"أثر الهناء حلم يا حمد"

البارت الخمسين

"بداية النهاية"
-في بيت ابو متعب-
صحى ابو متعب بحماس غير مسبوق له:يلا يا ام متعب لا اوصيكم ببيت فايز وصي الهنوف تزين كل شيء اكيد يبي يجون الليلة او بكره وجهزو فراش سوير وطيبوه
ام متعب ابتمست:ابشر يا سيف انا بنفسي بجهزه
ابو متعب باس راسها:الله يرضى عليتس
سعود كان في الموتر وينتظرهم يطلعون يوديهم لأخر اختبار وكان يناظر الغيم:الله اعلم عينك تشوف الغيم ياحمد ولالا...اخييييه بس الله يوفقك ياعين اخوك
ركان والهنوف مسكو مقبض الباب بنفس الثانيه وروعو سعود
الهنوف:والله ماتركب قدامممم اليوم دوري
ركان:طسي اقووول لا مخمس الحين يغير ملامحتس من متى البنات يركبون قدام؟؟؟؟
الهنوف:من يجي حمد ان شاء الله ويركبني قدام ويسفرني الرياض هيييييينننن والله لاتندم حزتها
ركان ضحك:اي اي اجل حمد يسفرتس الرياض؟ معليه
الهنوف:وعدني وحمد عند وعده.. سعود قله يفك الباب
سعود:يالله صبااااح خير ياربي، خليه يركب يا الهنوف يا العاقل وانتي لمن جاء حمد سوي اللي تبين
فتح ركان الباب وركب غصب والهنوف ركبت ورا:الددسن وحمد اطيب منكم مير يلا وصلوني يا الصبيان(تعتبر اهانه) للمدرسة
ركان التفت بيجلدها ومسك سعود ذراعه:اكسرها يا ركان ان مديتها بجديه! قلنا تمزحون على بعض غير كذا لا اشوفك ترفع يدك
ضحكت الهنوف:هاااااه عانك مت مرتين يا الضعيف لو مخليني اركب قدام ! بس تستاهل
ركان:ياسعود سكتتتتها ! خلي سوير تجي والله لا اشكيتس عندها وتربيتس
الهنوف:الخلا اقول
-ما كان لسعود رد غير الضحك على مناقرتهم ووصلهم المدرسه وقلبه عند شبك الحَمَام في السطح ونزلو ركان والهنوف لأخر اختبار لهم وسعود رد الموتر عند البيت وحول على المحل-
متعب لبس وتعطر ثم التفت لهيا وابتسم ونزل لبطنها يبوسه:شلون الامير اليوم؟
هيا:يسلم عليك يا بابا ويقول قريب بصير رجال ويصير عمري شهر
متعب دخلته طاقه قويه من كلام هيا مايدري شلون يوصفها ويطلعها غير بالحضن اللي لم هيا فيه وباس راسها:الله يبلغنا شوفة سيف وثمرة الحب
هيا بخجل:امييييين
ابتسم متعب وجاء بيطلع ومسكته هيا:اقول متعب رمضان على الابواب والبييت ناقص عاد مدري شلون نظامكم ومتى تقضون بس خلنا نبكر بكتب لك المقضى
متعب:اول رمضان لنا وانتي على ذمتي وام لولدي وفي بيتي! الله يدخله علينا بالفرح والسرور
هيا:يووووه يا متعب انا وين وانت وينننن تكفى لسانك ذرب بزياده انا مدري وش مرضعتكم خالتي
متعب:ههههههههههههههههههههههههههههههههههههههههههههه مارضعنا الا مثل اللي ترضعون مير ربينا على الحب ، اكتبي الطلبات وبمر البيت الضحى ان شاء الله -رفع راسه للسماء- الظاهر تبي تمطر! انتبهي لسيف
هيا ناظرت بطنها: واللي تشيل سيف! هذا وما بعد جاء ولا كبر البطن حتى
متعب بحنان غريب: احب ولدي ... واحب امه
الجده منيره طلعت للحوش تشوف الغنم والدجاج وسمعت هيا ومتعب وحوارهم:انا مدري وش ابا بالراديو والتلفزون هذه وانتم قبالي
اعتدلو الاثنين وضحك متعب يوم فهم
هيا:جده!! من متى وانتي بمحلتس؟
الجده منيره بضحكه: من بدت الحلقه
هيا ومتعب:ههههههههههههههههههههههههههههههههههههههههههههههههه
متعب رفع يدينه باستسلام:استلميها لحالها انا وراي شغل في العزبه -هرب وترك هيا اللي استقعدت لها الجده منيره وهي تحرجها بالسوالف الخاصه-