"أثر الهناء حلم يا حمد"

البارت التاسع والخمسين

بعد ما رجعو من صلاة التراويح اجتمعو كلهم بجلسة واحد في الصالة عند التلفزيون لأن المطر قوي برا
الهنوف:اقول اشبعععووو وحللوا الليله وراكم صيام وكرف
مزون:اي والله سمعت يا مشعل!
مشعل:بشرب خزان كامل قبل يكرفني خالي .. اقول يا خال حتى برمضان نكرف عند البل؟اخبر العفو ينزل برمضان كل سنه
العيال:ههههههههههههههههههههههههههههههههههههههههههههههههههههههههههههههههههه
ابو متعب:وليت هالكرف اللي تقول بان فيك يالعقوبه
اكتفى ركان بابتسامه من سوالفهم ولاحظه سعود
فارس:اقول خالي الفطور بالمخيم؟
ابو متعب:لالا بنفرش في الشارع هذه الاجواء زينه وان اشتد المطر صارت بالبيت -يقصد الممر اللي بين البيوت وينتهي عند المسجد-
فارس:ابشر بسعدك اجل
ابو متعب:الله يطول عمرك ليت عيالتس يا دليل مثل هالقرم
دلال:والله كلهم ملح وقبله ياخوي مير انت الله يهديك
عمر:وانا شاهد على كلام امي
سعود:انت خلك ساكت ازين لك
عمر:هههههههههههههههههههههههههههههههههههههههههه خلاص سعودي انسى اللي حصل
ابو متعب:انا بريح أجل لاجهز السحور صحوني
الجده منيره : سيف
ابو متعب:لبيه يمه
الجده منيره:ورا فايز ما جاء للحين!
ابو متعب:عنده شغل يقول
الجده منيره ناظرت سيف بنظرات فهمها لكن مارد وكمل طريقه لغرفته
هيا:عمي صادق يا جده بس اكيد بيمشون الصبح ويفطرون عندنا ان شاء الله
الجده منيره تنهدت وهي تحس انها تشوف ملامح النهايه
دلال حست بضيق امها:اقول يمه لاتنسين تعزمين ام جابر وام منصور وباقي خوياتك للفطور والسمره خلاص قضت ايام العصريات
الجده منيره:ابعوضها بعد التراويح معليتس منيب قاطعتهم
مزون ابتسمت:ارسل عليهم من الحين؟
الجده منيره:شوفي ان لقيتي احد
مشعل:وانا وين رحت ! بقوم
مزون بنفسها:(يوه يا مشعل! ماقمت غير الحين يعني!!) لالا يا مشعل اقعد هذا صوت صالح يفر بالسيكل برسله
مشعل:اجل زين جات منك بقوم ارقد دام خالي رقد
ركان:الظاهر حتى انا بريح
سعود:لالا تعال تعال ابيك
طلع سعود مع ركان للحوش الخلفي عند باب المطبخ واتجهو عند شبك الدجاج عشان الأزعاج ومزون طلعت بجلالها وفتحت باب البيت تنادي صالح اما منصور كان جالس على عتبة باب بيتهم ويناظر هدوء الحاره واستعداد الناس لرمضان تاركٍ عذاري مع امه بالبيت طَفش من سوالف عذاري وفوز اللي ماتخلص وجاه وسع الصدر لعنده يوم سمع مزون وهي تنادي صلوح وابتسم ينتظر المرسول يجي ووقف ينزل ثوبه ويضبط شكله ولو أنها مابتشوفه
مزون مدت يدها لصالح:هذي الحلاو لك ومبارك عليك الشهر
صالح نط و باس مزون بخدها:شككككرًا
مزون:عفوا اسمع صلوح روح لبيت ام منصور وقل لهم الله يحيكم الفطور عندنا بكره والسمره زين؟ وكلم امك بعد وفوز السياف يعني لف على الحاره
صالح ناظر منصور:هذا منصور واقف ، بعزم امي وعطيني حلاو كثير بكره مابصوم للمغرب ترى
مزون:نظامك للظهر؟ زين بعطيك إذا رحت بنفسك وما ارسلت غيرك
منصور:صلوح قل لهم مابنروح لو يترجوننا وعلمهم ان اختي حامل يعني ينتبهون لها لا يذوقونها اللي ذوقوه اخوها
مزون كتمت ضحكتها:صالح حبيبي قلهم احنا ما نتعمد نأذي المسلمين المتأخرين عن صلاة الجمعه لكن لو تعمدنا صوبنا
منصور:انشهد انتس صوبتي .. لي شهرين اكمد جبهتي(ما كان يقصد جبهته)
مزون ضحكت من قلب لأنها فهمت لكن خجلها منعها ترد وابتسم منصور من ضحكتها اللي انعشت فؤاده بس خرّب عليهم صالح
صالح ناظرهم الاثنين:لاتنادوني كل مره وانتو تفهمون كلامكم -ركب سيكله وراح واضطرت مزون تقفل الباب وتدخل عن المطر وهي باقي تضحك وصار يوم الجمعه يومها المفضل ومنصور جلس مبتسم... إلا شااااق الإبتسامه