قضى اكمل له اخر يوم مع دنيا فى شرم واخذها هى ومعاذ الى بيت الثلوج ولعبوا كثيرا هناك وكل شوية واحد يتزحلق ويقع والباقى يضحك قضوا وقت لطيف ودنيا تجذب معاذ وتوقعه واكمل يحملها ويقعوا مع بعض ومعاذ يضحك عليهم .
انتهوا وعادوا للفندق .
اكمل للجميع : بابا واستاذ احمد يالا بينا على القرية بتاعتنا نشوفهم وصلوا لفين .
وافقوا وذهبوا وقابلهم كبير مهندسين المشروع وتفقدوا المبانى وبعض الوحدات وعرفهم ماذا فعل بالمبانى المخالفة .
صبرى فرحان بالتقدم اللى حصل فى المشروع وفعلا اكمل كان عنده حق ان يتولى هو المشروع .
احمد مذهول : ماشاء الله القرية تحفة دى هتبقى احسن قرية هنا و منظر المبانى بين المناظر الطبيعية والمية شكلها تحفة يااكمل.
اكمل : ايوة الشركة الاماراتية هى اللى عملت المناظر الطبيعية دى مكانتش فى التصميم الاساسى والبحيرات الصغيرة دى مكانتش بالتفاصيل دى حتى حمامات السباحة بردة اتغيرت .
احمد : وهتخلص بعد قد ايه !
أكمل : سنة ان شاء الله وتكون جاهزة او اكتر شوية الحقيقة شركة بالباشمهندس توفيق ماشية زى الساعة انا مطمن .
صبرى : ربنا يباركلكوا فيها ياابنى .أكمل رد : يباركلنا كلنا يابابا دى بتاعتنا كلنا .وحضرتك كنت الاساس هنا .
صبرى : كل حاجة بتعاتك ياابنى سواء دلوقتى او بعدين .
احمد : ربنا يديك الصحة ياسيادة المستشار . وعادوا للفندق والجميع حضروا اغراضهم للعودة لمصر ،،،عادوا بنفس الطريقة اللى حضروا بيها فى سيارة المستشار واكمل صمم ان معاذ يركب معاهم حتى لا تتوتر دنيا من الطريق وتنسى ما حدث ويضحك معهم طول الطريق رغم اعتراض معاذ المتذمر .
معاذ : هو انا شنطة تحطونى فى اى مكان .!
اكمل : داانت الخير والبركة ياموزو
دنيا : ياحبيبى انت فاكهة العيلة دى . أكمل ضربها على راسها بخفة وقالها ،،مين حبيبك دة يابنت !
معاذ يمازحهم : اهو الغيرة اشتغلت اهى ماكنت قاعد مع امى وابويا .
اكمل ضحك هو ودنيا وتوقف أكمل فى الطريق ونزل واشترى لهم حلوى كثيرة وبيسى واشترى لمعاذ اندومى كورى من الاصلى اكثر من توع . خرج واعطاهم كل واحد كيسه .
معاذ بص فى الكيس وفرح بشدة وقال : حبيبى ياابيه والله انت راجل محترم .
أكمل ضحك وقال : عشان الاندومى ويخونك الكريب ياموزو .
دنيا : اه ماانتوا كنتوا متفقين عليا انتوا الاتنين .
معاذ : مش دة كان سر بينا باين ولا انا متهيالى .!
اكمل ضحك وقال : مجبر اخاك لا بطل اضطريت افشى السر مكانتش راضية تصالحنى ياعم اعمل ايه بقة .
معاذ : معلش سرك معاك ياابيه ما قولتلك دول ستات عقلهم صغير خودها بالراحة .
نلتفت له دنيا ونظرت له دنيا وقالت : ياواد ياخبرة انت .
اكمل ضحك وقال : انت حبيبى ياموزو قلى بس لما تبقى عايز تاكل كريب ونروح احنا التلاتة ناكل مع بعض . دنيا نظرت لاكمل بحب لانه يعامل معاذ كاخيه الصغير تماما . نظر لها اكمل من تحت النظارة ومسك ايدها . طول الطريق يضحكون ويتكلمون وصلوا معاذ للبيت ووصلوا الاستاذ احمد ونسرين وسلموا عليهم ثم عادوا الى الفيلا . أكمل لاحظ ان دنيا صامتة .
اكمل لدنيا : مالك يادودو !
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
