دنيا استيقظت لصلاة الفجر لحالها ولم يتصل بها اكمل قلقت وربما هو نائم قامت وصلت وانتهت واستلقت على السرير تنظر فى الهاتف ربما رن عليها وهى نائمة لكن لا لم يتصل رنت على اكمل حتى تطمئن عليه رن كثيرا فقالت ربما هو نائم بالفعل . تركت هاتفها واستلقت لكن انشغلت باكمل ربما يكون عنده جلسة ما صباحية رنت مرة اخرى . رد اكمل بنعاس ظاهر فى صوته ..
دنيا : انت نايم انا اسفة كمل نوم وهمت ان تغلق الهاتف لكن اكمل رد ،،استنى هنا هو الفجر اذن !
دنيا : ايوة .
اكمل : طب هاصلى واكلمك ولا هتنامى !
دنيا : لا انا صاحية .وقام أكمل ودخل الحمام وخرج بعد فترة يسرح شعره المبلول وصلى السنة ثم الصبح و قام واتصل على دنيا .
ردت دنيا وقالت : صباح الخير .
اكمل : صباح الفل كويس انك صحتينى كنت هافضل نايم .
دنيا : ماانا قلقت عليك وخفت ليكون عندك جلسة ولا حاجة .
اكمل : يسلم حبيبى اللى قلقان عليا انا مش عارف المنبه رن ولا ايه اناماسمعتوش خالص .
دنيا : ازاى ابقى على الصوت شوية . هتلاقيك كنت مرهق .
اكمل ضحك : كنت باحلم بيكى .
دنيا : وحلمت بايه بقة .!
اكمل ابتسم وقال : حلمت انك فى البيت هنا واقفة قدام هدومى بترتبيها ثم صمت ،،،
دنيا : ها وبعدين .!
اكمل ضحك وقال : بعدين ابقى اقولك ها ذاكرتى كويس .!
دنيا : اه ذاكرت لحد ١٢ بالليل وبعدين نمت .
اكمل : كويس قوى .
دنيا : كويس ازاى وليه بقة !
اكمل : عشان ما يبقاش فى حجة لما اقولهم انى عايز اتجوزك بعد الامتحانات .
دنيا : ماتستنى السنة الجاية يااكمل .
اكمل : لا استنى ايه ، دى سنة بحالها يادنيا اقضيها وانتى بعيدة عنى ازاى دة داانا بحلم بيكى من دلوقتى .
دنيا خجلت وقالت : بس بابا وماما .
اكمل : خلى بابا وماما عليا المهم انتى ياقلبى مش عايزة نتجوز السنة دى عندك استعداد تستحملى للسنة الجاية .!
دنيا : مافى ناس كتير بيقعدوا سنة وسنتين .
أكمل :"ظروفهم كدة مضطرين يستحملوا لكن الحمد لله ظروفنا احسن انتى بجد يادنيا عايزة شقة لوحدك عايزة تعيشى لوحدك .!
دنيا : يعنى دة المفروض وانت عايز ايه !
اكمل : ياحبيبتى الفيلا كلها هتبقى بتاعتك انتى ، ليه نسيبها ونروح لمكان تانى .!
دنيا سكتت قليلا وشردت فى امر ما .
اكمل : روحتى فين ! اشركينى معاكى فى افكارك .
دنيا : بفكر بعدين لما نتخانق كل الناس فى الفيلا هيسماعونا وكدة ويعرفوا احنا بنتخانق ليه . ويمكن تزعل وتمشى وتسيبلى الفيلا واقعد انا لوحدى فيها قدامهم كدة مزعلة جوزى
وسابلى الدنيا ومشى ،
أكمل ضحك بشدة حتى سعل وقال ::
عادى لما متخانق وايه يعنى وبعدين الناس مالهم ومالنا كل واحد فى حاله وبعدين فكرة انى امشى واسيبلك الفيلا دى صعب شوية لانى مهما نتخانق هارجع واصالحك تمام طمنى قلبك من الناحية دى .
أنت تقرأ
سباق المشاعر
Любовные романыاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
