كان اكمل فى الطريق وكل فترة يقف لترتاح السيارة وينظر لدنيا لكنها مرتبكة وتنظر للاسفل .
اكمل نظر لها وقال : بقيتى كويسة !
دنيا : ايوة شكرا لحضرتك .
اكمل : شكرا على ايه بالظبط .!
دنيا بخجل :
على كل حاجة انى ماحستش انهاردة انى لوحدى فى بلد غريبة وكنت مش عارفة اعمل ايه وشكرا لما لحقتنى يوم كتب كتاب وعد وشكرا انك صلحت عربيتى ومرضتش تاخد جنيه واحد من بابا شكرا على كل حاجة . ونظرت للاسفل تفرك يدها
اكمل ابتسم ونظر لها وقال :
اشكرى ربنا هو اللى بيحطنى قدامك كل مرة لحكمة عنده .
دنيا بخجل : الحمد لله ان حضرتك بتبقى موجود كل مرة بتحصلى حاجة .
اكمل بحب لدنيا :
عشان ربنا بيحبنا احنا الاتنين ثم صمت قليلا وقال بهدوء ،،،بس انا مضايق منك ازاى تاخدى قرار انك ترجعى لوحدك كدة للقاهرة يادنيا .
دنيا : عشان ماكنتش طايقة اى مكان فيه محمد ابن خالتى .
اكمل بغضب : ماتفكرنيش بابن خالتك دة تانى . لاحسن ارجع واكمل فيه ضرب .
دنيا : بس حضرتك ضربته جامد قوى ليه كدة !
اكمل يضم حواجبه تعبيرا عن استاءه :
انتى ماسمعتيش لما قال دى خطيبتى داانا كنت عايز اقتله مش اضربه بس .
دنيا : ليه دة كله ! ولا حضرتك عصبى على طول كدة يعنى بتضرب على طول من غير تفاهم .!
اكمل ضحك ورد : وانتى خايفة منى انى بضرب على طول .!
دنيا : لأ مش الفكرة بس حضرتك ضربت اسلام قدامى وبعدين انهاردة الدكتور محمد ويوم الحادثة كنت بتضرب نار هو حضرتك معاك سلاح !
أكمل ضحك : اه معايا بس ما بيطلعش الا لما يبقى فيه خطر ، وبعدين قال وهو ينظر اليها بخبث ،،،الحوادث دى فى رابط مشترك ما بينهم .
دنيا تحفزت للجملة ردت بسرعى :
حضرتك قصدك انا الرابط دة !
اكمل ضحك : انا جعان طلعلنا يالا ساندوتشات ناكلها .
دنيا تنظر له كانت تنتظر اجابته : انا مش عايزة اكل .
اكمل طلع من الاكياس ساندويتش له وواحد اخر لدنيا وقال ،،،دى ساندوتشات جبن جاهزة عشان الطريق مش بحب اتقل فى الاكل وانا سايق يلا كلى واعطاها واحد غصب عنها .
دنيا تاكل وفجاة دمعت عيناها . لاحظها اكمل وقال بحب وقلق : طب بتعيطى ليه يادنيا انتى معايا دلوقتى .!
دنيا وهى تبكى : عشان حضرتك حنين زى بابا بالظبط .
اكمل ابتسم فحب يغير مودها فقال ،،،كويس انك بتعترفى انى حنين ، من شوية كنتى بتقولى عليا عصبى وبضرب على طول .
دنيا ابتسمت : ،ميكس غريب قوى .
اكمل ضحك وفتح زجاجة مياه واعطاها لها واخذ هو بيبسى .
دنيا : بجد شكرا ان حضرتك موجود .
اكمل ابتسم وقال : شكرا ليكى انتى انك موجودة .
دنيا خجلت كثيرا جدا .
انطلق اكمل الى الطريق وقال : انا هاسافر لهولندا بعد يومين ممكن اشوفك قبل ما اسافر !!!
دنيا بذهول : مسافر ليه !
اكمل ابتسم على قلقها : عندى هناك قضية وهاخد هناك اسبوعين تلاته او شهر .
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
