"أثر الهناء حلم يا حمد"

البارت التاسع والثلاثين

ومن أشرقت شمس الجمعة وصحى الكل بحماس ليوم زواج ساره بنت سيف ثاني حفيدة والفرحة الأولى عند سيف ، أول ما صحو البنات نزلو يجهزون فطور الجمعة والقهوه وشغلو الراديو يسمعون القران منه لين تبدأ خطبة الحرم المكي ثم انطلقو على الحمامات يبون يجهزون ويتروشون قبل يصحون العيال لصلاة الجمعة
هيا شافت عذبه تركض تدور لها حمام فاضي:تعالي تعالي جابتس الله
عذبه وبيدها منشفتها:وشوووو
هيا:تقول امي جهزي اغراضتس كامله و....
عذبه شهقت بخوف:بروح الشرقيه!!!!!!
هيا استغربت:علامتس قمتي تخافين من طاري الشرقيه!
عذبه:برجع ولالا؟؟؟
هيا بنفس التعجب:اي كلكم بترجعون بعد العرس قضت الاجازه وبتجون برمضان،عذبه فيه شيء ما اعرفه؟
عذبه تطمنت شوي لما عرفت ان كلهم بيرجعون معها:لا بس تعرفين طارق جوه كئيب مابي ارجع مره ثانيه واترك الديرة
هيا ما اقتنعت بس سكتت:اذا تبين تتروشين وتجهزين روحي وانا بلم الاغراض
عذبه تذكرت رسالة حمد وخافت الموقف يتكرر وقالت بسرعه:لالالا بلم اغراضنا الحين وتالي اجهز ، قومي رغد تلم اغراضها اكيد بيسافرون معنا مافيه الا موترهم
هيا:ايييييه يارغد سالفتها سالفه خليني اشوفها
الهنوف مرت من عندهم وهي لافه شعرها بالمنشفه وعليها قميص وسيع:شوفي اخوتس الاسود خلي الضعيفه
عذبه:ههههههههههههههههههههههههههههههههههههههه المسوووودن المسودن ياويلي انتي لاتهرجين وبس
هيا:هههههههههههههههههههههههههههههههههههههههههههههههههههه ابك الاسود ويش!!!
الهنوف:عاد مرة اخوكم اللي تقوله المهم البلاء من فليح ولاهي ماتجي منها الشينه يازقنها بس
هيا:يا ليت هذا دفاعتس عني
الهنوف غمزت لهيا وضحكت:انتي عندتس اللي يعشيييييييتس ويخمخممممممتس ماتحتاجين دفاعي
هيا تفشلت:اهيبببب يا الذاكره ما تمسك الا البلاوي وباقي السوالف تنساها
الهنوف:ههههههههههههههههههههههههههههههههههههههههههههههههههههههههههههههههههه
عذبه:يلا بروح اجهز شناطنا
الهنوف: ليييييه؟
هيا بضيق:اهلي بيسافرون بعد العرس على طول
الهنوف:يوووووه ! البيت بيخلى علي دفعة وحده !
هيا: عمتي دليل باقي وانا
الهنوف :انتي اسكتي محد يباتس غير متعب وعمتي دليل اكيد تبي تسافر بعدهم
هيا: الواحد يلقاها من اهله ولا اهل عمه! الله يعين بس -راحت تشوف رغد وهي تضحك من الهنوف اللي ما تبين ضيقها بشكل جدي-
رغد وهي تساعد بدور بتسفيط البطانيات : هلا هيييونه
هيا: كيف اصبحتي عقب الزعل
بدور:اي زعل!
رغد: ابشرج مستانسسسه
هيا:هي وفليح
بدور: انتم لو تطيعوني وماتعرسون من الاقارب وعيال الديره! كان وش زين حياتكم بس تعيييووووون
رغد:توني اقوله البارحه
هيا:علامكم قلبتو علي؟؟؟ تهبل حياتي الحمدلله اني اعرست بمتعب، اقول ترى البدوي عجز ينام بدونتس ضعييف
رغد ضحكت وتذكرت كلامها عنه:قميييييظه
بدور تنحت برغد شوي ثم قالت :الله كأنها مسلسل بحريني ما ودي تسكت
هيا:هههههههههههههههههههههههههههههههههههههههههههههه شهالتشبيه!! وانتي توتس الحين حسيتي على دمتس وتحسفتي؟وراتس ما اخذتي بخاطر رجلتس ونمتي معه؟
بدور:هيا؟ بدررررري على هالشخصيه تكفين
هيا طلعت بدور من الغرفه : مايتعب لسانتس من التخبيب يا احبتس!!! ترى تاليتس مع سعود من يسمع هرجتس يقول بتتزوجين الماني
بدور نزلت وهي تضحك من شخصية هيا الجديده ومابقى احد ما علمته عنها
رغد:خوفي اقولج وش مزعلني وتلّحقيني بدور
هيا: لا معليتس تبين فليح يذبحني؟ قولي لي السالفه وراتس طنجرتي منه على قولتس
رغد قالت لهيا الموضوع كامل وبكت شوي
هيا: اي وخير ياطيرررر علامتس تصييحين طيب!!!! حلف لتس انه مايعرفها عدل بعدين وضحى بعمري شبلاتس هي وين وفليح وين! صياحتس مب طبيعي الظاهر هرمونات ، اقول خويتنا اللي تخبرين سيرت عليتس هالشهر؟
رغد:لا
هيا: اجل مبروك وانا اختس ، انزلي لمي غريضاتس وبشري فلوحتس انتس حامل هالصياح والزعل مب طبيعي ماله غير هالتفسير
رغد تجاهلت كلام هيا توقعته مزح : ليش الم اغراضي؟
هيا:بترجعون الشرقيه عقب العرس
رغد:توي ما شبعت من هالديررره
هيا:كلنا ماشبعنا والله مير الوعد برمضان بإذن الله
-قامت رغد بعد ما خلصت الغرفه وراحت لغرفتها هي وفلاح وبدأت تجهز فستان الزواج ولبس للسفر وباقي الاغراض لمتها