"أثر الهناء حلم يا حمد"

البارت الواحد والأربعين

كانت ليلة وداعية حمد وسرور ومنصور من أعز الليالي الثابته في الذاكرة مرت ليلتهم مابين استرجاع طفولتهم لطرب منصور لشاهي سرور واكرامه للعيال حتى هو سلى عن نفسه وامه وموضوعها وطلع عليهم الفجر وهم سهارى للحين واتجهوا للمسجد وهم مع بعض ويضحكون
سرور:بديت اشك في الشاهي صدق ياعيال
حمد:هههههههههههههههههههههههههههههههههههههههههه ها ماني قلته؟؟؟
منصور:شكلك راعيها يا سرور وسويتها وش ذا! ماخبرت عيوني تدمع من الضحك من خلقني الله الا على مدة شاهيك
سرور هلل وهو يضحك: بندخل المسجد وان شاء الله نخشع ونوقف
حمد:والله يا الود ودي اهون عن العسكريه واتقهوى شاهيك عمري الباقي
منصور:يازقن حتسي الشعّار وغزلهم
سرور:هههههههههههههههههههههههههههههههههههههههههههههههههههههههه لالا الموضوع بدأ يتجه للجفاف العاطفي
ابو متعب من وراهم : لا إله إلا الله .. صدقت يا داعي الله ... حمد! منين جاي
حمد التفت وباس راس ابوه:من البيت يبه
ابو متعب:وسابقني للمسجد؟
سرور ضحك:صدقه صدقه ، خلاص صار تحت انظاري ياعمي لاتشك فيه
ابو متعب:منيب قايل شيء دامك مع سرور مير لو انك مع الثاني ...
منصور ضحك وقال بهمس: ما اسلم انا؟ الحين انا شدخلني؟
-قال بصوت جهوري- امدح سرور واعتقني يابو متعب
ابو متعب:ان خليت الخراب اللي تطق به عتقناك
منصور اشر على خشمه:على هالخشم الله يعجل بالتوبه قبل الموت ومالك غير اللي يرضيك بس لاتقول عني شيء وحيد امي خلني
ابو متعب ضحك على استعطاف منصور وشاف فرحة حمد الواضحه في عيونه وهو يتجهز لحياته الجديده واستعداده للزواج والعسكرية وملازمته لسرور هالأيام وبعدها دخلو عيال ابو متعب وعبدالرحمن للمسجد وبعدهم الناس وتراصو وصلو الفجر وكعادتهم في البيت مجهز ومبخر والهنوف كانت تدور بالبخور في الصاله إلا وبدور ومزون نازلين بشناطهم واكياسهم
الهنوف شهقت:ويننننننننننن!
دلال من وراها : عبدالرحمن بيجي الفطور وبنمشي ان شاء الله يعني نبي نصلي الظهر بالرياض
الهنوف: عمممممه! تكفون تغدو معنا على الاقل!
بدور:ماشبعت نوم كله منك شلون نمسك خط الصبح!
مزون:اللي مهونها ان الجو مغيم و99٪؜ بيجي مطر
دلال باست الهنوف:نجيكم برمضان ان شاء الله وقت العطله وننوم عندكم اربع شهور بعد
طلعت زينه:والله ياحن بنفقد حسكم صدق
الجده منيرة:دليل بتسافرون؟
دلال:اي يمه وتعالي اجهزتس بيجي عبدالرحمن الفطور
الجده منيره:وشوله اجهز انا لرجلتس! هذاني شزيني خليني بس برد مافيني من بدل ملابسي ومنيب طالعه لكم
دلال ضحكت:يمه ليه تكابرين وتزعلين اذا سافرنا!
الجده منيره:ان زوجتي فارس ولا مزون عرفتي الجواب
مزون مسكت راسها: خلاصصصصصصص لحد يطري العرس امنتكم الله ما تطروننننه راحت اجازتنا وحنا ننام ونقوم بالفساتين والميكب وهذا هو البيت فاضي زوجتو الكل
هيا دخلت عليهم بعد مارتبت غرفتها وسمعت نقاشهم:علامتس محيتيني وطلعتيني من القائمة؟ بعدين باقي عندنا عزاب في العايله معليتس.. صباح الخير
الكل :صباح النور
مزون:انا بتزوج محمد عبده فقطط غير هالكلام مابقبل خلوه يغازلني ويغني لي وارقص له
الجده منيره:اعووووذ بالله ! الله يرزقكن الصالح العاقل شروى متعب
هيا باعتزاز:ودي اقول امين مير نادر ياجده منين يحصلون مثله؟
الهنوف وبدور ومزون بصوت واحد:وعععععععععع
زينه:هههههههههههههههههههههههههه الله يخليكم لبعض ياكريم .. جهز الفطور يا الهنوف؟ -تنهدت ثم قالت- الله يوفقتس يا ساره ماكنت ااسأل هالسؤال دايم اقوم وكل شيء جاهز
بدور بهمس: يلا خذلك بدأت مناقرة الصباح... وين سماعاتي
الهنوف وكأنها تثبت كلام بدور: يمممممممه!!!!! من كان يعاون سوير بالفطور والقهوه وكل شيء؟ مهب انا؟؟؟؟؟ ولا جهودي لا تُرى في هالبيت!!!
زينه :جهزتيه؟واقصري هالصووووت اقصريه كم مره اعلمتس انا؟
هيا:ماتفهم عجزنا فيها كلنا .. ارتاحي يا خالتي بزينه انا والهنوف
دلال:بعاونكم.. بسوي فطور عبدالرحمن ، اي هيا مهيب ازين مني في الرومانسيه
هيا:يازينتس ياعميمه وانتي تجاكريني برومانسيتي هههههههههههههههههههههههههههههههههههههههههههههههههههههههههه مير مسموحححححح لتس
زينه:يلا يا هيا الله يوفقتس استعجلو بالفطور بيجون من الصلاة الحين
-دخلت الهنوف وهيا ودلال للمطبخ ومزون وبدور طلعو الشناط حقتهم وحقت اخوانهم في الحوش وراحو يجهزون السفره ويساعدون البنات-
الجده منيره لزينه:ام متعب
زينه التفتت:سمي ؟
الجده منيره:سيف كلمتس عن فايز؟ قالتس شيء مصير السالفه الاوليه؟
زينه تنهدت: والله يا خالتي ما اقول غير الله يحفظ عيالي ويسعدهم ولايفرق الأخوان
الجده منيره تأكدت من احساسها وسكتت وزينه قامت تشب في المشب وتجهزه لزوج دلال