"أثر الهناء حلم يا حمد"

البارت التاسع

-عند العيال كان متعب فعلاً يطبخ الغداء هو وفارس وتركي يعاونهم ويحاول يتقرب بنفس الوقت ويحسن العلاقة اكثر واكثر-
متعب:سعود اركض جب بصل زيادة من البيت ابكشن للرز
سعود:قم ياركان اخلص
ركان كان يشلوط رؤوس الخرفان:ماتشوف شسوي؟؟؟؟قم انت
متعب بنفس نبرة وهيبة ابوه: ياسععععود!!!
-سعود فز وركض للبيت وعلى طريقة لمح زول بدور وهو يمشي وراها بهدوء وخفة لين وصلو قراب البيت و يقرب من اذنها ويصارخ وعض اذنها بالغلط عاد بدور خوافه من غير شيء وسقط قلبها ببطنها وتلتفت وتصفقه كف بكل قوتها-
سعود: وكسسسسسرررر جعله يكسر هاليد قولي اميننن ياااااااوك اذني اذني معد اسمع احسها تصفر
بدور: يمه سعود!!! سعود اسفه
سعود:شسوي باسفه هَذي؟؟؟؟ياجعلتس الدود يا بدور ياويلي شلون بقابل الرياجيل ووجهي محمر منتس!!!
بدور:اسفه احسبك احد يتحرش بعدين تراك عاض اذني!!
سعود وهو يتحسس خده بيده:امقلبتس يابقره
بدور: ههوووو سعوووود!!!!
سعود :ولعنة سعود اللي تعرفينه زين؟؟؟
بدور ضحكت:هههههههههههههههههه الحين احد يمقلب وياكل اذن؟؟؟ اجل لو صادق وش بتسوي؟
سعود:تعالي تعالي وش يتحرش فيتس؟؟؟ انتي وجه نتحرش فيه؟؟ انتي نبي نوديتس مع ركان للعسكريه تقولين لي نتحرش فيتس؟؟؟ كف واحد منتس خلاني افقد حاسة السمع انتي لو تعصبين علي بفقد العافيه بكبرها تقول مقلبي شين ترى كله عضة بسيطة وللحين اذنتس مكانها يا الثوله مير انا؟؟؟ خدي ذا طار للثاني
بدور: اوللللللله وش ذا كله! وراك انفكيت! وعن العياره والتدلع بعدين ليش لاحقني؟؟تراني ما اؤمن بالحب ولا بتزوج من الاقارب! وانت خاصه
سعود: اي دلع!!! واي حب!!! ومتى لحقتس!! يوووووههههه يا تسببببدي تسبد...-تذكر كبد الخروف وكشنة متعب وعصبيته وانه يبي بصل وهو يركض من حولها ويدخل المطبخ بسرعه من الباب الخلفي-
بدور: الحمدلله والشكر!-كملت طريقها وهي تضحك عليه-
-دخل سعود البيت ركض وانطلق للمطبخ على طول بس صادف عذاري وصد بسرعه-
سعود: اب اب-لف-يا وللللد
عذاري التفت وشافته بس انخشت ورا الباب:ادخل ادخل بس ترى مافيه احد من اهلـ...
الهنوف دخلت:اهل مين؟
سعود واقف ومعطي المطبخ ظهره: هنوف عطيني بصل بسرعه
الهنوف تخصرت:واللي تو معطينكم وشهوو؟؟
سعود التفت:شعليتس انتي ماخذين من معدتس شيء؟؟ولا لايكون متعب ارسل غيري!
الهنوف:صد يا مال الوجع البنت للحين هنا ..محد جانا غيرك بس خلاص انتظر اعطيك
سعود: اي اخلصصصي عاد متعب بيذبحني
-الهنوف عطته وهو يركض وشطف بدور على طريقه بس دخلت بدور البيت وهي مبتسمه-
بدور:تبارك الله مافي رجلينه فرامل وفوقها يركض حافي!
الهنوف: يا ويلي عليتس من متى واخواني يلبسون نعولهم؟هم وقت الكرف ينسون انفسهم
عذاري طلعت من ورا الباب وقالت للهنوف:هذا حمد؟
بدور:من تقصدين؟
الهنوف:لالا ذا سعود حمد ياحليله بس
بدور:شفتي سعود؟
عذاري بعدم اهتمام: اي بس صد وانا صديت لكن شبهت عليه احسبه حمد-اخذت طوفرية فناجيل وودتها داخل للحريم-
بدور سكتت وهي تكلم نفسها بتمتمه
الهنوف:ههههههههههههههههههههههه الحمدلله والشكر!!! والله انتس مهبوله اقول وش جايه تسوين؟؟
بدور: ابي فاين وتراه مايضحك!!!
هيا دخلت المطبخ تاخذ ثلاجة الشاهي:ورا وجهتس مقلوب؟
بدور:مافيني شيء
هيا:هو!!
بدور:سعود يحب الحمار
هيا:قضو الناس يوم يحب حمار؟
الهنوف:ههههههههههههههههههههههههههههههه يوه هيا لاتزيدين وجعها هي يالله متقبله بشر تبينها تنصدم من حمار!
هيا:شتقولون انتم؟؟اقول البنات قضو؟شفيتس بالبيت؟؟ ترى الغداء بيجهز وبيطلعون الحريم الحين اخلصو وحنا شوي ونلحقكم نحضر
بدور: اص اص
الهنوف:انا ما اتحمممممل ما اتحمل بعلم جازي يووووههه ههههههههههههههههههههههههههههههههه
-راحو جميع للمكان وتغدو غداء فنان من يدين متعب وفارس وتريّك مثل ماينادونه البنات طبعًا كان واجب على اهل العريس يغدون ويعشون الناس بيوم العرس لكن في الديرة ماكان فيه شيء اسمه اهل عريس لأن كلهم قومتهم وحده وقعدتهم وحده وعلى ماقيل من أول "يد على يد تصفق" وبعد الغداء نظفو البنات المكان والجو كان مغيم مره ونهار الشتاء معروف بقصره فكلٍ رجع بيته أما يريح ولا يكشخ لأن العرس يبدأ على المغرب وأبطالنا رجعو للبيت البنات وامهاتهم والجده منيره كانو يمشون جماعه للبيت ويسولفون مع بعض لين دخلو الحوش وراحت الجده منيره تقيل وبعدها بثواني بسيطة دخلو العيال وعجتهم وراهم كل واحد في زاويه ويتهاوشون-
حمد:حمممممام المشببببب محجوززززز
عمر:تعقب وتخسي انا موزي اغراضي فيه من الفججر تقول محجوز؟؟-ركض للحمام هو وحمد-
زينه:بسم الله الرحمن الرحيم علامهم؟؟
حصه:بس انت وياه بسسس جدتكم نايمه
-في المقلط كان ركان ومشعل وهزاع يتضاربون على المناشف والسراويل كل واحد يقول انها له عشان يدخلون يتروشون-
هزاع:سروااااالي سروااالي شفف!!!
ركان:سارقينه من دولابي وتقولون لكم!! شهالضيوف الكلاب؟؟
مشعل:تستهبل؟؟؟وربي انه سروالي انا شاريه امس من الرياض لعرس فلاح وللعيد
هزاع: ياكبرها عند الله! تحلف!!!!!
ركان:فك فك انت وياه لا اتوطاكم كلكم
-في الجهة الثانية وفي حمام الرجال دخل متعب على طارق بالغلط يبي يحجز الحمام بس تفاجأ ان طارق فيه اصلاً-
طارق: طقققق الباب ياا حمار اوللل
متعب بصدمه:ياكبرك كبراااه يا طارق
ساره مرت وغطت وجهها بيدينها من اللي سمعته:متععععب!!!
متعب:وانا صادق حجمه تضاعف ذا يروع
مزون:هههههههههههههههههههههههههههههه اذكر الله بس
هيا:اه يا راسي ياحظ رغد ماسمعت هالازعاج ولاشافت اللي شفناه وسمعناه
متعب:لاتخليني التفت لتس انتي
دلال:اقول وين فارس؟اتركو قلة الحياء عنكم
-جازي طلعت من بيتهم لصالة عمها وفيها الصيحه-
زينه:علامتس يمه؟
جازي انفجرت:سعود الكلب رماني بالشامبو هو وفارس
بدور بقهر:وليش تصيحين؟؟؟كان رميتيه به مره ثانيه اللي مايستحي
دلال:بديّر!! اقول هذي مو سواة فارس صدقوني ههههههههههه
زينه:والله عاد انا اعرف سعود يسويها الله يهديه بس غريبه ماعمره مد يده على بنت!
بدور بهمس: اي اي زين ان اذني معي
الهنوف:لاترجعين تضحكيني تكفين ههههههههههههههههههههه
جازي تضحك وتبكي بنفس الوقت:ههههههههههههههههههههههههه ليتس تصفقينه مره ثانيه
-دخل ابو متعب وابو فلاح وشافو الوضع ازعاج وكل ثنين يصيحون بزاويه-
ابو متعب:شبلاهم ذول يصايحون؟؟
ساره:ابد يبه يتهاوشون على الحمامات يبون يتروشون من الحين وخلصوها علينا
ابو متعب:اهل العريس وصرنا على وجه عصر وللحين ماتروشو ولا لكم مكان تتروشون انتم بعد!! بنات هم؟؟ يا متععععععععععععبببببب
متعب فز وهو يسحب ركان برقبته من بين مشعل وهزاع ويركض ياخذ حمد من المشب بنفس الطريقه من رقبته ووقف قدام ابوه: لبيه يبه
ابو متعب:انت وهالسلق اللي معك تتروشون ببيت عمك والمشب والبنات في بيتي اخلصوووو اذن المغرب وانتم للحين تحوسون بالبيت
حمد:زين ان المشب لنا-ركض من جديد وكفخ عمر ودخل يتروش بدله-
ركان:اجل حمام حريم بيت عمي لي -ركض له وسمعوه مشعل وهزاع ولحقوه-
ابو متعب:وسعود وينه؟؟
جازي بزعل:في بيتنا مايحتاج وفارس بعد
متعب:زين اجل طارق اكيد قد خلص وانا بروح اتروش في حمام الرجال حق عمي ويلا خلصنا
-فوق كان طارق فعلاً مخلص ولابسه سروال وفنيله ويدور بالمقلط اللي نفشه فوق تحت للفازلين حقه-
مزون دقت الباب:طارق؟
طارق التفت وشعره مبلل وجسمه معضل وكبير:نعم؟
مزون من ورا الباب وهي متغطيه:تدور لذا؟-ورته الفازلين-
طارق ارتبك:شلون اخذتيه؟؟هاتي
مزون:ترى طرف شماغك معي للحين رغم اني مدري ليش ربطت رجلي فيه وليش تحط هالفازلين من بعد ماربطتها
طارق: اي؟
مزون:اي!!! فهمني!
طارق سحبه من يدها: وخري يا بنت الناس ماعندي شيء اقوله انا بعدين انتي ماتستحين تكلمين اجنبي عنتس بهالطريقة! لو يشوفتس عمي سيف تدرين وش بيسوي؟
مزون:ورا تكلمني كذا؟ وانت ولد خالي من قال اجنبي !! اقول وش يعورك بس؟
طارق:وش اللي وش يعورني؟ترى انسان برطب جسمي
مزون: بفازلين صغير وانت كبر الباب؟اكذب زين
طارق طلع من المقلط وهو يناظر الارض ومبتسم على جنب باستهزاء:استغفر الله! مافيه خصوصية ابد بهالديرة وهالبيت خاصة
-نزل مع الدرج وهو ينفض شعره بيدينه ورايح لبيتهم يحلق ويتضبط زين ومزون للحين تايهه بكلامه وتصرفاته وشاغل بالها سالفة الفازلين وتخاف انها ضرته وهو ساكت ويكابر ..تروشو العيال وبعدها انتشرو يحلقون واشغلو البنات هذا يقول اكوي وهذا يقول دوري عقالي واللي جاع من جديد وطبخو له شيء خفيف واللي يلمّع سيفه ويجهزه للعرضه واللي يطلب في ماسك واكيد كلنا نعرف انه مشعل ولد الرياض ومسكوه كلهم طقطقة وخلصو العيال بعد عناء وصراخ وتوتر وضحك ولحقو أبو متعب وأبو فلاح للخيمة بعد اذان العصر صلو جماعة في المسجد وراحو يستقبلون ويصبون والعود الازرق ما غاب دقيقه وأبو متعب عيونه تشع من الفخر لعياله اللي قامو بعرس فلاح قومة تبيض وجيههم وكأنهم قايمين لعرس متعب هذا حمد يصب القهوه والابتسامة مرتكزة في وجهه وهذا سعود يرحب ويبخّر وركان يدور بالتمر ويسأل عن الحال ومتعب واقف يرحب بالضيوف بصوته الفخم العالي......وفي العالم الآخر العالم الأنثوي اللطيف كانو البنات كلهم في غرفة سارة والهنوف طبعًا قد رفعو الطراحات ورتبو الغرفة وشالو البطانيات وفرشو لهم زولية حمراء شعبية بنص الغرفة وشمس العصر منتشره اشعتها من بين الغيوم في ارجاء الغرفة كلها والبنات جالسات وقدامهم مرآية طويله وحوالينهم توصيلة وأنواع الميكب والفرش والاستشوارات وقهوه وحلا ويسولفون ويتمكيجون ويضبطون شعور بعض-
ساره:اقول بدور وراتس على سعود من اليوم؟
هيا وهي تحط الايلاينر:يوههه ما انثحت تعلفين
ساره:اعلف ويش ؟نزلي الكحل من ثمتس واهرجي
هيا نزلت الايلاينر من فمها والريشه بيدها:اقول ما انصحتس تعرفين بس بكيفتس ترى هذرتهم تصدع
مزون: وسعود بعد!!! يوهههه ما اخس من بدور الا هو
عذبه:يضحكني سعود والله قولي تكفين
جازي ناظرت هنوف:سعود يحب ههههههههههههههههههههه
بدور:خلاصصصصص ياربيييي اقول عذبه ان دريتي ما بتضحكين صدقيني
عذبه:هو ليش!!قولي
بدور:عذاري شافت سعود
ساره:اي؟؟وش يزعل عذبه
بدور:خلوكم من عذبه انا زعلت؟؟؟
هيا:يويلي عنتس يا البزر وش مضيق صيدرتس الحين؟؟للحين ماقضينا من تطعيماتس ترى
بدور:اكرهكم كلكم وانتي خاصه المهم يوم شافته قالت هذا حمد؟وابشرك يا هيا ما زعلت لأنها ما تبي سعود اصلاً وانا ما اؤمن بالحب والخرابيط
هيا ضحكت: اي حب وهذا كبرتس؟ياحليلتس يا هالصغيرونه
عذبه كانت تنشف شعرها وهي مدنقه ورفعت راسها بسرعه:شقالت شقالت؟؟؟؟؟
هنوف:يوهههه عذبه مالقيتي الا بدور؟وعذاري بعدد!!! ترى حمد مايطيقها معليتس
ساره:اي والله مدري ليش مايدانيها بس عاد مايحبها يعني تطمني
هيا:اييييييييييي هالحين عرفت ليش عذبه بتزعل
مزون:الحين من جدكم عذبه بتزعل عشان ذي؟؟؟كلنا نحسدها على حمد المفروض تحطين يدينتس ورجلينتس وانتي بكبرتس بماء بارد وتتطمنين كلنا ننتظركم تعرسون مافيها نقاش حتى!
هيا:معليكم مابتزعل حمد ان جينا الديرة طار ولاقعد من فرحته بها بس خلوها- غضمت عشان تسوي عينها الثانيه-
عذبه:احط يديني ورجليني بماء بارد لان هذا اللي يطلعه قدامنا بس ماندري وش يسوي ورانا!!!-جلست تمشط شعرها بقوه-
ساره:شوي شوي على شعرتس طيب يحسر والله!
عذبه:سااااااره!!-نادتها بنفس نبرتها يوم تنادي حمد-
ساره: ياااوك يا لومك يا حمد لانادتك وذبت
-عذبه ضحكت وضحكو كلهم من بعدها وارتاحو انها ضحكت اصلاً لانهم توقعو انها بتقب فيهم من الغيرة بس من يقاوم ضحكة عذبه؟الديرة كلها ابتهجت من ضحكتها الناعمة العذبة مثلها-
ساره: اي اي اضحكي لاتزعلين
هيا:اقول امي وين؟؟انا خلصت بياذن المغرب وهم للحين تحت امشو نسحبهم ونمكيجهم معنا
الهنوف:ساره سويني اول تكفين
ساره: زين بصوت لأمي ترقى لنا وبجيتس
الجازي: انا بناديهم سويها
الهنوف:لالا اقعدي انا بناديهم
هيا:عشتوووو من متى وانتي ذربه؟
الجازي:ابي ساره تسوي لي مكياج زي الهنوف
هيا:اي والله اني داريه ولا انتي وين والذرابه وين
الهنوف بصوتها كلها من بداية الدرج:يمممممممممممماااااااههههههههه
زينه فزت:هنوف!!!! هذي يحنجرة بنت هذي؟ الديرة كلها سمعت حستس
الهنوف ابتسمت:اقول يمه يلا ارقي نجهزتس انتي وعمه حصه وعميمه وجده بعد يلااااااا تكفون استعجلو
-طلعو الأمهات وتمكيجو مع البنات والجده منيره معهم طبعًا غصبوها البنات تتمكيج رغم رفضها بأنه عيب لانها كبيرة سن وراح تلبس برقعها طول الليل فما يحتاج بس عيو الا انها تكشخ بعرس الحفيد الأول وجلسو يسولفون شلون مرت بهم الايام وخلفّو وصارو الحين يتمكيجون ويتضبطون لزواج الولد الأول بالعايلة! الفرحة كانت منتشرة بالمكان بشكل كبييييييييييير والسعادة مالية قلوب الكل لابنات ولاعيال ولاحصه خاصه اللي كل ما جو يكحلون عيونها صاحت من فرحتها في فلاح وبكرها وزينه تشاركها كل دمعة لاشعوريًا كأنهم اخوات ودلال كل ماشافتهم بكت معهم لأنها تحسهم اخواتها واكثر والبنات يطقطقون ويمزّحون عليهم وشوي يرقصون وشوي يضحكون واخيراً بعد ساعات.."أدري بتسألون عن رغد طبعًا رغد وداها فلاح للمشغل تتضبط هناك وبتجي بعدين معه برضو" بعد ساعات انجزو وخلصو وتبخرو وتعطرو والعوده كانت منتشره بينهم وتفوح فيهم وكل وحدة تقول الزين عندي ومثل ماهو معروف في الديرة ان بنات الطايل ملكات جمال وكلٍ يطمح ويطمع فيهم ،ساره كانت تاخذ العقل ونسخة امها في الجمال وهيا اللي طلعت صاروخ وباين عليها اخت المعرس  ومزون كانت طلتها جميييييلة مرررره ووراثه نعومة دلال و عذبه! اه ياعذبه كانت عذاب للكل حرفيًا جميلة جميلة جميلة ذات ملامح ناعمة وجذابه وحادة نوعًا ما وعذبه بنفس الوقت فعلاً اسم على مسمى كل من شافها ذكر الله لا شعوريًا وطلتها طلّت اخت معرس حقيقي! وعاد الثلاثي الصغير كانت فستانيهم ووجيهم تاخذ القلب قبل العقل ونافشه من تحت شوي-
حصه:يلا يا بنات الطقاقه وصلتتت امشو
زينه: اي يلا يلا
الجده منيره حطت عصاتها على الباب:محدٍ طالع لين تحلفون بالله انكم قارين اذكاركم كل ابوكم
ساره: والله اننا قرينها كلنا مع بعض بعد الصلاة شدعوه جده مانطلع لين نقراها
الجده منيره:كلٍ يدور الزين يا بنات الطايل وتبون الصدز؟
مزون: وووشو ياحلوة قلبي انتي وشوو
الجده منيره:اشكالكم عاجبتني زود -استحت-
هيا:ياويلللييي يااانننااااسسسسس والله انتس اطعم جدة معرس بالكون كله
دلال:يلا دوركم تسمون على امي اشوف
البنات بصوت واحد:بسم الله على جدتنا الحلوه بالرحمن الرحيم الله يخليتس لنا ياجده
حصه:يلاا يا خالتي افتحي الباب للطقاقه اكيد الحريم صارن كلهن هناك
الجده منيره بحماس: يلا يلا مشينا
-فتحت الباب وفعلاً كانو الطقاقات رافعين الدفوف ويغنون ويزفون اهل المعرس لاستراحة الحريم والبنات يصفقون ويشيلون الصوت مع الطقاقه ومحد لاحظ غياب عذبه اللي كانت تدور لخاتمها وبأثناء الحوسه دخل حمد البيت يجيب سيف ابوه ولمح عذبه بالصدفه ودااااااااخ مكانه من الجمال اللي شافه كانت عذبه آيه في الجمال بدون شيء لدرجة محد يقدر يتصورها فما بالكم لما كشخت! ، كان جمالها بصوب وريحة عطرها المنتشرة بصوب ثاني..قرر حمد يتنحنح عاد بالنهاية بنت عمه ولازم يصد-
عذبه:ياااااربي وين راح!!!!
حمد: يا ولدد
عذبه:يمه بسم الله الرحمن الرحيم!! من؟
حمد:انا انا كنت طالع اجيب سيف ابوي ولمحت زولتس عاد صدي اجيب سيف ابوي
عذبه انخشت ورا الباب وقالت بزعل: حمد! يا هلا بمدور الزين عند غيري
حمد:وشو؟؟الزين والله عندتس ولتس لحالتس
عذبه:ايه ايه صدقتك يا التسذوب
حمد:اقول شعندتس بالبيت للحين ؟من تهاوشين ووشهو اللي وين راح؟ وراتس ما رحتي مع اهلي للزفه!! والله ياصوت الطقاقه والردح لاخر الديرة
عذبه:كنت ادور على خاتمي ما تكمل كشختي الا فيه ومالقيته جلست ادوره شكلي مو حلو بدونه
حمد:شكلتس مو حلو؟؟؟ لو تلبسين السواد من الخمار المتين
‏ نواعسك مالنا عنها .. ملاذ و مفر
‏ ياقبلة الله على ذاك الهدب و الجبين
‏ والمبسم اللي ثعى بالمسلمين و كفر
عذبه:حممممد لاتحرجني وانا زعلانة ترى بضيع!
حمد:روح حممد وقلبه اههخ هاتس هاتس خاتمي اللي اغليه بالحيل لكن مب كثرتس المهم مايتكدر خاطرتس ولا تزعلين اكشخي به ومتأكد انه يزهاتس
عذبه:حمد تكفى طلبتك لاتكتب في غيري ولاتحب غيري بعد
حمد اشر على خشمه:على هَذا يا ام شيهانه مير اخذي الخاتم والحقيهم العرس بدأ يلا
عذبه مدت يدها من ورا الباب واخذت خاتم حمد وجلست تتأمله بحب وتناظره بأصبعها:حمد
حمد: لبييييييه ياعذبتي
عذبه وهي تناظر خاتمه بيدها:تحب عذاري اكثر مني؟
حمد فهم السالفه ووش هي زعلانة منه وضحك بصوته كله ضحكةٍ اخذت قلب عذبه:اثاريها هي اللي مزعلتس؟؟وانا احسبه الخاتم من اليوم
عذبه:يعني تعرفها؟؟؟
حمد حب يلعب باعصابها شوي:بنت جيراننا ودايم عندنا شلون ما اعرفها؟ واعرف فوز بعد ووضحى واختها
عذبه:حمممممممممد
حمد داخ مره ثانيه:خلاص خلاص والله اني حيوان
عذبه لبست برقعها وعباتها وطلعت:وخر بروح العرس
حمد:عذبتي ومعذبة قلبي ناظريني بس قبل تروحين
عذبه وهي نازله من الدرج:لاتكلمني لو اموت بعد لاتعزي اهلي فيني انقلع
حمد: بل بل بل بل وش هالزعللل كله! بسم الله عليتس ! عذبه
عذبه التفت وعليها برقعها وعباتها على راسها:خير؟؟
حمد: عذووب! لاتناظريني بهالزعل بس ناظري الخاتم اللي ماطلع من يدي الا ليدتس واعتبريه مؤقت ووعد لين اللبستس الذهب وتصيرين حلالي عقبه احبتس و والله اني مادريت عن غيرتس في حضرتس وغيابتس تراتس جارتني من اقصاي لأدناي انا ما اشوف الدنيا الا بتس! لايضيق صدرتس الليلة عرس اخوتس
-عذبه لمعت عيونها حب وخجل وضاااااااااعت وتلاشى زعلها كللللللله ولا كان منها الا انها تهرب لان السحا كان اقوى ومافيه شيء ينرد على حنية حمد وحبه ، ضمّت الخاتم على صدرها وركضت للاستراحة ومقر الحريم والوناسة شاقه وجهها و حمد اخذ سيف ابوه وراح للخيمة وهو فوق الدنيا والسماء كلها من بعد شوفة المحبوب! ..بدو العيال يعرضون وبدأ الطرب ومراسم الزواج فعلاً والبنات في الاستراحة كانو ماسكين المباخر عند الباب ويبخرون الحريم ويصبون ويرحبون والتباريك تهل عليهم من كل صوب والكل ميت ومنبهر على جمال بنات الطايل وهم من اول ماتخطو جمال دلال وزينه اللي كانو من بنات الطايل اساسًا وخلفّو وجابو نسخة اجمل وافضل منهم!!! فالكل ماكان منهم الا التأمل وذكر الله-
-عند العيال-
متعب: يا مرحححبا ومسهلا ارحببو ارححبببو
حمد عند الفرقه:هات العرضه يا ولدد
-من اساسيات العروس في نجد العرضه النجدية المعروفة فكانت خير ما يبدأ به العرس-
حمد ناول ابوه السيف وهو سيفه معه وبدو يعرضون على انغام العرضه اللي تقول:
نجد شامت لأبو تركي وأخذها شيخنا
واخمرت عشاقها عقب لطم خشومها
لا بكت نجد العذية تهل دموعنا
بالهنادي قاصرين شوارب قومها
حنا هل العادات مخضبين سيفنا
والطيور الحامية جادعين لحومها
صعبة أفعالنا لابغاها غيرنا
وكلمة التوحيد حنا عمار رسومها
حنا هل العوجا نها الملاقى عيدنا
والجزيرة كلها مدبين قرومها
تركي:عااااش ابو متعب عااااش
متعب دخل الساحه وقام يعرض قدام ابوه وحمد ويجر صوته مع الفرقه يوم قالو:حنننااا هل العوجججا نهااا الملاقى عييييدنا
سعود دخل معهم وجر صوته بالشطر الثاني:والجزيييييرة كلها مدبين قروممممممها
-ابو متعب وهو بينهم يعرض والابتسامة شاقة وجهه ومفتخر بعياله حوالينه والعيال التفتو لعمهم وناولوه سيف وخلوه يعرض مع ابوهم وفلاح بينهم بالبشت مرتز ويعرض ومبسوووط والحال نفسه عند البنات اللي كانت الطقاقه تغني وهي جالسة بالارض حوالين العمود وتقول:
ياام العريس تهنيتي
على عرس الغالي ماونيتي
وبيوت العز بنيتي
عاشوووو عاشووو
"انتهى💕"