"أثر الهناء حلم يا حمد"

البارت السابع والعشرين

-في بيت شريفه بالديرة الثانيه-
كان الجو ساكن وبارد وقاعدين على نور لمبة وحده في الصاله وثلاث بيالات شاهي لشريفه وصقر ورايد وامهم تصب لهم وهي مستانننننسه
شريفه:عممممري وبحياتي ما هقييييت اني بكسب قرب الطايل ولا؟؟؟ بنت سيف! ييا كبر حظك يا يمه ياكبر حظك عسى الله يهنيك ويبارك لك
رايد ابتسم:مبروك ياعريس مبروك
صقر قال بابتسامه وهو زول ساره ما غاب عن عيونه : الله يبارك فيكم والعقبى لك يا الذيب
رايد ضحك:اكييييييييييد اكيد المهم وناسة امي بقرب اللي تحبهم ههههههههههههههههههههههههههههههههه
صقر ضحك وهو فاهم مغزاه
شريفه:علامكم تضحكون؟ المهم احس معد بي نوم من زود الفرحه والله يا ودي اخم الاوادم كل ابوهم ودي اسهر ليوم عرسك يمه ليتهم ما قررو عنك بس ودي اسوي لك عرس كبر الدنيييا
صقر:ابوها راسه عنيد شنسوي بعد هو حدد كل شيء
رايد:تسوينه بعرسي يمه
شريفه: ان شاء الله يمه ان شاء الله الله يرزقك ببنت الحلال اللي تودك وتحفظك بعيونها
رايد:اميننننننننن
شريفه ناظرت صقر ورايد بابتسامه حنونه وعريضه كانت تتأملهم بحب كبير كبير كبير

-في مكه بعد ما وصلو هيا ومتعب واعتمروا وخلصو وحلّو احرامهم في الفندق-
هيا:ياقلبي يا سوير تصدق اني دعيت لها اكثر من روحي!
متعب ابتسم لها:الله يجزاتس خير ايييي هذي الزوجة الصالحة ماتنسى اخواتي
هيا:يادبل تسبدي لو انها الهنوووف اهخخ بس يا من يشلني للديرة واخبطها على راسها
متعب ضحك:حدتس هاه! الا خواتي الدنيا عندي بكفه وساره والهنوف بكفه
هيا:هااو!!! مالقيتي اسمي؟
متعب اشر على قلبه وهو مرتخي على الكنبه:انتي متربعه هنيّا وهذا محلتس اللي ما وطاه غيرتس
هيا ارتخت بخجل:يا قلعك
متعب:ههههههههههههههههههههههههههههههههههههههههههههه هاه؟؟؟ وراتس؟
هيا:تحرجني يا متعب ،، الا تعال انت وين كنت مخفي عني هالجانب!!! يوووه يووه الله ربي وربك لو انك مب ولد عمي ومقابلٍ وجهي دايم كان قلت لك درب بالحب من اول والشعر ابك وش هاللسان عندك!!! يهبل يهبل صدمتني صراحه
متعب ابتسم بحب كبير: انا اخو حمد ، وش هقوتس اطلع وهذاك اخوي؟ رقيق المشاعر وحلو اللسان وطيب القلب ، عاد ان ما حطته عذبه محل ماء عينها فلا اعتبرها وفته حقه
هيا ابتسمت لحبهم الواضح العلني في محيط العائلة: اترك عنك الكناري ذول وغازلني انا جازت لي هروجك
متعب:تونا مخلصين عمره يا بنت الحلال تكفين
هيا تفشلت من اللي فهمته وسكتت وضحك متعب من قلبه عليها

-في بيت ابو متعب-
كان حمد بالسطح كعادته جالس ويناظر القمر والغيوم تباغته كل شوي من جهة وهو يفكر بمستقبله وبيته وعذبه وهل عمه ينوي لهم الشر ولالا بس اغلب تفكيره في الفحص اللي بكره كان وده ينام بس شعور الفرحة والخوف من المستقبل طغى عليه وحرمه لذيذ النوم بس ماسهر لحاله ...
ساره دخلت السطح وتقدمت له بهدوء:للحين صاحي؟
حمد اعتدل:سوير؟ انا صاحي مير انتي مهب عادتس !
ساره جلست جنب حمد ورفعت عيونها للقمر مثله:مدري ما جاني نوم الظاهر رهبة العرس هههههههههههههه-تنهدت بضيق-
حمد ابتسم:عقبال مايسهرني همتس ذا قولي امين
ساره ناظرته بسرعه:استغفر الله! عساك ما تسهر من الهم بس
حمد كان يقصد يسهر من فرحته بزواجه بعذبه: استغفر الله! تبيني استغفر عن اعذب امنياتي ! وانتي ما تجهليني ولاتجهلين اللي ودي به لا بالله منيب مستغفر
ساره وهي تكابر:ولو يا حميد الهموم مهب زينه حتى لو هم العرس
حمد ناظر القمر: تشوفينه هم واشوفه انشرااااااااح ، الهم اللي اعيشه الحين والله
ساره:وش همك؟عذبه لك طال زمانك ولا قصر ووظيفتك هذا هي بكره تتوفق ان شاء الله وتدخلها وش الناقص اللي مضيق صديرك؟
حمد ناظر ساره مايدري وش يقول هل يعلمها باللي يعرفه ولا يسكت وقرر السكوت والكتمان وابتسم لها: شفّي وودي كأنه سراب كل ما اقرب يبعد ذا اللي مضيق صدري مير يبي الله يزينها
ساره ناظرت حمد بتمعن وسندت راسها على كتفه وغنت بصوت خافت : ألا يا حمد وش حيلة اللي فقد مغليه
على طاري الذكرى هجوسي تسريني
سكتت ساره بضيق ماقدرت تكمل اغنيتها ولا ودها تفصح عن اللي بخاطرها اكثر وحزنت على حالها وهي تشوف الفرق بين حمد وتركي
نزل عيونه حمد على شعر ساره اللي مافهم وش تقصد بس عرف انه ضايقه وفيه هاجوس مسهرها وقال: والله يا عين حمد لو اني بمحلتس اني ما انوي غير ثنتين مالها ثالث أمّا خذيت اللي اغليه ولا خذاني الموت يا خوتس
ساره رفعت عيونها له وابتسمت بكسرة: بسم الله عليك ! ياكبر حظتس يا عذوب
حمد ابتسم وناظر يدينه: اي بالله
ساره اعتدلت يوم تذكرت ان بكره بيسافر حمد: الا حميد تبي اسوي لك شيء وانت رايح؟ومن بيخاويك؟ (كانت تتمنى تسمع اسم تركي)
حمد: يمكن لحالي ويمكن منصور مدري والله مابعد شفت العيال بس تركي مستحيييل هذا مشتط تقل اول واحد يعرس وهو عرسه الخميس وهو قايلٍ مطول وخذو راحتكم التسذوب
ساره:شلون؟ قبل عرسي !!!!
حمد:اي نعم يعني ابنكرف يومين ورا بعض عقبال ماتكرف هالديرة كلها بعرسي
ساره بغصه:امين ..
حمد تذكر سؤالها:اي لاتسوين شيء مايحتاج ادعي لي تتيسر اموري وبس ، وينشرح صدرتس تراي ملاحظه وان احترقت كبدتس دقيقه كبدي تنحرق على شوفتس بهالشكل سنين طويله ، لاتضيقين وان هو عشان الموضوع اللي تخبرينه استخيري ثلاثين مره وانا وراتس زين ساره؟ حمد وراتس دايممممم الدوم
ساره ابتسمت لحمد :عسى الارض ما تخلى منك ولاتفقدك عيني بس
- ونزلت غرفتها واول مادخلت ارتمت على فراشها ودست وجهها بمخدتها وقامت تصيح من كلام حمد وحنيته وحبه، حمد اللي كان مختلف عن باقي اخوانها واللي يلمس جرحها من غير قصد منه ، صاحت بهدوء عشان مايسمعونها البنات ويلاحظونها ،و في الجزء الثاني من الغرفة كانت مزون منسدحه على ظهرها والكاميرا بيدها وبطانيتها كعادتها من ليله عرس متعب عليها وتكبر على صورة طارق تبي تقهم نظراته وتفسرها تبي تعرف وش اختلف ؟ ليه يتصدد عنها حتى وهو يفزع لها في العزبه كان يتصدد عنها وكأنه مغصوب حاولت تطلع بشيء بس ماقدرت وصدوده ما وقفت على الصور حتى بالواقع من جاء الديرة ما قعد بالبيت طول الوقت يتمشى في الديرة لا هو مع العيال ولا هو مع اهله
اما عذبه نامت من بدري تبي تصحى قبل الفجر وتسلم على حمد وتتوادع منه بطريقتها وبقية البنات خلصو شغل البيت بعد ملكة ساره ونامو على طول من الصبح وهم يكرفون هالثلاثي لحالهم والوضع كان روتيني عند الهنوف اللي نامت نومه عاديه بس جازي وبدور ناموا نومة تعببببببب
-في بيت فايز-
كان طارق ماسك الورقه بعد ما قراها وجالس على مركى في مجلس الرجال الارضي في بيت ابوه ورجله تنتفض من الغيره والعصبيه بس يحاول يحّكم نفسه ما يبي يدخل بيت عمه ويحوس الدنيا فوق تحت وللحين ماعنده شيء لحمد او لغيره كل اللي بيده رسالة عذبه بس ، كان وجهه احمر وانفاسه لهيب! ما تحمل الجلسه وقام يدور بالبيت كله واختنق وطلع الحوش وده يهدا وينتظر الصبح وينحر عذبه وينهي الموضوع كله ناظر جواله كان يفكر يتصل بفلاح ويعلمه! بس فلاح عريس ولا وده يضيق صدره وهزاع بزر ونايم مع ركان ومشعل وسعود مو داري عن الدنيا الموضوع وقف عند طارق وما بيحلها غيره حاول يهدا قدر المستطاع وينتظر الصبح وكلٍ بيعرف ردة فعله ... وبعد صلاة الفجر صحت الديرة كلها واولهم عذبه والارض كانت ممطورة وريحة الجو تريح كل الأنفس إلا نفس طارق عجزت تهدا حتى بعد الصلاة! دخلو البيت والفطور ينتظرهم وصوت القران منتشر بأرجاء بيت ابو متعب وربحة البخور والهنوف تشتغل بشكل عادي بنفس نشاطها وحركاتها وشغفها هي وعذبه بس اما جازي وبدور كانو منهلكين من بعد امس والزواجات والكرف اللي قابلهم من جو الديرة ومزون متنكدة من طارق ومالها خلق وساره موضوعها يهد الحيل اصلاً
الهنوف:عسى ربي يرحم ميتكم ويتجاوز عنه ... قوووومممووو !!!!! تراي ما اشتغل عندكم انا ! اخلصوووو
مزون سدت اذنها: ياحدة الصوووووت ياحدددددته ! اقصري صوتك تكفين
الهنوف بنفس الصراخ: منننيييييبببببب مرخيه صوتتتييييي ولانييي بعيد هرجييييي يلاااااا !!
عذبه وهي تحاول تصارخ زيها: يلااااا !
ساره ضحكت: لالا هذا دور هيا مب لتس انتي خليتس على العذوبه
عذبه:شسوي ابي اجاريكم وانشطكم قلت اسوي سواة الهنوف
الهنوف:خليهم علي -اخذت نعولها من رجلها وسددت رميه سريعه على الجازي والثانيه على بدور اللي كانو نايمين على اكتاف بعض عند باب المطبخ قدام الدجاج-
بدور فزت: وووشششووو؟؟؟؟
جازي صرخت: دجاااججه ولا غنمه!!!!!!!! خلاصصصصصص خلاصصصصص يمه
الهنوف: لا والله معتس الناقه
التفتو بدور وجازي وراهم وناظرو الهنوف حفيانه وقامو يطردونها في الحوش وهي تضحك وتقول: اييي ايييي الحركة بركة كفوووو يلا اللي من ظهر رجال صدق تطرحني ههههههههههههههههههههههههههههههههههههههههههههه يارب عمي فايز مايسمعني بس
بدور:وابوووي!
الهنوف:نسيت ان ابوتس هنيا بعد يلا اطرحوني وخذو حقكم ههههههههههههههههههههههههههههههههههههههه
ساره ناظرتهم وضحكت وكملت الفطور عن الهنوف وحضرت سفرة الحريم وجلست هي ومزون ودلال وزينه وحصه اما عذبه تعذرت انها بتجيب شالها لانها بردانه وبتجي تفطر بس الحقيقه انها طلعت تاخذ شريط الاغاني اللي جمعتها مخصوص لحمد و ربطته بشريطة حمراء ودخلته بظرف وكتبت معها رسالة لحمد تقول فيها:
(مدري وش اناديك ومدري وش يجوز لك من الأسماء ان قلت حبيبي فهذا كل الدنيا تشهد به وتعرفه وان قلت حمد فهذا على لسان الكل بس ان قلت ابو شيهانه وشاعري وكاسبٍ قلبي الوحيد فهذا المميز والخاص اللي ما اسمح لأحد ياخذه عشان كذا يا شاعري تحرصّ على روحك زين ولا تسرح بالخط ولا تسرع وإن طعتني وتمهلت وبسبتي طال عليك الطريق وفارقك طيفي فهذا شريطي مخصوص لك عساه يسليك ويذكرك فيني ، خوفي تروح الرياض وتنساني بعد ... دعواتي معك و وراك ولا تبطي علينا كلنا نحتريك ولاترجع الا بالبشارة
احبك / عذبه )
رقت للسطح وهي تحتري حمد يطلع وياخذ اغراضه وفعلاً طلع وهو رافع راسه ويناظر الغيوم وتنهد بحماااااس وتقدم يشيل سبحته وفراشه ويدخلها بس داهمته عذبه وهي لابسه جلالها ومغطيه وجهها
عذبه:حمد
حمد رفع عيونه لقدام وفز قلبه لصوت عذبه وهو معطيها ظهره : مرحبا يا مروي الضامي وياعذب القراح مرحبا يا مبعدة الضيقات عن صدر الحزين
عذبه: مرحبٍ باقي وجعلك باقيٍ في دنياي وما يلحقك زوال قل امين
حمد ابتسم:اميييين امييييين
عذبه:ابنزل لك هالظرف هنا وخذه مع اغراضك لاتنساه زين؟ امنتك الله وارسلتك لحفظه
حمد توسعت ابتسامته: منيب ناسيه وانتي لاتنسين ان هالسعي والمراكض كله لاجل عينتس
عذبه ابتسمت : اللي تحفظه بقلبك موجود في قلبي وزود (تقصد انها تحبه هي بعد اكثر من حبه لها ولو استدعى الموضوع تسعى مثله بتسعى وتحاول)
حمد: انا انهزم معتس في كل شيء إلا الحب والله ان غلاتس تمكن فيني ومني لكن مابعد وصلتي ربعه ولاظنتي بقلبتس ازود مما في قلبي، ادخلي عن البرد خوفي تمرضين وانطرح عنتس وهذا حبي
ضحكت عذبه باستجابة لطلب حمد ونزلتتتتت وهي طاااااايره طااااااايره من الروقااااااان والارض مو شايلتها شييييل ، ما دامت فرحتها بعد ما قابلت طارق بالصاله وهو اللي انبح صوته يناديها ويدورها وحاس الجازي حوس عشان تدورها واول ما شافها نازله من درج السطح انفلتت اعصابه وصفقها بكف قوي من شدته قفلت اذنها وغمضت عيونها وهي اللي مابعد استوعبت وش حصل!
طارق بصوت مخنوق من الغضب: تعالي بيتنا و والله لا توضحين شيء لامي وعماتي اني لا اذبحتس هنيا امشيييي -مشت عذبه وراه وهي ماتدري ليه ضربها ووش صار ماقدرت حتى تبكي وببيتهم..-
طارق رمى الورقه في وجهها: اقريها
عذبه عرفت انها الرساله :طارق ؟
طارق بصراخ:ااققققرررررييييههههاااااا !!! طول الليل وانا اكذب حواسي اقول لا ياخشمي مهب ريحة اختي!!!! ولا ياعيوني ماتشوفين خط اختي زين كل شيء التبس وتلخبط علي تدرين كيف مر علي ليلي وانا ابرر لتس!!!!!! انتي وش انتي؟ وش دمتس منه؟؟؟؟ -ضربها كف ثاني وطاحت عذبه على الارض-وش هالخرابيط ذي؟ وش هالسوالف ذيي؟؟؟؟؟ تكلمممي؟؟؟؟؟ انا مقصر عليتس؟ حنا حارمينتس شوفه؟؟؟ قاطعين نصيبتس منه؟؟؟ هذا انتي قلتي خلونا نروح الديره عشان حمد ورحنا كلنا ندري انتس له وهو لتس بس هالحاصل وش تفسرينه!!!! صغيرة سن لكن منتي جاهلة دينتس وعاداتس وهالحمار مهب طاير عنتس ماتقولين لي ليه خذيتي هالدرب؟؟؟؟ -اخذ نفس يبرد على النار اللي بصدره ثم قال-من وين كنتي جايه؟؟؟
عذبه بصدمة وخوف وقل حيلة واختفى لونها من الرعب اللي تواجهه من طارق بس حاولت تبرر:طارق انت حست الدنيا والله يا طار...
طارق:انا اللي حست الدنيا؟ اجل انا اللي بحلف وواقول والله ياعذبه وعهدٍ علي ما تحلين لحمد وراسي يشم الهواء والله ، هييين انا اللي بربيتس من جديد واطلع هالمكاتيب من ضلوعتس، هذي نهاية الثقه!
عذبه انهمرت دموعها كلها وصرخت: ليييييييه يا طااااارق لييييييه؟؟؟؟؟ تكفففففى لا تكفى حلفتك بالله تستغفر !!! طارق والله لاقول لابوووي عن اللي تسويه ترى والله!!!!!
طارق: قولي لابوي وقولي لعمي وان تركو حمد حي من بعدي اخذيه
عذبه وقف شعر راسها وجفت دموعها لثواني وهي تسمع التهديد ومتأكده انه بيحصل فعلاً من نظرات طارق وغضبه والشرار اللي يطلع منه وانهدت مره ثانيه وبكت عذبه بكت من كل قلبببببببها وبكل طاقتها وبكل صوتها بكت لأن مابيدها غير البكاء مافكرت بأي شيء لا بحل ولا شلون عرف ولا اي شيء كل اللي فكرت فيه حياتها مع حمد تبيه يا ناس لو تعيش معه لحظه وحده وتموت بعدها المهم تلمسه وتقرب منه ، تبدلت فرحتها لرعب وهم يجهله الكل ويعلمه الله بس
طارق ناظرها بكل قرف وغيره وعصبيه بس شاف أن هذا انسب حل ويقطع الموضوع من اوله وهالرسايل والخرابيط اللي قاعده تصير بينهم ومبرره "قلنا انهم لبعض وتمادو بس انا اللي بكسر شوكتهم"
- بالبيت -
دق سرور البوري برا وهو يصارخ: حممييييييد  يا حمممد .. يا هل البيتتتتتت
حمد طلع وهو اللي كان مشغل موتره ومجهزه وسلم على اهله وانتهى : هاه يا سرور شبلاك تصارخ من الصبح!!
سرور مد نفسه من داخل السياره وفتح باب الراكب: اركب اركب انا بنفسي بشرف على موضوعك واخاويك
حمد ابتسم له: يانوم عيني يا حضرة الضابط -ضرب له تحيه ودخل ثم ناظر حمد بيتهم وكأنه يودع عذبه بنظراته- حركنا؟
سرور وهو مبتسم: حركنننا يا عسكري -صد سرور بحركة سريعه اول ما شاف زول حرمة جايه-
حمد:علامك؟ -التفت حمد يناظر بيتهم وشاف جدته تمشي بعرجه وتحاول تستعجل قبل يروح-
حمد نزل:جده؟
الجده منيره مدت يدها المقبوضه لجيب حمد وقالت:علامك طلعت مستعجل قلنا بتشوف راعي البوري وترجع! سيارتك شغاله (تحاول تلهيه بالسوالف عشان مايحلف من الفلوس)
حمد ضحك بحببببب لحركات جدته اللي ماتتغير:ياحلوتس يا جده ياحلوتس ، الله يغنيتس ويكثر خيرتس بس وطلعت ولقيت سرور بسافر معه الرياض
الجده منيره ابتسمت له: انتبه لعمرك يمه عسى الله يوفقك وترجع لنا بالسلامة والبشارة (طقت شيلتها على وجهها وطلعت لسرور)  سرور يمه حمد بحفظ الله ثم عندك انتبه له وان حسيتم بالنوم نومو لا تواصلون زين!!! تراه مهبول ما ينام الليالي
زينه كانت ورا الباب وتسمع كل شيء وهي عيونها مغورقه ومبتسمه بنفس الوقت
سرور أشر على خشمه: على خشمي وتبشرين بالسعد ياجده انا اللي بسنعه لتس ازهليه يبي يرجع لكم حمد جديد
حمد:افا يا جده! افا ! انا مهبول؟ إلا خلي المهبوله اللي عندتس صدق تطفي الموتر ولا قولي لسعود ، يلا استودعتكم الله
الجده منيره رفعت كفوفها تودعهم وحمد ركب مع سرور وراحو للرياض وطول طريق الديرة كانو العيال الصغار والبنات الصغيرات يودعون حمد بكفوفهم ويناظرونه اول مره يسافر وكلهم يحبونه
سرور: اهبببب يا المحبة هقوتي ماعندك عدو
حمد تنهد : عاد تدري ماعندي عدو صدق غير ذاك التسلب!
سرور ناظره بنص عين: اللي طعنته؟ اللي بغيت تروح عشانه؟
حمد: اهخخخخخ ليت ذبحته حلال يا ولد كان والله ماقصرت ابد
سرور بتردد: وشايع؟ ما طريته وهو عدوكم
حمد رجع راسه لورا: اييييييييييهههههه يا سرور ايييييه شقول بس خلني ساكت تكفى وابدأ صباحي بشيء زين(تذكر الظرف بس خاف يفتحه ويحصل شيء يخص عذبه قدام سرور وسكت شوي)
سرور: لاتسكت خلني امر الدكان ناخذ لك غريضات توسع صدرك وتسولف لي واعلمك بكل شيء عن الفحص ومن تروح له (جنب سرور ونزل البقاله واستغل حمد الفرصه وهو يطلع الظرف واخذ الرساله والشريط بحضنه وبعد ما قراها قال)
حمد:الله لا يخليني ان خليتس تحتريني يا معذبة قلبي وياعين شاعرتس (دخل الرساله في جيبه وطلع الشريط ودخله في المسجل وبدأت الاغنيه توشوش بصوت مزعج ثم اعتدل الصوت وبدأ من عند ) :
سلّم على باهي الخد نبّهه من منامه
قله إني على وعده بحبه مقيد حتى يوم القيامة
ابتسم حمد وهو فاهم وعدهم لبعضهم ونهايتهم لبعض مو بس ابتسم! لا بالله انشرح صدرررررره وتوسعت عيونه وارتكزت فيها لمعة الحب ، بدأ يغير في الاغاني ويقلب في الشريط يبي يسمع ذوقها كله ويشوف وش جمعت له ..
-في بيت ابو متعب -
الهنوف دخلت الددسن تطفيها: يومنه بيمره هاللي ناشب لنا وراه ماعلمه!! ولا ماترتاحون لين ترسلوني! لا وفوقها يقول مهبوله!!!
ركان جاها يوم سمعها تتحلطم وهذي فقرته المفضله : هذا وانتي ما كرفتي عند البل ولاسقتي هناك ولا قابلتي ابوي وتسمين سحبة المفتاح كرف! دلع البنات ما ينطااااق يووووه ياتسبدي منتس بس
الهنوف: توخر عن دربي لا اجيك انت الثاني!تراي معصبه هاااه !
ركان: انا بيجي يوم واذبحتس فيه ما اتحملتس زود! وتقول معصبه حنا شفناتس رايقه اصلاً؟ 
ساره: يا ركاااان
ركان ابتسم ومسك قلبه: هذي والله اللي يسفهل خاطري لا نادتني مهب انتي اهخخ مدري شلون بمسك نفسي عقبها
الهنوف كشرت وجهها بوجه ركان وراحو كلهم لساره: هاه ، لبيه
ساره:من دعاتس انتي! المهم رويكن وانا اختك تعال زين التلفزيون من السطح طفى علينا
ركان: سعود يفهم اكثر بالصحن والدِش انا بقعد عند التلفزيون
ساره طلعت للحوش الامامي ونادت سعود وجاها ركض وضرب تحيه: امرك يا عروس؟
ساره ضحكت: سعود !! عيب المهم اطلع زين التلفزيون فصل
سعود نفخ صدره: طريق يا ولد المهندس جايكم
بدور:تكفى لا تقلّع الاسلاك كلها خلنا نتهنى باخر حلقة
سعود:سكتو احبتس لا احطها مكان الصحن هالحين
ركان ابتسم: ارقى ارقى وانا هنيا
ساره: وانا بوقف على الدرج مرسول ههههههههههههههههههههههه
سعود طلع السطح وبدأ يتنقل بين الاسلاك لين وصل للصحن وهو يتلفت طاحت عيونه على بيت عمه فايز وشاف طارق طالع والشر طالع معه ووجهه مريب كأنه ذابح احد من شوي استغرب سعود شكل طارق اللي اول مره يشوفه فيه وبدأ يفكر بكل شيء وبكل صغيره وكبيره ويدعي ربه انه مو اللي فهمه
ساره: سععععود شصار؟؟؟؟
سعود رجع للواقع وناظر الاسلاك وبدأ يزينها: هاااه؟؟؟
ركان في الصاله:باقييي يا ساره
ساره: باققققي يا سعععود
سعود رجع يحاول ويرفعه وينزله ويهزه :هااااه؟؟؟ تراي جمدت
ساره:هاه ركان ضبط؟
ركان:يزين ويقطع خليه يثبته
ساره صرخت:ثثثثبببتتتتتهههههه
الهنوف دخلت: يويلي يبي يجي عرستس ماعندتس حنجره!! وخري انا بمسك محلتس
ساره جلست وشربت مويه: حسيت حلقي انقطع يالله السلامة!
سعود:الحين ماسكه بثبا....
الهنوف صرخت: زاااان زاااان انزل
سعود وقف يستوعب:هنوف؟
الهنوف: اجل امي منيره؟؟؟؟ انزلللل
سعود ضحك وهو ينزل من السطح العلوي للعايدي ثم نزل مع السطح وركان كان يثبت التلفزيون تحت ويوصي محد يلمسه وطلعو العيال وباقي الحريم تجمعو عند التلفزيون يتابعون اخر حلقة من مسلسل كويتي انعاد عشرين مره بس مرتبط بالشتاء في بيت ابو متعب وزينو لهم حليب ومكسرات وشاهي وكان قدامهم اكياس كثيره صامولي وجبن قزاز وسكين وملعقه وبحافظة بيضاء كان بداخلها مراهيف للحريم الكبار حصه ودلال وزينه والجده منيره
وبدو يتابعون بانسجام والبنات يسولفون مع بعضهم عن وش بيصير بعدها

سعود طلع من البيت ولحق طارق حاول يسحب منه كم كلمة ويفهم :طارق
طارق ما التفت وكمل مسيره
سعود تقدم بسرعه لين صار بجنبه: وراك من جيت الديرة يخوي ما قعدت معنا زين؟ شرايك اوديك اليوم الضلع ونتسابق ونروق؟
طارق ناظره بغضب: لابو ديرتك الخايسه مثلك انت وفعالياتك وخر عن وجهي تراني حاشم نفسي عنكم بالقوة ارقى الضلع بروحك حن ماشين الشرقيه مالنا قعدة
سعود دق قلبه وقطب حواجبه: ما كأنك تماديت؟ تراها ديرتك
طارق: لا والله انكم مدرسة بالتمادي انتم لكن دواكم عندي وانا ولد ابوي
سعود بدأ يتوتر وفهم وتأكد من اللي يحسه ورجع البيت وقابله هزاع :سعود وينك فيه!!!
سعود:هذاني موجود وش تبون؟
هزاع: بنلعب كوره في اقصى الحاره مع ركان ومشعل وعمر وعيال جيرانكم وترى جاء جاركم اللي مسافر من اولى
سعود:حمدان ؟
هزاع:اي الظاهر هذا اسمه
سعود بعدم اهتمام: زين دقايق واجيكم -بعد ماراح هزاع قال سعود- هذا هزاع يلعب الظاهر انها خطة ونية طارق لحاله !! يارب لااا (انطلق لداخل البيت وبدأ يصوت لاخواته وطلعو له وهو يحاول يفهم منهم )
سعود:وين البنات؟
ساره:كلنا موجودين ليه؟
سعود:كلكم؟
الهنوف:شتبي ياسعود!! الحلقه بتخلص
سعود حاول يجبب شيء مقنع وتذكر حمدان:بقولكم حمدان جاء واكيد يبون مساعدة بعفشهم
ساره: وضححححى جات!!!!!!!
الهنوف: وسلمى شفتها؟؟؟؟؟
سعود:مدري عاد ماشفت الحريم بس اطلعو كلكم يا البنات عاونهم
ساره:احنا نكفي صح؟
الهنوف:بنادي بدور والجازي ومزون واجي
سعود وهو يجيس النبض:وعذبه؟على راسها ريشه؟
ساره:عذبه حتى الفطور ما فطرت معنا راحت بيتهم تقول جازي تعبت من البرد
سعود بردت عظامه وطاحت الدنيا على راسه مايدري شلون يتصرف بهاللحظة وانسحب بهدوء وطلعو البنات باغراضهم لبيت حمدان اللي بدو الرجال يرحبون فيه ويسلمون وكلٍ يقول الغداء عندي والقهوه عندي بس سبقهم والزمهم ابو متعب يقلطون كلهم عنده في العزبه وطلع حمدان بعد ما شاف البنات دخلو مع بنات اخته وراح مع الرجال لعزبة ابو متعب واخذ ركان وسعود معه مابقى غيرهم يكرفون ، راح سعود وراسه بينفجر ما مدا حمد يغيب وصار ذا كله اجل شلون لو انقبل ؟ شلون لو طلع من الديرة ؟ كان يشتغل بدون عقل وبدون روح كل تفكيره في طارق وهل بيروح مع عذبه لحالهم؟ ولا اهله كلهم بيسافرون؟ وبيروح وهو ساكت ولا بيوضح السبب؟ هو عارف كره طارق للديرة والعلاقات والحب وكل شيء لطيف يكرهه وهذا اللي مخوفه
انتهى💗