چێژ ببینن
Andre~
"ماندووبوونی خۆت ئەتگەیەنێت بە خانوویەکی بچووک نەوەک ئەم کۆشکە...
سەیرکە ئەو کۆشکە گەورەیە زیاد لە پێویست شتێ تێدایە ئەو ئەستێرانە لێتەوە نزیکن و ئەبن بە تاجی سەرت خوارەوەشت خانووی ئەو خەڵکەو دەریا.......
هەموو ئەمانە بۆ تۆیە ئەندرێ"
بەرە بەرە لێم هاتە پێشەوە و کۆتا وشەکانی ڕێک لە پێشم وت بە جۆرێک کە هەستم بە گەرمی هەناسەی ئەکرد لەسەر پێستە ساردەکەم.
جۆنگکووک شێوازێکی سەیری هەبوو، هەرگیز بەو جۆرە نەمبینیبوو وە لێی تێناگەشتم،. یان ڕوونتر بیڵێم هەرگیز هەستم بەم شێوازی سەیرکردنەی نەکردووە وە ئێستاش ئەمەوێ خۆم گێل بکەم.
دەستی بەرزکردەوە و ڕووخسارمی لە باوەش گرت، چاوەکانی لەسەر چاوەکانم قفڵ ببوون.
ئیتر چاوەکانی هەموو شتێکیان پێ ئەوتم پێویستی بەوە ناکرد بپرسم و ئەو یەک وشەش بڵێت چوونکە هەموو شتێکم بۆ دەرکەوت.
"ب...بۆ...م...منن؟!!!"
دەنگم ئەلەرزی وە هەستم بە کۆبوونەوەی فرمێسکەکانم ئەکرد لە چاوەکانم و جۆنگکووکم بە ڕوونی نەئەبینی.
"بەڵێ بۆ تۆ.... خۆشم ئەوێی ئەندرێ، لە پێناوت هەموو شتێک ئەکەم"
ئەو زۆر بە هەست و سۆزەوە وتی کە وای لە دڵم کرد بلەرزێ، بە شڵەژاوی و هەنگاوی بچووک بەرەو دواوە ئەڕۆشتم دڵم وەک دڵی چۆلەکەیەکی ترساو خێرا لێی ئەدا.
لە چاوەکانی ئەو هەستم بە سۆز ئەکرد بەرامبەر بە خۆم، ئەو سەیرکردنانە هەرگیز وەک هاوڕێیەک نییە.. ئەو هەستی بۆ من هەیە، ئەو وشانەی ئەو هەرگیز بۆ هاوڕێیەک نەبووە و بۆ دەربڕینی هاوڕێیەتی نەبووە، لە پڕ هەستم بەمانە کرد و لە ماوەی چەند چرکەیەکی کەم وەک بروسکە هاتن بە مێشکمدا.
لێی دوور کەوتمەوە و دەستی لەسەر ڕوومەتم لادا و فرمێسکە قەتیس بووەکانی چاوم کەوتن بە دەنگێکی لەرزیو و ترسەوە وتم.
"وا هەست ئەکەم تۆ بە باشی لە من تێنەگەشتووی... تکایە وا باشترە جارێکی تر یەک نەبینین"
لەگەڵ قسەکانم ئاسەوارەکانی تووڕەیی لە جۆنگکووک بەدی ئەکران و برۆکانی هێنابووەوە یەک و بە تێنەگەشتنەوە سەیری ئەکردم.
بەڵام نەمویست یەک چرکەی تریش لەوێ بووەستم و گوێم لێی بێت ڕووم سوڕان بۆ ئەوەی بە خێرایی لەوێ بڕۆم.
YOU ARE READING
دـوو شــەیـتــانەکــە✓
Action"خراپەکارەکان لە دایک نابن، بەڵکو دروست دەکرێن" ⚠️هەندێک بەش ناوەڕۆکی ناخهەژێن لەخۆئەگرێت تۆ سەرپشکی لە خوێندنەوەی یان نەخوێندنەوەی⚠️
