"أثر الهناء حلم يا حمد"

البارت الخامس والثلاثين

بالمطبخ كانت ساره تجدد قهوة الرجال وشاهيهم وناظرت من باب المطبخ جدار بيت ام منصور وتنهدت بضيق
مزون التفتت لساره وهي تساعدها برص البيالات:وش هالتنهيييييده كلها؟
ساره ناظرت مزون: قال لي بلا خوف بنلتقي وبنعرس وبكره عرسه من عذاري يا مزون! اثاريه قولٍ بلا فعل؟
مزون ناظرت بيت ام منصور اللي تناظره ساره:وانتي ماقعدتي بعده يا ساره! خذاك الرجال وركزي على كلمة الرجال!
ساره التفت على صوت القهوه وهي تفور على الفرن وشالتها للمجلى تغسل الدله من برا: عساه العوض بس والله اني احس بصدري فراغ يا مزون لو كذبت على الكل وكابرت
مزون ناظرت ساره اللي كأنها تشرح حالها من افعال طارق وصدوده:بيعوضك وبيسعدك وبتتهنين معه حتى امه مهب قشرا الحمدلله يعني معليك، كل شيء حواليك قاعد يقولك انه اهون من تركي وفوز وابوهم وحياتهم
ساره حطت الدله بالطوفريه وبراد الشاهي معها: ان فتحت الطاري مره ثانيه ادفنيني تكفين ما ابي اذكره وانا على ذمة رجال رديني لصوابي يا مزون دايم
مزون ابتسمت لساره بضيق وطلعت ساره بالطوفريه للحوش وقربت الدله والبراد من الضو ومزون بقت في المطبخ وتناظر بيت ام منصور ولاحظت ظل بالسطح وكأنه أحد يدور شيء ومحتاس
بدور: مزون وين الكاميرا؟ نبي نصور عذبه ما لقيناها
مزون حاولت تبعد نظراتها عن اللي بسطح بيت ام منصور والتفتت لبدور:مدري اخذها عمر مني اكيد بالحوش اطلعي اخذيها قبل يجون تو مخلصين صلاة
بدور: يا الله من عمرر!!! مايعرف يرد الشيء بمكانه! افففف

-في بيت ام منصور-
نزل منصور بسرعه البرق ودخل غرفة عذاري بعد ماخلصت التجهيزات مع فوز وراحت فوز بيتهم: وييين العووود؟؟؟؟؟؟؟
عذاري فزت بخوف: حوالينا ولا عليييينا ! وراك تصارخ!!!! شدراني انا
منصور: امي عرفت عنه؟؟؟؟وويييننه ويننننه مب موجود!!!
عذاري:وانا وش يعرفني عن عودك؟؟؟ وامي وش يطلعها السطح؟
منصور بهدوء وهو مقهور على عوده: اسألي امي بطريقة كذا اذا رقت السطح وشافته
عذاري ناظرت منصور وتأففت: زين بس لاتدخل غرفتي لين تطق الباب! قاعده اجهز لعرسي انا
طلع منصور من الغرفه وهو يبي يعرف وين اختفى العود ووين بيروح ونزل للشارع متجه لمكان العيال "الصندقه البيضاء اللي يجتمعون فيها" وقابله تركي
تركي: يا النسيييب
منصور التفت:يا هلااااااااا
تركي بابتسامه:على وين؟
منصور:للاستراحه
تركي:اسمع قبل نتخاوى لها نبي نجيكم بكره بالشيخ نملك العصر ونعرس في الليل ان شاء الله زين؟
منصور سلم على تركي بوناسه وبارك له من جديد واتجهو للاستراحه ولقو قدامهم بعض من عيال الديره ومزينين الشاهي برا وملتمين وانضمو لهم تركي ومنصور

-في الديرة الثانية-
شريفه وهي تقلب الدعوة بيدها بعد ما عطاها صلوح ودخلت تعطيها صقر يقراها وطلعت دعوة زواج تركي
شريفه: السياف ماغيره راعي الذهب!!! اجل هذاك الولد؟ اثاريه معرس وانت تحارشه يا امك! ويوم يقول لازم يقفل طلع يجهز لعرسه!! يوووووهههه.. اقول صقر وش اسم ابوه؟
صقر صد وهو يعرف تركي والسبب الحقيقي:شايع بس خليتس منه ، بكره ان شاء الله منيب حاضر عرسه كانتس تبين تروحين روحي انا بقعد ازين حوشنا واجيب العمال يركبون العقود ويجهزونه لعرسي ولو تحضرين افضل عشان يفضى لهم الحوش
شريفه بوجه جامد: تركي يصير ولد شايع السياف خوّي ابوك الله يرحمه؟
صقر ناظر امه: ايه؟
شريفه: زين منك ماتحضر عرس ولده وجنّب عن شايع يمه
صقر:وراه؟
شريفه قررت تغير الموضوع:وانا اكيييييد بحضر واشوف نسابتك ولهت عليهم واظنك اكثر مني
ابتسم صقر لأمه وهو يسأل نفسه ليه تبعده وتحذره عن شايع وهو رفيق ابوهم!