"أثر الهناء حلم يا حمد"

البارت الثاني والثلاثين

على الظهر رجعو الرجال للبيت يتغدون ودخل متعب غرفته بهدوءه المعتاد يبي يبدل وشاف هيا تمشط شعرها قدام المرايه
متعب : ياكثر زينتس وياحلو هالشعر عليه اسم الله وذكره
هيا فزت: بسسسمم الله على روحييي ! وراك داخلٍ من غير صوت؟ تبي تطير قلبي انت؟ تراي للحين ماخذيت عليك اصبر يابن الحلال
متعب ضحك:والغزل شصار عليه؟
هيا بمكابر: هرجٍ معتادةٍ عليه عادي
متعب غمز لها وضحك: عادي اجل؟ وانا هاقيٍ ان كلام حبيبتس وولد عمتس غير
هيا ناظرته بصدمه وعرفت انه سمع كلامها للهنوف و البنات وضحك متعب وقرب يبوس خدها بس دخلت الهنوف وهي تتكلم بسرعه
الهنوف: متعععععب ابوي يناديـ.... - شافته يبوس خد هيا وصدت- يا مااال الوجع يا هيا استحو وانتخووو منتب لحالكم بالبيتتتت!
هيا دفت متعب: وجعٍ يوجعتس يا المصروعه طقي الباببببببب طقييييييه
الهنوف تفشلت ورجعت للبيت بدون ماترد ومتعب ميت ضحك بمحله
هيا ناظرت متعب: شفت نهايه رومانسيتك؟؟؟ مهبوله ذي! انت اللي تخطي وانا اللي انسب!
متعب:علاقتي باهلي غيررر متى بتستوعبين اننا مانرضى على بعض؟ اكيد بتحطها فيتس وعلى طاري تحطها فيتس-راح متعب يقفل باب غرفته ثم رجع لهيا- انا ياعين متعب وروحه اوعدتس وعد رجال أن اعوضتس بشهر عسل ماصار ولا استوى بهالعالم كله بس هالايام انا استعجلت الرجعه عندي شغله ضروريه وقلت لأمي وعمي أن رجعتي كانت بناءً على طلبتس وابيتس تساعديني بهالموضوع زين ؟
هيا بابتسامه رضا من اسلوب متعب: زين، ياجعلني ما اخلا منك يا متعب وانا اللي تسويه يعجبني ويرضيني لاتشيل هم ابد والله ان قولة اننا صرنا من نصيب بعض لحالها تكفيني وتغنيني عن كل السفريات ، عسى شغلتك مهيب بتضرك؟كأني اشوفك تسرح واجد؟
متعب:ولا اخلا منتس يا بعد هالقلب ... لالا بسيطه معليتس
هيا:اجل بدل واطلع لعمي الحين تغدا قبل تتهور وتدخل هنوف مره ثانيه ونبلش
متعب ناظرها وميل ابتسامته بخبث: لا قفلت الباب معليتس
هيا استحت وركضت للباب تفتحه: اجل انا اللي بطلع قبل تستفرد فيني ايييي معلومممم مالك امان انت ولسانك المعسول
متعب:ههههههههههههههههههههههههههههههههه اطلعي اطلعي مردتس لي
-بدل متعب ملابسه وهو مرتاح بحياته مع هيا وعايش فوق الراحه بعد ولأنه عايش وشايف هالراحه سعى بموضوع حمد وعذبه عشان يعيّش اخوه أضعاف مضاعفه من راحته وسعادته وهو يدري ان حمد يموت بعذبه ولو اجتمع بها بيكون اسعد انسان على وجه الأرض وعلى العالم أجمع وحزتها ولاشيء بيضاهي فرحة حمد .. بدل وطلع لأهله يتغدا مع الرجال والحريم كانو داخل، ودخلت هيا وشافت الهنوف تتصد منها ورا ساره ومزون وضحكت وجلست على السفرة -
ام متعب:يجعلها ماتغيب عن محياتس يا هيا
الهنوف بضحكة:مهيب غايبه يمه معليتس تبين تشوفينها كل يوم بعد
هيا فهمت مقصد الهنوف وماتت مكانها من الضحك:هههههههههههههههههههههههههههههههههههههههههههههههه وعساها ماتغيب عنتس ياخالتي ، مادعيت قبل عرسي غير بدعوة وحده وهي ان الهنوف ماتشهد لنا لحظة
بدور:لاتقولين صارت؟
الهنوف شمقت هيا لأنها متفشله وودها انها ما شافت بس ضحكت من حظ هيا
هيا:اي والله صارت عساها اول واتلى بس
مزون: شلون يعني؟ ضحكونا معكم نبي نفهم
دلال:اتركو الضحك بس .. سوير حبيبتي باقي لتس غريضات لعرستس؟ترى ما قضيتي لهيتي باهلتس ومابقى شيء يمه اذا تبين شيء من الرياض خلينا نوصي حمد قبل يجي او ارسل فارس ولا عمر يجيبونه لك ايييي اكشخي انتي بنت سيف الطايل منتي حي الله بنت
زينه ابتسمت لمودة دلال لبنات اخوها
ساره اللي انشغلت بحمد وعذبه ونست نفسها اصلاً بس ماتبي تشغل احد بها: اي عميمه خلصت ولاعندي شيء اصلاً كلها اشياء بسيطه معليتس مابتكلف حتى لو بنت الطايل
هيا وهي تغرف لها سلطه وتاكل: اقول تبين شيء تحتاجين شيء تراي بالخدمة انا صرت من فريق عمتي دلال وامي وخالتي
ساره ضحكت: وش بنشدتس عنه ياحظي
هيا غمزت: اللي تبين
الهنوف ردت لها الغمزه: اي والله كل المعلومات عندتس هههههههههههههههههههههههههههههههههههههههههه
حصه بحده لهيا :بنت !
الجازي:لو عذوب معنا كان سألتها ما بتسألتس
ساره صدت وحصه كشرت بوجهها
هيا: اهااا بس وراكم مستنقصيني ؟
بدور: والله شوفة عينك عروس مالك يومين قاعده معنا تتغدين بالخمس وسلطة فيها بصل وطماطم وعليك هالروز من دولاب جدتي! وتبين تفيدين ساره المسكينه! اقول سويره لا تسألينها ولا تماشينها بتخربك ليت عذبه موجوده بس تعطيك من ذرابتها وعذوبتها
هيا ناظرت قميصها ولقمتها: شسوي ودي ابارد بس تراه كشخه مب شين!
الهنوف:معلووووووووم ليش تبين تباردين ولا احد يبي يبارد بالشتاء؟
هيا:هههههههههههههههههههههههههههههههههههههههههه خلاصصصص جعل ستري مب عندتس
مزون:ايييييه فهمت هههههههههههههههههههههههههههههههههههههههه
ام متعب كتمت ضحكتها وكلهم فكروا بعيد وحصه كانت تناظر هيا وتشوف سعادتها مع متعب وعيشتهم اللي تملاها البساااااااطة ورغم أنه ما سعى لها ولا سفّرها ولا طلعها بيت مستقل ! ومع ذلك هيا كانت بقمة سعادتها كانت تناظر بنتها وتسب حظها في نفسها على بناتها اللي حبو أشخاص بسيطين في نظرها وكذابين وغير صالحين لهم بتاتًا
وفي الحوش طلع متعب يغسل يدينه على المغسله الخلفيه اللي عند المشب ولحقه سعود
سعود:متعب
متعب التفت له:هلا سعود
سعود: ارتحت لكلام عمي؟ انا الصدق لا ولا جاء الغداء بعد وضعه مايطمن خوفي يهون اذا جاء حمد
متعب تنهد: لا معليك ماله حق يرفض البنت لولد عمها وحمد وعذبه صيتهم منتشر لأخر الدنيا انهم لبعض وابوي بيضغط عليه وانا بكلم فلاح بعد ناخذه بصفنا وبكذا نكون حديناه وبعدناه عن الرفض
سعود: وحمد بيجي اليوم؟
متعب: مدري والله ابوي ارسله يجيب علاج للبل الظاهر يبي ياخذه ويجي 
سعود: الله يعدي هالأيام على خيييييرررر وبسسسسسس
متعب: وراك ضايق؟ الامور بسيطه وانا موجود تعال اضبط لنا شاهي وروقنا وعلمني وين طار سنك
سعود تذكر ضربة ركان وضحك من قلبه وهو يتحسس فراغ سنه:ههههههههههههههههههههههههههههههههههههههههههههههههههههههههههههههههههه هذا سالفته سالفففففه يا متعب تعال تعال
-رجعو للمشب وبدو يسولفون مع ابوهم والعيال وسعود يقول لهم كيف كان استقبال ركان له واصوات ضحكهم كانت واصله لصالة الحريم داخل -