سباق المشاعر

السابع عشر .....الزيارة

انتهت دنيا من الامتحانات وظلت فى البيت لعدة ايام حتى تستجمع قواها .كانت من حين لاخر تفتح على صفحة أكمل لتعرف اى أخبار  حتى لقت بوست لسة منزله  حالا ابتسمت وتحمست تقراه  بيقول فيه :

انا بخير للناس اللى عايزة تطمن عليا بقولهم متقلقوش  عليا .

شعرت دنيا ان هذا البوست لها وحدها وكانه ارسله لها هى بالذات هى فرحت على العموم  .
دنيا تحدثت مع نفسها :
ربنا يصلح حاله ويسعده  ونامت قليلا ...حلمت دنيا بان اكمل يقف يكلمها وهو بنفس الملابس التى راتها وهو فى المستشفى  يقف يقول لها :
اول مرة احقق فى عينيكى الحلوة دى . دى اول مرة اشوف عينين حلوة كدة ربنا يقربنى منها وما يبعدنيش عنها وفجأة فتحت دنيا عينيها وتذكرت الحادث وضعت يدها على صدرها واستعاذت بالله من الشيطان الرجيم .
دنيا نست تماما هذا الكلام  الذى قاله اكمل وهو يغيب عن الوعى  وقالت ::
يمكن كان قاصد حاجة تانية غير اللى فى بالك يادنيا ماتتحمسيش قوى اكمل خاطب واحدة وهيجوزها .

فى منزل اكمل  .

اكمل كان فى غرفته  ابتسم وقال :
يارب تشوف البوست وتفهم انى باعته ليها مخصوص . بجد وحشتنى قوى وحشنى صوتها و كلامها كل حاجة فيها وحشتنى قاطعه .
خبطت على الباب سوزى ودخلت .
اكمل تضايق من وجودها لكن تذكر كلام امه عليه ان ينتظر  .
سوزى ابتسمت : اكمل بابا تحت وعايز يطمن عليك لسه راجع من شرم .
اكمل بهدوء :
خليه يتفضل .وبعد دقيقة دخل عبد الهادى ومعه صبرى وكوثر وثريا .
عبد الهادى : الف سلامة عليك يااكمل .
اكمل رد :
الله يسلمك ياعمى اتفضل .
ثريا : معلش يااكمل ياحبيبى  عبدالهادى كان مسافر بيتابع القرية والعمال هناك .
صبرى :معلش ياعبده الشغل كله عليك لوحدك .
عبده  بمكر شديد وخبث : 
ولا يهمك ياصبرى احنا اخوات من قبل الشراكة . وكان فى قرارة نفسه لا يريد صبرى ان يذهب لهذه القرية السياحية ابدا حتى لا ينتبه لما يفعله هناك .
كوثر : انتوا تتغدوا معانا انهاردة .
ثريا : معلش ياكوثر مرة تانية .
صبرى  باصرار  : مش هتمشوا الا لما نتغدى مع بعض .
سوزى فرحت عايزة تقعد اكول فترة ممكنة مع اكمل خصوصا انه بدأ يعاملها كويس:
خلاص ياماما اونكل صبرى هيزعل .
ثريا  بخبث ترمى كلام حتى يسمعها الجميع خصوصا اكمل :
كان ورايا كام مشوار انتى ناسية ان فرحك قرب لازم تتجهزى احلى جهاز ..كانت ترمى كلام قدام الكل عشان مايفكروش يأجلوا الفرح .
اكمل اتضايق جدا ونظر لولدته .غمزت له امه ان يهدأ ..
كوثر :
اتغدى الاول وبعدين ابقى روحى مشوارك وتركتهم ونزلت المطبخ  وطلبت من السيدة امال مديرة البيت تعمل حسابهم فى الغدا ..ودعت ربنا ،،،،ان شاءالله يكون اخر غدا هنا ..
وصعدت للاعلى لغرفة اكمل .

ثريا بخبث :
طب مانستفيد من الوقت والاولاد يختاروا اوضة نومهم ياثريا  والدريسنج روم .
كزثر ابتسمت ونظرت لاكمل :
طبعا لازم عروسة ابنى وحبيبته هى اللى تختار اوضتها بنفسها ونظرت له وابتسمت نظر اكمل لها وفهمها وابتسم ..
سوزى فرحت كثيرا :
انا هاختار اوضة مودرن تناسب الأوضة كتير صح يااكمل !
اكمل اومأ برأسه ..
امال : الغدا جاهز ياكوثر هانم .
عبده وقف وثريا وصبرى ..وكوثر ..
سوزى بحماس :
انا هاتغدى هنا مع اكمل .