"أثر الهناء حلم يا حمد"

البارت الرابع

ابو متعب بجديه:قم يا حمد صب القهوه
حمد فز احترام لأبوه لكن ما يخلي شقاوته وباس خده:اصب لك ولأخوك ولأمك وربعك كلهم بعد
الجده منيره وهي مبتسمه:جعل سبة ضحكتك يبطي حي وتلاقيه ويلاقيك
حمد اللي فهم على جدته:اميننننننننن
الجده منيره:اقول يابو متعب
ابو متعب اعتدل في جلسته:سمي يمه
الجده منيره:دام الجو زين وتسنّه براد ما ودك يأشر ضغطنا في العزبه؟
ابو فلاح:من جدتس يمه؟ بكره عرس فلاح وتونا جايين وش عزبته
دخلت عذبه وقعدت بينهم:كأني سمعت طاري العزبه؟تكفون مبطيه منها خلونا نجيها
ابو متعب:دام عذبه تبيها فتولمو الغداء هناك قومي ياعذبه علمي خواتس(والأخوات كانت تُطلق على الشقيقات وبنات العم أيضًا)
عذبه:جعلك تسلم ياعمي ابشر
(حمد وعيونه على الفناجيل اللي قدامه وهو مبتسم وباله في احلامه الورديه ماهو يمهم)
الجده منيره لفايز:اي وش بتسوي؟هذول عيالك تبارك الله حواليك ولا انت بتطبخ ولا وبتحلب ولاشيء بنقعد وودي بشوفة الحلال
زينه:اجل انا بقوم اشوف فطور البنات وازهب جلالتس واغراضتس
حصه:اساعدكم بشيء يا ام متعب؟
زينه:ابد تريحي البنات اكيد مخلصين كلش
-طبعًا فلاح اللي دخل هو ورغد اللي تعتبر زوجته شرعًا في غرفة أمه وأبوه في بيتهم وجلسو شوي على مايترتب الوضع برا من نزول الاغراض لتجهيز الفطور لأكتمال الجلسة عشان يطلع لهم هو بس أما البنت فما كانت تطلع لهم إلا بعد الزواج من باب العادات والتقاليد-
عذبه دخلت المطبخ:يلا بنات خلونا نحضر الفطور وعقبه نجهز اغراض الغداء يقول عمي بنروح العزبه
ساره:كذابه!!! عاد مع هالغيوم والبراد!يوهههههه يالبيه صدق
هيا:تمزحين؟؟؟؟اجل الغداء علي هناك
الهنوف:تدرين ان متعب مغير يعايرنا بطبختس؟
هيا:ههههههههههههههههههههههههههههههههه اوريتس فيه اليوم
الجازي:لانويتي فلا تعورينه بس ههههههههههههههه
ساره لعذبه بهمس:ورا عيونتس تلمع كذا؟
عذبه:كله بسبايب حبيب الروح اهه شافته عيني ولا تبينها تلمع؟اقول لتس لولا ضلوعي كان طار قلبي وراح مرواح الهبوب
ساره:اوهههههه اثر مو بس حمد الشاعر؟تدرين ما اناديه الا يا شاعر عذبه عشان يستمع لي!
عذبه ابتسمت بخجل:لاتحرجونه
ساره:معليتس معليتس اليوم احنا وبكره انتي
-طلعو البنات وحضرو السفره والفطور وافطرو جميع وكانت الجلسة مليانه ضحك وسواليف وتبادل أخبار وطقطقة على فلاح وفرحة كبيره تغمرهم بما أنه أول حفيد يعرس فيهم ولاهي الا دقايق ودلال جايه هي وعيالها ويدقون البواري من مدخل الديرة لين حوش ابو متعب-
ساره:عمتتتتتي دلال جتت
زينه لحصه:هالحين بيفزون كلهم عشان مزون واخوانها محد بيسلم على دلال
فارس اللي نزل ركض على خاله وباس راسه ويده:شلونك خالي؟
ابو متعب:ارحبووو ارحبوو،ياحبي لك يا فارس من يومك هالطول وفزتك لي هي هي ماتغيرت جعلني افز لك في عرسك يارب ونقوم لك عرس في ذا الديره ما صار ولا استوى ياحبيب خالك انت
الجده منيره:هلا باللي لها الخافق يهلي هلا يا طوايف امتس واهلها يالله حي عيال دليّل -نزل فارس يحب راسها ويدها وخدها واخذ نفس عميق وقال-
فارس:والله يا اني ولهههههههت عليتس وعلى ريحتس ياجده يابعد الدنيا كلها هالطرحه وريحتها
دلال اللي طاحت عند رجلين امها على طول:شلونك يمممه ياكثر الشوق ياككككثثثثره -تحضنها وهم يصيحون الثنتين-
فايز:بس يا دلال بس قومي نشوفتس ونسلم عليتس
-والكل سلم عليها وعلى عيالها وباقي سفرة الفطور موجوده لأنهم افطرو وجلسو يسولفون عليها ومثل ما نقول قعدو ينقنقون-
سعود: ورا محد سلم علي؟
ركان اللي صلى الفجر واندس عن ابوه وراح ينام وتوه ينزل عليهم:السلام عليكم يا الله حيهم جميع
متعب:وينك من اليوم؟-ضربه على راسه-
ابو متعب:ركان؟؟؟؟ ابك انت وينك فيه؟سلمت على عمك وعمتك ولا للحينن!!!!! من خلاه يرقد؟؟ هاه؟؟
ركان:يا يبه برد ونمت بالغلط حقك علي .. -قال بصوت عالي-ارححححب ياعممممم يا الله حيه شلونك!! طيب!! ارحبي عميمه ياهلا ومسهلا
دلال ضحكت وحضنت ركان:الله يسلمك ياحبيبي شلونك انت؟
ركان همس باذنها:طيب لولا كرف اخوتس
سعود همس:شكل للحين محد ملاحظني الظاهر منيب بيّن
بدور:انا شايفتك-قربت وجهها من وجهه وبعدت طرف طرحتها وبانت عيونها-تشوف عيوني سعود؟
سعود:تثوف عنوني ثعود؟ هالحين دارسه ومتعلمه وتخمين من هالكتب واخرتها غبيه ومصدقه اني مو مبين؟؟يالله العقل بس
بدور:تدري انك اوصخ ولد خال بالعالم كله؟يع سلم سلم بس
سعود:ويش ويش؟؟؟لاتعلمين الهنوف هرجتس تكفين لاتخرب اختي وتصير تقول لنا يع ووخري بسلم على عمتي اول ....ارححححححبببببب-حضن عمر-يا الله حيه
عمر:الله يبقييييك -صرخ بكل صوته-اشتتتتتتقققتتتت للكممممممممممم
هزاع رماه بالنفجال:اعقببب تراك مب بالرياض هنيا الديرة شوي وتلااقهم متجمعين فوق بعضهم عند الباب يحسبون فينا شيء
مشعل:شف شف ولد الشرقيه مسوي عارف نظام الديرة!!
بدور:الحين سعود هذا عمتك؟ياربي انا غبيه ولا ما اسمع زين ولا انا عايشه مع ناس عجيبه؟
ابو متعب:ادخلي يابوتس ادخلي وسلمي اتركي عنتس حلطمة مشعل وركان ماهقيتها منتس يا بدورة خالها
الهنوف:وشووو؟؟؟؟يبه لاتدلعها
ابو متعب:مالي حبيب الا ساره وهنوفة قلب ابوها بس لزوم يابوتس نرحب
حمد همس لعذبه في ازعاج السلام وكل واحد ماسك خوي ويسولف له ويسلم عليه:بِسسس
عذبه التفت وكان كتفها قريب لكتف حمد بس عليها جلالها:لبيه
حمد:سمعتي ابوي شلون يدلع هنوف؟
عذبه تنهدت:اييييههه ياحلو عمي وحبه لكم ماشاءالله
حمد:اي تحريني فترة بس وادلعتس انتي وبنتي مثل ابوي وقدام الخلق كلهم
عذبه استحت من طاري الزواج والانجاب:حمممد
حمد:ههههههههههه تستحين اجل؟الله يسقي ايام كنتي ترميني بنعولتس لا احرجتس وهالحين تقولين حمممد-يقلد نبرة صوتها-بس تدرين؟دامتس صرتي انثى وتستحين واعجبني سحاتس بصير اناديتس بأم شيهانه
عذبه:شيهانه بنتنا؟-ضحكت بخجل-
حمد:اهههخ ايه بنتنا يا احلى ام
عذبه:ترى بجدد موضوع النعول خلاصصصص تكفى
حمد:هههههههههههههههههههههه زين زين كلش ولاهيبتي قدام العيال
-كان ضحك حمد وعذبه بهمس ومو ملحوظ بس سعود اللي كان ملاحظهم ومبتسم وهو يدعي لهم بقلبه-
الكل ترتب وجلسو ولمو السفرة ونزلو عفش دلال وكل هاللحظات كانت رغد تشهدها من طاقة غرفتها وهي مبتسمه بحب على هالعائلة اللي طاحت فيهم كانت تضحك من ضحكهم دايم ، وصارو البنات ينامون كلهم بغرفة ساره وهنوف اللي كانت مفروشه اصلاً وفيها سريرين وطاقتين كبار تنسحب لداخل وعاد تعاونو وفرشو الطراحات والبطاطين وكل شيء عشان تكون جاهزه للنوم والاغراض طلعوها في الدواليب ونصها بقت في الشنط أما اغراض بنات فايز فكانت في بيتهم بس النوم كلهم ينامون سوا، والعيال فكانو ينامون جميع في المقلط ومع بعض وعند أبو متعب كان النوم بدري ولازم يصحون الفجر يصلون ويجمعهم يقرون الاذكار سوا وكلٍ يروح شغله-
-البنات بالغرفة-
هيا:انا جنب ساررره محجوز عاد
مزون:انا على السرير مالي شغل
هنوف صارخت:محدٍ بيرقد على سريري هذاني اقوله وخروووو
بدور:لا والله وانا؟ ارقد بالارض؟
ساره:اي وليش ماترقدين بالارض؟هذا انا بنوم بالارض
الجازي:انا تحت الدريشه عاد
عذبه:انا برقد بعيد عنكم تبببت من الترفيس والتشويت جنوبي تنفخت من سيقانكم المره الاولى
الكل:ههههههههههههههههههههههههههههههههههههههههههههههههههههههههههههههههههه
-بعدها نزلو البنات عقب ماخلصو ترتيب الاغراض وتجهيز اغراض الغداء (ترى مانسينا فقرة سلام البنات ولكن كانت مليانه حب ودموع وهواش لطيف بس ركزنا على المضحك أفضل)-
زينه:شلونتس يا ام فارس عساتس طيبه؟
دلال:الله يسلمك والله بخير وفي نعمه الحمدلله
حصه:شلون عبدالرحمن ورا ما جاء معكم؟
دلال:عنده اشغال بالرياض وقال مطول قلت اجل دام العيال كبرو وعمر الله يخليه لي موجود فبروح معهم
فارس منزل راسه: ولا كأني الكبير شفتي يا جده شلون تحطمني شفتي؟
عمر:عن الغيره خلها تحبني ترى محد يحبني غيرها عزتي لي
الجده منيره:دليّل ترى كلٍ يهون الا فارسسس والله ان حب البكر غير
ابو متعب:اجل مكاني محفوظ يمه
ابو فلاح:لالا كذا بنقوم نتهاوش هاه يايمه؟
الجده منيره ضحكت بحب لعيالها:والله ان حبكم واحد الله يجمعكم ولايفرقكم ولايشمت عليكم عدو ولا حاسد ياربي ياحبيبي تخلي لي عيالي وتجمعهم على قلب واحد معي ومن بعدي
زينه:بعد عمر طويل خالتي والله يسمع منتس
قال ابو متعب وهو متعمد:نبي نصير على قلب واحد معليتس وهذول عيالنا بياخذون من بعض بعد-وهنا دخلو البنات والعيال وجلسو كلهم-
متعب:لاعاد لحد يطالع فيني ترى ماني معرس بهيا تكفون
حمد:ما ودكم تلتفون علي؟ههههههههههههه
ابو متعب:انت الله يربط على قليبك بس اسكت
-عذبه اللي فهمت وعرفت ان حبهم كان للعلن مو لهم بس وابتسمت بخجل والبنات ينغزونها ويضحكون-
مزون:اي وش فيها هيا يوم ما تاخذها يا متعب؟؟
الهنوف:اتركيه اتركيه لا جت قال ياشينها مانبيها وان راحت؟؟غرقت الديره بدموعه ههههههههه
هيا ضحكت وهي تمون على عيال عمها مره وكلهم حسبة اخوان ومتربين سوا: اثر هذي سواياك يا متعب؟؟؟
ابو فلاح بحدة: راحت ايام سحا البنت وخجلها .. هيا؟؟؟؟
طارق:خلهم يبه يسولفون كلهم عارفين النهايه
الجده منيره: هو؟؟وش قالت المسكينه تمزح مع رجلها
-وهنا الكل انفجر ضحك إلا الجدة منيره ابتسمت فقط وكانت بكلامها كأنها تأكد على كلام ولدها ابو متعب-
سعود:لاتكفون غيرو الفكرة تخيلو اعيش واكبر وانام واصحى على وجيه ذول واكمل نص ديني معهم بعد!! يخي خلونا نطلع ونشوف ناس ثانيه
بدور: انت خلنا نشوفك بالاول وعقبها اطلع مننا
سعود:اقول عمه ماقد محطتي الخيزران على ظهر هالبنت؟يويلي شطول لسانها
دلال:ياويل اللي يجيس بناتي بعدين ما غلطت عليك وهي صادقه
سعود:هالاثول ذا-أشر على ركان- اللي مايطلع عليكم انا والله اني مقابلكم دايم
زينه:الا ركوني حبيّب امه وسمح المحيا الكل يشهد له ماقد غاب عن لزوم اسكتو عنه
ساره: اي اي بدأ حماس الامهات لعيالهم الله يعطينا الجنه احنا بس
ابو متعب بحنية:انتي هالعين والهنوف هالعين شتبون اكثر؟
حمد:اقول كأن الحب كله راح لهالبنتين؟؟
ابو متعب:انت لا صار قلبك بصدرك وقتها تعال اهرج معنا
حمد بصوت خافت:عز الله ان ام شيهانه تلته من اقصاه-ابتسم على جنب وكانت هالابتسامة كفيلة انها تدوخ عذبه-
هزاع:اوووووووووووههههه وش هالاسم؟؟
عذبه:بقوم اجهز اغزاض العزبه
الجده منيره:بسم الله على زولتس هذي هي الاغراض وراتس زاهبه يا امتس ..حمد خف على البنت
-رجعو انفجرو كلهم ضحك حتى ابو فلاح اللي كان رافض فكرة زاوج الاقارب والديرة ولكن ضحك من خجل بنته وتخبيصها وعلى طيب نيتهم وحبهم العذري...كانت الجده منيره مثل اغلب الجدات لها ذبات محرجه وتعليقات تموتهم ضحك فكانت ملح الجلسة دايم-
دلال:اقول اي عزبه واي طلعه وعرس فلاح بكره؟
زينه:قلنا نتغدا بالعزبه
أبو متعب:مب مطولين بنقعد لليل ونمسي في البيت ورانا عرس من الصبح
ساره:يبه شرايك نمشي هالحين؟يمدينا نزين غدانا احسها بتمطر الجو مغيم
ابو متعب: لا طلبت ساره لبّت لها الدنيا مو بس أبوها يلا يا ابوتس اركبو اركبو
ساره باست راس ابوها بحب واحترام:الله يطول عمرك ويخليك يارب
-تقسمو في ثلاث سيارات كانت الجده منيره وزينه وسيف وفايز وحصه بسيارة ومعهم الاغراض ومتعب وطارق وركان وهزاع وعمر بسيارة وسعود وحمد والبنات بسيارة وبين ما كانو يركبون ويحملون العفش كان تركي ورا بيت ابو متعب من جهة باب المطبخ والباب مردود وساره تشيل اخر الاغراض-
تركي: بِسسسسس ساره ساره
ساره التفت برعب:من؟؟
تركي:انا تركي
ساره رمت طرحتها على وجهها ومسكت الباب :سم؟
تركي اللي طايح بالعسل:وين بتروحون؟اشوف ابوتس مزهب الاغراض وانتم عندكم عرس بكره شسالفه؟
ساره:تركي لا تكلمني بالطريقة ذي تخيل يجي احد من اخواني ويشوفنا؟ بيزعلون علي وانت بيذبحونك وعيال عمي موجودين بعد
تركي:ساره تقولينه من قلبتس؟معد تبيني امر بيتس؟
ساره:بنروح العزبه ومابنطول خلاص مع السلامه-سكرت الباب وقلبها يرجف حب وخجل وخوف-
تركي همس وهو يناظر الباب:ادري انتس للحين ورا الباب بس تحرصي على روحتس زين واستودعتس الله ومعليتس مابيطول هالوضع كلها ايام ونسوي عرسنا ونقول "بلا خوف بنلتقي"
-ساره ابتسمت ابتسامه عريضه وركضت للسيارة وهي بعالم ثاااااااااااني-
حمد: بل بل بل ياكثركم كثرااااه يارب ماتغرز بنا
هيا:قطعععا تقطع هالوجه محد فينا دب امش وانت ساكت بس
سعود:ساره يا اختي
ساره فزت :عيوني
سعود:اصفقي بدور تكفين دابلة تسبدي
بدور سكرت روايتها اللي بيدها: هووو والله ما جيت يمك ولا كلمتك
سعود: وهذا بلاء بوك يا عقاب هالحين تخلصين كتابتس وتزعجيننا باللي قريتيه قلت اتعشى فيتس
بدور: تتغدا فيني حبيبي شفت! لازم اعدل لك ولا بتموت
عذبه: اص اص انت وياها اقول حمد
حمد سحب فرامل بنص الخط وحط يده على قلبه: ااااااههه ياعذبتي ومعذبتي وحبيبتي يا احلى من نطق اسمي ..لبيه يا صوتٍ دعاني وانا شفقان لبيه ياحبيبة حمد
سعود ضربه على صدره وشهقو البنات يوم سحب فرامل:وجععع يا مال الوجع انت وعذبه وش بلاك انت؟؟؟؟
عذبه اللي ماحست بالفرامل ولاحست بشيء الا ان بطنها كان يرجف من الحب والغزل والحنان: بغيت نمر الدكان ناخذ لنا اغراض نتقهوى عليها قدام دام الجو مغيم وكذا ودنا نتسلى يمديك توقف ؟
حمد اللي وده يلتفت ويبوس وجهها لين يتشقق:اوقف ليش ما اوقف؟ وكل اللي تبينه اوامر وش اجيب؟
هيا:جب بساكيت وكثر تكفى مسوين ثلاث ترامس قهوه وجب فصفص
حمد: ياثقل الطينه يا هيا يا ثققققل حستس اسكتي خلي عذبه تهرج
مزون:حمممد-تقلد عذبه-
حمد:يويلي انا بطرش سعود استلم عني مقدر اكمل
عذبه:هههههههههههههه حمد عادي انزل معك؟
حمد انقلب صوته بحده: شتقولين؟؟؟؟؟؟تنزلين البقاله بين العمال؟؟؟؟اخلصو شتبون ولا مشيت
-عذبه اللي حزت بخاطرها مره من عقب الغزل والسحا وسكتت بس تداركو البنات حمد قبل يعصب وقالو له الاغراض-
سعود لاحظ غيرة حمد وما بغاها تطول:عذبه ترى البسكوت اللي تحبينه موجود نجيبه؟
عذبه:لا البسكوت ضر قلبي معد ابيه
حمد فهم انه مقصود:زين اتركيه دامه ضرتس مو عشانه بسكوت تكثرين فيه!!
سعود:هذا اللي يبي يكحلها وعماها خلاص كلو تبن الاثنين
-باخر السيارة كانو الثلاثي المرح جالسين-
الهنوف الجازي: تخيلي يحبتس احد مثل حب حمد لعذبه؟اهههخ
الجازي:وين ياحظي حمد الحسنه الوحيده بعايلتنا ولا الباقين مايعرفون يحبون خصوصًا هزاع الكريه وركان يووووههههههه اشهد ان الدين حق يويلي هذول يا تسمعين كلامهم يا دفنوتس حيه
الهنوف: تكفين كل الدنيا حنيّنه وتهبل عند طارق! يمه يمه الله يعين وحده بتوافق عليه
بدور:تدورن متحمسه لزواج وحياة مين؟
هنوف وجازي:ميننن؟؟
بدور:فارس اخوي
هنوف: صاااادددققققهه عاد هو مانعرف عنه شيء بس انه طيب احس بيتعدى حمد
بدور: يهبل يا بنات يهبل بس محد يقدر يعرفه
جازي: اظنه مثل فلاح اههه يا بنات لو تشوفون هالرغد متى يجي بكره بس احس بيزفها على يدينه بعد طاير بها طيررر
"انتهى..شاركوني رأيكم يا أصحاب💕"