"أثر الهناء حلم يا حمد"

البارت الثامن

-زينه راحت تصحي البنات وقامو وصلو كلهم ونزلو يتراكضون من الدرج عشان يسلمون على الجده منيره ويفوزون بدعوات الصباح-
الجده منيرة على كرسيها في غرفتها وماسكه سبحتها وتهلل بعد الصلاة شوي الا البنات داخلين دفعة وحده للغرفة:جججددددهههه
الجده منيره: يا الله صباح خير علامكم انتم داخلين بهالصوت
عذبه:صباحتس خير وسرور
مزون:صباح الخييير يا جدة المعرس
هيا:جددددده بوسيني امانه خلي صباحي يتبارك ويزين
الجده منيره وهي تبوس خد كل وحده فيهم:صبحكم الله بالنور والسرور والخير المنثور في طريقكم ودربكم يا سميع ويا عليم
ساره:وههههه ياحححلو الدعوات وياحلوتس ياجده
الهنوف:دقيييييييقه شوفو حناء جده!!! اكل اليدين انننا ياحلو جدة المعرس يا ننناس
بدور: جده ما اتحملك ما اتحممملك ياربي تكفين بالليل ارقصي تراك جدة المعرس
الجده منيره وهي خجلانه من غزلهم: زين زين انتم خلصو شغلكم هالحين عشان ننجز هالعرس ولا اوصيكم يا بنات اردحو في الليل ابي اتفاخر بحفيداتي هاااه
هيا: والله ان اردح لتس ردح مابعد صار بهالديرة لاتوصين بس
الجازي: وانا بعد ابرقص لين ادوخ مكاني
مزون:اييييي عاد هذا اختصاصي ازهلي بس
الجده منيره: يلا قومو قومو لشغلكم ورانا اشغالٍ كثيره الله يعيننا ويجملنا
دلال جات من المطبخ:مزون روحي رتبي المقلط وشيلي طراحات العيال ويلا يا بنات امشو نعجن ونسوي المعجنات وحلا الزواج ورا للحين تهذرون؟؟؟
ساره:خليها علينا يا عمه انا وهيا بنسويها
هنوف :يلا انا وبدور بنسوي الفطور
جازي:اجل انا بكنس البيت
مزون طلعت فوق:فيه فراش مرتب من امس غريبه!
ساره دخلت المقلط وراها وناظرت:ذا حق حمد
زينه شهقت: يا ويلي!!!
عذبه تناظر فوق من عند الدرج:للحين ما صلى!
زينه:لايدري عنه ابوه -ركضت السطح وهي ترش عليه كوب ماء-قمممم الحق ابوك المسجد بسرعععه طلعت الشمس
حمد فز من طاري ابوه: وشووو؟؟؟؟شسويتتتت؟؟؟؟
زينه:ماصليت الفجر قممم ورا ابوك بس لاتخاف بسم الله عليك الرحمن الرحيم
حمد:يمه نفضتي قلبي نفض وتقولين لا تخاف؟ طريققق يا ولد-نزل و وجهه مرعوب وهو يوضي بسرعه ويركض المسجد ولحق على التشهد الاخير ويصلي بشويش عشان ما يجلده ابوه في المسجد قدام الناس-
حصه:الله يهدي قليبه مهب عوايده
عذبه: سهر امس كله
ساره:شدراتس؟
عذبه:سويت الحلا الاول وسمعت حسه رايح جاي ويهوجس ما نام
ساره بنظرات شك:اييييه اجل معه بلاء ما خلاه ينام اخوي واعرفه
-مزون سفطت الطراحات ورا الباب وجنب التلفزيون ورصتهم فوق بعض والبطاطين بعد وفتحت الدريشه ودخلت الشمس للمقلط بس انتبهت ان فيه علبة فازلين صغيره مخشوشه ومخلصه بعد واستغربت لأن مو من عوايد العيال الترطيب والاهتمام بس رمتها ورتبت المقلط والمراكي وفتحت التلفزيون على قناة القرآن عشان ينتشر بالبيت ويبدأ صباحهم بذكر الله وكان القارئ سعود الشريم والهنوف وبدور تحت خلصو الفطور وحضروه في الحوش في الجلسة المعتادة وبدور كنست البيت كامل وعمّت وانتشرت ريحة البخور والطيب في البيت والقهوه كانت ساره تحوجها وتصبها بالدلة وطلعت حطتها يم الضو اللي كانت بنص الجلسة في مشب لها وهيا طلعت عليهم بعد ماعجنت وخلت العجينه ترتاح وكان ومعها طوفيرة مليانه فناجيل شاهي وقهوه و٦ علب حليب سايل وشاهي نعناع وحصه ودلال وزينه كانو يقرون الاذكار حوالين الجده منيره والتمو البنات بعدها مع امهاتهم وجدتهم ينتظرون العيال يجون من الصلاة ولكن عزيزنا حمد اخرهم بالصلاة وبعدها جلس يقرأ اذكاره زي ما عودهم ابو متعب وبعدها قام يصلي الضحى وهذا كله عشان يكبر بعين ابوه وما يجلده على تأخيره وطلع من المسجد بحذر ولكن ابو متعب كان له بالمرصاد وما تركه ومحطه في ظهره بالسبحه وحذره من تأخير الصلاة-
-بطريقهم للبيت كانو في صف واحد-
سعود: شلون الجلده؟
حمد: كل تبن
فلاح: صباحك خير يا عم... صباح الخير يبه
ابو متعب: هلا بالعريس هلا هلا ياجعله صباح وفاتحة خير عليك يا بوك
حمد: اي اي دلع فلاح وانا تمحطني
ابو متعب: تبي الثانيه؟
حمد:لا
ابو متعب:اي انثبر واسكت اجل
ابو فلاح: صباح النور يا مرحبا عساك ارتحت امس؟
ابو متعب: اي صدز ان شاء الله محد ازعجك ولاجاك؟ تراني مرقدهم من بدري مايجونك مير ما اثق بهم
فلاح: هههههههههه لالا معليكم محد جاني ولا ازعجني والله يطول بعماركم كل شيء طيب وزين الله يخليكم لنا
متعب: يلا يلا خلونا نفطر ونروح نكمل شغلنا اللي باقي
فارس: من الحماس ما ودي افطر بعد
ركان ضحك: ياحليله يحسب زواج الديرة بشت وعرضه بلاك والله ماعرفت كرف زواج الديرة
عمر: شدعوه شدعوه بننبسط ترى روق
حمد: يقول روق! هههههههههههههههههههههههههههههه بذكرك في الليل هين
سعود:خلوهم خلوهم عيال الرياض مايعرفون ههههههههههههههههههههههههههههههههه
متعب دخل البيت: يا ولد
-رفعو البنات الجلالات على رووسهم وتوسعو بالجلسة-
فلاح:السلام عليييكم
الجده منيره: يامرحبا يانور الدار والديرة هلا بفليح ياهلا ياهلاااا-رفعت يدينها لوجهه عشان تبوسه-
فلاح:يجعلني ما افقد حستس ياجده صبحتو بالخير جميع
ساره:صباحك نور يا معرس
هيا: اييييي شعليك مروق وشاق الضحكه ما بتكرف ولابتتعب واليوم يومك يامعرس
عذبه: هياا اذكري الله وصباحك سرور وسعاده ياحبيبي اقعد اقعد
سعود: اوووووههه يافرق عذبه عن هيا ياويلي يناس هذي علامها دفشه كذا؟
عمر: احمد ربك انك مو متعب
متعب انفجر ضحك:ههههههههههههههههههههههههههههههههههههههههههه
سعود:ههههههههههههههه الحمدلله انه ما لحقني البلاء اللي صاب اخواني
الجازي: فلاح اقعد هنا
حصه: هو!! تبين اخوتس يقعد باخر المجلس عشانتس؟
فلاح جلس بين امه وجدته: تعالي هنيا-جازي كانت صغيره اساسًا بس لازم تتحجب بحكم العادات وقامت يمه بخجل-
زينه:عطيني البراد اصب
الهنوف فزت: لا والله يمه انا اللي بصب
مشعل: عاد فيتس حيل عقب ركيض امس؟؟
زينه رمته بالفاين:يا ولد اذكر الله فوقك يمه يمه
دلال:معليك زينه عيالي مايحسدون
هزاع:هَذه لا يناظرني دقيقه مت مكاني وتقولين مايحسد ولا يعين!! صدز ان المروح بعين امه غزال مير هذا عنز مب غزال
-ابو متعب كان يتأمل الجلسة بنظرات دافيه وحاب طقطقتهم على بعض وميانتهم والهنوف بدأت تصب وهي تسأل من يبي شاهي ومن يبي شاهي وحليب ومن يبي قهوه والبنات يوزعون صحون الفطور ويتبادلون الذبات والضحكات اللي من قلب وشوي ياكلون وشوي يدفون اياديهم والجو كان صباح بارد ومغيم نور الشمس مب واضح لكن الدفء كان في حبهم وسوالفهم ولمتهم طبعًا حصه اعطت رغد فطورها وافطرت لحالها ولكن رغد ما قدرت تقاوم الضحكات والاصوات وكانت تتأملهم من طاقة غرفتها من جديد وتضحك معاهم وتتسمع لسوالفهم بحب كبيير-
سعود:اقول فلاح كل بالزيتون كل كل
عمر ضحك: اي اي تراه زين كل
حمد: كل يا فلاح كل
ابو فلاح: انتم علامكم يا المهبّل؟؟ اصبحو مع المسلمين
دلال: عمررررر هذول بنقول مجانين بس انت شبلاك؟
عذبه بفهاوه: عطوني الزيتون طيب انا باكله اتركو اخوي
-هنا العيال بما فيهم ابو فلاح وابو متعب انفجرو ضحك واعتلت اصواتهم مره وادركت عذبه انها قالت شيء غلط لكنها تركت الدنيا بكوم وشالت هم حمد وطقطقته عليها-
ساره وهي مستحيه تهمس لعذبه: يويلي عليتس ياعذبه شقلتي !
هيا: ياويلي على اختي البقره من اليوم وانا احشي فمتس بهالخبز اباتس تسكتين مير ماتفهمين
عذبه:ياربي وش قلت انا طيب!
بدور: خالي سيف ليه تضحك؟ماقالت عذبه شيء وهي صادقه ناولوها النعمه تفطر تراه زيتون ومذكور بالقرآن وله فوائد كثير وش يضحككم؟
الجده منيره بشفافيه: البلاء بالفوايد اللي تهرجين عنها
زينه بخجل: افطرو افطرو واصبحو ها اسكت ياحمييد
حمد: يمه وراتس علي من اليوم؟؟
ابو متعب: قم قم الخيمه اخلص يا راعي الصلاة
حمد واللقمة بخده: يا يبه فهمّني انت ليش مكفرني هالحين؟؟ والله انه خذاني السهر وازريت ارقد
سعود: جعل ثمك السلال ابلع يا البزر
ابو متعب: وش مسهرك؟ عرس فلاح؟
حمد وهو يناظر الارض ومبتسم همس بينه وبين نفسه: سهرتني اللي خلقها الله لجروحي وهمومي علاج وضماد
-عذبه ابتسمت من ورا جلالها يوم تذكرت سهرتهم وسمعت همس حمد وقفطتها ساره بس ابتسمت وسكتت-
ابو متعب جلد حمد بالسبحه بقوه على ساقه عشان يرجع للواقع ويطلع من ابتسامته وهواجيسه:  قم ولاتشوفك عيني الا الليل خلص الخيمة وانتم معه يلا افطرتو وقضيتو قوومووو
-تناقزو العيال كلهم ونزلو من درج الجلسة مع بعض-
فارس:امشو تكفووون متحمسسس
طارق: من وين تجيب الطاقة انت؟
عمر: علامك متلطم تعيبان يا امي؟ -يقلد صوت امه-
-مزون تذكرت الفازلين وشفايف طارق والتفت له على طول ولاحظها بس صدت بسرعه-
طارق: يمه تراه يقلدتس هالبزر
حصه: ياملحك يا عمر ههههههههههههه ما اهرج كذا عاد
عمر: ياحبي لتس يا خاله امزح مع ولدتس مير نفسيه مايضحك ذا
حمد التفت على ابوه وهو يناظره بجديه: يبه تبي نتخاوى؟
متعب فهم ومسك يد حمد بقوه:انا بخاويك وانت ارتاح يبه ويلا يا شباب استعجلو يلا يلا يا رويكن امشش
ركان: مستحيل ينسون مني ابد تقل مهم عندهم
طارق: هزاع ومشعل هاتو حطب زيادة من الحوش الخلفي وامشو-طلعو العيال واتجهو للخيمه وبدو يكملون شغلهم ويرتبون المراكي ويفرشون الزل ويعلقون العقد على جلسة الحريم وداخل خيمة الرجال ولازال الجو مغيم وشوي شوي بدو يجتمعون عيال الجماعه ويساعدونهم برص الدلال وتوزيع المناديل والتمر والماء واللي يجيب المباخر واللي يزهب العود وهذاك شايل كراتين ماء وهذا معه كراتين تمر وسعود مشمر كفوفه ويوزع صحون ومتعب يصب التمر فيها وحمد يجمع الحطب ويرصه وركان وهزاع ومشعل وعمر يشدون العقد كل واحد ماسك زاويه ويرفعون ويربطون وفارس وطارق ومنصور وتركي يضبطون عقد الحريم من العمود الاساسي بنص الجلسة للزوايا الاربع وهم طالعين التفت تركي لبيت ابو متعب اللي كان قريب من الخيمه وشاف بابهم مردود وتمنى انه يلمح ساره
متعب اخذ حمد بعد ماخلص التمر وابتعدو شوي:تبي تخربها انت وتنكد على ابوي!!!
حمد:ابي ابوي يحل الموضوع ونخلص يا متعب!!! انا مدري وش مدخلني بسالفتهم!! اذا جدي غلطان ابوي شدخله؟وانا شدخلني؟ هذا وراه معاديني انا واهلي!!!! دام ابوي يعرف الموضوع كله خله يحله
متعب:الموضوع بينحل بس انت اطلع منه واسكت! مو اليوم عاد
حمد:وانا طالعٍ منه مير هو ما تركني بحالي! يحدني على اقصاي يبيني اثور فيه والحقه ابوه
متعب بحده وعصبيه:وتسوي سواة جدي ذياب !!!! حميّد انت بتهجد ولا انا الللي ثورت فيك!!!!! خلصنا عاد اعقل وفك المسلمين شرك ان تعرضك هو واخطأ عليك خطأ بيّن وقدامنا كلنا وقتها تبشر بالسعد لكن سوالف الحريم ذي اتركها عنك هو طقني هو قال لي ! ان تبا شوري الطيب ولا جاك العلم الثاني
حمد:زين لاتنكد علي صباحي امش امش
-رجعو متعب وحمد للعيال وكملو شغلهم وهذا كان حال الشباب وابو متعب وابو فلاح كانو يشرفون عليهم ويعطونهم الملاحظات والتعديلات وفوق رووسهم لكن حمد كان عارف بنية رايد ولاعطاه فرصه وصارو يشتغلون شوي ويجمّع العيال ويلعبون العرضه شوي ويضحكون ويشيلون فلاح ويعززون له وهو مبسوط بأخوانه كلهم والأرض مو شايلته شيل وتركي ومنصور مبسوطين أكثر من عيال عبدالرحمن وسيف وفايز ومتعب يشتغل شوي ويرش عليهم من قوارير الماء اللي يخرق غطاها ويرشرش عليهم ويتلقف عشان يضحكون ومايعطون رايد درب عليهم ابد ويجهزون ويضحكون ويلعبون والفرحه كانت عامه الديرة كلها والكل يعين ويعاون ويساند ويضحك ويشارك ويبارك وكلهم يد وحده والشيبان على كراسي في اطراف الخيمة وابو فلاح وابو متعب قايمين بهم ويرحبون ويهلون ويسولفون وعيال الجماعه يتعاونون بالذبايح والصلخ والقعدان..... والحال مثله وأحلى عند البنات كانو كلهم بالمطبخ والجدة منيره جالسه على كرسي جنب شبك الدجاج وقبال باب المطبخ والبنات متربعات عند باب المطبخ وحوالينهم اشجار متسلقه على جدار البيت ووردة الجهنمية على الجهة الثانية وزينه تطبخ القهوه ببراد كبير جداً وشيلتها على كتفها وهنا الجدة منيره تهيضت وقامت تغني السامري المفضل عندها وتقول-
الجده منيره: الذيييب يا يمه عوى
والجبلل مرباااه
شبعااان يمه ويعوي!
ومدري وشنوححه
-هنا زينه حطت شيلتها على راسها ومسكت طرفها وشعرها الاسود الطويل المنسدل على ظهرها وهي تتمايل قدام خالتها وتجر الصوت معها والبنات صفو بالارض ولعبو السامري ويغنون مع جدتهم وهم مبتسمين بحب وفرحه وكانت اجواء صباح عرس فلاح اجواء مستحيل احد ينساها او يتخطاها ابداً... دخلت حصه قبال زينه وهي تلعب معها وتتمايل والضحكه مرسومه على وجهها والدموع بعينها من فرحتها بولدها والجده منيره تلاعبهم بعصاتها وترجع تغني-
الجده منيره:خلييي على الفرقى نوى!
والجبل مرباااااه
اللي كوى قلبي كوووي
ومدري وشننوحه
-حطت طرف شيلتها على وجهها وهي تلعب السامري بيدها بين حصه وزينه والبنات يعززون ويصارخون ومبسوطين على لعب جدتهم واغنيتها السامريه المفضلة -
الجازي:اموت واعرف وش سبب حب جدتي لهالسامري الحايلي بالذات! الهنوف:هذا ومافيها عرق حايلي ابد
هيا ما تحملت وهي ترقى تقفل التلفزيون عشان صوت القرآن وتاخذ السماعات وتشغل شيلات القبيلة وترقص مع امها وجدتها وزينه رجعت تشوف القهوه وتبرد الحلا الثاني وجو حريم الديرة على صوت الطرب مع الصباح والغيم وفرحة بيت الطايل ويدخلون عليهم المطبخ ويشاركونهم الشغل والطرب وساره وعذبه ومزون خلصو انواع الفطاير والمعجنات كلها وجهزوها وغلفوها وصارو يشطبون البيت عشان يروحون يجهزون جلسة الحريم ويحطون المساند والفناجيل ويوزعون الصحون والتمر والماء وتنسيقات البنات عاد وطلعت ساره وعذبه وبدور والباقي جلسو مع حريم الديرة ويعاونون امهاتهم ويراقصون جدتهم وينظفون البيت ويكوون ثياب العيال وغترهم ويجهزون كل شيء وعلى قراب الظهر-
ساره: يلااااااا يا عذبه قضى غدانا وغابت الشمس وانتي للحين تحوسين بنفس مكانتس امشي
عذبه وهي تلبس برقعها وعباتها او مثل ما نسميها البشت:يوه يا ساره ياكثر حنتس هذاني جيت ..وين بدور؟
ساره: قدامنا قدامنا
-تركي من بعيد لمح ساره وهي جاييه صوب مكان الحريم وهو يروق ويساعد العيال بحب وحماس وعرفها من مشيتها وعيونها ويلبي لهذا ويضحك لهذاك والروقان ما شاله-
ساره ابتسمت:يممممه عذبه خلينا نعدي
عذبه:هو!! شلون نعدي قدام الرجال!!-شافت تركي مبتسم وناظرت ساره-اجل شافتس تريك؟ههههههههههههههههههههههههههههههههه
ساره:امششششي بس وجع
-وصلو البنات للمكان اللي كان عبارة عن ارض شرحه ومبلطة ويحاوطها سور ابيض طويل شوي ومدخلها مقوس ولها باب بمسكتين وبدون سقف لكن بوسطها عمود بحيث لو كان الجو حار وقت المناسبه يصير سقفها مكشوف ومنفذ تهويه وإن صار وقت المناسبة بالشتاء يركبون شراع واكيد عيالنا قد فرشوها وحطو المراكي والكراسي لكبار السن وطاولة للتحضيرات ولمسات البنات ماقصرو فيها-
اول ما وصلو شاف حمد عذبه وهي حاطه طرف عباتها على وجهها وتناظر المكان او الاستراحة بشكل مبدئي وجاها حمد بخطوات ثقيلة قدام الناس لكن قلبه يركض يا عالم لعذبه! عمومًا جاء وقال:
قلبي خذته عذبه اللي عليها اللثام
وانا وقلبي عسانا فدوة عيونها
اللي يحب بنت الطايل عقبها ما يلام!
بيطيح من دونها ويقوم من دونها
اييييييييههههه ياعذبتي ومعذبتي شسوت فيني هالعيون
رايد كان يراقب المشهد من بعيد وسمع حمد وشعره وقال:عز الله ما تنلام
بمعذبتك اشهد انها جنةٍ على الارض!!
ساره وهي يم عذبه: حميييييد! وش هالشعععر ووش هالتصريح؟الله يا الدنيا معد صرت تستحي مني؟
عذبه بخجل يا الله يطلع صوتها: صح لسانك يا حمد
حمد: يا قليببببب حمد وروح حمد واهل حمد هالحس وهالصوت وهههخخخ
بدور طلعت عليهم وهي معصبه وهم عند الباب:يا جعل حمد البلاء وانا استغفره انت وراك هنا وتهرج!!!ترى تعبت وانا اكرف وانتم تتغزلون هنا وانتي وياها ادخلو عاونوني!!!
حمد:صاحت صاحت احبتس ههههههههههههههههههههههههه
عذبه:ههههههههههههههههههههههههههههههههه  محد بينسى يا بدور-دخلت داخل-
بدور:كله من سعود التبن وانت انقلع بس
حمد:يلا يلا صدق انا بروح انجز و ترى متعب قرب يخلص الغداء
ساره: اي انت رح عشان ننجز! بدور خلصتي؟
بدور: اي بس نقصنا مناديل بجيب من البيت واجيكم انتم كملو الترتيب
ساره:ابد ازهلي
"انتهى💕"