سباق المشاعر

الثامن والخمسون ،،،،،،ام ابنى

عاد سليم الى بيته فى القاهرة دخل وجلس مباشرة على كرسى الصالون . خرجت وعد من غرفتها وجلست بجوار سليم .
وعد مسكت يده وقالت  : سليم انت كويس !
سليم  : اه ياوعد الحمد لله بخير .

وعد  : لما كلمتنى فى التليفون كان صوتك تعبان قوى مش الموضوع خلص وخلاص .
سليم بقلق  : المفروض انه خلص لكن بنت الكلب دى ماتضمنيهاش .
وعد  : ماتقلقش ان شاء الله كله هيبقى تمام ربنا عمره ما هيعملنا حاجة وحشة وربنا يبعدها عنا بشرها وحقدها وغلها .
سليم  : اميين وانتى ياحبيبى عاملة ايه !
وعد ابتسمت  : بخير الحمد لله .
سليم اخذها لتجلس على رجله ووعد حضنته ووضعت راسها على كتفه وقالت ،،،ماتقلقش ياحبيبى .

سليم ابتسم رغم كل ما مر به وقال  : تصدقى بالله  ان الى مخفف عليا دة كله هو حبيبى دى .
وعد قبلته من خده وقالت  : اه حبيبى وقلبى كمان .

سليم  : بجد مش عارف لولا وجودك جنبى كنت عملت ايه ! كان زمانى جرالى حاجة والله .
وعد  : بعد الشر عنك ياسليم انا وحبيبى الصغنن نعمل ايه من غيرك ماتفكرش كتير مش خدت حقك وخلاص سيبها بقة على الله 

سليم  : انتى عارفة لو كانت عايزة فلوس عشان رفيدة مثلا اقسم بالله كنت هاديها اللى هى عايزاه لكن تهددنى انها تفضحنى كدة من غير سبب لا .

وعد  : معلش غبية وتستاهل اللى يجرالها واحدة غيرها كانت عيطتت واعتذرت الف مرة واتمسكنت لحد ماترجع لجوزها لكن سبحان الله عشان جواها غل وحقد كبير ربنا حب يخلص باسم منها بس تصدق ان رفيدة هى الى صعبانة عليا قوى ملهاش ذنب فى اى حاجة .
سليم  : باسم مصمم ياخدها منها .
وعد  : لا ياسليم البنت صغيرة حرام تتحرم من امها وهى عايشة .وبعدين هو هيراعيها ازاى ماما الحجة كبيرة ماتقدرش على بنت صغيرة زى دى .
سليم  : باسم عايز يتجوز وياخد بنته يربيها .
وعد  : يانهار وهى نرمين هتخليه يتهنى دى حقودة عمرها ما هتسيبه يتهنى يوم واحد .
سليم  : ابويا قاله اهدى شوية لحد الدنيا ما تهدى .

،،،،،،،،،،،،،،،،،،،،،،،،،،،،،،،،،،،،

فى مكان اخر . فى القرية .

ام نرمين قاعدة فى الصالة ومعاها رفيدة بنت نرمين .وابوها قاعد معاها كله غضب ويود ان يقتل نرمين التى تفضحه كل يوم بتصرف شكل . قام وهو غضبان .فتح باب غرفة نرمين بغضب
نرمين خافت واستخبت فى حضن اختها وهى اساسا تعبانة من كتر الضرب وشها وارم وشفتها وارمة .
ابوها قال بمنتهى الغضب  : عارفة لو عملتى حاجة تانى يانرمين اقسم بالله لارميكى لاى راجل يتجوزك ان شالله زبال وهاخليكى مذلولة طول عمرك زى مابهدلتينا على اخر الزمن بين الاقسام ،
عارفة مش هتردد لحظة انى ارميكى لاى راجل تعيشى عنده خدامة بلقمتك عشان انتى ماتستهلييش انا كنت هابوس على رجل باسم عشان يرجعك لكن خلاص ياحلوة بعد اللى عملتيه لايمكن يفكر يرجعك تانى لا وكمان عرف انك حاطة اخوه فى دماغك ومش عايزة تسيبيه فى حاله ومفيش راجل فى الدنيا هيفكر فى واحدة بتفكر فى اذية اخوه قطعتى حبل الود اللى كان ممكن يرجعك لباسم بايدك ،
انا مش هاستنى لما تفضحينى انا على اخر الزمن .اياكى الاقى واحدة فيكوا ماسكة تليفون فى اى يوم من الايام ولا بتعملوا حاجة من ورايا هاخلص عليكوا انتوا الاتنين وقال لنرمين ،،،تقعدى هنا زى الكلب اياكى تعتبى ناحية الباب حتى ولاتفكرى تخرجى منه اقسم بالله لو خرجتى ماانتى داخلاه تانى وروحى شوفيلك حته تاويكى وزعق فيها ،،،سامعة يابت !
نرمين تبكى بخوف ومستخبية فى حضن اختها . ابوها رزع الباب وخرج .