"أثر الهناء حلم يا حمد"

البارت الثاني عشر

مزون:يارب انه راح-طلعت تناظر السيب وما شافته وهي تركض للمطبخ-ساره تعالي ابيتس
هيا:شتبين فيها؟
مزون:تعالو الثنتين
جازي:وانا؟
مزون:اذلفي انتي
عذبه:علامكم متجمعين؟
مزون:ياكثر هرجكم عذبه ودي الفطور ترى جدتي لها ساعه تصوت تبيه-اخذت البنات وطلعو للسطح-
دخلت زينه وحصه والمطبخ:وين البنات؟؟؟ ماصار فطور
عذبه:هالحين يمه يلا
الهنوف:جهزته كله بطلعه الحين بس ابوي واخواني وعمي وين؟؟؟ تو طلعت الشاهي مالقيتهم!
بدور:شفت عمي ماخذ العيال وطالعين
زينه:راحو العزبه بس هاتي الفطور ياهنوف جدتس تحتريكم
-بالسطح-
مزون:هذا اللي سمعته ونقلته لكم بس شصار بين جدي و ابو تركي؟؟
هيا:دقيقه دقيقه فوز خطبت ساره امس واحنا ماندري!!! وانا بيزوجوني متعب وماعلموني!! اصلاً ابوي ما بيوافق اخاف يعصب ويحرمني عليه
ساره:لحظه!!!!! تركي جاء الصبح عشان يقول لي ذا!!! طلع خاطبني انا!!! يافشلتتتتتتييييييييييي
مزون وهيا:ووشششش؟؟؟؟؟؟
مزون:سوير متى جاتس!! تو الشمس طلعت وتونا نحضر فطورنا شتقولين؟؟
ساره علمتهم:بس انا فهمته غلط!!
مزون:ياعمري على هالتركي مايسوى عليه هالحب بس ليش رافضينه شصاير فهموني؟
هيا:انا اذكر زماااان وانا صغيره كانو يقولون ان شايع السياف كان يهدد ابوي او عمي بشغله وحاط  دوبه من دوبنا وعاد عقبها ابوي ما تحمل العيشه ونقل مع امي للشرقية وعمتي دلال اعرست وراحت الرياض وعمي سيف وقف على رجلينه وتجاهله لين صار من تجار الديرة وانقطعت اخبارهم عن بعضهم وتركي عاش مع عمه وصار قريب مننا وعمه علاقته فينا عاديه حتى حضرنا عرس عمه وحن صغار تخبرون؟ فعادي العلاقة كانت زينه بس هالحين ليش رافضين دام تركي مايشوف ابوه ولا يجيه وحياته كلها مع اخته لحالهم؟؟؟
ساره:انا اعرف ابوي مستحيل يرفضه لان تركي رابي معنا وبيننا من حنا صغار ويعرفه ويعرف اخلاقه بس جدتي ليش رافضه وتبي تعبي راس ابوي!! هذي مو حركات جده! يارب ما انحرم من تركي ضاق صدري-نزلت دموعها لاشعورياً وهي تناظر الغيوم-اهخخخ عسى اللي جمّع هالغيوم يجمعني بتركي
عذبه طلعت لهم:انتم هنا وانا ادوركم!! امشو الفطـ... ساره!!!! شفيتس تبكين؟؟؟؟شفيكم ليش لحالكم شصار؟؟؟
مزون:بعدين يا عذبه امشو نفطر قبل احد يفقدنا
-وصل سيف وعياله للعزبه وكان سيف متكي على مركاه والبال ضايق ويهوجس بحبة عينه واغلا ماعنده"ساره" وضايقٍ صدره من سوايا فايز اللي عيا ما يزين مع الناس وشايل هم لا يمشي كلمته ثم ينكسر متعب-
متعب:يبه علامك؟ليه ما افطرنا بالبيت؟
سيف:قم سو فطورك هنيا لا ارمش ما حضرته اخلص وعقبه ابعلمكم
-قام متعب يسوي القرص على الضو قدام ابوه وحمد راح يحلب ويجيب الحليب وسعود يقهوي ابوه على ما يزين الفطور وركان كان يحضر النواشف والعسل اللي بمطبخ العزبه وحضرو فطورهم وافطرو فطور سريع وصامت كلٍ في راسه مليون سؤال ولايدرون وش مضيق صدر ابوهم لهالدرجة-
سيف وعيونه على اخر لقمة بيده:ساره اختكم انخطبت
حمد:جعله مبروك يبه من كسب شيخة البنات؟
متعب:مفارقٍ لسوير يبه؟
سعود:يبه علمنا شفيك؟
سيف:ماكملت كلامي!! اللي خاطبها تركي ابن شايع السياف
ركان:متى خطبها منك !!
سيف:مابعد جاء مير انتم وش قولكم في خطبة اختكم؟
متعب:الكلمة الاولى والاخيرة لك انت ابوها وانت سمها و مالنا كلمة في حضورك وتركي رجال وكفو وانعم به البارح قام بالعرس قومة تبيض وجهه وعمه حضر وشارك وبارك
حمد: وانت يبه ابخص منا وتعرف الرجال الكفو وساره عندك مثل عينك مهب انت اللي تستشيرنا بموضوع كذا انت فيه شيء مضيقٍ صدرك ويش هو!!
سيف: شايع مهب رجال وبيننا وبينه موضوعٍ قديم
ركان:يبه اشرح اكثر!!
حمد كان وده يأيد كلام ابوه ويكلمه عن رايد بعد بس استرسل ابوه وقال
سيف: خلوكم من الموضوع الهرجه الحين في قولة الناس زوّج بنته لتركي معناته حنا للحين تحت تهديد شايع وراضين بسواته مع ابوي ومعنا من اول
متعب: اقص لسان من يتجرأ ويقولها يبه الكل عارفك وعارف مكانتك ومن انت ولده وجدي كلٍ عارف فعلته ومدة يمينه والحكي ذا مابيقوله الا هو بنفسه عشان يعزز لروحه
حمد:انا من شوري كان الموضوع بيضيق صدرك وبيلحقك من وراه هرج فأقفله والرجال بيجي اللي اطيب منه وساره تستاهل اللي اطيب من تركي ونسله وسلالته
سعود:انا رأيي من رأي حمد
ركان:يبه شصار بينكم وبين وشايع؟وليش نرفض تركي عشان هرج الناس تراهم بيهرجون على كل حال الناس مايعجبها العجب تقولونه يا اخواني وانتم اكبر مني واعقل!! تركي اشهد له بالله انه كفو هذا وانا من عياله واشوف ساره امي مو اختي الكبيره يعني انا منيب وجه يقيم واهرج معكم مير ذا الصدق انتم علامكم!! وتركي رابيٍ مع عمه ولا له خط مع ابوه
سيف: السالفه اكبر من تركي وساره وانت ما تعرف شيء مير قولكم نرد تركي؟
متعب:نرده يبه ولا احد يهرج فيك ! ، والموضوع يا ركان بيمس ابوي وجدي بقبره عشان غليم يبي يعرس !!! لا والله
سيف:قم اجل جهز وضعك عرسك عقب اسبوع على هيا بنت عمك
متعب ارتبك وتلخبطت مشاعره:وشهههو؟؟
سيف: وشنهو اللي وشهو؟؟؟ وش تنتظر!! رجال طول بعرض ما ودك تعرس؟ قم جهز امورك وخذ حمد معك ينفعك
متعب:سم يبه اللي تبيه يصير
سيف: الله يبني بيتك وانا ابوك
حمد:يبه متى صار ذا كله!!! شلون!
سيف:تبينا نشاور متعب وننتظر سحاه يخف وعقب نروح نخطب؟؟؟؟ يلا كلٍ على شغله واتركوني مع الحلال هنيّا
حمد مسك ضحكته: لايبه اقصد متى خطب تركي ومتى تحدد عرس متعب!
ابومتعب: كأنه طايلٍ لسانك وصرت تعقب على ابوك وتتنشده؟؟؟
حمد قام: حشى يبه حشى-راح  وهو مستغرب حالات ابوه وفعلاً انتشرو وهم ماسكين ضحكتهم وفرحتهم لمتعب الا ركان اللي كان يهوجس بالسالفة ومو مقتنع برفض تركي ...انطلق حمد للديرة ودخل الحوش وهو يسابق انفاسه ومستعد للطقطقة-
الجده منيره: علامك؟؟؟؟ ابوك فيه شيء؟؟
حمد مسك طرف ثوبه بيد ورفع يده الثانيه ويقلد أمه: وراكم قاعدين للحين!! قومو العرس اليله يلا يلا اغسلو الحوش وانفشو المطبخ وتسنعوووو
عذبه:ههههههههههههههههههههه-التفت على البنات-يقول عرس! مهبول
ساره الفرحه ما شالتها والابتسامه بتشق وجهها بس كابرت بخجل قدام حمد وكأنها تجهل تركي: عرس من؟؟
حمد: متعب
هيا غصت بالزيتون وهي تكح وتكح ومحد اسعفها الا طارق:سمي سمي انا الظاهر بدخل طوارئ مب طبيعي اللي يصير بهالعايله
هيا وهي تشهق شهقه طويله: اص اص عرس متتتتعععععببب ؟؟؟؟ على من؟؟؟؟
حصه: استحي يا بنت
هيا: يمه انتي تسمعين اللي اسمعه؟؟ حميييد على من؟
حمد: الله يعينك يا اخوي ويكتب اجرك ويصبرك ويجعلها بموازين حسناتك ويعطيك من الصبر والسلون اللي تمشي به حياتك مع زوجتك ... مستعدين؟؟
-ساره وهي في حالة صدمه مو قادره تستوعب أنها مو فرحتها هي! فرحة متعب وهيا! طيب وتركي شصار عليه! تركي وينه؟.. كانت هذي تساؤولات ساره وانسحبت لداخل البيت تاركتهم في ضحكهم وفرحتهم-
الهنوف: اهههررجججججج بسرعه؟؟؟؟
حمد: ههيييياااا الليله عرستس
طارق ناظر امه: يمه!!!
الجده منيره: اقضب ارضك يا طارق -عطته نظره هجد منها وطلع طارق من البيت والجلسة بكبرها-
حصه: شلون!!! البنت ماجهز جهازها للحين
هيا: يمه خلي جهازي انا للحين بتسريحة شعري من عرس فلاح
عذبه:ههههههههههههههههههههههههههههه انا بموت من الضحك تكفون وش هالزواجه السريعه؟؟
حمد همس لها: عقبالنا يارب معد فيني صبر ابيتسس-
عذبه بنفس الهمس:هههههههههههههههه سمعتك
مزون:حمد بذمتك صادق؟؟؟؟
حمد: يا شين الحريم يا ناس ابوي قاله يعني ابوي بينكت؟ عمرتس شفتي ضروس ابوي اصلاً؟ كل كلامه جدّي المهم وين العيال؟ امشو نربط العقود الحريم عرسهن بالحوش وبيكون شبه عائلي يلا قوومموووو
بدور: مانلبس يعني؟
الهنوف: يادبل تسبدي من بنات الرياض
قال حمد بصوت مسموع وهو مبتسم:ارتعتو؟؟؟ ههههههههههههههههههههههههههه لالالا اللعب عليكم تبون متعب الثقل والجمال والكمال ياخذ هذي؟ ياحليلتس بس انتي حتى محمود ما يبيتس يا الله القبول بالارض والسماء
هيا رمت حمد بنعالها: والله لو ماتهررررج بالصدق اخلص!!!-ناظرت جدتها- جده احلفي عليه يتكلم!!! نشف دمي انتم علامكم مو مستوعبين؟
الجده منيره وهي تتقهوى فنجالها: عرستس عقب اسبوع من متعب قومي انتي وامتس خلصو جهازتس وعمرتس يلا
هزاع:يلا زين معتس اسبوع قومي قبل تكاسر ابوي هالحين وتحطه الليله صدق
عمر:ههههههههههههههههههههههههههههههههههههههههههه تسويها والله
الجده منيره: لايكون تبينه الليله وانا امتس؟
هيا وهي مبققه عيونها بجدتها وتناظرهم كلهم بفهاوه: احس اني احلم للحين
حمد بخبث:مو مصدقه انتس بتعرسين بمتعب؟
عذبه ناظرت حمد:حممممد !
حمد ابتسم بنذاله والعيال ضحكو
هيا قامت:يا ويلي ويلاه انا ما اتحمل اللي يصير
الهنوف: الله لقيت احد اتهاوش معاه غير سوير
جازي: انا ابيها تشكي منتس بس والله لا اجيتس من الشرقيه كعابي
الهنوف:ابصفقتس انتي وياها مير قومو نشيل الفطور ترى عندنا غداء لاتنسون هاه !!! -ناظرت حمد- اغسل الحوش دامك متحمس
مزون قامت ولحقت هيا وقامو البنات
-داخل البيت-
عذبه:ساره لاتهقين اني نسيت دموعتس او ما لاحظت انسحابتس من بيننا شفيتس؟
ساره: وش اللي مو فيني يا عذبه وش!!! الصبح قالو تركي خطبني ومدري شصار لأخواني وابوي وهالحين رجعو يقولون متعب بيعرس!
عذبه: اي وخير يا طير؟ خلي متعب يعرس ماتدرين يمكن تركي عطوه فرصه يجينا من بكره او يبون يتحرون عنه دام ماجاتس خبر انهم رفضوه ليش تزعلين!
ساره مسحت عيونها بقوه: اهلي واعرفهم ياعذبه ان ما جاز لهم احد اخفو سالفته وتناسوها احب تركي ياعذبه مثل حبتس لحمد
عذبه: ساره فيه مليون واحد يتمناتس غير تركي ومليار شخص اطيب منه وازين!انا ادري بالحب وادري بالقلب مايفهم مير وش تسوين؟ تبين اكلم حمد؟
ساره: لاااا انتي الثانيه وش تكلمينه!!! ما ابي اخواني يسمعون من غيري ولا ابي اقول لهم اني احب اصلاً! من جدتس انتي!!! ترا بصير عبره لبنات الديرة كلهن
عذبه: وش تسوين اجل؟؟؟
دخلت هيا: يااووييلليي قوموو غسلو شعري معي من الروعه مقدر ارفع يديني
مزون دخلت وراها: امسكو هالمهبوله لها ساعتين تركض بالبيت مو مصدقه بتاخذ متعب
هيا: اتركي عنتس الحب انا والله اني مرتاعه منه ما اتخيله زوجي!!! يابنات الملابس الملابببببس ماعندي شيء كلها قمصان سوير انا شسوي معه؟؟ تخيلو شهر العسل بالروز؟؟ متعب طقطقه وسوالف شلون يصير رجلي؟؟؟ ابي احد يرش بماء مقري تكفون
ساره ضحكت من قلب وكأنها كانت بانتظار هالضحكه اصلاً:ههههههههههههههههههههههههههههههههههههههههه المحل قريّب بطلع اقضي لتس الحين ولاتزعلين
عذبه: اي والله اطلعي وغيري جو وقضي لها
مزون:بروح معتس انا براسي ستايلات تموتتت يارب احصلها بس
هيا: اي تكفون يا خواتي فديتكم-مسكت طرف قميصها- اقول دامه عرسي اسوي حلويات ولا معجنات؟
عذبه دفتها: هو!!! حتى بعرسها تبي تطبخ
ساره:ههههههههههههههههههههههه ذي بتعرس ولا بتموت علامها !!
مزون:اقول سوير احد يفتح الصبح؟
ساره: ااييييي شدعوه تراتس مو بالرياض هنا الديره الكل صاحي والصباح رباح وبركه امشي امشي نقضي لذي مافيه وقت
مزون : يلا -لبسو عباياتهم كانت على الراس وبراقعهم ودخلن سوق الديرة اللي كانت المحلات على اليمين والشمال وبينهم ممر طويييييييييييل وكل انواع المحلات موجوده الملابس والمحامص والذهب والاقمشه والسيوف  وبنهاية السوق فيه قهوة العم سعد-
طارق كان يتمشى باسواق الديرة ودخل سوق الذهب يشوف الجديد ولمح زول مزون وهو يتنحنح
مزون كانت بمحل الملابس قدام سوق الذهب وناظرته: طارق!
طارق: وش هالبرقع اللي عليتس؟
مزون: برقع سوير، وراه؟
طارق: لو فاكته ازين اجل هذا برقع!
مزون: شعليك؟ منت اخوي!
طارق: اجل نعلم فارس يشوف شغله مع اخته
مزون: يا ثقل الطينه والدم بسسس وععع-حطت الطرحه على وجهها- زين؟؟؟
طارق: مدري ! - رجع لتركي بس تركي كانت عيونه على ساره اللي تتصدد منه وتحوس بالملابس اللي قدامها-
تركي: معليش طارق.. كيف اخدمك؟؟
طارق قرر يختبر تركي بطريقته وهو عنده خلفيه عن الدبل بعد ما ساعد فلاح اخوه: ابي دبلتين وهذي المقاسات
تركي وعينه على المقاسات: ماشاءالله البارح فلاح والليلة مين؟
طارق : انا و بنت عمي
-مزون سمعته وانصدمت بمكانها ماقدرت تتحرك-
تركي اللي كان تحت تأثير الصدمة ومو مستوعب اللي سمعه:شلون؟؟
طارق تأكد من احساسه:وشهو اللي شلون يا تركي؟ ههههههه ماتدري ان بناتنا لعيال عمهم؟هذي قاعدة ديرتكم ولا !
تركي بحده:لاصادق لكن اللي طلبته ما تلقاه عندي لا النوع ولا المقاس
طلع طارق وهو مبتسم ابتسامه خفيفه لتركي ومزون وهي تتقضى مع ساره بصمت وساره تخيرها وتستشيرها بس مزون ساكته و بدنيا ثانيه مو معهم ولا لمهم بعد
ساره:مزون تحسين ذا بيعجب هيا؟ المشكلة سوقنا بسيط يااربي ...هذا طارق؟... زين انك هنا
طارق: وش بغيتي؟
ساره: نقصنا ميه معك؟
طارق: اي-ناظر بمزون ورجع ناظر بجيبه العلوي- وراها هاجده؟ سمي
ساره ناظرت مزون: مدري ! هييييي-تأشر لمزون-
مزون وهي مركزه نظراتها على طارق من تحت طرحتها:معتس واشوف واسمع وادري بكل شيء بعد
طارق: لايطق لتس عرق زين! ساره لا تتأخرون بالسوق علمي هيا
ساره وهي مستغربه توصية طارق:ليش؟قاعدين نقضي لهيا
طارق:اعرف بس لاتطولون وامشي من قدام هالمحل بسرعه.. تدرين شلون ! انا معكم
مزون: شتبي انت شتبي؟؟؟ قلنا نقضي لعروس ماتفهم؟؟ ولا ماتقدر تصبر؟
طارق: اقصري حستس لا كف الحين
مزون وهي بتموت من الغيره اللي ماتدري متى جاتها ومتى حبت طارق لهالدرجة:ماني ساكته وش بتسوي؟
ساره: بس بس!! الناس يناظرون ترانا عيال الطايل!!! منتو في الشرقيه ولا الرياض انتم بالديرة وسمعة اهلنا كبيرة ونظيفه لاتشوهونها عاد !
-طارق تأكد ان حب تركي من طرف دام هذا كلام ساره وهذي عقليتها وسفه مزون ومشى معهم وخلصو مقضاهم ورجعو البيت ومزون للحين مطنقره ولاتدري وش تسوي من الغيره وتركي قفل محله وهو ينطلق لفوز ويحس روحه بتطلع-
تركي: فوووووووززززززز
فوز طلعت وهي تمسح يدينها بقميصها: علامك تصارخ!!!! شصاير!!
تركي طاح على ركبه: فوز حلفتس بالله تقولين الصدق حلفتس
فوز جلست بنفس مستوى تركي وهي تمسك كتوفه: تركي علامك!!! افصح!!
تركي: ساره بيزوجونها؟؟انتي خطبتيها بالعرس ولالا؟؟؟ شلون يخطبون فوق خطبتي!!! انا داري ما صدت عني الا وهي ملك غيري فوز تكككفين لاتروح ساره مني
فوز: بسم الله على قليبك منهو اللي يقول انخطبت!! انا خطبتها لك من امها بالعرس وقالت الموضوع عند ابوها انت من وين سامع هالحكي!!! من قايله؟؟
تركي وهو يتذكر ابتسامة طارق الخبيثه: جاني طرف علم وكل شيء حولي مصدقه
فوز رفعت تركي بيدينها: قمممم قم انا اجهزك ونخطبها العصر شلون يخطبون فوق خطبتك !!! لالا مستحيل بس انت قم نخطب رسمي من ابوها والله ما اخليها تضيع من يدينك وانا اختك وسيف مهب رادك!! عارفك ويبخصك زيييييييين قم يا حبيبي
وقف تركي بثقل الدنيا وهو عارف دام عيال عمها دخلو بالموضوع فساره ضاعت منه

انتهى