"أثر الهناء حلم يا حمد"

البارت الثالث والعشرين

-في المخيم-
ابو متعب:فايز
ابو فلاح التفت:سم يا اخوي
رفع عيونه حمد لعمه وناظره باستفزاز يوم سمع ( اخوي) وهو يشوف عمه خاين وممثل بارع قدام ابوه ، ثم صد ورجع يساعد العيال بفرش الزل وتوزيع الانارة على اطراف الخيمة وهو كبده محترقه من استغفال عمه
ابو متعب:اعزم النسيب
فايز وهو ناسي:عبدالرحمن؟ عزمته عزمته ويبي يجي إن شاء الله
ابو متعب ضحك:نسيبي انا ، رجل سوير .. مااعرف رقمه وارسلت صالح يعزم الديرتين كلها  مدري وصلهم ولالا بس انت اعزمه وخله يجي هو واخوه ما عاد ينشاف عسى ماتعب زود يادوب نحمل ذنب واحد...
فايز وقف وهو متوتر:بس يا سيف ! ... بطلع اتصل عليه برا واعزمه عن الصجه
حمد تأفف بصوت مسموع واستغفر مايبي يعصب وكل شوي يناظر متعب وينسى ضيقته وكل همومه لا شاف متعب االي طاير من الفرحه طايير ويعاونهم بكل خفة نفس وهم مستلمينه طقطقه ومتقبلها بصدر رحب ويضحك معهم وكأنه سامح لهم ياخذون راحتهم على الآخر
منصور قرّب من حمد:ولد؟
حمد فز:ارحببب يامنصور
منصور ناظر حمد:وشبلاك انت زريت علي؟
حمد ضحك:ههههههههههههههههههههههههههههههههههههههههه ليه ؟
منصور:مخليني بنص البيعه شصار؟
حمد كشر وجهه:خلها لبعدين لين اروق واشوف
منصور :وانا احسبك هونت عن الددسن
حمد تذكر عذبه:لا والله منيب مهون مير خلها لبعدين، الليله عرس متعب مانيب يم اي شيء ثاني
سرور اقبل عليهم والابتسامه شاقه وجهه وقال بصوت جهوري:السلام عليكم ورحمة الله .. صباااح الخير يا الربع شلون كلٍ بأسمه؟
ابو متعب ابتسم لسرور:وعليكم السلام يالله حي الضابط سرور يا هلا بناموس الديرة كل ابوها-بعدها بدأت الردود تنهال على سرور من رد السلام للسؤال عن الحال واقبلو عيال ابو متعب يستقبلونه-
سرور ابتسم:الله يبقيك يا عمي مير الليله مافيها لا ضابط ولا عميد الليله انا ولدك سرور حاف وخدامك وتحت امرك-رفع اكمامه وناظر العيال-وش بقى؟
متعب:جعل عمرك طويل يا ذراعي اليمين .. ينقصنا كراتين ماء ياسرور تكفى
سرور ابتسم:لاتقول تكفى! ابشر والله بالسعد يا المعرس الكفو
متعب ضحك على سرور اللي فرحان له يمكن اكثر من متعب نفسه وراح سرور يسابق خطواته للبقاله وقبل يدخلها سمع صوت مكالمة فايز مع شخص والتوتر واضح في صوته بس انطقه ربي وعرف من يكلم وتقدم سرور بخفه يناظر من ورا فايز وحصل فايز متوزي ورا الدكان ويكلم وتراجع سرور بسرعه ووقف عند باب الدكان
فايز:وش اقول لسيف هالحين؟؟؟اقنعه بالرجال واجيبه لعنده اخرتها ما اعرف رقمه ولا ادل بيته؟؟ .. شايع! علمٍ يوصلك ويتعداك إن ما انتهيت المهزلة اللي قاعدة تحصل جددت العهد بالسلاح وألحقتك خويك تفهم؟خلصني انت والزفت اللي مايتسمى
سرور طارت عيونه وهو يسمع التهديد الصريح بالسلاح! بس مسك نفسه بهدوء وكمل استماعه
فايز:دامك ماتعرف دق على الحيوان الثاني رايد وعلمه بالعرس بس هاااااهههه!!!!! تراه عرس بنتي والله ثم والله يا شايع لاتخطون خطوه وحده تنكد فرحتنا لا استعجل يومك عليك تفهم؟ ..... هين ان ما سويتها انا سواها المطفوق حمد وهو ثايرٍ من غير شيء وبيفكني من القضيه كلها وعلى كلٍ منتب مرتاح لا انت ولا اللي وراك
سرور انصعق وتكهرب وهو يسمع! شلون عم يورط ولد اخوه في القتل؟ حمد وش ذنبه؟ ووش معنى حمد؟ سريع الانفعال؟ مو مبرر !!!
قرّب سعود وهو يصوت: سسررروووررر لقييت عندك ماااء؟؟ولانشوف بقالة الديرة ذييككك؟
فايز التفت لصوت سعود وقفل بسرعه وطلع وسرور سحب نفسه وكأن توه واصل
سرور: توووي واااصل ابنشد العامل واجيييكم ازهلوه على كل ححاال
سعود لوح لسرور ورجع للمخيم وسرور التفت لفايز اللي طلع من ورا الدكان ومثّل باتقان الصدمة: ابو فلاح!!! يا مرحبا والله ما لقيتك بالمخيم توي جاي من عندهم مبارك ومشارك ومعاون هههههههه الله يبارك للمعاريس ويوفقهم
ابوفلاح حاول يسحب نفسه من سرور مثل طبع أي مجرم "خايف" من العدالة والحكومة :يا هلا، الله يبارك فيك -استعجل خطواته في الرجعه للمخيم وسرور يناظر مقفاه-
سرور:ايييييه يا فايز ناوي الشر انت وشايع؟ياحليل هاك القرم وعياله منك مير انا لك وواقف بحلقك ... عنددك ماء يا الططيببب؟
العامل:موجود موجود
سرور:حمل الكراتين كلها ورانا عرسس متعب الطايلل!
قام العامل بفرحة وهو يحب ابو متعب وعياله وحمل الكراتين وساعد سرور بها ووصلوها للمخيم وبدو يرصونها ويوزعونها ويجهزون الفواكه بالصحون والعود الازرق بارجاء الخيمة يتمايل والتمر كأنه جبال مركوزه بنص الخيمة وكرم ابو متعب برز في هاليوم وجدد طاري كرم ذياب وذريته
_______________________
- في بيت فوز-
عذاري رمت حجر داخل بيتهم ووقفت فوز : من؟؟
عذاري بهمس:افتحي ما ابي اطق الباب وتسمع امي
فوز فتحت:علامتس؟
عذاري:امي رايحه لبيت الطايل ووصتني انظف بيتنا واعاونهم ووانا اعجن طرت لي فكرة!
فوز تقدمت تقعد ونادت عذاري تقعد جنبها:وشنهي فكرتس؟
عذاري:تبين نكيد لساره ونكنسل عرسها؟
فوز تنهدت:رجعنا؟ خلي البنت تروح لنصيبها حتى لو كنسلناه تركي مهب خاطب من جديد
عذاري:وشهو؟؟؟لا والله يخطب ويعرس ويحر تسبدها
فوز رجعت لها فكرتها الأوله وسكتت عنها
عذاري:شبلاتس سكتي؟
فوز:مابيدي حيله وش اقول
عذاري:ندور له الليله بالعرس ، هذا اللي منكدتس؟؟؟ابددد عندي وانا ابو هندي
فوز ضحكت:الصلاح من الله هههههههههههههههههههههههههههه! روحي خلصي شغلتس قبل تجي امتس وتستلمني معتس يلا
عذاري وقفت:ياحسرة الخطط الجهنميه اللي براسي ، دفنتيها مره وحده!
فوز:ياكبر حقدتس على الطايل
عذاري:انا ما ابي احر فيهن الا عذبوه ياقلعععها لو توخر عن حمد زانت الدنيا بعيني
فوز:انا اللي بقطع الشر بكبره اجل
عذاري ناظرتها باستفهام ودفتها فوز لبرا البيت بمزح:روحححي يلا وراي اشغال الدنيا
رجعت عذاري لبيتهم وهي مستغربة ركود فوز بس ما اهتمت كثير وسوت اللي وصتها عليه امها وعلى قراب الضحى كلٍ رجع بيته يجهز ويتغدى ويستعد والعرس يبدأ من العصر