سباق المشاعر

الثالث والثلاثون...الطير المحبوس

بعدما اعترف اكمل لدنيا بحبه وانه يريد ان يتزوجها ظلت دنيا تبكى لا تعرف هل تفرح ام تحزن على قلبها الذى احبه من وقت طويل وسالت نفسها ،،،،ولما هو بيحبنى ليه خطب ! وليه استمر بالخطوبة دى ! وليه كانت غصب عنه ! وقفت دنيا وقالت ،،،ازاى اكمل يخطب غصب عنه ..!
فى ذلك الوقت كان احمد يقف خارج باب غرفة دنيا يسمعها وهى تبكى .ونسرين تقف خلفه قلقة على بنتها وتحاول ان تدخل لها لكن احمد منعها وقال ،،،انا اللى هادخلها لازم اتكلم معاها ،
نسرين قلقة على بنتها : انا اللى هادخلها يااحمد .
احمد بهدوء : معلش يانسرين سيبينى انا الاول افهمها كل حاجة الاول دنيا مش هتقتنع بسهولة .
نسرين : ماشى عندك حق .
بالفعل احمد طرق الباب .

دنيا استغربت الوقتةمبكر جدا وقالت : مين !
احمد : انا يادنيا ممكن ادخل !

دنيا مسحت دموعها وردت : ادخل يابابا .
دخل احمد وابتسم لها وقال : صباح الفل .
دنيا : صباح الخير انت ليه صاحى بدرى كدة !

احمد ابتسم لها ورد : اصل جالى تليفون وصحانى من الفجر .
دنيا نظرت للاسفل ولم ترد .

احمد جلس بجوارها عالسرير :
انا عارف يا دنيا ان فى أسئلة كتير عايزة تعرفيها وقلت تعرفيها منى انا احسن .

دنيا قلبها وجعها : لأ مش عايزة اعرف حاجة يابابا .
احمد ابتسم : مش عايزة تعرفى ان اكمل طلبك للجواز منى ومن فترة كبيرة كمان .
دنيا دمعت عيونها ولم ترد .

احمد بمنتهى الهدوء وحب يفهمها كل حاجة قال :
اكمل اعترفلى انه بيحبك يا دنيا وعايزك تبقى مراته ومفيش غيرك فى قلبه لكن كان فى ظروف تجبره انه يخطب بنت عمته فى الاول ، ابوه وامه خطبوله بنت عمته غصب عنه عشان ابوه كان عامل عملية فى القلب وماينفعش عليه اى زعل فحب يريح ابوه شوية لحد ما يبقى كويس ، دنيا تنظر له مش مصدقة ، احمد كمل كلام .
هو مش عاوزها بيعتبرها زى اخته وبيعاملها كدة ابوه وابوها شركا مع بعض فى مشروع وبعدين عرف ان ابوها مورط ابوه المستشار و بيهدده انه يفضحه ويسجنه لو فسخ الخطوبة لوساب بنت عمته اضطر يكمل فى الخطوبة لحد مالقا مخرج يبعد ابوه عن اى فضيحة وبالصدفة عرف ان جوز عمته وواحد كمان اسمه محمود الشهاوى بيستغلوا القرية السياحية واسم ابوه ويتاجروا فى المخدرات والاثار . فبلغ البوليس واتفق معاهم ان يكمل الخطوبة لحد ما يقبضوا عليهم وامبارح بس اتقبض عليهم متلبسين .

دنيا بذهول : ايه الفيلم دة كله يابابا . !
احمد : دى الحقيقة كلها باختصار واكمل كان ممكن انه يفركش الخطوبة ويخطبك انتى بس الحقيقة خاف عليكى حد منهم ياذيكى حب يبعدك عن الموضوع كله .

دنيا دمعت عيونها وردت بحزن : كان ممكن يقولى وانا اختار .

احمد ابتسم وقالها :
مقالكيش عشان اكمل راجل ، وعدنى انه عمره ما يتجاوز معاكى ولو بكلمة وهو نفذ وعده معايا انك متعرفيش اى حاجة عشان تتعاملوا مع بعض عادى جدا ودة اللى حصل كله ، وعشان حمايته هو فى الاول لان اللى ضربه بالعربية الحادثة كان راجل من رجالة محمود دة و النقيب فارس خطيب جيهان اتفق معاه ان يكمل فى الخطوبة عشان يحميه من غدر جوز عمته ومحمود يعنى هو حياته كانت فى خطر ولو خطبك ساعتها كنتى انتى كمان هتبقى فى خطر فاهمة الضغط اللى كان فيه اكمل محدش يتحمله ابدا بس هو الحقيقة طلع راجل يعتمد عليه وحافظ عليكى وعلى وعده معايا انتى عرفتى كل حاجة يادنيا والقرار ليكى انتى لوحدك انا طول عمرى سايبك تقررى بنفسك ومش هاتدخل كمان المرة دى ، دى حياتك وانت حرة فيها . انا عليا النصيحة اكمل راجل وشاريكى فكرى كويس .