللي بديته وانا اللي انهيه ولا احدٍ منكم يلحقني- رجع متعب وهو شايل هم ابوه وسيف راح لرايد اللي كانو الشباب ملتمين حوالينه ويحاولون يسعفونه ووداه للمستشفى وجلس معه لين خيطو جرحٍ ببطنه وصحى رايد بعد وقتٍ ماهو طويل-
ابو متعب:انت طيب يا ابوك؟
رايد عرف ابو متعب واشتاق لكلمة يا ابوك ولكن سرعان ما تذكر انه سبب حرمانه لهذي الكلمة بس ماحب يوضح لسيف انه يتذكره ويتذكر فعلته هو وفايز وخلاه على عماه:ايه طيب
ابو متعب:تحرص على روحك اجل انت رجال وتقدر تقوم بنفسك ولا؟
رايد:الامور طيبه توكل
ابو متعب:مثل ما انا متأكد ان اسمي سيف ذياب الطايل متأكد ان حمد مارفع يده وتمادى بالأصابة هذي الا من سبب كايد لذلك لاتتوقع اني بستسمح منك عنه لكن جنب عن دربه وهو مجنب من اول عن دربك ولاتحاول تطلب لك حق -طلع ابو متعب وهو متوقع ان رايد ما عرفه ولاعرف وش مسوي في ابوه من أول ويعتقد أنه بكلامه هذا بيخلي رايد يهجد ويبتعد هو ومشاكله عنه وعن عياله-
رايد بقهر:هذا وجهي ان هنيّت حمد حياته والله يا الخياطة ذي ان يبقى اثرها في قلبه مادمت حي مير هين يا سيف هين حقي ما تاخذه الحكومة والمحاكم ماتاخذه الا يميني وانا له
-في البيت دخل ابو فلاح وهو مستغرب الوضع ويحس فيه شيء وابو متعب مو موجود ولا حضر الغداء! توقع انه باقي على زعل الصبح وموضوع تركي ولكن سرعان ماغيرو العيال المود وهم يمزحون على فلاح ويطقطقون عليه واكلوه بالطقطقه بعد والحال نفسه عند البنات اللي تم الترحيب برغد وكأنهم بانتظارها ومجتمعين على فرح وسرور ولاكأنه حصل شيء واحد الكل نزل يرحب ويهلي برغد وهذي تشل وهذي تحط وهذي تصب وبدأت مراسم الغداء والكل التمو على السفره طبعًا الرجال لهم سفرة والحريم سفرة-
حصه: يمه رغد اكلي من هذي تراها لحمة حاشي طيبه الله يكثر خير عمتس سيف
رغد:تسلمين خالتي بس ما اكله
دلال:ههههههههههههههههههههههههه الحمدلله ان ابو متعب مب معنا
رغد:وشو ؟
الجده منيره: ابك انتي علامتس من اللحم؟ يابنتي لازم تاكلين شوفي شلون عظمتس بيّن واذا دريتي ان الشان لتس والذبيحة عشانتس ولا الكرامة لجيتس ومخصوصة لتس لازم تكثرين بخير راعيها مايصير تسكتين هو! نبي نعلمتس السنع يا امتس؟
رغد وهي تحاول تفهم كلام الجده منيره وتجاريها:ما عليتس ماعليتس
بدور:ياحححلللوووهههاااااااا
مزون: ياحظك يافليح انشهد انه صبر ونال
رغد:ههههههههههههههههههه
الهنوف:احلف لكم انها مادرت وش جدتي تقول
هيا:هههههههههههههههههههههههههههههههههههههههههههههههههه الحمدلله ان حمولتي مني وفيني الله يعينتس يارغد
رغد:لاتخوفوني خلاصصص هههههههههههههههههههه
-فوق-
طلع حمد بعد ماتروش ولبس ثوبه الشتوي وتعطر وهو يحس انه يعطّر جرحه طقت عذبه الباب اللي كان مردود اساسًا-
عذبه:حمد ابوي
-حمد ما رد متعمد لأن للحين نار الغيرة تاكل قلبه ولا وده يعصب على عذبه ولايبي عيونه تشوفها ويضعف وهو توه مراضيها من يومين-
عذبه.حمد كلمني لاتسفهني بسرعه قبل احد يفقدنا على الغداء
حمد:همم؟-بمعنى نعم؟-
عذبه:فيه شيء يعورك؟
حمد ناظرها: انتي اللي تعوريني وانتي اللي تعذبيني !!! عذبه لاتقهريني فيتس لحد يجيستس ولحد يناظرتس انتي تدرين اني اهدم الدنيا كلها فوق اللي يطريتس!! عذبه انتي لي بسسسسسسس واحتريني! بس احتريني فتره وتصيرين زوجتي استري نفستس لين نعرس ياعذبه انا ما اتحمل احد يجيب سيرتس
عذبه: استر نفسي!!! انت وش سامع! حمد والله والله محد شافني ولاشفت احد والله بس خالتي ارسلتني اناديك ومر واحد وقلت له يناديك بسس
حمد:لاتحطينها بأمي عاد!!! انتي تدرين من هالواحد!! تدرين هالكلب وش قايل !!
عذبه: حمد انا لو ما اغليك ما قلت لأبوي" خلنا نروح لحمد" ما طريت الديرة ولا طريت البنات انت الوحيد اللي ببالي وانت اللي ابيك!
دخلت ام متعب من ورا عذبه: وش هاللي اسمعه؟ وش هالسوايا؟؟؟ هذا وانا قايله انكم كبار وعقّال شلون تكلمون بعض من ورانا؟؟وانتي ياعذبه شلون تجين حمد المقلط كذا لحالكم؟
عذبه:متغطيه خالتي! وهذاني ورا الباب !
حمد:يمه ! عذبه بنت عمي وشعرة من شنبي اللي نسولف به قدامكم نسولف به لحالنا
ام متعب: انزلي انزلي يا عذبه بكلم حمد والمنظر ذا لاتشوفه عيني مرةٍ ثانيه زعلت منتس زعل كبير وعلمت امتس وشفتي شيء مايسر خاطرتس! حرام اللي تسوونه انتم حرام!!! على بالكم ما سمعت!! انزلي يا امي تغدي يلا -نزلت عذبه وهي ميته خجل من زينه وتفكيرها وتفكر بحمد-
ام متعب:حمد اللي ما ترضاه على ساره والهنوف لاترضاه على عذبه!
حمد: يمه انا لو ارضى كان ماطقيت اللي مايتسمى عشانه جاب سيرتها بلسانه القذر عذبه عرضي وشرفي وماء وجهي يمه انا اعد الايام عشان  اتوظف واتزوجها مانويت فيها غير هالنيه
ام متعب: الناس لاتدري بحبك بتنعاد هالهوشه مره ومرتين وثلاث وعشر احفظ سرك وحبك في قلبك لين تكبر اللي يطلع يخرب وانا امك! والبنت لا يجي ببالك انك تكلمها من ورانا!! عندك شيء قوله قدامنا هذا احنا سفرتنا وحده وقهوتنا وحده وواثقين بكم كلكم تبي نهايتك مثل متعب وهيا! اصبر وخلك مثل اخوك ، انزل تغدا واقعد مع ولد عمك قبل يسافر يلا وانا امك
-نزل حمد وهو بضيقه ماتنوصف وحاول يتعايش مع مود العيال قد مايقدر ودخل ابو متعب وهم يتغدون واخذ المقسوم وهو يهوجس ولقمه معدوده وعقبها شلو سفرتهم واخذو من فنجال فنجال وجاء وقت رحلة فلاح ووقف بالصاله ياخذ رغد ويتوادع من الكل بس كلهم كانو يسلمون على رغد ويوصونها-
فلاح :الظاهر محد يبي يسلم علي!
دلال حضنته:حبيب عمتتتته وعيونها ياحلوك يافلاح شلون مانبي نسلم عليك! بس للعروسه دلع خاص عاد
هيا:الله! تبون تسلمون علي كذا لارحت؟
فلاح: خلي السلام انتي شلون متغديه طبيعي؟ اعرف البنات قبل عرسهن ينحفن ويشيلون هم وانتي ضاربه بالخمس  في الحاشي! ياهيا توبي مع المسلمين
ساره:من جدك فلاح تقوله لهيا!!! ههههههههههههههههههههههههههههههههه 
الهنوف:انا لو ما اغفل من عمري كان كشنتني وطبختني اقولك امي مسكتها بالقوه ماتسوي الغداء وانت تقول عرستس وتوبي! ياحليلك بس
رغد:واااي شفيكم انتم! خلوها تاخذ راحتها ترى توتر الزواج وايد صعب اهي تسوي كذا عشان التوتر
هيا وهي باقي متربعه وتاكل بحلا عذاري: بلاتس ماعرفتيني تقول توتر! هههههههه ياحلو سوالفتس
متعب تنحنح:يا ولد
هيا غصت باللقمة وهي تكح:عطوننننننني مويه
فلاح قام وهو يضحك عليها:بلاتس ماعرفتيني اجل ..-رد عليهم باب الصاله لأن اخواته كاشفات وطلع لمتعب وهيا جلست مع البنات داخل- مر مر يا عريس
متعب:مب ناقصك لاتطلع حرة العيال فيني
فلاح:ههههههههههههههههه ماقلت شيء!!! مب مثلكم يا قلال الادب والف مبروك ياحبيب اخوك الله يوفقكم ويتمم لكم على خير وهيا ما اوصيك عليها ودي والله أجل السفره ونحضر بس تعرف الوقت محدود والاجازه محدوده بعد والدوام يطلبني وهذي نفعتي لك من الحين
متعب قام بيحلف بس سبّق به فلاح: متعب!! عارف التكلفه وعارف الامور كلها منت رادني ان شاء الله
متعب حضن فلاح حضن لطيف: بيض الله وجهك وكثر الله خيرك والله اما عن التوصيه فأنا ابي احد يحصني ويوصيها ماتجيني
فلاح:ههههههههههههههههههههههههههههههههه  انتم ماتتوبون انتم !!
متعب:يلا عاد لاتسوي كبير-همس له-حتى انت معرس عن حب لاتحسبنا مانفهم
فلاح:ههههههههههههههههههههههههههههههههه زين زين اسكت محد يعلمك بسر
-عند البنات داخل-
رغد:اي تو اتذكر قلت لفلاح بنصح هيا نصايح زوجيه
ساره:يوووه انا استأذن اجل ما احب هالحكي
الهنوف: لا والله انا ودي اسمع قولي
رغد:لالا ههههههههههههه اقصد لاتتزوجين بدوي بس دام مابقى شيء على دخلتك عليه لاتقولين له كلام حلو  والله اني اعاني مع فوف
ساره: الله يا الدنيا فلاح صار فوف!!!
الجده منيره: وخزيااااااااااه! وفوف وشنهو؟؟؟
رغد:ههههههههههه شنو؟
ساره:دقيقه دقيقه يا جده هالحين نفهم..  هو يدري انتس تسمينه فوف؟
هيا:يدري؟الا تلقين طايح على وجهه ههههههههههههههههههههههههههههههههه
رغد:شلون يعني؟ما اشكي لكم ولا انصحكم؟
هيا: اقول ياحلو متعب بس راح الخوف وكلششش عقبكم
حصه: انا والله مدري وين راح سحا هالبنت
الجده منيره: هالجيل كله والله
مزون:من فلاح لفوف! ياكبر حظك يافليح والله
البنات:ههههههههههههههههههههههههههههههههههههههههههههههههههههههههههههههههههه -وبعدها راح متعب ياخذ قياسات الغرفه ويكمل شغله بعد ماسلم على فلاح وفلاح رجع يتوادع من الجميع وكلهم توادعو منه بحب والعيال ضربوه بخفه حتى حمد اللي ماقدر يفوت افضل لحظة وهي الضرب والطقطقه وحصه قامت تصيح وتستودعه الله وراحو اخيرًا للمطار يقضون شهر العسل وقضى هالغداء اللي كانت جية رغد في وقتها تهدي الاوضاع والضياع وتضحكهم ويسمعون حسها وسوالفها اللي ما كأنها عروس وبنت غريبة كانت فيها طاقة عجيبه وكأنهم يعرفونها من زمان وتقههوو واستانسو-
الهنوف:اقول يمه
ام متعب بضيق كان واضح عليها:هاه يمه
الهنوف: اليوم عذاري يومنها جابت الحلا قالت نبي نجيكم العصر احنا وفوز هقوتس وش يبون؟ قهوه الحريم عندنا؟
ام متعب ناظرت ساره وعقب ناظرت الهنوف:هي وفوز!!!!
عذبه: اي قالته صح! يووووه احس انهد حيلي من هالغداء مافيني طاقة اقابل احد
حصه وهي تهوجس: الله يحفظك يا حبيّب امك جعلتك بودائع الرحمن الله يردك سالم غانم
الجده منيره ناظرت ام متعب: زينه وش يبون؟
ام متعب:والله مدري يا خالتي! محد قال لي شيء !
دلال: وش يبون بعد! علامكم مستغربين جيتهم! دايم نتزاور وهالحين يصلون العصر ونشوف وش ورا جيتهم بس يلا قومو يا بنات خلصو مواعين الغداء وزينو قهوه جديده وش هالتسدح!!
هيا: اهخخخ هذا وانا مابعد اعرست ! احس بخمول ظهر العيد
الهنوف: ههههههههههههههههههههههههههههههههه عرفتي تجيبين الوصف صدققق
"ساره ومزون كانو يهوجسون بنفس الموضوع تقريبًا فما كان لهم حس"
بدور: انا بسوي القهوه واقعد منيب مسويه شيء غيرها! هذاني قلته
الهنوف صرخت: الجازي عليها المواعين عاد تدلعت ذي وما سوت شيء من جيتو!! يلا قومي انا اغسل وانتي تصفين
جازي ناظرت امها: ماما!!!
حصه:قومممي بس عن الدلع منيب رايقة !!
الهنوف: ههههههههههههههههههههههههههههههههه لو انتس قايمه بنفستس! احسن يلا يلا
عذبه:اجل انا بشيك على المجلس بعد الرجال واكنسه -انتشرو البنات كل وحده سوت شغلة قبل جية فوز وعذاري وتركي-
"انتهى"