"أثر الهناء حلم يا حمد"

البارت الخامس

-وصلو للعزبه اللي ما كانت تبعد عن البيت كثير أصلاً وبدو البنات ينزلون الاغراض وينظفون المطبخ ويجهزون الغداء والعيال فرشو الزل برا وشبو النار وجهزو القهوه والشاهي والمراكي-
أبو متعب: حمد
حمد اللي كان عاصب راسه بشماغه ورافع ثوبه على بطنه:سم يبه
أبو متعب: هات الحليب وقم يا سعود معه املو هالاثنين وهاتوها
سعود وحمد: ابشر ، سم-عند الأبل-
سعود: خفف غيرتك يا حمد
حمد اللي يسوي انه مافهم: اي غيره؟
سعود:انت خابر كل شيء
عذبه اللي جت تركض لناقتها اللي مهديها اياها عمها والناقه تركض عليها:يابعد زولي وروحي ولهت عليتتتسسس
حمد التفت: كل شيء يحبتس واشتاق لتس حتى ناقتس
عذبه تمسح على رقبة ناقتها وهي صاده عن سعود وحمد:ليتس تفهميني وتدرين وش اقول اهه لو تعرفين اني ما اجي الديرة الا عشانتس ومن شوقي لتس-باستها بقوه-
متعب يصوت:الحليبببب يا حححمممد
حمد حس ان عذبه زعلت صدق فقرر يراضيها بطريقته وخلاها لبعدين:ججاي جااي..  يلا ياسعود
سعود همس لحمد:بكره تروح من يدك وتبكي دم
حمد التفت وعيونه اشتدت سواد على حَمَار:سعععوود!!! امش قضينا من الحليب
-جهة المطبخ-
عمر:بدور عطيني بصل
هيا فزت:ليه؟ليه؟ انا بطبخ الغداء
عمر:متعب يبيه
هيا:تقلع انت وياه اقول
هزاع:هيا تراه معصب يبي البصل اخلصي
هيا: يمه ارتعت المس قلبي المسه يوه بيوقف يمه
متعب جاء وهو يصرخ ويهواش:ساعتتتيييين تجيبون لي بصل؟؟؟؟ مهّبل انتم؟؟؟؟
هيا طاح الصحن من يدها من الخوف من صوت متعب والتفت متعب لها:علامتس انتي بعد؟؟
عمر: نتقلع اجل هههههههههههههههههه
هزاع:قلنا لتس وعجزنا نفهمتس
متعب:شتقولون انتم؟؟؟
ساره:الظاهر اخواني بيذبحون حريمهم
متعب:رديننا على طير ياللي انا ماني معرس بذي بس هاتو البصل
هيا:ماني معطيتك انا اللي بزين الغداء
متعب:هيا معدتس بزر ترى! هاتيه
هيا:والله ماتاخذه انا بسويه انا اللي قلت لعمي نروح ونسويه
متعب:يا التسذوب هذا هو ابوي الحين مرسلني اسوي الغداء وحمد وسعود يحلبون وركان مزين القهوه والشاهي
هيا قربت شوي من متعب وهمست :مو تعاير سوير وهنوف بطبخي؟خلني وازينه
متعب ابتسم ابتسامة قلبت موازين هيا كلها:بكيفتس ان قال ابوي شيء بقول انتي الي معييه
هيا فهمته: ههههههههههههه خل عمي علي وفكنا شرك انت
متعب:مهبوله الله يعين رجلتس-ما كان يبي يتعلق فيها رغم انها حبيبة الطفولة-
في مكان بعيد شوي
مزون: ااااااااااااااايييييييييييييي
فارس:اخخخو مززون!!!!! هذا مب صوتها!!! -فز وهو يركض يم الصوت وخاله سيف معه والجده منيره وقفت ودلال تركض بدون ما تحس ورا فارس-
عمر بالمطبخ: اختتتك يا عمر!!! صوت مزوون ولا؟؟-ما مداه يكمل كلامه الا وفز صوب الصوت ولكن الصدمة كانت يوم وصلو حصلو مزون مغمى عليها وطارق يمص جزء من الساق ويتفل وراه-
طارق وهو عاصب راسه ومعصب:عمرر عطني من موتري مقص بتلقاه في الدرج اخلصصصص
دلال وهي تحاول تستوعب عيونها وش تشوف:طارق بنتي بنتي ياطارق؟؟؟؟
طارق:معليتس ياعمه خفايف خفايف وهي ارتاعت واغمى عليها ولا الموضوع بسيط الحين تصحى-ضغط على يدينه الثنتين ويحاول يعصر مكان الاصابة-
فارس:ولد شسالفه؟؟؟؟وخر عن ساق اختي كيف تكشفه انت؟؟؟؟؟-صفق طارق كف بس مارد طارق عليه وجاء عمر ومعه المقص وقص طارق طرف شماغه وربطه على فوق الاصابة وتحتها بقوه وشال مزون وراح للشبه ومكان جلسة الجميع وكلهم كانو بانتظاره اساساً ويبون يفهمون الموضوع بس هدوء طارق كان مرعبهم ومستفزهم اكثر من مزون-
الجده منيره:ورا ماتحتسي انت؟ شبلاها مزون وراها تصيح
طارق: وهو يحمي صيخ: جيتها والحيه محاوطه رجلها بس طلع منها السم وابي اكوي مكان السم كتطهير ومايجيها شيء تعرفون عاد! حنا بالديرة ولاحولنا شيء!-ابتسم بكُره للديرة-
دلال:وووششوو؟؟حيه؟؟؟
عذبه بصوت يرجف:الحيه باقي موجوده؟
ساره:ياحبيبتي يامزون بسم الله عليتس جازي هاتي بصل تشمه كود تصحى وتشوفنا يارب ماتمرض
سيف:ماعليها خلاف يابوتس ماعليها خلاف -هنا ابو متعب عرف ان طارق مص السم من ساق مزون والدليل ان وجه مزون كان طيب لكن شفايف طارق كانت شبه ملتهبه وقرر انه يتلطم-
حمد:طارق الحيه وين؟
طارق التفت بنص عين:تتوقع بخليها؟ هيا امسكي رجلها
الجده منيره:عطني عطني انا اكويها اعرف ازين منك
طارق:شدعوه جده كلها كويه
دلال:لالا لاتشوه رجل بنتي اتركها يا طارق ويلا يا فارس المستشفى
فايز:اي والله روحو المستشفى
حصه:وراه؟؟ من اول نتعالج بالكي ومزون طيبه شوفو وجهها
زينه:ام فلاح صادقه معليتس يا دليّل لاتروعين البنات والمسلمين كلها كيه وتطيب سم يا طارق واكوها
بدور:طارق لاتوجعها ابصيح عنها تكفى
فارس وهو يحاول يغطي ساق اخته بس لمست يده يد هيا بالغلط وهنا تدخل متعب:قم يا فارس تراك اشتغلتنا اختك طيبه بس وخر
-فارس اللي ما كان فاهم شيء غير ان مزون مغمى عليها قدامه ويستودعها الله لين كواها طارق وفزت وهي تصارخ وبان وجهها لطارق بس صد طارق بسرعه وقام من جلستها وراح للأبل رغم كرهه للديرة والابل بس ماله الا هي اللي يبعد لها وكان يسمع من وراه الصراخ والتسميه على مزون والفرحه وبعد مرور الموقف بسلام راح فارس لطارق-
فارس:اعتذر ياخوك على الكف بس مثلك عارف الوضع وانا انفعلت ولا وعيت
طارق:حصل خير ما يخالف
فارس:مابنسى جميلك يا طارق الله لايهينك ويديمك
طارق:مابيننا اخوان والحمدلله على سلامة اختك
فارس:الله يسلمك..اقرب الغداء بيزهب الحين بس وراك متلطم؟
طارق:ابد بردت شوي خلني وانا دقايق واجي
هيا:مزون تسمعيني؟
مزون بعد ما صحصحت: ايه اشوفكم واسمعكم شدعوه شفيكم
حمد بيلطف الجو:مزون تبين نشغل لتس شيء ترقصين عليه؟هذا اللي فالحة فيه لو هيا اللي مكانتس جبنا لها مقضى وطبخت مير انتي علاجتس الرقص
متعب:الحين تزين هيا الغداء وتشوفها تاكل الاخضر واليابس وتطيب
دلال:يممه شوفي احفادك شلون يهرجون عن بنتي!!
الجده منيره: اي وهم الصادزين تخبرين بعرس بن ملفي شلون اشغلتنا؟جهزوني ابروح ارقص وجهزوني ابروح اكل
ساره:هههههههههههههههه يوه جده شلون متذكره ماشاءالله
مزون:خاليييي سكتهم
ابو متعب:والله يا بوتس مالي سلطة هالمره ههههههههه
مزون:كذا تعاملون المصاب بينكم؟؟ لو انها عذبه كان ماوقف القصيد ولا الدلع
حمد:ماخلق ربي الا قمر واحد
سعود: اوووووههههههه
مشعل بفهاوه:من القمر؟
حمد: انت انت مير قم زين السفره
هيا بالمطبخ: متعععععبب
متعب قام من محله:مايخلون الواحد يرتاح
الجده منيره: قم قم لاختك
متعب دخل وهو يتكي بكتفه على طرف الباب:هاه
هيا: اقلب القدر عجزت مره ثقيل
متعب:ورا ماصوتي لطارق شمعنى انا
هيا:بعودك على الحياه الزوجيه من الحين هههههههههههههه
متعب:يابنت الحلال لو يعطوني مليونين هاه!!! ماني ماخذتس ما ابيتس تراتس في عيني مثل ساره
هيا ضحكة بغنج بريء:ههههههههههههه والله يامتعب ماتاخذ غيري بس اخلص عمي بيعصب ابطينا بالغداء اقلبه
متعب وهو رايحححح وطي فعليًا:ابووووك يا الثقه!!  وخري بس
دخلت ساره:هيا ..اوووووه شجابك؟
متعب:بنت عمتس كارفتني معها
هيا التفت:سمي؟ وانت عن العياره كله قدر اقلبه واطلع لو مناديه هزاع البزر كان قلبه وقضى وطلع
متعب: اي ورا ما ناديتي هزاع البزر ولا كل شيء على راسي؟؟ يلا بشيله والحقوني باللبن
هيا:عنك عنك
ساره: ياهههوووو تراني معكم بالمطبخ وش مغازل عمال المندي ذي
متعب انفجر ضحك واستوعب:ههههههههههههههههههههههههههههههههه
هيا:ههههههههههههههه وش مغازله؟؟؟اموت ولا اغازل متعب بس ما ابيه ياخذ تعبي ويحضره
ساره:كلنا نعرف ان متعب مايعرف الا للبل والحليب والقرص بس امشو متنا جوع وبدت ترش
-طلع متعب الغداء وهو مبسوط بحس عمه وعمته وعيالهم والجمعه اللي كلها ضحك وبَسط ،مزون لبدور عشان تشيلها وتقوم تغسل وتلم شعرها وترجع تاكل بس قابلت طارق عند حنفية الماء وشافته وهو ينزل شماغه وينفض شعره ويغسل فمه بفرك وطالعه اطراف فمه حمراء وما حست على نفسها وهي تناظره بس هو انتبه ان فيه احد يشوفه والتفت بسرعه وطاحت عينه بعين مزون طيحةٍ ماقدر يرفعها من جديد-
مزون: اسفه طارق
طارق:على ويش؟
مزون:كنت اناظرك بدون ما تحس بس تراني كنت جايه اغسل يعني ماقصدي شيء
طارق بثقل كعادته:ما اشوف شيء تتأسفين عليه وغسلي هاه-عطاها مجال وراح-
مزون:ياشين الثقل عطاه ربي الجمال وحرمه سعة الصدر وع
-طارق سمعها وابتسم على جنب وجفف يدينه بثوبه وراح يتغدا..كان الغدا سفرتين سفره للرجال والجده منيره وسفرة للبنات-
الجده منيره:مزون ياريحة امتس تعالي تغدي يمي
مزون بخجل من طارق:لاااا وين جده مقدر بتغدا مع البنات
هزاع:لالالا دقيقه لاتقولون مزون تستحي تاكل معنا؟
مشعل:والله ما اصدق صح انها اختي بس كلمة حق
عمر:وش تبين بها ياجده
الجده منيره:مالكم دخل كل ابوكم اسكتو عنها ابي اكلها بيدي تعالي يا امتس
طارق كانت عيونه بالصحن وما شارك بشيء والثقل ماليه من راسه لين رجليه،حمد:تكفين ياجده شوفي لتس غيرها ياكل معنا على الاقل تنفتح انفسنا
ابو متعب:ولد!!!
حمد ضحك على عصبية ابوه:ابشر ابشر بس حلّو موضوعي واسكت
ابو متعب:ماخط شنبك للحين خل عاد الادهى من الشنب مير كل
هنا الكل انفجر ضحك من تزبيد ابو متعب لحمد ولا بان الا ضحك عذبه اللي كانت بمثابة انتصار لها
حمد:هاه يبه اعجبك؟
الجده منيره وهي تأكّل مزون بجنبها:وابوك صادز انت اعقل وانا اللي بزوجك بعد ،طارق يا امك ناولني الايدام
طارق:ماخبرتس تاكلينه مو يوجعتس البطاطس؟
متعب:مهب لها هالدلال والايدام والعنا كله لمزون عزتي لك انا وياك بس
طارق عطى جدته صحن الايدام وهو مبتسم:ليتس تحبيني كثرها
الجده منيره:اخبر الغيرة للبنات شبلاكم انتم
سعود:ههههههههههههههههههههههههههههههههه وش هالغداء راح كله مناقر وتزبيد
زينه بحب لهالجمعة:جعله حس ماينقطع والله يديم ذا الخوة والجمعه
سعود:اه بطني بطني جدتي تهبببل يويلي احبتس احبتس
بدور فزت بفهاوه:انا؟
سعود اختفت ابتسامه:والله ما قلت شيء يبه
ابو متعب ناظر سعود باستغراب:ويش؟
عمر:ياحمار بيّنت على عمرك ههههههههههههههههههههه
بدور:وشو احد ناداني؟
ساره:الله يخلف على اخواني كانكم بتتبلونهم بسوالف مالهم فيها
هنوف:محد ناداتس ولا احد جاء يمتس تغدي تغدي
هيا:يقول احبتس انتي احبتس؟
هزاع:تكفون وش ذا الضحك ههههههههههههههههههههههههههههههه وش جاب احبتس لبدور؟
سعود:هذا وهي تاكل بالكتب اكل
دلال:بسم الله على بنتي يممممهههه وش هالعيال ماتتعبون انتم من الحلطمة؟؟
ركان:عاد معليش يا عمه شوفي بنتس وسمعها
بدور:والله اني سمعت اسمي شفيكم
ابو فلاح:واذا صار اسمها احبتس خير يا طير! علامكم وقفتو بحلق الضعيفه
جازي لبدور:هاه من قدّتس ابوي يدافع عنتس
-مزون كانت تسرق النظرات لطارق بدون محد ينتبه لين انتهو من الغداء وشالو السفره ولكن لازالت الطقطقة مستمرة على بدور-
سعود: يا احبتس اضبطي لنا براد شاهي موزون من جميع النواحي
بدور:جددده شوفي سعود
الجده منيره دقت سعود بعصاتها:قم قم وزينه لنا اخلص
سعود:ورا صدوركم ضيقه نمزح عاد
الهنوف: اقعد اقعد انا بزينه
ركان:الله يا الدنيا من متى؟؟؟
ابو متعب لركان:وشهو!! اجل قم والله مايسويه غيرك
ركان:يبهههه
ابو متعب:اخلصص
الجازي:هههههههههههههههههههههههههههههه يلا يلا وكثر ترى كلنا بنشرب
مشعل:وغسل الفناجيل معك
ابو فلاح:قم انت غسلها وجبها معه اخلص
الثلاثي الصغير من البنات:هههههههههههههههههههههههههههههههههههههههه
-هيا جات ومعها بسبوسه محشيه وساره معها مكسرات والتمو كلهم ومزون معهم متمدده وجنبها عذبه والبنات الصغار وبعدها العيال كان سعود ثم حمد وجنبه عمر ومتعب وفارس وطارق وجنبه ابوه وعمه وبراس الجلسة الجده منيرة وحولها حصه ودلال وزينه-
هيا:وهذي البسبوسه جهزت
متعب:والله يا اني كنت مشتهيييها
هيا:عطني صحنك
سعود مد صحنه:وانا
حمد همس لعذبه اللي كانت جالسه قدامه وهم بنهاية الجلسه اصلاً:انا حلاي قدامي عاد ما ابي شيء الحين
عذبه:حمد لاتكلمني ازين لك
حمد وهو حاس بزعلها:زين زين بخليتس تقولين تكفى ياحمد فكني بس خلينا نرجع
-عذبه نزلت طرف جلالها وناظرته تبي تفهم مقصده بس ماشافت منه الا ابتسامه غريبه وترتها-
-بالبيت اللي كان فاضي من الكل مافيه إلا رغد العروس الجميله طلعت وهي تتمشى بأرجائه وتتأمل كل زاوية فيه وهي ما تتذكر متى أخر مره شافت بيت شعبي بهالشكل حست أن كل زاوية من زوايا هالبيت مليانه ذكريات عائلية حلوه وتمنت من كل قلبها لو تستقر فيها بدل الشرقيه بس قطع عليها الخيال والتأمل حس فلاح اللي دخل-
فلاح وهو يتأمل رغد بحب:هاه اشوفتس تتمشين
رغد بخجل:اي شفت مافيه حس قلت اشوف البيت وديرتك معليش لو اخطيت
فلاح:لالاخذي راحتس بس انتي عروس مايصير تطلعين الا عقب عرستس اخاف احد يشوفتس
رغد: بس بعد العرس ورني ديرتك
فلاح:بعد العرس بوريتس الدنيا كلها مو بس الديرة مير ادخلي الحين وانا بروح لاهلي في العزبه ومابطول ان شاء الله زين؟
رغد:زين
-سلمت عليه بود كبير وخجل ورجعت للغرفه وفلاح طلع للعزبه واول ما وصل كلٍ فز له واستقبلوه بالتراحيب وبالطقطقه بعد-
متعب:يا الله حيييييي فليح ما كأنك متأخر! والله اللي فاتك غداء هيا
سعود:وش غداء هيا عند ام العيال!!! ياحليلك بس يا متعب محد يبيه غيرك
هيا:ههههههههههههههههههههههههههههههههه
فارس:هذا ومابعد اعرس اجل لا اعرست متى بتجينا؟
حمد:اقول زين اذا ذكرنا عقب العرس هههههههههههههههههههههههههههههه
هزاع:لالا فليح ما يسوويها.. ولا؟
فلاح باستفزاز:الحشمه للكبار والله ولا انتم من عاد يبي قعدتكم وهواشكم على الاكل؟؟؟؟
الجده منيره:انا اقول تريض واقعد ابرك لك
متعب:ههههههههههههههههههههههههههههههههه اي كفوووو ياجده
فلاح ضحك: لالا مالي غناة عنكم وتراني ما ارتعت من جدتي ههههههههههههه وهذاني جاي بقعد واتقهوى معكم وتاركٍ وراي الاهل
-حمد ابتسم على كلمة الاهل وهو يتمنى يعيش شعور فلاح مع عذبه بأسرع وقت-
"انتهى💕"