سباق المشاعر

الثالث........توبة جيهان

عاد اكمل الى منزله وهو مبتسم ...لكنه تذكر ما فعله ابواه وعاد لوجهه الضيق .
دخل اكمل وجد اخته تقى واولادها رنا ويوسف يلعبون لكن بدون زوجها .
تقى بفرحة : اكمل الف مبرووك ..
اكمل بضيق : طيب .
تقى استغربت : ايه طيب دى تعالى هنا واخذته وذهبت الى شرفة الصالة .
تقى ،واقفة امامه : ايه ياعم مالك مش فرحان ولا ايه .!
اكمل بضيق : تقى انتى عارفة انى مش بحب سوزان ليه يضغطوا عليه كدة .
تقى : يعنى انت مش موافق امال بابا وماما عملوا كدة ازاى .!
اكمل بضيق شديد : مجرد انى قلت لماما هافكر اعتبرتها موافقة والباقى انتى عرفتيه .
تقى : ياخبر طب هاتعمل ايه !
اكمل وضع يده فى جيبه وقال : العمل عمل ربنا بقة .
تقى بحزن : اوعى يااكمل تتجوز واحدة مبتحبهاش اوعى .
اكمل مسك يدها وقال : مالك ياتقى ! انتى ليكى فترة مش كويسة وكلنا حاسين بكدة .
تقى بحزن حاولت تداريه : لا ابدا مفيش حاجة انا كويسة .
اكمل : ادهم مزعلك فى حاجة صارحينى .
تقى : اطمن مفيش حاجة انا هاروح دلواتى سلام ...

اكمل ظل واقفا يفكر فى صاحبة تلك النظرة وابتسم وقال : اللى بقدمه مابيعجبهاش واسمها حلو ، دنيا .
وصعد اكمل لغرفته وبدل ملابسه واتصل على احد اصدقاءه .
اكمل : اهلا يا دكتور اخبارك .
سليم صديقه : انت فين يابنى بعد المحاضرة الاخيرة وانت مختفى .
اكمل : اسمع ياسليم عايز منك خدمة .
سليم : اؤمر .
اكمل : عايز اعمل عدة محاضرات عندكم وفى نفس الميعاد اللى فات ومش عايز مقابل ..
سليم : بسيطة بس اعرف ايه السبب .
اكمل : من غير سبب يااخى دة حاجة كدة وخلاص .
سليم ابتسم : تمام .بسيطة تقدر تيجى فى نفس اليوم وفى نفس الميعاد .
اكمل : ممتاز وليك عندى خدمة انت كمان .
سليم : ماشى اتفقنا ...واغلق الخط .
مر اليوم على خير واتى الصباح ..

دنيا فى منزلها كانت تستعد لتذهب للكلية ..
خرجت وتركت ابويها نائمين ...ركبت سيارتها وانطلقت للكلية . ركنت سيارتها ودخلت للكلية .
امانى : اتاخرتى ليه يادنيا انهاردة .!
دنيا : الطريق كان زحمة .
وعد : طب يالا تعالى ندخل للمحاضرة الدكتور سليم دة رخم مش هيدخلنا بعده .
وذهبت البنات ودخلت ...وكانت القاعة مليئة بالطلبة
وعد : يانهار ابيض دا مفيش مكان خالص هنفضل وافقين كدة .
دنيا : مش مهم هانعمل ايه يعنى .
امانى : رجلينا هتوجعنا امرنا لله . بس عشان مادة الشريعة صعبة ولازم نحضرها
دخل الدكتور سليم وكان شاب وسيم وانيق وله هيبته يرتدى بدلة انيقة ..نظر للمدرج وجده ملئ جدا وهناك بعض الفتايات تقف بجانب الباب .
الدكتور سليم : مفيش مكان خالص تاخدوا زمايلكوا الواقفين .

وعد : مش مشكلة يادكتور اتفضل حضرتك .
نظر لها وجدها فتاة جميلة وانيقة وقال : من فضلكوا وسعوا شويه لبعض وخدوا زميلكوا جنبكوا ..
بعض الفتايات فى البنش الاول وسعن وذهبت دنيا وامانى لتجلس لكن ظلت وعد واقفة .
الدكتور سليم ، نظر وجد ان هناك كرسيان ...فاشر لوعد ان تأتى وتأخذ واحد .
وعد .بخجل شديد : شكرا يادكتور واخذته وجلست بجوار امانى ودنيا .
الدكتور سليم بدأ يشرح وكل فترة ينظر للبنات .
انتهت محاضرته وترك القاعة وذهب وخرج اكثر من نصف الطلاب ،
وعد : اول مرة اشوف الدكتور سليم جنتل قوى انهاردة .
امانى : بس يابنتى انتى بتقولى ايه .
دنيا : الف شكر ليه بجد كنا هنفضل وافقين ساعتين كاملين ..
وعد هى تنظر لهاتفها : بصوا يابنات دة فى محاضرة فى نفس المعاد لاكمل الشيشتاوى هنا فى الكلية مكتوب على جروب الكلية
امانى : والله ده عسل قوى وطول بعرض كدة ولا نجوم السينما .
دنيا قاطعتها : امانى احنا قلنا ايه بلاش كدة ونغض بصرنا صح !.
امانى ،صح .
دنيا : لكن جاى يعمل ايه تانى مش قال اللى عاوزه وخلاص المحاضرة اللى فاتت .
وعد : مش المفروض يابنات نشكر الدكتور سليم على اللى عمله معانا .
امانى : ليه يعنى .!
دنيا: المفروض نشكره طبعا دة بيحصل قليل معانا ان دكتور يخاف على تعبنا كدة انتى صح ياوعودة
وعد : طب يالا بينا قبل ما يمشى نشكره ...
وذهبت الفتيات الى مكتب الدكتور سليم ..
وطرقت الباب دنيا .
سليم : اتفضل .