"أثر الهناء حلم يا حمد"

البارت الأربعين

-في بيت ابو متعب-
رجعو كلهم من العرس وهم مالهم خلق لأي شيء وكمّلها فايز اللي بدأ ينادي عياله يركبون بعد مابدلو لبسهم
ركان:صدق بتسافرون هالحين؟
هزاع:ايه ماتشوف ابوي ؟ وين طاقيتي يا هزاع! وش هالمبزره ذي!
سعود دخل :يارجال اذلف اركب خلصنا! ابوك فضحنا بهالهواش وصحّى الديرة كلها
هزاع لم ثوبه حق العرس وعقاله وطلع:والله ما احللكم لو لقيتوها ولبستوها خصوصًا انت تفهم؟ -يقصد ركان-
ركان:يبوي شايف الفرق بيننا؟ من كبر راسك ما يلبسها غيرك مير توكل على الله بس
هزاع:وش اخلاق الوداع ذي؟اعوذ بالله اول مره تمر علي حرامية واخلاقهم تجاريه .. تنفع على الطبلون؟
ركان ضحك:وعلى ددسن حمد! اووووووووهههههه
سعود سحب هزاع ورماه برا مقلط نومهم:انزلللللل لعممممي ذبحنا بالبواااري، يخوي اطلع وخلنا نمرح بهدوء وسكينه بعدك
هزاع وهو حاضن ثوبه وعقاله : معليك بروح بس دور ضرسك وراي ههههههههههههههههههههههههههههههههههههههههههههههههههههههههههههههههههه
سعود بنص ضحكه:كله منك انت واسود الوجه هذا ليتكم تاخذونه معكم وارتاح
ركان ضحك:هههههههههههههههههههههههههههههههههههههههههههههه  جعلللل يسقى، تخبر يا هزاع هاك الليل؟
هزاع وهو نازل من الدرج:ههههههههههههههههههههههههههههههههه ومستحيل انساااه بالله دور معه لضرسه ... يلاااا في امان الله
سعود دخل المقلط وانسدح بحزن وهو مفارق لساره وانسدح يمه عمر
عمر:سعود بتنام؟
سعود:يا بلوة سعود  ... ايه برقد شتبي؟
عمر:مدري ودي اسولف ، تهقى حميد صاحي ارقى له؟
سعود غطى وجهه بالبطانية:مهب صاحي بينوم وراه تحضير الاحد وبيمشي الرياض ، ارقد واسكت
عمر:ابوتس يا الاخلاق!علامك؟
-ما جاوبه سعود ودخل ركان بعد ما ودع هزاع وانسدح جنب سعود بنفس الضيقه وهو يناظر مشعل النايم بسكينه وراحة وفارس اللي كان يكتب في مذكرته الصغيره وعمر اللي يناظر السقف بعد ما سحب عليه سعود ونام بضيقه ويشارك سعود شعوره(مفارقين لساره)
-بغرفة البنات في الجهة الثانية-
كانت هيا تسلم على اخواتها وهي ضايقه مررره والبنات نفس الشيء وعذبه خايفه من روحتها خاااااايفه كانت تناظرهم برغبة البقاء والجلوس أكثر بس ما باليد حيله
جازي طلعت للغرفة:عذبه! ابوي يصارخ انزلي! يعني ساعة نحتري هزاع وساعتين نحتريتس! امششششي
عذبه بدلت فستانها بسرعه وسلمت على البنات السلام الاخير : زين! شبلاتس ميته على شرقيتس ذي!! يلا بنات الله يحفظكم ونتقابل باجازة رمضان ان شاءالله
الهنوف: مطفوقة! خلينا نشبع من خطيبة اخونا وجع ، ان شاء الله ياعذبه و طمنونا اذا وصلتو ترى بنقعد للصبح نحتريكم
بدور:كذابه مايمدي تتعدون الحدود على قولتها الا وهي تشخر ، خذو راحتكم بس والله يحفظكم
عذبه:هههههههههههههههههههههههههههههههههههههههه اوجع اقولها اللي بقلبي لكم اكثر من اللي بقلوبكم
الهنوف:ماخبرتس قلتيها!
عذبه ضحكت بورطة:يلا عاد بلا استقعاد! ومع السلامه
هيا نزلت اثناء هالسوالف وسلمت على اهلها وهم بالسياره وحضنت امها بقوة وهمست بأذنها:يمه لاتتركيني ، قولي لي اللي مقلب حالتس اذا وصلتي تراتس شاغلة قلبي تكفين
حصه ناظرت شعر هيا وهي حاضنتها وغمضت عيونها بقوه ماتدري شلون بتقول لهيا الموضوع! ماتدري كيف تتصرف هي بكبرها فيه بس المهم تطلع من الديرة الحين وعقلها بيصفى في الشرقيه وتشوف طارق وشوره وخطته اللي ناوي عليها
ودعت رغد البنات بعد مانزلت هيا ونزلت وراها وركبت هي وحصه وفلاح وجازي وهزاع وكلهم ينتظرون عذبه اللي كانت تمشي خطوه وتناظر بيت عمها ، متأكدة مثل اسمها ان حمد بالسطح ويناظرها ، ودعته بنظراتها وودعها بالدعاء الطاهر بينه وبين ربه وهو صاد معطي الحوش ظهره ويناظر السماء ويكره فقرة الوداع من طفولته ويكره الشرقيه اللي تاخذ عذبه منه.... سافر فايز وعياله للشرقيه ورايد يراقبهم من البيت المهجور وهو مبتسم وناوي يحرك وراهم بكره